ເຈົ້່າ​ໜ້າທີ່​ ປກສ​ ແຂວງອັດຕະປື​ ຈັບເປົ້າໝາຍຄ້າຂາຍຢາເສບຕິດ 4 ຄົນ ພ້ອມຂອງກາງ ຢາໄອສ໌ 43 ກິໂລກຣາມ

- 133608999 3590242291070154 2037467048839690521 n - ເຈົ້່າ​ໜ້າທີ່​ ປກສ​ ແຂວງອັດຕະປື​ ຈັບເປົ້າໝາຍຄ້າຂາຍຢາເສບຕິດ 4 ຄົນ ພ້ອມຂອງກາງ ຢາໄອສ໌ 43 ກິໂລກຣາມ
- Untitled design - ເຈົ້່າ​ໜ້າທີ່​ ປກສ​ ແຂວງອັດຕະປື​ ຈັບເປົ້າໝາຍຄ້າຂາຍຢາເສບຕິດ 4 ຄົນ ພ້ອມຂອງກາງ ຢາໄອສ໌ 43 ກິໂລກຣາມ
ເຈົ້າໜ້າທີ່ຕຳຫຼວດ ພະແນກສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງອັດຕະປື  ໃຫ້ຮູ້ວ່າ: ເມື່ອຕອນບ່າຍວັນທີ 28 ທັນວາ 2020 ໄດ້ນຳຕົວຜູ້ຖືກຫາ ຈຳນວນ 4 ຄົນ, ຍິງ 2 ຄົນ ມາດຳເນີນການກວດຄົ້ນລົດ ໂຕໂຢຕາ ປຣາໂດ ປ້າຍທະບຽນ ຈໍາປາສັກ ກຄ 2928 ທີ່ພວກກ່ຽວໄດ້ນຳໃຊ້ ເຂົ້າໃນການລັກລອບຂົນສົ່ງ-ຄ້າຂາຍຢາເສບຕິດ. ຜ່ານການກວດຄົ້ນພົບວ່າ: ພວກກ່ຽວໄດ້ຊຸກເຊື່່ອງຢາເສບຕິດ ປະເພດຢາໄອສ໌ ຈຳນວນ 25 ຫໍ່ ນ້ຳໜັກ 43 ກິໂລກຼາມ ແລະ ຜົງຂາວເຮໂຣອິນ 1 ຖົງ ນ້ຳໜັກ 1 ກິໂລກຣາມ ໄວ້ຢູ່ບໍລິເວນຖັງນ້ຳມັນຂອງລົດຄັນດັ່ງກ່າວ.
ເປົ້າໝາຍດັ່ງກ່າວນີ້ແມ່ນຖືກຕິດຕາມມາແຕ່ວັນທີ 24 ທັນວາ 2020 ທີ່ຜ່ານມາ ຜູ້ຖືກຈັບມີລາຍລະອຽດຄື: ທ້າວ ສົມວິດ ອາຍຸ 45 ປີ ປະຊາຊົນບ້ານອີ່ໄລໃຕ້ ເມືອງນາຍຊາຍທອງ ນະຄອນຫຼວງວຽງຈັນ, ທ້າວ ຂັນທອງ ອາຍຸ 24 ປີ ປະຊາຊົນບ້ານຂັນໝາກ ເມືອງວັງວຽງ ແຂວງວຽງຈັນ, ນາງ ແກ້ວວິໄລ ອາຍຸ 30 ປີ ປະຊາຊົນບ້ານໂພນໄຊ ນະຄອນປາກເຊ ແຂວງຈຳປາສັກ ແລະ ນາງ ແປັບຊີ ອາຍຸ 24 ປີ ປະຊາຊົນບ້ານນໍ້າພ້າວ ເມືອງວັງວຽງ ແຂວງວຽງຈັນ ພ້ອມຂອງກາງຢາໄອສ໌ ຈຳນວນ 25 ຫໍ່ ນ້ຳໜັກ 43 ກິໂລກຣາມ, ຜົງຂາວເຮໂຣອິນ 1 ຖົງ ນ້ຳໜັກ 1 ກິໂລກຣາມ, ໂທລະສັບ 5 ເຄື່ອງ, ເງິນກີບ 4 ລ້ານກວ່າກີບ, ເງິນບາດ 6.300 ບາດ, ເງິນໂດລາ 7.000 ໂດລາ ແລະ ລົດໃຫຍ່ 1 ຄັນ.
