ປີ​ໃໝ່ 2021 ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ

ປີ​ໃໝ່ 2021 ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ - fireworks new year dezeen sq - ປີ​ໃໝ່ 2021 ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ
ປີ​ໃໝ່ 2021 ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ - Untitled design - ປີ​ໃໝ່ 2021 ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ

ໂດຍ: ທິດ​ກໍ່າ

     ປີ​ເກົ່າ 2020 ​ໄດ້​ຜ່ານ​ພົ້ນ​ໄປ​ຕາມ​ວັດຕະ​ຈັກ​ຂອງ​ໂລກ. ​ເມື່ອ​ກ້າວ​ສູ່​ປີ​ໃໝ່​ກໍ​ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ. ​ໃນ​ເມື່ອປະ​ເທດ​ຊາດ​ບ້ານ​ເມືອງ​ຂອງ​ພວກ​ເຮົາ​ມີ​ຄວາມ​ສະຫງົບ​ສຸກ, ອຸດົມສົມບູນ​ຮັ່ງມີ, ຈະ​ເລີ​ນຮຸ່ງ​ເຮືອງ​ໄປ​ແລ້ວ, ປະຊາຊົນ​ບັນດາ​ເຜົ່າ​ກໍ​ພາກັນ​ມີ​ຄວາມສຸກ, ມີ​ຄວາມ​ຈະ​ເລີ​ນ​ເດີນ​ໜ້າ​ຕາມ​ແນວທາງ​ນະ​ໂຍບາຍ​ຂອງ​ພັກ ​ແລະ ລັດຖະບານ ບົນ​ເສັ້ນທາງ ​ແລະ ອຸດົມ​ການ​ທີ່​ມຸ້ງ​ມາດ​ປາດ​ຖະໜາ ຄື​ເສັ້ນທາງ​ສັງຄົມ​ນິຍົມ​ທີ່​ໄດ້​ກຳນົດ​ເອົາ​ໄວ້.

ຕະຫລອດ​ປີ 2020 ຜ່າ​ນມາ, ​ເຖິງ​ວ່າ​ປະ​ເທດ​ຊາດ​ບ້ານ​ເມືອງ​ຂອງ​ພວກ​ເຮົາ​ໄດ້​ຜະ​ເຊີນ​ກັບ​ໄພ​ທຳ​ມະ​ຊາດ ​ແລະ ​ໂຣຄາ​ພະຍາດ​ມາ​ບຸກລຸກ, ຂົ່ມຂູ່​ຮຸກ​ຮານ ​ແຕ່​ພາຍ​ໃຕ້​ການ​ນຳພາ​ຂອງ​ພັກ ​ແລະ ລັດຖະບານ ​ເບິ່ງ​ພາມ​ລວມ​ແລ້ວ​ພວກ​ເຮົາ​ກໍ​ຍັງ​​ໄດ້​ຮັບ​ຜົນສຳ​ເລັດ, ມີ​ຜົນງານ ​ແລະ ມີ​ໄຊຊະນະ​ໃນ​ຫລາຍ​ດ້ານ. ອັນ​ສຳຄັນ​ທີ່​ສຸດ ທາງ​ດ້ານ​ການ​ເມືອງ​ກໍ​ມີ​ສະຖຽນ​ລະ​ພາບ​ໝັ້ນຄົງ​ໜັກ​ແໜ້ນ, ​ເສດຖະກິດ​ເຕີບ​ໃຫຍ່​ໃນ​ຈັງຫວະ​ທີ່​ດີ ​ແລະ ສັງຄົມ​ວັດທະນະທຳ​ກໍ​ນັບ​ມື້ມີ​ຄວາມ​ຈະ​ເລີ​ນຮຸ່ງ​ເຮືອງ​ໄປ​ຕາມ​ພື້ນຖານ​ເສດຖະກິດ​ຂອງ​ປະ​ເທດ​ຊາດ​ແຕ່ລະ​ໄລຍະ. ອັນ​ທີ່​ໂດດ​ເດັ່ນ​ກວ່າ​ໝູ່​ກໍ​ແມ່ນ​ການ​ພັດທະນາ​ພື້ນຖານ​ໂຄງ​ລ່າງ​ພວມ​ມີ​ສີສັນ​ອັນ​ໃໝ່​ໃນ​ຍຸກ​ປະຫວັດສາດ​ຂອງ​ຊາດ ​ເປັນຕົ້ນ​ໂຄງການ​ກໍ່ສ້າງ​ເຂື່ອນ​ໄຟຟ້າ​ໄດ້​ດຳ​ເນີນ​ໄປ​ຕິກໆ ມາ​ຮອດ​ປັດຈຸບັນ​ທົ່ວ​ປະ​ເທດ​ມີ​ເຂື່ອນ​ໄຟຟ້າ​ໄປ​ແລ້ວ​ເກືອບ 100 ​ແຫ່ງ. ນອກຈາກ​ນັ້ນ ກໍ​ແມ່ນ​ໂຄງການ​ກໍ່ສ້າງ​ຂົວ, ສ້າງ​ຖະໜົນ​ຫົນທາງ ​ແລະ ພັດທະນາ​ຊົນນະບົດ​ໃຫ້​ທຽບ​ຖານ​ກັບ​ຕົວ​ເມືອງ ​ເຊິ່ງມາ​ຮອດ​ປັດຈຸບັນ​ນີ້​ໄດ້​ສຳ​ເລັດ​ໄປ​ແລ້ວ​ຫລາຍ​ໂຄງການ ​ເປັນຕົ້ນ​ໂຄງການ​ສາຍ​ທາງ​ດ່ວນ​ວຽງ​ຈັນ-ວັງ​ວຽງ, ​ໂຄງການ​ສ້າງ​ຂົວ​ຂ້າມ​ນ້ຳຂອງ​ແຫ່ງ​ທີ 5 ​ແລະ ທີ 6 ທີ່​ພວມ​ຈະ​ລົງມື, ​ໂຄງການ​ສ້າງ​ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ​ໄດ້​ສຳ​ເລັດ​ໄປ​ແລ້ວ​ຫລາຍ​ໜ້າວຽກ ​ແລະ ​ໂຄງການ​ສ້າງ​ເສັ້ນທາງ​ນ້ອຍ​ໃຫຍ່​ອື່ນໆ​ໃນ​ທົ່ວ​ປະ​ເທດ ​ເຊິ່ງມາ​ຮອດ​ປັດຈຸບັນ ທຸກ​ບ້ານທຸກ​ເມືອງ​ໄດ້​ມີ​ເສັ້ນທາງ​ເຊື່ອມ​ຈອດ​ຫາ​ກັນ ​ແລະ ສາມາດ​ທຽວ​ໄດ້​ສອງ​ລະດູ​ເປັນ​ປົກກະຕິ.

