10 ຢ່າງທີ່ COVID-19 ໄດ້ປ່ຽນລະບົບເສດຖະກິດໂລກໄປຕະຫລອດການ

- Outlook Q2 2020 5 - 10 ຢ່າງທີ່ COVID-19 ໄດ້ປ່ຽນລະບົບເສດຖະກິດໂລກໄປຕະຫລອດການ
- Untitled design - 10 ຢ່າງທີ່ COVID-19 ໄດ້ປ່ຽນລະບົບເສດຖະກິດໂລກໄປຕະຫລອດການ

ຜົນ​ກະທົບ​ທາງ​ເສດຖະກິດ​​ເຊັ່ນ: ການ​ແຜ່​ລະບາດ​ຂອງ COVID-19 ​ໃນ​ປີ 2020 ນີ້ ຖື​ເປັນ​ເຫດການ​ທີ່​ຫາ​ໄດ້​ຍາກ ​ແລະ ​ເກີດ​ຂຶ້ນພຽງ​ຄັ້ງດຽວ​ໃນ​ທຸກໆ 2-3 ຊົ່ວ​ອາຍຸ​ຄົນ, ​ແຕ່​ຈະ​ເປັນ​ເຫດການ​ທີ່​ກໍ່​ໃຫ້​ເກີດ “ການ​ປ່ຽນ​ແປງ​ຢ່າງ​ຖາວອນ ​ແລະ ກວ້າງຂວາງ”.

​ເມື່ອ​ວັດ​ແທກ​ຈາກ​ຜົນ​ຜະລິດ​ໃນ​ປັດຈຸບັນ, ​ເສດຖະກິດ​ໂລກ​ກຳລັງ​ຢູ່​ລະຫວ່າງ​ການ​ຟື້ນຕົວ​ຈາກ​ການ​ຕົກ​ຕໍ່າ​​ແບບ 7,7 ພັນ​ລ້ານ​ຄົນ​ເກືອບ​ຈະ​ບໍ່​ເຄີຍ​​ເຫັນ​ມາ​ກ່ອນ​ໃນ​ຊ່ວງ​ຊີວິດ​ຂອງ​ພວກ​ເຂົາ ​ແລະ ​ເຖິງ​ວ່າ​ວັກ​ຊີ​ນຈະ​ເປັນ​ປັດ​ໄຈ​ເລັ່ງການ​ຟື້ນຕົວ​ໃນ​ປີ 2021, ​ແຕ່ຜົນ​ກະທົບ​ໃນ​ແງ່​ອື່ນໆ​ຂອງ COVID-19 ຈະ​ກາຍ​ເປັນ​ຕົວ​ກຳນົດ​ທິດ​ທາງ​ການ​ເຕີບ​ໃຫຍ່​ທົ່ວ​ໂລກ​ໃນ​ອີກ​ຫລາຍ​ປີ​ຕໍ່ໜ້າ.

ບາງ​ຄົນ​ອາດ​ເລີ່​ມ​ແນມ​ເຫັນ​ເລື່ອງ​ນີ້​ແລ້ວ ວ່າ​ຈະ​ມີ​ການ​ເຂົ້າຄອບ​ຄອງ​ໂຮງງານ ​ແລະ ວຽກ​ບໍລິການ​ຂອງ​ຫຸ່ນຍົນ ​ແລະ ​ເຕັກ​ໂນ​ໂລ​ຊີ A.I ​ເຊິ່ງຈະ​ກ້າວໜ້າ​ຂຶ້ນຢ່າງ​ວ່ອງ​ໄວ. ຂະນະ​ທີ່ ພະນັກງານ​ລະດັບ​ມື​ອາຊີບ/ພະນັກງານ​ລະດັບ​ສູງ ຕ້ອງ​ເຮັດ​ວຽກ​ຢູ່​ເຮືອນ​ເພີ່ມ​ຂຶ້ນ ​ແລະ ​ແນ່ນອນ​ວ່າ: “ຈະ​ມີ​ຄວາມ​ບໍ່​ເທົ່າ​ທຽມ​ຫລາຍ​ຂຶ້ນ” ທັງ​ພາຍ​ໃນ ​ແລະ ສາກົນ “ລັດຖະບານ​ຈະ​ມີ​ບົດບາດ​ຫລາຍ​ຂຶ້ນ​ໃນ​ຊີວິດ​ຂອງ​ປະຊາຊົນ”. ຂະນະ​ທີ່​ການ​ໃຊ້​ຈ່າຍ ​ແລະ ການ​ເປັນ​ໜີ້​ເງິນ​ຈະ​ເພີ່ມ​ຂຶ້ນ​ເຊັ່ນ​ກັນ.

ສິ່ງ​ຕໍ່​ໄປ​ນີ້​ຄືພາບ​ລວມຂອງ​ການ​ປ່ຽນ​ແປງ​ບາງ​ຢ່າງ​ທີ່​ກຳລັງ​ເກີດ​ຂຶ້ນຕໍ່​ໂລກ​ພວກ​ເຮົາ.

