ລັດຖະບານ ສ.ເກົາຫລີ ສັ່ງວັກຊີນເພີ່ມສຳລັບປະຊາກອນ 20 ລ້ານຄົນ ຫລັງຖືກວິຈານວ່າເຮັດວຽກຊັກຊ້າ

- PYH2020122912270001300 P2 - ລັດຖະບານ ສ.ເກົາຫລີ ສັ່ງວັກຊີນເພີ່ມສຳລັບປະຊາກອນ 20 ລ້ານຄົນ ຫລັງຖືກວິຈານວ່າເຮັດວຽກຊັກຊ້າ
- Untitled design - ລັດຖະບານ ສ.ເກົາຫລີ ສັ່ງວັກຊີນເພີ່ມສຳລັບປະຊາກອນ 20 ລ້ານຄົນ ຫລັງຖືກວິຈານວ່າເຮັດວຽກຊັກຊ້າ

Moderna ​ເຊັນຂໍ້​ຕົກລົງ​ກັບ ສ.​ເກົາຫລີ ​ໃນ​ການ​ສົ່ງ​ມອບວັກ​ຊີ​ນ​ເພີ່ມ​ຂຶ້ນ ລວມ​ເລື່ອນ​ເວລາ​ໃຫ້​ໄວຂຶ້ນຈາກ​ທີ່​ກຳນົດ​ໄວ້​ໃນ​ໄຕ​ມາດ 3 ປີໜ້າ.

ສຳນັກ​ຂ່າວ Yonhap ລາຍ​ງານ​ວ່າ: ລັດຖະບານ ສ.​ເກົາຫລີ ​ໄດ້​ເຊັນ​ຂໍ້​ຕົກລົງ​ກັບ Moderna ຜູ້​ພັດທະນາ​ວັກ​ຊີ​ນຂອງ​ອາ​ເມ​ລິ​ກາ ​ໃນ​ການ​ສັ່ງ​ຈອງ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ​ເພີ່ມ​ຕື່ມ ສໍາລັບ​ສັກ​ໃຫ້​ປະຊາກອນ 20 ລ້ານ​ຄົນ ຈາກ​ການ​ເປີດ​ເຜີຍ​ໂດຍ​ທຳນຽບປະທານາທິບໍດີ.

ຂໍ້​ຕົກລົງ​ນີ້​ເກີດ​ຂຶ້ນຫລັງ​ຈາກ​ປະທານາທິບໍດີ ມຸນ ​ແຈ ອິນ ປະຊຸມ​ທາງ​ໄກ​ຜ່ານ​ລະບົບ​ວິ​ດີ​ໂອ​ຄອນ​ເຟີ​ເຣນກັບ​ທ່ານ ສະ​ເຕຟານ ​ແບນ​ເຊິ​ລ CEO ຂອງ Moderna ​ໃນ​ວັນ​ທີ 28 ທັນວາ.

ຕາມ​ລາຍ​ງານ​ລະບຸ​ວ່າ: ສ.​ເກົາ​ຫີ ຈະ​ໄດ້​ຮັບ​ວັກ​ຊີ​ນ​ເພີ່ມ​ຂຶ້ນ​ເປັນ 2 ​ເທົ່າ​ຈາກ​ຂໍ້​ຕົກລົງ​ເກົ່າ ​ແລະ ຈະ​ໄດ້​ຮັບ​ວັກ​ຊີ​ນ​ໄວ​ຂຶ້ນ ຈາກ​ທີ່ Moderna ຈະ​ສົ່ງ​ໃຫ້​ໃນ​ໄຕ​ມາດ​ທີ 3 ຂອງ​ປີ 2021 ຈະ​ຫຍັບ​ມາ​ເປັນ​ໄຕ​ມາດ​ທີ 2 ຂອງ​ປີ​ແທນ.

ຫລັງ​ຈາກ​ເຊັນ​ສັນຍາ​ຢ່າງ​ເປັນ​ທາງ​ການ ຈະ​ເຮັດ​ໃຫ້​ ສ.​ເກົາຫລີ ມີ​ຍອດ​ສັ່ງ​ຈອງ​ວັກ​ຊີ​ນທີ່​ສາມາດ​ສັກ​ໃຫ້​ປະຊາກອນ​ທັງ​ໝົດ 56 ລ້ານ​ຄົນ ​ເຊິ່ງ​​ເປັນ​ຈຳນວນ​ສູງ​ກວ່າ​ປະຊາກອນ​ຂອງ ສ.​ເກົາຫລີ ທີ່​ປັດຈຸບັນ​ມີ​ປະມານ 51 ລ້ານ​ຄົນ.

- Wave100S AD to Website 2020 0 - ລັດຖະບານ ສ.ເກົາຫລີ ສັ່ງວັກຊີນເພີ່ມສຳລັບປະຊາກອນ 20 ລ້ານຄົນ ຫລັງຖືກວິຈານວ່າເຮັດວຽກຊັກຊ້າ

ປັດຈຸບັນ​ຜູ້​ທີ່​ໄດ້​ຮັບ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ຢູ່ ສ.​ເກົາຫລີ ມີ​ພຽງ​ທະຫານ​ອາ​ເມ​ລິ​ກາ ທີ່​ປະຈຳ​ຢູ່ ສ.​ເກົາຫລີ ​ເທົ່າ​ນັ້ນ. ຂະນະ​ທີ່​ຊາວ ສ.​ເກົາຫລີ ​ເອງ​ຕ່າງ​ອອກ​ມາ​ວິຈານ​ລັດຖະບານ​ເຖິງ​ແຜນ​ງານ​ທີ່​ຊັກ​ຊ້າ ​ໂດຍ​ພວກ​ເຂົາ​ຕ້ອງການ​ໃຫ້​ລັດຖະບານ​ເລີ່​ມກະຈາຍ​ວັກ​ຊີ​ນ​ໃຫ້​ປະຊາຊົນ​ໃນ​ໄຕ​ມາດ​ທີ 1 ຂອງ​ປີໜ້າ.

ນອກຈາກ​ສຽງ​ວິຈານ​ຂອງ​ປະຊາຊົນ​​ແລ້ວ, ການກວດ​ພົບ​ໄວຣັສກາຍພັນ​ຊະນິດ​ດຽວ​ກັບ​ທີ່​ລະບາດ​ຢູ່​ອັງກິດ ອາດ​ເປັນສາ​ເຫດ​ໜຶ່ງ​ທີ່​ເຮັດ​ໃຫ້​ລັດຖະບານ ສ.​ເກົາຫລີ ​ເລັ່ງມື​ໃນ​ການຈັດ​ຫາ​ວັກ​ຊີ​ນ​ເພື່ອ​ຮັບ​ມື​​ໂຄ​ວິດ-19 ​ໃຫ້​ໄດ້​ທ່ວງທັນ.

- WhatsApp Image 2020 05 27 at 5 - ລັດຖະບານ ສ.ເກົາຫລີ ສັ່ງວັກຊີນເພີ່ມສຳລັບປະຊາກອນ 20 ລ້ານຄົນ ຫລັງຖືກວິຈານວ່າເຮັດວຽກຊັກຊ້າ
- WhatsApp Image 2020 05 27 at 5 - ລັດຖະບານ ສ.ເກົາຫລີ ສັ່ງວັກຊີນເພີ່ມສຳລັບປະຊາກອນ 20 ລ້ານຄົນ ຫລັງຖືກວິຈານວ່າເຮັດວຽກຊັກຊ້າ
error: Alert: ເນື້ອຫາຂ່າວມີລິຂະສິດ !!