ສ່ວນ​ທາງ​ດ້ານ​ວັດທະນະທຳ-ສັງຄົມ​ນັ້ນ ກໍ​ໄດ້​ມີ​ການ​ປັບປຸງ​ກໍ່ສ້າງ ​ແລະ ພັດທະນາ​ໄປ​ໃນ​ທຸກ​ດ້ານ ​ເປັນຕົ້ນລະບົບ​ການ​ສຶກສາ, ສາ​ທາ​ກໍ​ພວມ​ໄດ້​ຮັບ​ການ​ຂະຫຍາຍຕົວ​ໄປ​ຢ່າງ​ບໍ່​ຢຸດ​ຢັ້ງ, ຈຳນວນ​ໂຮງຮຽນ, ​ໂຮງໝໍ, ສຸກສາລາ​ໄດ້​​ເພີ່ມ​ຂຶ້ນ, ຈຳນວນ​ແພດ​ໝໍ, ຄູ​ອາຈານ, ນັກຮຽນ-ນັກ​ສຶກສາ ກໍ​ເພີ່ມ​ຂຶ້ນທາງ​ດ້ານ​ປະລິມານ ​ແລະ ຄຸນ​ນະພາ​ບ. ສະຫລຸບ​ແລ້ວ ​ໃນ​ໜຶ່ງ​ປີຜ່ານມາ, ພາລະກິດ​ການ​ສ້າງສາ​ພັດທະນາ​ປະ​ເທດ​ຊາດ​ໄດ້​ດຳ​ເນີນ​ໄປ​ຕາມ​ແຜນ​ພັດທະນາ​ເສດຖະກິດ-ສັງຄົມ​ຂອງ​ປະ​ເທດ​ຢ່າງ​ລົງ​ຕົວ.

​ໃນ​ປີ 2020 ​ເປັນ​ປີ​ທີ່​ປະ​ເທດ​ຊາດ​ຂອງ​ພວກ​ເຮົາ​ໄດ້​ຮັບ​ຜົນ​ກະທົບ​ຈາກ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ຢ່າງ​ໜັກໜ່ວງ​ພໍ​ສົມຄວນ ​ເປັນຕົ້ນຜົນ​ກະທົບ​ດ້ານ​ເສດຖະກິດ ​ແລະ ຊີວິດ​ການ​ເປັນ​ຢູ່​ຂອງ​ປະຊາຊົນ. ຂົງ​ເຂດ​ການ​ຜະລິດ​ທຸລະ​ກິດ ​ແລະ ບໍລິການ​ໃນ​ຫລາຍ​ຂະ​ແໜງ​ການ​ຖືກ​ຢຸດ​ສະ​ງັກ. ຂະ​ແໜງ​ການ​ທີ່​ມີ​ຜົນ​ກະທົບ​ໜັກ​ກວ່າ​ໝູ່​ກໍ​ແມ່ນ​ຂະ​ແໜງ​ທ່ອງ​ທ່ຽວ,​ ​ໂຮງ​ແຮມ, ຮ້ານ​ອາຫານ ​ແລະ ຂົ​ງ​ເຂດ​ການ​ຜະລິດ​ຈຳນວນ​ໜຶ່ງ. ຈາກ​ສາ​ເຫດ​ດັ່ງກ່າວ ຈຶ່ງ​ເຮັດ​ໃຫ້​ລະບົບ​ເສດຖະກິດ​ມະຫາ​ພາກ​ຂະຫຍາຍຕົວ​ຊ້າ​ລົງ, ລາຍ​ຮັບ​ແຫ່ງ​ຊາດ​ຕົກ​ຕໍ່າ​ຂາດດູນ​ຈຳນວນ​ບໍ່​ໜ້ອຍ.