 

  1. ການ​ປ່ຽນ​ແປງ​ຂອງ​ພາກ​ລັດ/ການ​ຫລຸດ​ລົງ​ຂອງ​ການ​ເປັນ​ຕະຫລາດ​ເສລີ

ລັດຖະບານ​ທົ່ວ​ໂລກ​ຈະ​ເຂົ້າມາ​ມີ​ບົດບາດ​ທາງ​ສັງຄົມຫລາຍ​ຂຶ້ນຕໍ່​ວິຖີ​ຊີວິດ​ຂອງ​ຄົນ ​ແລະ ກາຍ​ເປັນ​ເລື່ອງ​ປົກກະຕິທີ່​ເຈົ້າໜ້າ​ທີ່​ຂອງ​ລັດ​ຈະ​ຕິດຕາມ​ວ່າ​ຜູ້​ຄົນ​ໄປ​ບ່ອນ​ໃດ ​ແລະ ພົວພັນ​ໃຜ​ແດ່ ລວມທັງ​ການ​ຈ່າຍ​ຄ່າ​ຈ້າງ ຖ້າ​ນາ​ຍຈ້າງ​ບໍ່​ສາມາດ​ຈັດການ​ໄດ້ ​ໂດຍ​ພຽງ​ແຕ່​ໃນ​ປະ​ເທດ​ທີ່​ມີ​ແນວ​ຄິດ​ຂອງ​ການ​ຕະຫລາດ​ແບບ​ເສລີ​ຄອງ​ແຜ່ນດິນ​ມາ​ດົນ​ຫລາຍ​ທົດ​ສະ​ວັດ ຍັງ​ຕ້ອງ​ມີ​ການ​ຕິດຕັ້ງ​ໂຄງ​ຂ່າຍ​ຄວາມ​ປອດ​ໄພ​ທາງ​ເສດຖະກິດ​ໃໝ່ ​ເຊິ່ງ​ແນ່​ນອນ​ວ່າ ລັດຖະບານ​ຈະ​ມີ​ອຳນາດ​ຄວບ​ຄຸມ​ເສດຖະກິດ​​ເພີ່ມ​ຂຶ້ນ.

​ເຖິງ​ຢ່າງ​ໃດ​ກໍ​ຕາມ, ການ​ທີ່​ລັດ​ມີ​ອຳນາດ​ເພີ່ມ​ຂຶ້ນນີ້ ​ໃນ​ຂະນະ​ດຽວ​ກັນ​ກໍ​ໝາຍ​ເຖິງ​ພາລະ​ທີ່​ເພີ່ມ​ຂຶ້ນນຳ​ອີກ ​ໂດຍ​ສະ​ເພາະ​ຄ່າ​ໃຊ້​ຈ່າຍ ​ແລະ ການ​ຂາດ​ດຸນ​ທີ່​ຄາດ​ວ່າ​ຈະ​ຍັງ​ດຳ​ເນີນ​ຕໍ່​ໄປ​ອີກ​ໄລຍະ​ໜຶ່ງ​ເປັນ​ຢ່າງ​ໜ້ອຍ.

ລາຄາ​ທີ່​ຕ້ອງ​ຈ່າຍ​ສຳລັບ​ການ​ແຊກ​​ແຊງ​ເຫລົ່າ​ນີ້ ​ເຮັດ​ໃຫ້​ລັດຖະບານ​ທົ່ວ​ໂລກ​ເກີດ​ການ​ຂາດ​ດຸນ​ງົບປະມານ​ເພີ່ມ​ຂຶ້ນ​ເຖິງ 11 ຕື້​ໂດ​ລາ​ໃນ​ປີ​ນີ້ ​ເຖິງ​ວ່າ​ຈະ​ມີ​ການ​ຖົກ​ຖຽງ​ກັນຢູ່​ແລ້ວ​ວ່າ ການ​ໃຊ້​ຈ່າຍ​ດັ່ງກ່າວ​ຈະ​ສາມາດ​ດຳ​ເນີນ​ຕໍ່​ໄປ​​ໄດ້​ດົນ​ພຽງ​ໃດ ​ແລະ ​ເມື່​ອ​ໃດ​ທີ່​ຜູ້​ເສຍ​ພາສີ​ຈະ​ຕ້ອງ​ເລີ່​ມຊຳລະ​ໜີ້​ຂອງ​ພວກ​ເຂົາ ? ຢ່າງ​ໜ້ອຍ​ທີ່​ສຸດ​ໃນ​ປະ​ເທດ​ທີ່​ພັດທະນາ​ແລ້ວ ອັດຕາ​ດອກ​ເບ້ຍ​ທີ່​ຕໍ່າ ​ແລະ ຕະຫລາດ​ການ​ເງິນ​ທີ່​ບໍ່​ປ່ຽນ​ແປງ​ບໍ່​ໄດ້​ຊີ້​ໃຫ້​ເຫັນ​ເຖິງ​ວິ​ກິດ​ໃນ​ໄລຍະ​ໃກ້.

