ອຢ ຂອງໄທເຕືອນປະຊາຊົນຢ່າຊື້ເຄື່ອງກວດໂຄວິດ-19 ມາໃຊ້ເອງ ສ່ຽງອ່ານຜົນຜິດ ແຜ່ເຊື້ອໂດຍບໍ່ຮູ້ຕົວ

ອຢ ຂອງໄທເຕືອນປະຊາຊົນຢ່າຊື້ເຄື່ອງກວດໂຄວິດ-19 ມາໃຊ້ເອງ ສ່ຽງອ່ານຜົນຜິດ ແຜ່ເຊື້ອໂດຍບໍ່ຮູ້ຕົວ -                                                                                                         19 - ອຢ ຂອງໄທເຕືອນປະຊາຊົນຢ່າຊື້ເຄື່ອງກວດໂຄວິດ-19 ມາໃຊ້ເອງ ສ່ຽງອ່ານຜົນຜິດ ແຜ່ເຊື້ອໂດຍບໍ່ຮູ້ຕົວ
ອຢ ຂອງໄທເຕືອນປະຊາຊົນຢ່າຊື້ເຄື່ອງກວດໂຄວິດ-19 ມາໃຊ້ເອງ ສ່ຽງອ່ານຜົນຜິດ ແຜ່ເຊື້ອໂດຍບໍ່ຮູ້ຕົວ - Untitled design - ອຢ ຂອງໄທເຕືອນປະຊາຊົນຢ່າຊື້ເຄື່ອງກວດໂຄວິດ-19 ມາໃຊ້ເອງ ສ່ຽງອ່ານຜົນຜິດ ແຜ່ເຊື້ອໂດຍບໍ່ຮູ້ຕົວ

​ແຫ​ລ່ງຂ່າວ​ຈາກ​ອົງການ​ອາຫານ ​ແລະ ຢາ ຂອງ​ໄທ ​ເປີດ​ເຜີຍ​ວ່າ: ຈາກ​ສະຖານະ​ການ​ການ​ແຜ່​ລະບາດ​ຂອງ​​ພະຍາດ​ໂຄ​ວິດ-19 ທີ່​ກຳລັງ​ຂະຫຍາຍ​ວົງ​ກວ້າງ​ໃນ​ປັດຈຸບັນ ​ໄດ້​ສ້າງ​ຄວາມ​ກັງວົນ​ຕໍ່​ຄົນ​ທົ່ວ​ໂລກ ລວມທັງ​ປະ​ເທດ​ໄທ ​ເຊິ່ງມີ​ຈຳນວນ​ຜູ້​ຕິດ​ເຊື້ອ​ເພີ່ມ​ສູງ​ຂຶ້ນ, ການ​ກວດຄົ້ນຫາ ​ແລະ ຄັດ​ກອງ​ຜູ້​ຕິດ​ເຊື້ອ​ໄດ້​ດຳ​ເນີນ​ການ​ທາງ​ບຸກຢ່າງ​ຕໍ່​ເນື່ອງ. ທັງ​ນີ້​ມີ​ປະຊາຊົນ​ບາງ​ສ່ວນ​ເກີດ​ຄວາມ​ກັງວົນ​ວ່າ​ຕົນ​ເອງ​ຈະ​ໄດ້​ຮັບ​ເຊື້ອ ຫລື ບໍ່ ຈຶ່ງ​ໄປ​ສັ່ງ​ຊື້​ເຄື່ອງ​ກວດ​ໂຄ​ວິດ-19 ທີ່​ຈຳໜ່າຍ​ໃນ​ສື່​ອອນ​ລາຍ​ມາ​ໃຊ້​ເອງ​.

ສຳນັກງານ​ຄະນະ​ກຳມະການ​ອາຫານ ​ແລະ ຢາ (ອຢ) ຂອງ​ໄທ ຂໍ​ເຕືອນ​ວ່າ: ຢ່າ​ຊື້​ເຄື່ອງ​ກວດ​ໂຄ​ວິດ-19 ​ແບບ Rapid Test ທີ່​ລັກລອບ​ຂາຍ​ຜ່ານ​ອອນ​ລາຍ​ມາກ​ວດ​ເອງ ​ເພາະ​ສ່ຽງ​ຕໍ່​ການ​ອ່ານ​ຜົນ​ທີ່​ຜິດພາດ ​ເນື່ອງ​ຈາກ​ເຄື່ອງ​ກວດ​ໂຄ​ວິດ-19 ​ແບບ Rapid Test ​ເປັນ​ການກວດ​ຫາ​ພູມ​ຕ້ານທານ ບໍ່​ໄດ້​ເປັນ​ການກວດ​ຫາ​ເຊື້ອ. ດັ່ງນັ້ນ ຈຶ່ງ​ຕ້ອງ​ໄດ້​ຮັບ​ເຊື້ອ​ໃນ​ໄລຍະ​ເວລາ​ໜຶ່ງ​ຈຶ່ງ​ຈະ​ກວດ​ພົບ​ພູມ​ຕ້ານທານ, ຖ້າ​ຫາ​ກໍ​ໄດ້​ຮັບ​ເຊື້ອຈະ​ກວດ​ບໍ່​ພົບ​ໃນ​ທັນທີ ຈຶ່ງ​ເປັນ​ຂໍ້​ຈຳກັດ​ຂອງ​ເຄື່ອງ​ກວດ​ຊະນິດ​ນີ້ ​ເຊິ່ງຈຳ​ເປັນ​ຕ້ອງ​ດຳ​ເນີນ​ການກວດ ​ແລະ ອ່ານ​ຜົນ​ໂດຍ​ຜູ້​ຊ່ຽວຊານ ຫລື ນັກ​ເຕັກນິກ​ການ​ແພດ​ເທົ່າ​ນັ້ນ ບໍ່​ແນະນຳ​ໃຫ້​ໃຊ້​ໂດຍ​ທົ່ວ​ໄປ ​ແລະ ບາງ​​ເທື່ອ​ກວດ​ແລ້ວ​ຄິດ​ວ່າ​ຕົນ​ເອງ​ປອດ​ໄພ ອາດ​ດຳລົງ​ຊີວິດ​ຕາມ​ປົກກະຕິ ​ເອົາ​ເຊື້ອ​ໄປ​ຕິດ​ຄົນ​ອື່ນ​ຕໍ່​ໄດ້ ອາດ​ສົ່ງ​ຜົນ​ໃຫ້ການ​ລະບາດ​ຂອງ​ພະຍາດ​ຮຸນ​ແຮງ​ຍິ່ງ​ຂຶ້ນຈາກ​ການ​ອ່ານ​ຜົນ​ທີ່​ຜິດພາດ ລວມທັງ​ມີ​ໂອກາດ​ເກີດ​ຜົນ​ປອມ​ໄດ້.

