ປີເກົ່າເສດຖະກິດແຂວງຈໍາປາສັກຂະຫຍາຍຕົວ 3,63% ຫຼຸດແຜນວາງໄວ້0,87%

- local market with tropical - ປີເກົ່າເສດຖະກິດແຂວງຈໍາປາສັກຂະຫຍາຍຕົວ 3,63% ຫຼຸດແຜນວາງໄວ້0,87%
- Untitled design - ປີເກົ່າເສດຖະກິດແຂວງຈໍາປາສັກຂະຫຍາຍຕົວ 3,63% ຫຼຸດແຜນວາງໄວ້0,87%

ທ່ານ ວິໄລວົງ ບຸດດາຄໍາ ເຈົ້າແຂວງຈໍາປາສັກ ລາຍງານຕໍ່ກອງປະຊຸມສະໄຫມສາມັນ ເທື່ອທີ 10 ຂອງສະພາປະຊາຊົນແຂວງ ຊຸດທີ I ໃນວັນທີ 30 ທັນວາ 2020 ວ່າ: ໃນປີ 2020 ຜ່ານມາ ເຖິງວ່າແຂວງໄດ້ພະຍາຍາມສຸມໃສ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມດ້ວຍຄວາມຕັ້ງຫນ້າ ເພື່ອໃຫ້ບັນລຸບັນດາຄາດໝາຍທີ່ວາງໄວ້ ແຕ່ຍ້ອນການລະບາດຂອງສະພາບໂຄວິດ-19 ໄດ້ເຮັດໃຫ້ເສດຖະກິດຂອງແຂວງຂະຫຍາຍຕົວພຽງ 3,63% ຫຼຸດແຜນການວາງໄວ້ 0,87%, ມູນຄ່າລວມຍອດຜະລິດຕະພັນພາຍໃນປະຕິບັດໄດ້ 20.500 ກວ່າຕື້ກີບ, ສະເລ່ຍຕໍ່ຫົວຄົນບັນລຸໄດ້ 3.000 ກວ່າໂດລາສະຫະລັດ, ໂຄງປະກອບຂະແໜງກະສິກໍາ-ປ່າໄມ້ກວມ 23,99%, ຂະແໜງອຸດສາຫະກໍາກວມ 23,88% ແລະ ຂະແໜງບໍລິການກວມ 52,13% ຂອງ GDP, ແຕ່ເຖິງຢ່າງກໍຕາມ ເຮັດໃຫ້ມູນຄ່າລວມຍອດຂອງຂະແໜງກະສິກໍາ-ປ່າໄມ້ ແລະ ການປະມົງ ທຽບໃສ່ປີ 2019 ເພີ່ມຂຶ້ນ 10,15%, ຂະແໜງອຸດສາຫະກໍາ ເພີ່ມຂຶ້ນ 7,96%, ແລະ ຂະແໜງການບໍລິການຫຼຸດລົງ 3,58% ທຽບກັບປີຜ່ານມາ.

ສ່ວນການສົ່ງອອກປະຕິບັດໄດ້ຫລາຍກວ່າ 263  ລ້ານໂດລາສະຫະລັດ ເພີ່ມຂຶ້ນ 5,5%. ສຳລັບການນໍາເຂົ້າປະຕິບັດໄດ້ 219 ລ້ານກວ່າໂດລາສະຫະລັດ, ທຽບໃສ່ແຜນປີປະຕິບັດໄດ້ 72,2% (ສາເຫດຫຼຸດລົງແມ່ນຍ້ອນການແຜ່ລະບາດຂອງພະຍາດ COVID-19, ຫຼາຍກິດຈະການຖືກຢຸດຊົ່ວຄາວ).

ທ່ານເຈົ້າແຂວງໃຫ້ຮູ້ອີກວ່າ: ລວມຍອດມູນຄ່າຜະລິດຕະພັນພະລັງງານໄຟຟ້າ-ບໍ່ແຮ່ສາມາດປະຕິບັດໄດ້ຫລາຍກວ່າ 1.000  ຕື້ກີບ, ລື່ນແຜນການປີເຖິງ 1,4 ເທົ່າ, ປັດຈຸບັນ 99,84% ຂອງຈຳນວນບ້ານໃນທົ່ວແຂວງໄດ້ຊົມໃຊ້ໄຟຟ້າຈາກແຫຼ່ງຜະລິດໄຟຟ້າທັງຫມົດ 7 ແຫ່ງ ທີ່ມີຄວາມອາດສາມາດຜະລິດພະລັງງານໄຟຟ້າໄດ້ 2,09 ລ້ານMWhຕໍ່ປີຢ່າງຕໍ່າ.

ການເກັບລາຍຮັບງົບປະມານປີນີ້ຄາດຄະເນຈະປະຕິບັດໄດ້ 1.310 ກວ່າຕື້ກີບ, ທຽບໃສ່ແຜນປີປະຕິບັດໄດ້ກວ່າ 90 %, ໃນນັ້ນ ລາຍຮັບຂອງສູນກາງປະຕິບັດໄດ້ 737,7 ຕື້ກີບ ແລະ ລາຍຮັບຂອງແຂວງ 573,18 ຕື້ກີບ; ສໍາລັບລາຍຈ່າຍງົບປະມານປະຕິບັດໄດ້ຫລາຍກວ່າ 708 ຕື້ກີບ, ທຽບໃສ່ແຜນປີປະຕິບັດໄດ້ 96,96%.

- Wave100S AD to Website 2020 0 - ປີເກົ່າເສດຖະກິດແຂວງຈໍາປາສັກຂະຫຍາຍຕົວ 3,63% ຫຼຸດແຜນວາງໄວ້0,87%

ການລົງທຶນຂອງລັດ: ໃນປີ 2020  ມີມູນຄ່າ 330,75 ຕື້ກີບ, ທຽບໃສ່ແຜນປະຕິບັດໄດ້ 2,1 ເທົ່າ, ໃນນັ້ນ ການລົງທຶນຂອງລັດປະຕິບັດໄດ້ 172 ໂຄງການ ລວມມີມູນຄ່າ 81 ຕື້ກີບ. ການລົງທຶນຂອງເອກະຊົນພາຍໃນ ແລະ ຕ່າງປະເທດມີ 10 ໂຄງການ ມີມູນຄ່າທັງໝົດ 2.178 ຕື້ກີບ ເທົ່າກັບ 272 ລ້ານກວ່າໂດລາສະຫາລັດ ແລະ ປະຕິບັດໄດ້ຕົວຈິງ 190 ລ້ານກວ່າໂດລາສະຫະລັດ.

- WhatsApp Image 2020 05 27 at 5 - ປີເກົ່າເສດຖະກິດແຂວງຈໍາປາສັກຂະຫຍາຍຕົວ 3,63% ຫຼຸດແຜນວາງໄວ້0,87%
- WhatsApp Image 2020 05 27 at 5 - ປີເກົ່າເສດຖະກິດແຂວງຈໍາປາສັກຂະຫຍາຍຕົວ 3,63% ຫຼຸດແຜນວາງໄວ້0,87%
error: Alert: ເນື້ອຫາຂ່າວມີລິຂະສິດ !!