ໃຜຈະເປັນຜູ້ປ່ຽນແທນ ຕຳແໜ່ງ ປະທານາທິບໍດີ ຂອງ ປູຕິນ ຄົນຕໍ່ໄປ?

ເຖິງຂະນະນີ້ ເຖິງແມ່ນຍັງບໍ່ທັນມີແນວຄິດຈະລາອອກຈາກວົງການການເມືອງກໍຕາມ ແຕ່ກໍເກີດມີຫາງສຽງວິພາກວິຈານຢ່າງໜາຫູວ່າ ທ່ານປູຕິນ ອາດຈະລາອອກຈາກຕຳແໜ່ງ ໃນໄວອາຍຸ 68 ປີ.

ທ່ານ Vladimir Zhirinovsky ຜູ້ນຳພັກເສລີປະຊາທິປັດ ໄດ້ຄາດເດົາລາຍຊື່ຜູ້ຈະປ່ຽນແທນ ປູຕິນໄດ້ມີຢູ່ 8 ຄົນ:
1. ນາຍົກລັດຖະມົນຕີຄົນປັດຈຸບັນ Mikhail Mishustin ຊຶ່ງເປັນຜູ້ໄດ້ຮັບຄວາມໄວ້ວາງໃຈຫຼາຍທີ່ສຸດ ທັດຈາກ ປູຕິນ.
2. ລັດຖະມົນຕີກະຊວງປ້ອງກັນປະເທດຄົນປັດຈຸບັນ ທ່ານ Sergey Shoigu ຊຶ່ງເປັນໜຶ່ງໃນຫ້າຄົນ ທີ່ໄດ້ຮັບຄວາມນິຍົມທີ່ສຸດໃນປີ 2020. 3. ທ່ານ Sergey Naryshkin – ຫົວໜ້າອົງການນັກສືບລັບຕ່າງປະເທດຂອງລັດເຊຍ.
4. ປະທານສະພາແຫ່ງຊາດຂອງລັດເຊຍ ກໍແມ່ນອີກຄົນໜຶ່ງນອນຢູ່ໃນບັນຊີເປັນຜູ້ປ່ຽນແທນ ປູຕິນ ຂອງ Vladimir Zhirinovsky.
5. ເຈົ້າຄອງນະຄອນ ມົສໂກ ກໍຖືກຕີລາຄາສູງເຊັ່ນດຽວກັນ ຖືກຕີລາຄາວ່າ ເປັນຜູ້ປ່ຽນແປງໂສມໜ້າໃໝ່ຂອງນະຄອນຫຼວງ ມົສໂກ ຕະຫຼອດໄລຍະ 10 ປີທີ່ຜ່ານມາ.
6. ຜູ້ໜຸ່ມນ້ອຍທີ່ສຸດ ອາຍຸ 48 ປີ ທີ່ທ່ານ Vladimir Zhirinovsky ຕີລາຄາສູງວ່າ ຈະກາຍເປັນປະທານາທິບໍດີລັດເຊຍໃນອະນາຄົດຄືທ່ານ Alexey Dyumin.
7. ມີພຽງຜູ້ຍິງຄົນດຽວທີ່ ທ່ານ Vladimir Zhirinovsky ຕີລາຄາວ່າ ຈະເປັນປະທານາທິບໍດີໄດ້ ຄືທ່ານນາງ Valentina Matviyenko ປະທານສະພາສູງ ພາຍຫຼັງເປັນເຈົ້າຄອງນະຄອນ Petersburg ເປັນເວລາ 8 ປີທີ່ຜ່ານມາ.
8. ຜູ້ສຸດທ້າຍກໍຄືທ່ານ Dmitry Medvedev ຊຶ່ງຖືໄດ້ວ່າເປັນແຂນຂວາ ຂອງປະທານາທິບໍດີ ປູຕິນ ປັດຈຸບັນເປັນຮອງປະທານສະພາຄວາມໝັ້ນຄົງຂອງລັດເຊຍ.