3 ເຫດຜົນທີ່ຊາວອາເມລິກາເຊື່ອວ່າການທຳມາຫາກິນໃນປີ 2021 ຈະສົດໃສຂຶ້ນກວ່າເກົ່າ

- 200318 times square coronavirus ac 1123p 3c9f7f1cd678da2b3614ce488d2cc14a - 3 ເຫດຜົນທີ່ຊາວອາເມລິກາເຊື່ອວ່າການທຳມາຫາກິນໃນປີ 2021  ຈະສົດໃສຂຶ້ນກວ່າເກົ່າ
- Untitled design - 3 ເຫດຜົນທີ່ຊາວອາເມລິກາເຊື່ອວ່າການທຳມາຫາກິນໃນປີ 2021  ຈະສົດໃສຂຶ້ນກວ່າເກົ່າ

ການໃຊ້ສອຍ ອາດກັບຄືນສູ່ລະດັບພື້ນຖານເດີມ, ການຕອບສະໜອງນະໂຍບາຍທີ່ບໍ່ຄືໃຜ ແລະ ບາດແຜທີ່ຫາຍດີໄວ. ນັ້ນ ຄື 3 ເຫດຜົນທີ່ຊາວອາເມລິກາ ເຊື່ອວ່າຈະສົດໃສກວ່າປີຜ່ານມາໃນການທຳມາຫາກິນ.

ສະຫະລັດກຳລັງປະສົບກັບຄວາມຫຍຸ້ງຍາກສັບສົນຫຼາຍປະການເຊັ່ນ: ການເພີ່ມຂຶ້ນຂອງວຽກເຮັດງານທຳ ຈຶ້ງຢູ່ບ່ອນເກົ່າ, ການໃຊ້ຈ່າຍສຳລັບການໃຊ້ສອຍ ນັບມື້ບົກແຫ້ງ ແລະ ການລະບາດຂອງ ໄວຣັດ ມີຄວາມສ່ຽງຕໍ່ການປິດປະເທດຫຼາຍຂຶ້ນ.

ເຖິງຢ່າງໃດກໍຕາມ, ຜ່ານວິກິດການໜຶ່ງປີທີ່ຜ່ານມານັ້ນ, ຊາວອາເມລິກາ ມີ 3 ເຫດຜົນທີ່ເຊື່ອວ່າປີ 2021ຈະສົດໃສກວ່າປີກາຍ, ອັນເນື່ອງມາຈາກຈຸດພິເສດສະເພາະຂອງວິກິດການ ແລະ ການຕອບສະໜອງນະໂຍບາຍໃໝ່.

      ບັນຫາຕອບສະໜອງ ບໍ່ແມ່ນຄວາມຕ້ອງການ

ໃນເມື່ອອັດຕາດອກເບ້ຍເພີ່ມສູງຂຶ້ນ ຫຼື ຕະຫຼາດການເງິນເກີດຄວາມເຄັ່ງຕຶງ ຄວາມຕ້ອງການສິນຄ້າ ແລະ ການບໍລິການຫຼຸດລົງ, ການວ່າງງານກໍເພີ່ມຂຶ້ນ ກໍຍິ່ງເຮັດໃຫ້ຄວາມຕ້ອງການຫຼຸດລົງ.

ເມື່ອໄພພິບັດດັ່ງກ່າວສິ້ນສຸດລົງ, ການຟື້ນຟູຄືນໃໝ່ໃນຮູບແບບຕົວອັກສອນ V ກໍເກີດຂຶ້ນ. ໄພພິບັດ ໂຄວິດ-19 ບໍ່ມີທ່າທີວ່າຈະຜ່ອນຄາຍລົງ, ແຕ່ການຟື້ນຟູຄືນໃນຮູບແບບຕົວອັກສອນ V ໄດ້ເກີດຂຶ້ນໄລຍະໜຶ່ງຂອງໄຕມາດທີ III ເມື່ອມີການຍົກເລີກການປິດ  ປະຕູປະ

ເທດ. ແຕ່ເນື່ອງຈາກວ່າ ການແຜ່ລະບາດຂອງພະຍາດບໍ່ທັນສາມາດຄວບຄຸມໄດ້, ການປະຕິບັດໄລຍະຫ່າງທາງສັງຄົມ ຈຶ່ງຍັງມີຄວາມຈຳເປັນເຂັ້ມງວດກວ່າເກົ່າ.

