ເສດຖະກິດຂອງໄທ ໃນປີ 2021 ຄາດວ່າຈະຫລຸດກວ່າປີ 2020

ເສດຖະກິດຂອງໄທ ໃນປີ 2021  ຄາດວ່າຈະຫລຸດກວ່າປີ 2020 - 1000x 1 1 - ເສດຖະກິດຂອງໄທ ໃນປີ 2021  ຄາດວ່າຈະຫລຸດກວ່າປີ 2020
ເສດຖະກິດຂອງໄທ ໃນປີ 2021  ຄາດວ່າຈະຫລຸດກວ່າປີ 2020 - Untitled design - ເສດຖະກິດຂອງໄທ ໃນປີ 2021  ຄາດວ່າຈະຫລຸດກວ່າປີ 2020

ການລະບາດຂອງພະຍາດໂຄວິດ-19 ແລະ ຄວາມບໍ່ສະຫງົບທາງການເມືອງ ຈະກາຍເປັນສິ່ງກີດຂວາງໃນການຟື້ນຟູເສດຖະກິດໃນປີນີ້.

ຜົນການກວດສອບຂອງສະຖາບັນພັດທະນາແຫ່ງຊາດຂອງໄທ ໃຫ້ຮູ້ວ່າ ມີປະມານ 52% ຂອງຜູ້ຖືກສອບຖາມ ໃຫ້ຄຳເຫັນວ່າ ເສດຖະກິດໄທໃນປີ 2021 ຈະຂີ້ຮ້າຍກວ່າປີຜ່ານມາ. ໃນນັ້ນ ມີພຽງແຕ່ 14,6% ໃຫ້ຄຳເຫັນວ່າ ຈະໄດ້ຮັບການປັບປຸງໃຫ້ດີຂຶ້ນ.

ຜູ້ທີ່ຖືກສອບຖາມ 48,1% ໃຫ້ຄຳເຫັນວ່າ ການລະບາດຂອງພະຍາດໂຄວິດ-19 ໃນໄທຈະນັບມື້ຮູນແຮງຂຶ້ນ, ມີພຽງແຕ່ 29% ໃຫ້ຄວາມຫວັງວ່າຈະດີຂຶ້ນ.

ຄາດວ່າໄທ ອາດຈະນຳໃຊ້ຂໍ້ກຳນົດໃໝ່ຕໍ່ກັບຫົວໜ່ວຍທຸລະກິດ ແລະ ການເຕົ້າລວມກັນຫຼາຍຄົນໃນ 28 ແຂວງທີ່ໄດ້ຮັບຜົນກະທົບຢ່າງໜັກຈາກໂຄວິດ-19 ຊຶ່ງຈະເລີ່ມຕົ້ນແຕ່ວັນທີ 4 ມັງກອນເປັນຕົ້ນໄປ. ມາດຕະການດັ່ງກ່າວຈະຊ່ວຍຢັບຢັ້ງການລະບາດຄັ້ງໃໝ່ຊຶ່ງມີຜູ້ຕິດເຊື້ອ 3.000 ຄົນນັບແຕ່ກາງເດືອນທັນວາເປັນຕົ້ນມາ. ນະຄອນຫຼວງ ບາງກອກ ໄດ້ປິດໂຮງຮຽນ, ຮ້ານບາ, ຮ້ານອອກກຳລັງກາຍ ແລະ ສະຖານທີ່ ບັນເທີງຕ່າງໆ ຈົນໝົດເດືອນທັນວາ.

ໃນກອງປະຊຸມວາງນະໂຍບາຍໃໝ່ ໃນເດືອນທີ່ຜ່ານມາ, ທະນາຄານແຫ່ງຊາດໄທ ຄາດຄະເນວ່າ ຈີດີພີ ຂອງໄທຈະຫຼຸດລົງ 6,6% ໃນປີ 2020  ແລະ ກໍຄາດຄະເນວ່າ ການເພີ່ມຂຶ້ນຂອງເສດຖະກິດໃນປີນິີ້ຈະຫຼຸດລົງ 3,2% ຈາກ 3,6% ກ່ອນໜ້ານັ້ນ.