 

  1. ການ​ເງິນ​ຈະ​ເປັນ​ເລື່ອງ​ງ່າຍ​ຂຶ້ນ

ທະນາຄານ​ກາງ​ໄດ້​ໃຊ້​ອຳນາດ​ທາງ​ການ​ເງິນ​ຂອງ​ພວກ​ເຂົາ ​ເພື່ອ​ພິມ​ເງິນ​ຈຳນວນ​ມະຫາສານ​ຍິ່ງ​ກວ່າ​​ໃນ​ປີ 2008 ​ເຂົ້າສູ່​ລະບົບ​ເສດຖະກິດ​ໂລກ ​ແລະ ຫລຸດ​ອັດຕາ​ດອກ​ເບ້ຍ​ລົງ​ສູ່​ລະດັບ​ຕໍ່າ​ສຸດ​ເປັນ​ປະຫວັດສາດ ​ແລະ ປັດຈຸບັນ​ພວກ​ເຂົາ​ຍັງ​ໃຫ້​ຄຳ​ໝັ້ນວ່າ: ຈະ​ໃຊ້​ທຸກ​ເຄື່ອງມືທີ່​ຈຳ​ເປັນ ​ເພື່ອ​ຮັກສາ​ເສດຖະກິດ​ເອົາ​ໄວ້ ​ເຊິ່ງລວມທັງ​ການ​ຊື້ໜີ້​ຂອງ​ອົງ​ກອນ​ເອກະ​ຊົນ ​ແລະ ລັດຖະບານ.

ການ​ແຊກ​​ແຊງ​ທາງ​ການ​ເງິນ​ທັງ​ໝົດ​ນີ້ ​ໄດ້​ສ້າງ​ເງື່ອນ​ໄຂ​ທາງ​ການ​ເງິນ​ທີ່​ຜ່ອນຄາຍ​ທີ່​ສຸດ​ໃນ​ປະຫວັດສາດ​ໂລກ​ຄັ້ງໜຶ່ງ ​ແລະ ​ເຮັດ​ໃຫ້​ເກີດ​ການ​ລົງທຶນ​ແບບ​ເກັງ​ກຳ​ໄລ​ຈຳນວນ​ຫລາຍ ​ເຊິ່ງ​ເຮັດ​​ໃຫ້​ນັກ​ວິ​ເຄາະ​ຈຳນວນ​ຫລາຍ​ກັງວົນ​ກ່ຽວ​ກັບ “ອັດ​ຕະລາຍ​ທາງ​ສິນລະ​ທຳ” ທີ່ຢູ່​ຕໍ່ໜ້າ, ​ແຕ່​ນະ​ໂຍບາຍ​ຂອງ​ທະນາຄານ​ກາງ​ນັ້ນ ຍາກ​ທີ່​ຈະ​ຢ້ອນ​ກັບ​ໄປ​ແລ້ວ ​ໂດຍ​ສະ​ເພາະ​ຖ້າ​ຕະຫລາດ​ແຮງ​ງານ​ຍັງ​ບອບ​ບາງ​ແບບ​ນີ້ ​ແລະ ບໍລິສັດ​ຕ່າງໆ​ຍັງ​ດຳ​ເນີນ​ກິດຈະການ​ດ້ວຍ​ຄວາມ​ປະຢັດ.

 

  1. ວິ​ກິດ​ໜີ້

ລັດຖະບານ​ໄດ້​ສະ​ເໜີ​ການ​ປ່ອຍ​ສິນ​ເຊື່ອ ຫລື Credit ຈຳນວນ​ຫລາຍ ​ເຊິ່ງຖື​ເປັນການ​ຕໍ່​ຊີວິດ​ທຸລະ​ກິດ​ຈຳນວນ​ຫລາຍ​ທ່າມກາງ​ການລະບາດ​ຂອງ COVID-19 ​ແລະ ທຸລະ​ກິດ​ເຫລົ່ານັ້ນຈຳ​ເປັນ​ຕ້ອງ​ຄວ້າ​ມັນ​ໄວ້ ​ເຊິ່ງ​ເປັນສາ​ເຫດ​ໜຶ່ງ​ທີ່​ເຮັດ​ໃຫ້​ເກີດ​ການ​ເພີ່ມ​ຂຶ້ນຂອງ​ລະດັບ​ໜີ້​ຂອງ​ອົງ​ກອນ​ທົ່ວ​ໂລກ ​ກະ​ທັງ​ປະ​ເທດ​ທີ່​ພັດທະນາ​ແລ້ວ ​ໂດຍ​ທະນາຄານ​ເພື່ອ​ການ​ຊຳລະ​ໜີ້​ສາກົນ (Bank for International Settlements) ຄິດ​ໄລ່​ວ່າ ບໍລິສັດ​ທີ່​ບໍ່​ແມ່ນ​ສະ​ຖາ​ບັນ​ການ​ເງິນ ມີ​ການ​ກູ້​ຢືມ​ເງິນ​ສຸດທິ​ເຖິງ 3,36 ຕື້​ໂດ​ລາ ​ໃນ​ໄລຍະ​ເຄິ່ງທຳ​ອິດ​ຂອງ​ປີ 2020.