ຂໍ້ຈຳກັດດັ່ງກ່າວໄດ້ເຮັດໃຫ້ການໃຊ້ຈາຍຂອງຜູ້ຄົນຢຸດສະງັກລົງ. IHS Markit ຄາດຄະເນວ່າ ການໃຊ້ຈ່າຍຂອງບຸກຄົນຕໍ່າກວ່າ 7% ເມື່ອທຽບໃສ່ລະດັບທີ່ຈຳເປັນພື້ນຖານທີ່ສຸດ ຊຶ່ງຖືກກຳນົດດ້ວຍເງິນເດືອນ ແລະ ຄ່າແຮງ, ການສຳລະສະສາງຂອງລັດຖະບານ, ການຮັ່ງມີຂຶ້ນ, ອັດຕາດອກເບ້ຍ, ພາສີ ແລະ ປະຊາກອນເພີ່ມສູງຂຶ້ນ. ວິກິດການປີ 2007 – 2009 ການໃຊ້ສອຍຂອງບຸກຄົນຢູ່ໃນລະດັບເກືອບເທົ່າ ຫຼື ສູງກວ່າລະດັບທີ່ຈຳເປັນພື້ຍຖານ.

ເມື່ອມີວັກຊີນ ທີ່ມີປະສິດທິພາບ, ປະຊາຊົນຊາວອາເມລິກາໄດ້ຮັບສັກວັກຊີນຢ່າງທົ່ວເຖິງໃນກາງປີນີ້, ການປະຕິບັດໄລຍະຫ່າງທາງສັງຄົມ ກໍຈະຢຸດຕິລົງ, ການໃຊ້ຈ່າຍໃນການໃຊ້ສອຍຂອງຜູ້ຄົນກໍຈະເພີ່ມຂຶ້ນ 5% ໃນປີ 2021.

ການຕອບສະໜອງນະໂຍບາຍທີ່ບໍ່ຄືໃຜ

- Wave100S AD to Website 2020 0 - 3 ເຫດຜົນທີ່ຊາວອາເມລິກາເຊື່ອວ່າການທຳມາຫາກິນໃນປີ 2021  ຈະສົດໃສຂຶ້ນກວ່າເກົ່າ

ປະທານາທິບໍດີ ໂດນັລທຣຳ ບໍ່ເຊັນອະນຸມັດເງິນຈຳນວນ 900 ຕື້ໂດລາ ເພາະເຂົາເຊື່ອວ່າ ຖ້າເຂົາເຊັນ ຈະເຮັດໃຫ້ເງິນກະຕຸ້ນໃນເດືອນກຸມພາເປັນຕົ້ນໄປຈະເພີ່ມສູງຂຶ້ນເຖິງ 3.500 ຕື້ໂດລາ ແລະ ຈະໃຊ້ຈ່າຍບໍ່ເຖິງ 2 ປີ ແທນທີ່ຈະຈ່າຍໃນ 5 ປີ.

ບັນດາລັດຕ່າງໆ ຄາດວ່າຈະປິດບັນຊີລາຍຮັບຂອງປີ 2020 ລົງໃນເດືອນມີຖຸນາປີ 2021 ຊຶ່ງຈະຫຼຸດລົງ 11% ເມື່ອທຽບໃສ່ແຜນເບື້ອງຕົ້ນ.

Fed  ຈະຮັກສາອັດຕາດອກເບ້ຍ ເກືອບເທົ່າກັບ 0 ໄວ້ຈົນເງິນເຟີ້ເຖິງ 2% ແລະ ອັດຕາວ່າງງານຫຼຸດລົງເທົ່າກັບກ່ອນເກີດພະຍາດລະບາດ. ຄຳໝັ້ນສັນຍາດັ່ງກ່າວຈະຊ່ວຍໄດ້ແຕ່ໄລຍະພະຍາດລະບາດນີ້ເທົ່ານັ້ນ. ໃນເມື່ອ ບັນດາມາດຕະການຖືກຍົກເລີກ, ມູນຄ່າຊັບສິນ ກໍຄືການໃຊ້ຈ່າຍ ໃຫ້ແກ່ການໃຊ້ສອຍ ແລະ ທຶນ ຈະເພີ່ມຂຶ້ນ.

