ໂອເປັກ ຄາດລາຄານ້ຳມັນໃນຕະຫລາດໂລກ ເຄິ່ງປີທຳອິດສ່ຽງຜະເຊີນຂາລົງ

- 750x422 915403 1609737952 - ໂອເປັກ ຄາດລາຄານ້ຳມັນໃນຕະຫລາດໂລກ ເຄິ່ງປີທຳອິດສ່ຽງຜະເຊີນຂາລົງ
- Untitled design - ໂອເປັກ ຄາດລາຄານ້ຳມັນໃນຕະຫລາດໂລກ ເຄິ່ງປີທຳອິດສ່ຽງຜະເຊີນຂາລົງ

ກຸ່ມ​ປະ​ເທດ​ຜູ້​ສົ່ງ​ອອກ​ນ້ຳມັນ (​ໂອ​ເປັກ) ຄາດ​ຄະ​ເນ​ວ່າ: ລາຄາ​ນ້ຳມັນ​​ໃນ​ຕະຫລາດ​ໂລກ​ມີ​ຄວາມ​ສ່ຽງ​ຈະ​ຜະ​ເຊີນ​ຂາ​ລົງ​ໃນ​ໄລຍະ 6 ​ເດືອນ​ທຳ​ອິດ​ຂອງ​ປີ 2021 ​ໂດຍ​ການ​ຄາດ​ຄະ​ເນ​ດັ່ງກ່າວ​ມີ​ຂຶ້ນກ່ອນ​ກຸ່ມ​ໂອ​ເປັກ ​ແລະ ປະ​ເທດ​ພັນທະ​ມິດ ຫລື ​ໂອ​ເປັກ​ພລັສ ​ເຊິ່ງລວມທັງຣັດ​ເຊຍ ຈະ​ປະຊຸມ​ຮ່ວມ​ກັນ​ໃນ​ວັນ​ທີ 4 ມັງກອນ​ນີ້ ​ເພື່ອ​ຫາລື​ເລື່ອງ​ລະດັບ​ການ​ຜະລິດ​ນ້ຳມັນ​ໃນ​ເດືອນ​ກຸມພາ.

ທ່ານ ​ໂມ​ຮຳ​ເໝັດ ບາ​ຄິນ​ໂດ ​ເລຂາທິການ​ໂອ​ເປັກ ກ່າວ​ໃນ​ກອງ​ປະຊຸມ​ຜູ້​ຊ່ຽວຊານ​ຂອງ​ກຸ່ມ​ໂອ​ເປັກ​ພລັສ ວ່າ: ທ່າ​ອ່ຽງລາຄາ​ນ້ຳມັນ​ໃນ​ໄລຍະ 6 ​ເດືອນ​ທຳ​ອິດ​ຂອງ​ປີ 2021 ມີ​ການ​ປັ່ນ​ປ່ວນ​ຫລາຍ ​ແລະ ມີ​ຄວາມ​ສ່ຽງ​ຈະ​ຜະ​ເຊີນ​ກັບ​ສະພາບ​ຂາ​ລົງ ​ເນື່ອງ​ຈາກ​ຫລາຍ​ປະ​ເທດ​ຍັງ​ຄວບ​ຄຸມ​ກິດຈະກຳ​ທາງ​ເສດຖະກິດ ​ແລະ ສັງຄົມ​ຢູ່ ​ແລະ ມີ​ຄວາມ​ກັງວົນ​ກ່ຽວ​ກັບ​ການ​ກາຍພັນ​ຂອງ​ໂຄ​ວິດ-19.

ທ່ານ ບາ​ຄິນ​ໂດ ກ່າວ​ວ່າ: ​ເຖິງ​ວ່າ​ເສດຖະກິດ​ໂລກ​ມີ​ທ່າ​ອ່ຽງຟື້ນຕົວຢ່າງ​ແຂງ​​ແຮງ​ໃນ​ 6 ​ເດືອນ​ທ້າຍ​ປີ 2021, ​ແຕ່​ຫລາຍ​ພາກສ່ວນ​ເຊັ່ນ: ການ​ເດີນທາງ, ການທ່ອງທ່ຽວ, ການ​ສັນທະ​ນາ​ການ ​ແລະ ທີ່​ພັກ​ອາ​ໄສ ອາດ​ຕ້ອງ​ໃຊ້​ເວລາຫລາຍ​ປີຈຶ່ງ​ຈະ​ກັບ​ສູ່​ລະດັບ​ກ່ອນ​ການ​ແຜ່​ລະບາດ.

ນອກຈາກ​ນີ້, ທ່ານ ບາ​ຄິນ​ໂດ ກ່າວ​ວ່າ: ປັດຈຸບັນ ​ໂອ​ເປັກ​ຄາດ​ວ່າຄວາມ​ຕ້ອງການ​ນ້ຳມັນ​ທົ່ວ​ໂລກ​ຈະ​ໄດ້​ຮັບ​ແຮງ​ໜູນ​ຈາກ​ອຸປະ​ສົງ​ໃນ​ກຸ່ມ​ປະ​ເທດ​ກຳລັງ​ພັດທະນາ ​ໂດຍ​ຄາດ​ວ່າ​ຈະ​ເພີ່ມ​ຂຶ້ນ​ເຖິງ 95,9 ລ້ານ​ບາ​ເຣລຕໍ່​ວັນ​ໃນ​ປີ 2021 ຫລື ​ເພີ່ມ​ຂຶ້ນ 5,9 ລ້ານ​ບາ​ເຣລຕໍ່​ວັນ ຈາກ​ປີ 2020. ຂະນະ​ທີ່​ຄາດ​ວ່າ​ເສດຖະກິດ​ໂລກ​ຈະ​ຂະຫຍາຍຕົວ​ປະມານ 4,4%.

- Wave100S AD to Website 2020 0 - ໂອເປັກ ຄາດລາຄານ້ຳມັນໃນຕະຫລາດໂລກ ເຄິ່ງປີທຳອິດສ່ຽງຜະເຊີນຂາລົງ

​ເຖິງ​ຢ່າງ​ໃດ​ກໍ​ຕາມ, ​ເຖິງ​ວ່າການ​ພັດທະນາ​ວັກ​ຊີ​ນ​ໂຄ​ວິດ-19 ຈະ​ເຮັດ​ໃຫ້​ຕະຫລາດ​ມີ​ຄວາມ​ຫວັງ, ​ແຕ່​ຄວາມ​ຕ້ອງການ​ໃຊ້​ນ້ຳມັນ​ຍັງ​ບໍ່​ສາມາດ​ເພີ່ມ​ຂຶ້ນສູ່​ລະດັບ​ດຽວ​ກັບ​ໄລຍະ​ກ່ອນ​ເກີດ​ການ​ແຜ່​ລະບາດ ​ເຊິ່ງຢູ່​ປະມານ 100 ລ້ານ​ບາ​ເຣລຕໍ່​ວັນ.

- WhatsApp Image 2020 05 27 at 5 - ໂອເປັກ ຄາດລາຄານ້ຳມັນໃນຕະຫລາດໂລກ ເຄິ່ງປີທຳອິດສ່ຽງຜະເຊີນຂາລົງ
- WhatsApp Image 2020 05 27 at 5 - ໂອເປັກ ຄາດລາຄານ້ຳມັນໃນຕະຫລາດໂລກ ເຄິ່ງປີທຳອິດສ່ຽງຜະເຊີນຂາລົງ
error: Alert: ເນື້ອຫາຂ່າວມີລິຂະສິດ !!