​ເຄື່ອງ​ກວດ​ໂຄ​ວິດ-19 ​ແບບ Rapid Test ຕາມ​ປະກາດ​ຂອງ​ກະຊວງ​ສາທາລະນະ​ສຸກ​ໄທ ຈັດ​ເປັນ​ເຄື່ອງມື​ແພດ​ທີ່​ຕ້ອງ​ຂາຍ​ສະ​ເພາະ​ຢູ່​ໂຮງໝໍ ຫລື ຜູ້​ປະກອບ​ວິຊາ​ຊີບ​ທາງ​ການ​ແພດ ​ແລະ ສາທາລະນະ​ສຸກ​ເທົ່າ​ນັ້ນ ​ແລະ ຈະ​ຕ້ອງ​ມີ​ລາຍ​ງານ​ການ​ຂາຍ​ໃຫ້ ​ອຢ ຮູ້.

ອຢ ຂອງໄທເຕືອນປະຊາຊົນຢ່າຊື້ເຄື່ອງກວດໂຄວິດ-19 ມາໃຊ້ເອງ ສ່ຽງອ່ານຜົນຜິດ ແຜ່ເຊື້ອໂດຍບໍ່ຮູ້ຕົວ - Wave100S AD to Website 2020 0 - ອຢ ຂອງໄທເຕືອນປະຊາຊົນຢ່າຊື້ເຄື່ອງກວດໂຄວິດ-19 ມາໃຊ້ເອງ ສ່ຽງອ່ານຜົນຜິດ ແຜ່ເຊື້ອໂດຍບໍ່ຮູ້ຕົວ

ສຳລັບ​ປະຊາຊົນ​ທີ່​ເດີນທາງ​ໄປ​ໃນ​ພື້ນທີ່​ສ່ຽງ ຫລື ສຳຜັດ​ຜູ້​ຕິດ​ເຊື້ອ ຫລື ມີ​ອາການ​ໄຂ້​ສູງ​ເກີນ​ກວ່າ 37,5 ອົງສາ, ອ່ອນ​ເພຍ, ມີ​ຂີ້ມູກ, ​ໄອ, ​ເຈັບຄໍ, ປວດຮາກ, ປວດ​ກ້າມ​ຊີ້​ນ, ຖອກທ້ອງ, ສູນ​​ເສຍ​ການ​ໄດ້​ກິ່ນ ​ແລະ ຮັບ​ລົດ​ຊາດ​ຊົ່ວຄາວ, ຫອບ​ເມື່ອຍ ຂໍ​ໃຫ້​ໄປ​ປຶກສາ​ແພດ​ໝໍ​ຢູ່​ໂຮງໝໍ​ພາຍ​ໃນ 48 ຊົ່ວ​ໂມງ ​ເພື່ອ​ດຳ​ເນີນ​ການກວດ​ບົ່ງມະຕິ​ພະຍາດ​ຢ່າງ​ຖືກຕ້ອງ​ຕໍ່​ໄປ.

ອຢ ຂອງໄທເຕືອນປະຊາຊົນຢ່າຊື້ເຄື່ອງກວດໂຄວິດ-19 ມາໃຊ້ເອງ ສ່ຽງອ່ານຜົນຜິດ ແຜ່ເຊື້ອໂດຍບໍ່ຮູ້ຕົວ - WhatsApp Image 2020 05 27 at 5 - ອຢ ຂອງໄທເຕືອນປະຊາຊົນຢ່າຊື້ເຄື່ອງກວດໂຄວິດ-19 ມາໃຊ້ເອງ ສ່ຽງອ່ານຜົນຜິດ ແຜ່ເຊື້ອໂດຍບໍ່ຮູ້ຕົວ
ອຢ ຂອງໄທເຕືອນປະຊາຊົນຢ່າຊື້ເຄື່ອງກວດໂຄວິດ-19 ມາໃຊ້ເອງ ສ່ຽງອ່ານຜົນຜິດ ແຜ່ເຊື້ອໂດຍບໍ່ຮູ້ຕົວ - WhatsApp Image 2020 05 27 at 5 - ອຢ ຂອງໄທເຕືອນປະຊາຊົນຢ່າຊື້ເຄື່ອງກວດໂຄວິດ-19 ມາໃຊ້ເອງ ສ່ຽງອ່ານຜົນຜິດ ແຜ່ເຊື້ອໂດຍບໍ່ຮູ້ຕົວ
error: Alert: ເນື້ອຫາຂ່າວມີລິຂະສິດ !!