ບາດແຜ ທີ່ຫາຍດີໄວ

ວິກິດການຈະສ້າງຄວາມເສຍຫາຍເປັນໄລຍະຍາວ ຖ້າຫາກການລົບລ້າງບັນຊີຂອງຫົວໜ່ວຍທຸລະກິດ ພ້ອມກັບບໍ່ສາມາດສ້າງຂຶ້ນສາຍພົວພັນໃໝ່ລະຫວ່າງລູກຄ້າດ້ວຍກັນ ແລະ ລະຫວ່າງຜູ້ໃຫ້ສະໜອງກັບພະນັກງານ ແລະ ຜູ້ວ່າງງານຈຳນວນໜຶ່ງ ອອກຈາກກຳລັງແຮງງານໄປຢ່າງຊິ້ນເຊີງ.

ເຖິງຢ່າງໃດກໍຕາມ, ມີສັນຍານເຕືອນວ່າ ວິກິດການດັ່ງກ່າວຈະຜ່ານພົ້ນໄປໂດຍໄວ. ອົງການ Epiq Aacer ຊຶ່ງເປັນອົງການຕິດຕາມປະຫວັດຂອງການລົ້ມລະລາຍໃຫ້ຮູ້ວ່າ ການລົ້ມລະລາຍຈະເພີ່ມຂຶ້ນໃນເມື່ອອັດຕາການວ່າງງານເພີ່ມສູງຂຶ້ນ. ບັນດາຫົວໜ່ວຍທຸລະກິດທີ່ຍື່ນເອກະສານຂໍລົ້ມລະລາຍ ເພີ່ມຂຶ້ນ ແຕ່ກໍຍັງຕໍ່າຫຼາຍເມື່ອທຽບໃສ່ ລະດັບການລົ້ມລະລາຍກ່ອນໜ້ານັ້ນ.

ພາຍຫຼັງ 7 ເດືອນເຕີບໂຕຢ່າງໜັກແໜ້ນ ຈຳນວນວຽກເຮັດງານທຳໃນເດືອນພະຈິກຕໍ່າກວ່າ 9,8 ລ້ານຄົນທຽບໃສ່ ເດືອນກຸມພາ  ປີ 2010 ຊຶ່ງເປັນລະດັບຕໍ່າສຸດຂອງຮອບວຽນວິກິດກ່ອນໜ້ານັ້ນ. Goldman Sachs ໃຫ້ຮູ້ວ່າ 60% ທີ່ບໍ່ມີວຽກເຮັດແມ່ນຢູ່ໃນຂະແໜງການອຸດສາຫະກຳທີ່ມີຄວາມອ່ອນໄຫວຕໍ່ກັບເຊື້ອໄວຣັດ ແຕ່ຂະແໜງການເຫຼົ່ານັ້ນຈະກັບມາຟື້ນຕົວຄືນ ພາຍຫຼັງມີວັກຊີນແລ້ວ.

ບັນດາຫົວໜ່ວຍທຸລະກິດທີ່ຖືກລົ້ມລະລາຍໃນໄລຍະໂຄວີດ ຈະສູນພັນຕະຫຼອດການ ແຕ່ການຟື້ນຕົວໃນປີນີ້ຈະນຳເອົາຄວາມຫວັງໃຫ້ແກ່ຜູ້ຕົກງານ ແລະ ພາກທຸລະກິດຈະຟື້ນຕົວກັບຄືນມາ.

- WhatsApp Image 2020 05 27 at 5 - 3 ເຫດຜົນທີ່ຊາວອາເມລິກາເຊື່ອວ່າການທຳມາຫາກິນໃນປີ 2021  ຈະສົດໃສຂຶ້ນກວ່າເກົ່າ
- WhatsApp Image 2020 05 27 at 5 - 3 ເຫດຜົນທີ່ຊາວອາເມລິກາເຊື່ອວ່າການທຳມາຫາກິນໃນປີ 2021  ຈະສົດໃສຂຶ້ນກວ່າເກົ່າ
error: Alert: ເນື້ອຫາຂ່າວມີລິຂະສິດ !!