​ແຕ່​ກົງກັນຂ້າມ ລາຍ​ໄດ້​ຂອງ​ບໍລິສັດ​ເຫລົ່ານັ້ນຫລຸດ​ລົງ​ຢ່າງ​ວ່ອງ​ໄວ​ໃນ​ຫລາຍ​ອຸດສາຫະກຳ ​ເນື່ອງ​ຈາກ​ການ Lockdowns ​ແລະ ຄວາມ​ກັງວົນ​ຂອງ​ຜູ້​ບໍລິ​ໂພ​ກ.

 

  1. ການ​ແບ່ງ​ແຍກ ຫລື ຄວາມ​ບໍ່​ເທົ່າ​ທຽມກັນ​ໃນ​ລະດັບ​ມະຫາ​ພາກ

​ໃນ​ຂະນະ​ທີ່​ພວກ​ເຮົາ​ເຫັນ​ການ​ອອກ​ມາດ​ຕະການ​ກະ​ຕຸ້ນ​ເສດຖະກິດ​ຄັ້ງປະຫວັດສາດ​ໃນ​ກຸ່ມ​ປະ​ເທດ​ຮັ່ງມີ​ອັນ​ດັບ​ຕົ້ນໆ​ຂອງ​ໂລກ ​ແຕ່​ປະ​ເທດ​ທຸກ​ຍາກ​ກຳລັງ​ຂາດ​ຊັບ​ພະຍາກອນ​ໃນ​ການ​ປົກ​ປ້ອງວຽກ ​ແລະ ທຸລະ​ກິດ ຫລື ການ​ລົງທຶນ​ໃນ​ວັກ​ຊີ​ນ ​ເຊິ່ງ​ເປັນ​ວິທີ​ທີ່​ປະ​ເທດ​ຮັ່ງມີ​ໃຊ້​ເພື່ອ​ສະໜັບສະໜູນ​ການ​ຟື້ນຕົວ​ຂອງ​ເສດຖະກິດ ​ແລະ ພວກ​ເຂົາ​ຈະ​ຕ້ອງ​ດິ້ນຮົນ​ຕໍ່​ໄປ​ທ່າມກາງ​ຄວາມ​ສ່ຽງ​ຕໍ່​ວິ​ກິດ​ຄ່າ​ເງິນ ​ແລະ ​ເງິນ​ທຶນ​ຂອງ​ປະ​ເທດ​.

World Bank ​ເຕືອນ​ວ່າ: ການ​ແຜ່​ລະບາດ​ຈະ​ສົ່ງ​ຜົນ​ໃຫ້​ຄົນ​ຮຸ່ນ​ໃໝ່​ຈຳນວນ​ຫລາຍ​ຢູ່​ໃນ​ຄວາມທຸກ​ຍາກ ​ແລະ ຄວາມ​ວຸ້ນວາຍ​ຂອງ​ໜີ້​ສິນ. ຂະນະ​ທີ່ IMF ກ່າວ​ວ່າ: ປະ​ເທດ​ກຳລັງ​ພັດທະນາ​ຈະ​ມີ​ຄວາມ​ສ່ຽງ​ທີ່​ເສດຖະກິດ​ຈະ​ຖືກ​ຢ້ອນ​ກັບ​ໄປ​ເມື່ອ​ທົດ​ສະ​ວັດ​ຜ່ານ​ມາ.

​ເຖິງ​ວ່າ​ລັດຖະບານ​ເຈົ້າໜີ້​ໃນ​ປະ​ເທດ G-20 ​ໄດ້​ດຳ​ເນີນ​ການ​ບາງ​ຢ່າງ ​ເພື່ອ​ບັນ​ເທົາ​ຊະ​ຕາ​ກຳ​ຂອງ​ປະ​ເທດ​ທຸກ​ຍາກ, ​ແຕ່​ພວກ​ເຂົາ​ຕ້ອງ​ຄິດ​ໜັກ​ທີ່​ຈະ​ສະ​ເໜີ​ແຜນ​ບັນ​ເທົາ​ໜີ້​ເພີ່ມ​ຕື່ມ ​ເນື່ອງ​ຈາກ​ປະ​ເທດ​ທຸກ​ຍາກ​ເຫລົ່ານັ້ນຍັງ​ບໍ່​ສາມາດ​ດຶງ​ດູດ​ນັກ​ລົງທຶນ​ຕ່າງປະ​ເທດ​ເຂົ້າສູ່​ປະ​ເທດ​ໄດ້​ພຽງພໍ.

