ອິນໂດເນເຊຍເລີ່ມກະຈາຍວັກຊີນໂຄວິດຂອງຊິໂນແວກ

- 1x 1 scaled - ອິນໂດເນເຊຍເລີ່ມກະຈາຍວັກຊີນໂຄວິດຂອງຊິໂນແວກ
- Untitled design - ອິນໂດເນເຊຍເລີ່ມກະຈາຍວັກຊີນໂຄວິດຂອງຊິໂນແວກ

ລັດຖະບານ​ອິນ​ໂດ​ເນ​ເຊຍ​ເລີ່​ມສົ່ງ​ວັກ​ຊີ​ນປ້ອງ​ກັນພະຍາດ​ໂຄ​ວິດ-19 ຂອງ​ບໍລິສັດ ຊິ​ໂນ​ແວກ ຈາກ​ຈີນ ​ໃຫ້​ໜ່ວຍ​ງານ​ສາທາລະນະ​ສຸກ​ທົ່ວ​ປະ​ເທດ ​ເພື່ອ​ໃຫ້​ພ້ອມ​ແຈກ​ຢາຍ​ປະຊາຊົນ​ ທັນທີ​ທີ່​ໄດ້​ຮັບ​ອະນຸມັດ.

ສຳນັກ​ຂ່າວ​ຕ່າງປະ​ເທດ​ລາ​ຍງານ​ໃນ​ວັນ​ທີ 3 ມັງກອນ​ວ່າ: ກະຊວງ​ສາທາລະນະ​ສຸກ​ຂອງ​ອິນ​ໂດ​ເນ​ເຊຍ​ລາຍ​ງານ​ສະຖິຕິ​ພະຍາດ​ໂຄ​ວິດ-19 ​ໃນ​ຮອບ 24 ຊົ່​ວ​ໂມງ​ຫລ້າ​ສຸດ ຢືນຢັນ​ຜູ້​ຕິດ​ເຊື້ອສະ​ສົມ​ທັງ​ໝົດ 765.350 ຄົນ​ ​ເພີ່ມ​ຂຶ້ນ 6.877 ຄົນ, ປິ່ນປົວ​ຫາຍ​ແລ້ວ 631.937 ຄົນ ​ເພີ່ມ​ຂຶ້ນ 6.419 ຄົນ​ ​ແລະ ​ເສຍ​ຊີວິດ​ສະ​ສົມຢ່າງ​ໜ້ອຍ 22.734 ຄົນ ​ເພີ່ມ​ຂຶ້ນ 179 ຄົນ.

ຂະນະ​ທີ່​ໜັງສືພິມ “ຄອມ​ພາສ” ຂອງ​ອິນ​ໂດ​ເນ​ເຊຍ ລາຍ​ງານ​ວ່າ: ກະຊວງ​ສາທາລະນະ​ສຸກ​ສົ່ງ​ມອບ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ທີ່​ໄດ້​ຮັບ​ຈາກ​ບໍລິສັດ​ຊິ​ໂນ​ແວກ​ຂອງ​ຈີນ ​ໃຫ້​ສາທາລະນະ​ສຸກ​ຂອງ 34 ​ແຂວງ ​ເພື່ອ​ກຽມ​ຄວາມ​ພ້ອມ​ສຳລັບ​ການ​ແຈກ​ຢາຍ ທັນທີ​ທີ່​ໄດ້​ຮັບ​ການ​ອະນຸມັດ​ຈາກ​ຄະນະ​ກຳມະການ​ອາຫານ ​ແລະ ຢາ ​ໃນ​ນະຄອນຫລວງ​ຈາ​ກາ​ຕາ.

ທ່ານ ບູດີ ກູນາ​ດີ ຊາ​ດິກິນ ລັດຖະມົນຕີ​ສາທາລະນະ​ສຸກ​ຂອງ​ອິນ​ໂດ​ເນ​ເຊຍ ກ່າວ​ວ່າ: ​ເມື່ອ​ໃດ​ກໍ​ຕາມ​ທີ່​ໜ່ວຍ​ງານ​ກວດ​ສອບ​ມີ​ມະຕິ​ອະນຸມັ​ດ​ໃຫ້​ສາມາດ​ນຳ​ໃຊ້​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ​ພາຍ​ໃນ​ປະ​ເທດ​ໄດ້ ຂະ​ບວນການ​ແຈກ​ຢາຍ​ຈະ​ໃຊ້​ເວລາ​ປະມານ 15 ​ເດືອນ ​ໂດຍ​ບຸກຄະລາ​ກອນ​ທົ່ວ​ປະ​ເທດ​ປະມານ 1,3 ລ້ານ​ຄົນ ຈະ​ໄດ້​ຮັບ​ການ​ປ້ອງ​ກັນ​ກ່ອນ. ນອກຈາກ​ນີ້ ລັດຖະບານ​ຈາ​ກາ​ຕາ​ສັ່ງ​ຈອງ​ວັກ​ຊີ​ນຈາກ​ແອ​ສຕຣາ​ເຊ​ເນ​ກາ/ອອກ​ຟອດ ຂອງ​ອັງກິດ ​ແລະ ​ໂນ​ວາ​ແວກ​ຂອງ​ອາ​ເມ​ລິ​ກາ​ນຳ​ອີກ.

- Wave100S AD to Website 2020 0 - ອິນໂດເນເຊຍເລີ່ມກະຈາຍວັກຊີນໂຄວິດຂອງຊິໂນແວກ
- WhatsApp Image 2020 05 27 at 5 - ອິນໂດເນເຊຍເລີ່ມກະຈາຍວັກຊີນໂຄວິດຂອງຊິໂນແວກ
- WhatsApp Image 2020 05 27 at 5 - ອິນໂດເນເຊຍເລີ່ມກະຈາຍວັກຊີນໂຄວິດຂອງຊິໂນແວກ
error: Alert: ເນື້ອຫາຂ່າວມີລິຂະສິດ !!