ຜ່ານການສືບສວນ – ສອບສວນຂັ້ນເບື້ອງຕົ້ນຂອງເຈົ້າໜ້າທີ່ຕໍາຫຼວດ ພວກກ່ຽວໃຫ້ການສາລະພາບວ່າ: ຢາເສບຕິດຈໍານວນດັ່ງກ່າວ ແມ່ນຢາເສບຕິດຂອງພວກກ່ຽວແທ້ ເຊິ່ງໄດ້ຕິດຕໍ່ພົວພັນຫາ ທ້າວ ບຸນ (ຄົນນະຄອນຫຼວງວຽງຈັນ) ກ່ຽວກັບການຂົນສົ່ງຢາເສບຕິດ ໃຫ້ເຖົ້າແກ່ຄົນກໍາປູເຈຍ ຢູ່ເຂດດ່ານເຊປຽນ. ພາຍຫຼັງໄດ້ລົງມາເບິ່ງເສັ້ນທາງຂົນສົ່ງຢາເສບຕິດ ແລະ ພົບປະກັບທີມງານຂົນສົ່ງເມືອກໍາປູເຈຍແລ້ວ ກໍໄດ້ພາກັນລົງມາເມືອງສະໜາມໄຊ ແຂວງອັດຕະປື ເພື່ອຂົນສົ່ງຢາເສບຕິດດັ່ງກ່າວ ໃນວັນທີ 24 ທັນວາ 2020 ຈຶ່ງຖືກເຈົ້າໜ້າທີ່ທະຫານຊາຍແດນ ແລະ ປກສ ກຸ່ມບ້ານ ເຂົ້າມາກັກຕົວທັງ 4 ຄົນ ພ້ອມຂອງກາງຈໍານວນດັ່ງກ່າວ.ເຈົ້າໜ້າທີ່ຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງອັດຕະປື ໃຫ້ຮູ້ຕື່ມອີກວ່າ: ປັດຈຸບັນ, ຄະດີດັ່ງກ່າວ ພວມຢູ່ໃນຂັ້ນຕອນດໍາເນີນການສືບສວນ-ສອບສວນ ເພື່ອຂະຫຍາຍຜົນຫາຜູ້ຮ່ວມຂະບວນການກະທໍາຜິດ ມາດໍາເນີນຄະດີຕາມລະບຽບກົດໝາຍ.
- Wave100S AD to Website 2020 0 - ເຈົ້່າ​ໜ້າທີ່​ ປກສ​ ແຂວງອັດຕະປື​ ຈັບເປົ້າໝາຍຄ້າຂາຍຢາເສບຕິດ 4 ຄົນ ພ້ອມຂອງກາງ ຢາໄອສ໌ 43 ກິໂລກຣາມ
- WhatsApp Image 2020 05 27 at 5 - ເຈົ້່າ​ໜ້າທີ່​ ປກສ​ ແຂວງອັດຕະປື​ ຈັບເປົ້າໝາຍຄ້າຂາຍຢາເສບຕິດ 4 ຄົນ ພ້ອມຂອງກາງ ຢາໄອສ໌ 43 ກິໂລກຣາມ
- WhatsApp Image 2020 05 27 at 5 - ເຈົ້່າ​ໜ້າທີ່​ ປກສ​ ແຂວງອັດຕະປື​ ຈັບເປົ້າໝາຍຄ້າຂາຍຢາເສບຕິດ 4 ຄົນ ພ້ອມຂອງກາງ ຢາໄອສ໌ 43 ກິໂລກຣາມ
error: Alert: ເນື້ອຫາຂ່າວມີລິຂະສິດ !!