 

- Wave100S AD to Website 2020 0 - 10 ຢ່າງທີ່ COVID-19 ໄດ້ປ່ຽນລະບົບເສດຖະກິດໂລກໄປຕະຫລອດການ
  1. ການ​ຟື້ນຕົວ​ຮູບ​ຕົວ K

ວຽກ​ບໍລິການ ​ເຊິ່ງມີ​ການ​ຕິດ​ຕໍ່​ພົບ​ປະ​ກັບ​ລູກ​ຄ້າ​ຢ່າງ​ໃກ້ຊິດ​ມີ​ທ່າ​ອ່ຽງຈະ​ຫລຸດ​ລົງ ຕາບ​ໃດ​ທີ່​ໄວຣັສຍັງ​ບໍ່​ສາມາດ​ຄວບ​ຄຸມ​ໄດ້, ​ແຕ່​ຕະຫລາດ​ການ​ເງິນ ​ເຊິ່ງຄົນ​ລວຍ​ສ່ວນ​ຫລາຍ​ເປັນ​ຜູ້​ຖື​ຄອງ​ພັດ​ຟື້ນຕົວ​ໄດ້​​ໄວ​ກວ່າ​ຕະຫລາດ​ແຮງ​ງານ​ຫລາຍ ​ໂດຍ “ການ​ຟື້ນຕົວ​ຮູບ​ຕົວ K” ນັ້ນມາ​ຈາກ​ການ​ທີ່ COVID-19 ​ໄດ້​ຂະຫຍາຍ​ຊ່ອງ​ວ່າງ​ທາງ​ດ້ານ​ລາຍ​ໄດ້ ຫລື ຄວາມຮັ່ງມີ​ລະຫວ່າງ​ຄົນ​ລວຍ​ ​ແລະ ຄົນ​ທຸກ​ໃຫ້​ກວ້າງຂຶ້ນ ​ແລະ ຄວາມ​ຮັ່ງມີ​ເຫລົ່າ​ນີ້​ຍັງ​ສະ​ແດງ​ໃຫ້​ເຫັນ​ເຖິງ​ການ​ແບ່ງ​ແຍກ​ທີ່​​ແຈ້ງ​ຂຶ້ນລະຫວ່າງ​ຊົນ​ຊັ້ນ, ​ເຊື້ອຊາດ ​ແລະ ​ເພດ.

 

  1. ການ​ເພີ່ມ​ຂຶ້ນຂອງ​ຫຸ່ນ​ຍົນ

COVID-19 ​ເຮັດ​ໃຫ້​ເກີດ​ຄວາມ​ກັງວົນ​ໃໝ່ໆ​ກ່ຽວ​ກັບການ​ຕິດ​ຕໍ່​ພົວພັນ​ກັບ​ຄົນ​​ເຊັ່ນ: ການ​ຄ້າ, ການ​ຕ້ອນຮັບ ​ແລະ ໜຶ່ງ​ໃນ​ການ​ແກ້​ໄຂ​ບັນຫາ​ດີ​ທີ່​ສຸດ​ຄື​ການ​ໃຊ້​ຫຸ່ນ​ຍົນ​ແທນ​ມະນຸດ.

ການ​ວິ​ໄຈ​ຊີ້​ໃຫ້​ເຫັນ​ວ່າ: ລະບົບ​ອັດຕະ​ໂນ​ມັດ​ໄດ້​ຮັບປະ​ໂຫຍ​ດ​ເພີ່ມ​ຂຶ້ນ​ໃນ​ຊ່ວງ​ທີ່​ໂລກ​ຢູ່​ໃນ​ສະພາບ​ເສດຖະກິດ​ຫລຸດ​ຖອຍ ຫລື ​ໃນ​ສະພາບ​ທີ່​ມີ​ການລະບາດ​ໃຫຍ່ ​ໂດຍ​ປັດຈຸບັນ ບໍລິສັດ​ຕ່າງໆ​ໄດ້​ເພີ່ມ​ການ​ເຮັດ​ວຽກ ​ໂດຍ​ໃຊ້​ຫຸ່ນ​ຍົນ​ເພີ່ມ​ຂຶ້ນ ​ເຊິ່ງພວກ​ມັນ​ຖືກ​ພັດທະນາຈົນ​ສາມາດ​ກວດ​ສອບ​ແຂກ​ທີ່​ຈະ Check-in ​ເຂົ້າພັກ​ໃນ​ໂຮງ​ແຮມ​ໄດ້, ຊອຍ/ຟັກ​ຜັກ​ໃນ​ເມ​ນູອາຫານຢູ່​ຮ້ານ​ອາຫານ​ໄດ້ ຫລື ​ເກັບ​ຄ່າ​ທຳນຽມ​ຢູ່​ດ່ານ​ເກັບ​ເງິນ​ກໍ​ໃຊ້​ຫຸ່ນ​ຍົນ. ຂະນະ​ທີ່​ການ​ຊື້​ເຄື່ອງ​ກໍ​ເລີ່​ມຫັນ​ໄປ​ເຮັດ​ທາງ​ອອນ​ລາຍ​ຫລາຍ​ຂຶ້ນ.