ປີ​ໃໝ່ 2021 ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ - Wave100S AD to Website 2020 0 - ປີ​ໃໝ່ 2021 ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ

​ແຕ່​ເຖິງ​ຢ່າງ​ໃດ​ກໍ​ດີ, ພາຍ​ໃຕ້​ການ​ຊີ້​ນຳ-ນຳພາ​ຂອງ​ພັກ ​ແລະ ລັດຖະບານ​ເຮົາ ​ແລະ ດ້ວຍ​ຄວາມ​ຕັດສິນ​ໃຈ​ສູງ​ໃນ​ການ​ບຸກທະລຸ​ແຕ່ລະ​ຂົງ​ເຂດ ຈຶ່ງ​ເຮັດ​ໃຫ້​ພວກ​ເຮົາ​ສາມາດ​ຜ່ານ​ພົ້ນບັນດາ​ວິ​ກິດ​ຕ່າງໆ​ໄດ້​ຢ່າງ​ໜ້າ​ເພິ່ງ​ພໍ​ໃຈ. ຜົນສຳ​ເລັດຊິ້ນ​ໃຫຍ່ໆ​ທີ່​ສະ​ແດງ​ໃຫ້​ເຫັນ​ໃນ​ປີ 2020 ນີ້​ກໍ​ແມ່ນ​ການ​ຕ້ານ ​ແລະ ສະກັດ​ກັ້ນການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ທີ່​ສາມາດ​ປິ່ນປົວ​ຜູ້​ຕິດ​ເຊື້ອ​ໃຫ້ຫາ​ຍດີ ​ແລະ ຍັງ​ບໍ່​ທັນ​ມີ​ຜູ້​ໃດ​ເສຍ​ຊີວິດ​ຍ້ອນ. ສິ່ງ​ຕ່າງໆ​ທີ່​ໄດ້​ກ່າວ​ມາ​ໂດຍ​ສັງ​ເຂ​ບນີ້​ແມ່ນ​ໝາກຜົນ​ແຫ່​ງການຈັດຕັ້ງທ້າຍ​ສະ​ໄໝ​ຂອງ​ມະຕິ​ຄັ້ງທີ 10 ຂອງ​ພັກ ​ແລະ ​ແຜນ​ພັດທະນາ​ເສດຖະກິດ-ສັງຄົມ​ຂອງ​ລັດຖະບານ ຊຸດ​ທີ 8.

ສະນັ້ນ, ​ໃນ​ໂອກ​າດກ້າວ​ສູ່​ປີ​ໃໝ່​ສາກົນ 2021 ພວກ​ເຮົາ​ເຫລົ່າ​ທີ​ມງານ​ໜັງສືພິມ ລາວ​ພັດທະນາ ທຸກ​ທົ່ວ​ໜ້າ ຂໍ​ອວຍ​ໄຊ​ໃຫ້​ພອນ​ມາ​ຍັງ​ການ​ນຳ​ພັກ-ລັດ​ຈົ່ງ​ໝັ້ນຍືນ​ເຂັ້ມ​ແຂງ ນຳພາ​ຊາດ​ບ້ານ​ເມືອງ ​ແລະ ປະຊາຊົນ​ບັນດາ​ເຜົ່າ​ກ້າວ​ສູ່​ຄວາມ​ຈະ​ເລີ​ນຮຸ່ງ​ເຮືອງ, ຮັ່ງມີ, ອີ່ມ​ໜຳ​ສຳລານ​ໃນ​ຍຸກ​ໃໝ່​ທັນ​ສະ​ໄໝ​ຕະຫລອດ​ໄປ​ດ້ວຍ​ເຖີດ.

ປີ​ໃໝ່ 2021 ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ - WhatsApp Image 2020 05 27 at 5 - ປີ​ໃໝ່ 2021 ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ
ປີ​ໃໝ່ 2021 ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ - WhatsApp Image 2020 05 27 at 5 - ປີ​ໃໝ່ 2021 ຂໍ​ໃຫ້​ທຸກ​ສິ່ງ​ທຸກ​ຢ່າງທີ່​ປະ​ເສີດ​ເລີດ​ລ້ຳຈົ່ງ​ກັບ​ເກີດ​ແກ່​ຊາດ​ບ້ານ​ເມືອງ ​ແລະ ປະຊາຊົນ​ລາວ​ບັນດາ​ເຜົ່າ​ທັງ​ມວນ
error: Alert: ເນື້ອຫາຂ່າວມີລິຂະສິດ !!