ເສດຖະກິດຂອງໄທ ໃນປີ 2021  ຄາດວ່າຈະຫລຸດກວ່າປີ 2020 - Wave100S AD to Website 2020 0 - ເສດຖະກິດຂອງໄທ ໃນປີ 2021  ຄາດວ່າຈະຫລຸດກວ່າປີ 2020

ວັນທີ 4 ມັງກອນ 2021 ໄທມີຜູ້ຕິດເຊື້ອໃໝ່ 315 ຄົນ, ໃນນັ້ນ 294 ຄົນ ແມ່ນຕິດຈາກຊຸມຊົນ(ພາຍໃນປະເທດ), ໄທມີຜູ້ຕິດເຊື້ອສະສົມທັງໝົດ 7.694 ຄົນ. ສູນກາງການລະບາດແມ່ນ ນະຄອນຫຼວງ ບາງກອກ ແລະ ອີກ 2 ແຂວງ: ສະໝຸດສາຄອນ ແລະ ລະຍອງ.

ທ່ານນາຍົກລັດຖະມົນຕີໄທ ປາຍຸກຈັນໂອຊາ ຍັງບໍ່ທັນໄດ້ອອກຄຳສັ່ງປິດປະເທດ, ເຂົາໃຫ້ເຫດຜົນວ່າ ລັດຖະບານມີຄວາມສາມາດຄວບຄຸມການລະບາດຄັ້ງໃໝ່ໄດ້. ເຖິງຢ່າງໃດກໍຕາມ ມີຜູ້ຕິດເຊື້ອເພີ່ມສູງຂຶ້ນ  ອາດຈະເຮັດໃຫ້ການເປີດການທ່ອງທ່ຽວຄືນໃໝ່ຂອງໄທຢຸດສະງັກລົງ ຊຶ່ງເສດຖະກິດສ່ວນໃຫ່ຍຂອງໄທ ແມ່ນໄດ້ຈາກການທ່ອງທ່ຽວ ແລະ ການສົ່ງອອກເປັນຕົ້ນຕໍ.

ນອກຈາກນັ້ນ ໄທຍັງອາດຈະປະສົບການການກີດຂວາງຫຼາຍຢ່າງໃນການຟື້ນຟູເສດຖະກິດ ພາຍຫຼັງການປະທ້ວງໃນທ້າຍປີທີ່ຜ່ານມາ. 77% ຂອງຜູ້ທີ່ຖືກສອບຖາມໃຫ້ຄຳເຫັນວ່າ ສະຖານະການທາງການເມືອງຍັງຈະສືບຕໍ່ວຸ້ນວາຍ ຫຼື ຂີ້ຮ້າຍກວ່າເກົ່າ. 43,2% ຢືນຢັນວ່າ ການປະທ້ວງຂອງກຸ່ມເພື່ອປະຊາທິປະໄຕຍັງຈະເກີດຂຶ້ນອີກໃນປີນີ້.

ເສດຖະກິດຂອງໄທ ໃນປີ 2021  ຄາດວ່າຈະຫລຸດກວ່າປີ 2020 - WhatsApp Image 2020 05 27 at 5 - ເສດຖະກິດຂອງໄທ ໃນປີ 2021  ຄາດວ່າຈະຫລຸດກວ່າປີ 2020
ເສດຖະກິດຂອງໄທ ໃນປີ 2021  ຄາດວ່າຈະຫລຸດກວ່າປີ 2020 - WhatsApp Image 2020 05 27 at 5 - ເສດຖະກິດຂອງໄທ ໃນປີ 2021  ຄາດວ່າຈະຫລຸດກວ່າປີ 2020
error: Alert: ເນື້ອຫາຂ່າວມີລິຂະສິດ !!