​ແນ່​ນອນ​ວ່າ​ນະ​ວັດຕະ​ກຳ​ເຫລົ່າ​ນີ້​ຈະ​ເຮັດ​ໃຫ້​ເສດຖະກິດ​ມີ​ປະສິດທິ​ຜົນ​ຫລາຍ​ຂຶ້ນ, ​ແຕ່​ໃນ​ອີກ​ແງ່​ມຸມ​ໜຶ່ງ ໝາຍ​ຄວາມ​ວ່າ​ກວ່າ​ຜູ້​ຄົນ​ຈະ​ສາມາດ​ກັບ​ໄປ​ເຮັດ​ວຽກ​ໄດ້​ຢ່າງ​ປອດ​ໄພ, ວຽກ​ບາງ​ຢ່າງ​ຈະ​ຖືກ​ແທນ​ບ່ອນ​ດ້ວຍ​ຫຸ່ນ​ຍົນ​ຢ່າງ​ຖາວອນ​ໄປ​ແລ້ວ ​ແລະ ຍິ່ງ​ວ່າງ​ງານ​ດົນ​ເທົ່າ​ໃດ ທັກ​ສະ​ຂອງ​ພວກ​ເຂົາ​ກໍ​ຈະ​ຫລຸດ​ລົງ​ເທົ່າ​ນັ້ນ ​ເຊິ່ງ​ເປັນ​ສິ່ງ​ທີ່​ນັກ​ເສດຖະສາດ​ເອີ້​ນວ່າ: “hysteresis”.

 

  1. Work From Where (​ເຮັດ​ວຽກ​ຈາກ​ບ່ອນ​ໃດ​ກໍ​ໄດ້)

ສຳລັບ​ຄົນ​ເຮັດ​ວຽກລະດັບ​ມື​ອາຊີບທີ່​ມີ​ລາຍ​ໄດ້​ສູງ​ໃນ​ປັດຈຸບັນ ການ​ເຮັດ​ວຽກ​ຢູ່​ເຮືອນ​ກາຍ​ເປັນ​ບັນທັດຖານ​ໃໝ່​ທັນທີ ​ໂດຍ​ການ​ສຶກສາ​ອັນ​ໜຶ່ງ​ພົບ​ວ່າ: 66,67% ຫລື 2 ​ໃນ 3 ຂອງ GDP ອາ​ເມ​ລິ​ກາ ​ໃນ​ເດືອນ​ພຶດສະພາ 2020 ​ເກີດ​ຈາກ​ຄົນ​ເຮັດ​ວຽກ​ຢູ່​ເຮືອນ ​ແລະ ຫລາຍ​ບໍລິສັດ​ຍັງ​ສັ່ງ​ໃຫ້​ພະນັກງານ​ຂອງ​ພວກ​ເຂົາ​ຢູ່​ຫ່າງ​ຈາກ​ສຳນັກງານ​ໃນ​ປີ 2021. ຂະນະ​ທີ່​ບໍລິສັດ​ບາງ​ແຫ່ງ​ສົ່ງ​ສັນຍານ​ວ່າ​ພວກ​ເຂົາ​ຈະ​ສາມາດ​ເຮັດ​ວຽກ​ຢູ່​ນອກ​ຫ້ອງການ​ໄດ້​ຢ່າງ​ຖາວອນ.

ການ​ເຮັດ​ວຽກ​ຢູ່​ເຮືອນ​ສ່ວນ​ຫລາຍ​ໄດ້​ຮັບ​ການ​ພິສູດ​ແລ້ວ​ໃນ​ກຸ່ມ​ບໍລິສັດ​ເຕັກ​ໂນ​ໂລ​ຊີ ​ແລະ ​ເຮັດ​ໃຫ້​ນາຍ​ຈ້າງ ລວມທັງ​ພະນັກງານ​ມີ​ທາງ​ເລືອກ​ໃໝ່ໆ​ໃນ​ການ​ເຮັດ​ວຽກ ​ເຊິ່ງ​ແນ່​ນອນວ່າ​ເປັນ​ເລື່ອງ​ກັງວົນ​ສຳລັບ​ທຸລະ​ກິດ​ທີ່​ກ່ຽວຂ້ອງ​ກັບ “​ໂຄງ​ສ້າງ​ພື້ນຖານ ​​ແລະ ວິຖີ​ຊີວິດ​ແບບ​ເກົ່າໆ” ລວມທັງ​ການ​ຍຶດຕິດ​ແຕ່​ການ​ເຮັດ​ວຽກ​ໃນ​ສຳນັກງານ ​ເລື່ອງ​ນີ້​ຈະ​ສົ່ງ​ຜົນ​ກະທົບ​ນັບ​ແຕ່​ທຸລະ​ກິດ​ອະສັງຫາລິມະ​ຊັບທາງ​ການ​ຄ້າ​ໄປ​ຈົນ​ເຖິງ​ບໍລິສັດ​ອາຫານ ​ແລະ ການ​ຂົນ​ສົ່ງ, ​ແຕ່​ຈະ​ເປັນ​ປະ​ໂຫດ​ຍສຳລັບ​ບໍລິສັດ​ທີ່​ສ້າງ​ນະ​ວັດຕະ​ກຳ​ໃໝ່ໆ​ເຊັ່ນ: ຫຸ້ນ​ຂອງ​ບໍລິສັດ Platform ​ກອງ​ປະຊຸມ​ຜ່ານ​ວິ​ດີ​ໂອ​ຊື່ Zoom ທີ່​ເພີ່ມ​ຂຶ້ນຫລາຍ​ກວ່າ 600% ​ໃນ​ປີ​ນີ້.

