ຍ້ອນຫຍັງບາງຄົນດື່ມກາເຟແລ້ວຈຶ່ງເຈັບທ້ອງ

- 051911 2020 - ຍ້ອນຫຍັງບາງຄົນດື່ມກາເຟແລ້ວຈຶ່ງເຈັບທ້ອງ
- Untitled design - ຍ້ອນຫຍັງບາງຄົນດື່ມກາເຟແລ້ວຈຶ່ງເຈັບທ້ອງ

ຫລາຍຄົນອາດຈະເຄີຍສັງເກດວ່າຜະລິດຕະພັນຫລຸດນຳ້ໜັກ ຫລື ຢາລະບາຍຖ່າຍທ້ອງສຳລັບຄົນທີ່ມີອາການຖ່າຍຍາກ ມັກມາໃນຮູບແບບຂອງກາເຟສຳເລັດຮູບ ບາງຄົນບອກວ່າດື່ມກາເຟແນວໃດກໍຕ້ອງຖ່າຍຢູ່ແລ້ວ ພຽງແຕ່ກາເຟທຳມະດານີ້ ໂດຍບໍ່ຕ້ອງໃສ່ສະໝຸນໄພ ຫລື ພືດຊະນິດໃດທີ່ມີຜົນຕໍ່ການຂັບຖ່າຍ, ແຕ່ບາງຄົນກໍດື່ມກາເຟແລ້ວບໍ່ມີອາການໃດໆ ເປັນຫຍັງຈຶ່ງເປັນແນວນັ້ນ ?

- 041911 2020 300x169 - ຍ້ອນຫຍັງບາງຄົນດື່ມກາເຟແລ້ວຈຶ່ງເຈັບທ້ອງ

ກາເຟ ແລະ ກາເຟອີນ ມີລິດກະຕຸ້ນໂຕຮັບມັສຄາຣິນິກ ກະຕຸ້ນໃຫ້ລຳໄສ້ເກີດການບີບໂຕ ນອກຈາກນີ້ ການດື່ມນຳ້ (ກາເຟ) ໃນປະລິມານຫລາຍ (3 ຈອກຂຶ້ນໄປ) ກໍເຮັດໃຫ້ກະເພາະຍືດໂຕ ກະຕຸ້ນແກ໊ສໂຕຣໂຄລິກຣິເຟລັກ ເຊິ່ງນຳໄປສູ່ການຖ່າຍຢ່າງໝົດໄສ້ໝົດພຸງໄດ້.

ແຕ່ແນວໃດກໍຕາມ, ກໍລະນີນີ້ຈະເກີດຂຶ້ນກໍຕໍ່ເມື່ອເປັນຄົນທີ່ບໍ່ເຄີຍດື່ມກາເຟມາກ່ອນ ຫລື ດົນໆດື່ມກາເຟເທື່ອໜຶ່ງ ບໍ່ໄດ້ດື່ມກາເຟເປັນປະຈຳ ດັ່ງນັ້ນ ໃຜທີ່ຮູ້ໂຕວ່າບໍ່ຄ່ອຍໄດ້ດື່ມກາເຟ ກໍຢ່າດື່ມກາເຟເປັນຈຳນວນຫລາຍ ເພາະນອກຈາກຈະສ່ຽງຕໍ່ອາການເຈັບທ້ອງຖ່າຍແລ້ວ ຍັງອາດຖືກລິດຂອງກາເຟອີນເຂົ້າໄປໄດ້ (ໃນບາງຄົນ) ເຊັ່ນ : ໃຈສັ່ນ, ຫົວໃຈເຕັ້ນໄວ, ນອນບໍ່ຫລັບ, ວິຕົກກັງວົນ, ເຈັບຫົວ ຫລື ບາງຄົນອາດຈະແພ້ກາເຟອີນ ເຊັ່ນ : ຮີມສົບດຳ, ຜື່ນຂຶ້ນ ຫາກມີອາການຮຸນແຮງອາດເຖິງຂັ້ນໜ້າບວມ, ຫາຍໃຈບໍ່ອອກ, ປຸ້ນທ້ອງປວດຮາກ ແລະ ວິນຫົວໄດ້ຄືກັນ.

- Wave100S AD to Website 2020 0 - ຍ້ອນຫຍັງບາງຄົນດື່ມກາເຟແລ້ວຈຶ່ງເຈັບທ້ອງ

- 011911 2020 300x180 - ຍ້ອນຫຍັງບາງຄົນດື່ມກາເຟແລ້ວຈຶ່ງເຈັບທ້ອງ

ດັ່ງນັ້ນ, ເຄັດລັບສຳລັບຄົນທີ່ບໍ່ຄ່ອຍໄດ້ດື່ມກາເຟ ແຕ່ຢາກດື່ມເພື່ອແກ້ອາການງ່ວງນອນ ຫລື ຢາກດື່ມເພື່ອລອງລົດຊາດ ຄວນເລືອກດື່ມກາເຟໃນສູດທີ່ບໍ່ເຂັ້ມຂຸ້ນຫລາຍ ອາດຈະເລີ່ມຈາກກາເຟລາເຕ້, ມັອກຄ່າ ຫລື ສັ່ງບາຣິສຕ້າ ຫລື ຄົນຊົງກາເຟໃຫ້ຫລຸດປະລິມານກາເຟລົງ ແລະ ຢ່າດື່ມເກີນ 1 ຈອກໃນເທື່ອດຽວ, ໝົດມື້ບໍ່ຄວນດື່ມເກີນ 3 ຈອກ (ຈອກກາເຟ) ຄ່ອຍໆດື່ມເທື່ອລະໜ້ອຍ ບໍ່ຄວນດື່ມບາດດຽວໝົດ ຫລື ຈະຫາອາຫານກິນລະຫ່ວາງດື່ມກາເຟໄປນຳກໍໄດ້ ຈະຊ່ວຍໃຫ້ຮ່າງກາຍດູດຊຶມກາເຟອີນຊ້າລົງ.

- WhatsApp Image 2020 05 27 at 5 - ຍ້ອນຫຍັງບາງຄົນດື່ມກາເຟແລ້ວຈຶ່ງເຈັບທ້ອງ
- WhatsApp Image 2020 05 27 at 5 - ຍ້ອນຫຍັງບາງຄົນດື່ມກາເຟແລ້ວຈຶ່ງເຈັບທ້ອງ
error: Alert: ເນື້ອຫາຂ່າວມີລິຂະສິດ !!