 

  1. ການ​ເດີນທາງ​ລະຫວ່າງ​ປະ​ເທດ​ອາດ​ຍັງ​ຢູ່​ໃນ​ລະດັບ​ຕໍ່າ

ການທ່ອງທ່ຽວ​ທົ່ວ​ໂລກ​ຫລຸດ​ລົງ 72% ​ໃນ​ປີ​ນີ້​ຈົນຮອດ​ເດືອນ​ຕຸລາ ຕາມ​ຂໍ້​ມູນ​ຂອງ​ອົງການ​ສະຫະ​ປະຊາ​ຊາດ. ຂະນະ​ທີ່​ຜູ້​ຊ່ຽວຊານ​ຄາດ​ວ່າ: 1 ​ໃນ 4 ຂອງ​ການ​ເດີນທາງ​ເພື່ອທຸລະ​ກິດ​ອາດ​ຫາຍ​ໄປ​ຕະຫລອດ​ການ ​ເມື່ອ​ວັດທະນະທຳ​ກອງ​ປະຊຸມ​ເລີ່​ມດຳ​ເນີນ​ຜ່ານ​ທາງ​ວິ​ດີ​ໂອ​ອອນ​ລາຍ.

ກິດຈະກຳ​ຂະໜາດ​ໃຫຍ່​ເຊັ່ນ: ​ເທສະ​ການ ​ແລະ ຄອນ​ເສີດ ຄາດ​ວ່າ​ຈະ​ຖືກ​ຈຳກັດ​ປະລິມານ​ຕໍ່​ໄປ. ຂະນະ​ທີ່​ກະ​ແສ​ຄວາມ​ນິຍົມ​ໃນ​ຜູ້​ບໍລິ​ໂພ​ກ​ໄດ້​ຢຸດ​ສະ​ງັກລົງ​ເຊັ່ນ​ກັນ ​ແລະ ​ເມື່ອ​ກັບ​ມາ​ດຳ​ເນີນ​ກິດຈະການ​ຕໍ່ ຫລາຍໆ​ຢ່າງ​ອາດ​ບໍ່​ຄື​ເກົ່າ. ຂະນະ​ທີ່​ຜູ້​ເດີນທາງ​ອາດ​ຕ້ອງ​ພົກ​ພາ​ໃບຮັບ​ຮອງ​ສຸຂະພາບ ​ແລະ ຜ່ານ​ລະບົບ​ການ​ຮັກສາ​ຄວາມ​ປອດ​ໄພ​ຮູບ​ແບບ​ໃໝ່​ທີ່​ເຂັ້ມງວດ​ຂຶ້ນ.

 

  1. ໂລກາ​ພິວັດ​ຢ້ອນ​ກັບ

​ເມື່ອ​ໂຮງງານ​ຂອງ​ຈີນ​ປິດ​ລົງ​ໃນ​ຊ່ວງ​ຕົ້ນຂອງ​ການ​ແຜ່​ລະບາດ ມັນ​ໄດ້​ສົ່ງ​ຄື້ນຄວາມ​ສັ່ນ​ສະ​ເທືອ​ນຜ່ານ Supply Chains ​ໄປ​ທົ່ວ​ທຸກ​ແຫ່ງ​ໃນ​ໂລກ ​ແລະ ​ເຮັດ​ໃຫ້​ທຸລະ​ກິດ ລວມທັງ​ລັດຖະບານ​ຫັນ​ກັບ​ມາ​ຄຳນຶງ​ເຖິງ​ການ​ອາ​ໄສ​ຈີນ​ທີ່​ໄດ້​ຮັບ​ສາຍາ​ວ່າ​ເປັນ​ໂຮງ​ໄຟຟ້າ ​ແລະ ການຜະລິດ​ຂອງ​ໂລກ.

ຫລາຍ​ບໍລິສັດ​ຕັດສິນ​ໃຈ​ຍ້າຍ​ການ​ຜະລິດ​ບາງ​ສ່ວນ​ອອກ​ຈາກ​ຈີນ​ໄປ​ສ່ວນ​ອື່ນໆ​ຂອງ​ໂລກ ​ເຊິ່ງສ່ວນ​ຫລາຍ​ຈະ​ຢູ່​ເຂດ​ອາຊີ ​ແລະ ​ໂດຍ​ລວມ​ແລ້ວ​ທຸກ​ປະ​ເທດ​ທົ່ວ​ໂລກ​ເລີ່​ມປັບປ່ຽນ​ເຂົ້າສູ່​ເສດຖະກິດ​ທີ່​ມີ​ການ​ອາ​ໄສ​ຕົນ​ເອງ​ຫລາຍ​ຂຶ້ນ.

ການ​ກະທຳ​ເຫລົ່ານັ້ນຄື​ຕົວຢ່າງ​ຂອງ​ໂລກາ​ພິວັດ​ຢ້ອນ​ກັບ. ນອກຈາກ​ນີ້ ການ​ແຜ່​ລະບາດ​ອາດ​ກະ​ຕຸ້ນ​ໃຫ້​ຜູ້​ຄົນ​ເລີ່​ມຂັດ​ແຍ່ງ​ວ່າ​ມີ​ຄວາມ​ສ່ຽງ​ຈະ​ອາ​ໄສ​ການ​ນຳ​ເຂົ້າສິນຄ້າ​ທີ່​ມີ​ຄວາມ​ສຳຄັນ​ຕໍ່​ຄວາມ​ໝັ້ນຄົງ​ຂອງ​ປະ​ເທດ​ຈາກ​ຕ່າງປະ​ເທດ​ເປັນ​ຫລັກ.

 

  1. ເຂົ້າສູ່​ໂລກ​ສີຂຽວ

ກ່ອນ​ການລະບາດ​ໃຫຍ່ ນັກ​ອະນຸລັກສິ່​ງ​ແວດ​ລ້ອມສ່ວນ​ຫລາຍ​ກຳລັງ​ປຸກລະດົມ​ຢ່າງ​ໜັກ​ໃນ​ແນວ​ຄິດ​ຂອງ​ໂລກ​ສີຂຽວ ​ໂດຍ​ສະ​ເພາະ​ການ​ຫລຸດ​ການ​ໃຊ້​ນ້ຳມັນ​ເຊື້ອ​ໄຟ​ຈາກ​ຟໍຊິ​ລ ​ແລະ ຄວາມ​ຄິດ​ທີ່​ວ່າການ​ເພີ່ມ​ຂຶ້ນຂອງ “ຍານພາຫະນະ​ໄຟຟ້າ” ຈະ​ສາມາດ​ທຳລາຍ​ຄວາມ​ຕ້ອງການ​​ເຊື້ອ​ໄຟ​ຟໍຊິ​ລທີ່​ສ້າງ​ມົນ​ລະ​ພິດ​ຫລາຍ​ທີ່​ສຸດ​ຂອງ​ໂລກ​ໄດ້​ຢ່າງ​ຖາວອນ.

​ແລະ ​ໃນ​ປີ​ນີ້ ​ພວກ​ເຮົາ​ເຫັນ​ບໍລິສັດ​ຍັກ​ໃຫຍ່​ໃນ​ອຸດສາຫະກຳ​ພະລັງງານ​ອອກ​ມາປຸກລະດົມ​ເລື່ອງ​ໂລກ​ສີຂຽວ​ຢ່າງ​ຈິງ​ຈັງ ​ແລະ ​ເປັນ​ຮູບ​ປະ​ທຳ​ຈະ​ແຈ້ງ. ນອກຈາກ​ນີ້ ການ Lockdown ຍັງ​ສະ​ແດງ​ໃຫ້​ເຫັນ​ວ່າ​ຜ່ານ​ມາ​ມະນຸດ​ທຳລາຍ​ທຳ​ມະ​ຊາດ​ຈາ​ກການ​ດຳ​ເນີນ​ຊີວິດ​ຫລາຍ​ພຽງ​ໃດ ​ໂດຍ​ສະ​ເພາະ​ຊັບພະຍາກອນ​ທຳ​ມະ​ຊາດ ຫລື ສັດ​ນ້ຳ​ໃນ​ແຫ​ລ່ງທ່ອງ​ທ່ຽວ​ທີ່​ຟື້ນຕົວ​ຈົນອຸດົມສົມບູນ​ແບບ​ບໍ່​ເຄີຍ​ມີ​ມາ​ກ່ອນ.

- WhatsApp Image 2020 05 27 at 5 - 10 ຢ່າງທີ່ COVID-19 ໄດ້ປ່ຽນລະບົບເສດຖະກິດໂລກໄປຕະຫລອດການ
- WhatsApp Image 2020 05 27 at 5 - 10 ຢ່າງທີ່ COVID-19 ໄດ້ປ່ຽນລະບົບເສດຖະກິດໂລກໄປຕະຫລອດການ
error: Alert: ເນື້ອຫາຂ່າວມີລິຂະສິດ !!