ປີ​ໃໝ່​ສ້າງ​ຜົນງານ​ໃໝ່​ໃຫ້​ໃຫຍ່​ຫລວງ​ກວ່າ​ເກົ່າ

ປີ​ໃໝ່​ສ້າງ​ຜົນງານ​ໃໝ່​ໃຫ້​ໃຫຍ່​ຫລວງ​ກວ່າ​ເກົ່າ - pre - ປີ​ໃໝ່​ສ້າງ​ຜົນງານ​ໃໝ່​ໃຫ້​ໃຫຍ່​ຫລວງ​ກວ່າ​ເກົ່າ
ປີ​ໃໝ່​ສ້າງ​ຜົນງານ​ໃໝ່​ໃຫ້​ໃຫຍ່​ຫລວງ​ກວ່າ​ເກົ່າ - Untitled design - ປີ​ໃໝ່​ສ້າງ​ຜົນງານ​ໃໝ່​ໃຫ້​ໃຫຍ່​ຫລວງ​ກວ່າ​ເກົ່າ

ໂດຍ: ທິດ​ກໍ່າ

ປີ​ເກົ່າ 2020 ​ໄດ້​ຜ່ານ​ພົ້ນ​ໄປ, ປີ​ໃໝ່ 2021 ​ໄດ້​ໝູນວຽນ​ມາ​ແທນ​ທີ່​ຕາມ​ວັດຕະ​ຈັກ​ການ​ໝູນວຽນປ່ຽນ​ໄປ​ຂອງ​ໂລກ. ​ໃນ​ໜຶ່ງ​ປີຜ່ານມາ​ນັ້ນ ​ເຖິງ​ວ່າ​ປະ​ເທດ​ຊາດ​ບ້ານ​ເມືອງ​ຂອງ​ພວກ​ເຮົາ​ໄດ້​ປະສົບ​ພົບ​ພໍ້​ບັນຫາ​ຫລາຍ​ຢ່າງ​ເຊັ່ນ: ຖືກ​ຜົນ​ກະທົບ​ຈາກ​ໄພ​ທຳ​ມະ​ຊາດ​ນ້ຳຖ້ວມ​ໜັກ​ຢູ່​ເມື​ອງ​ເຊ​ໂປ​ນ, ​ເມືອງ​ບົວລະພາ ​ແລະ ສ່ວນ​ໜຶ່ງ​ຂອງ​ເມືອງ​ວິລະ​ບູລີ ​ແຂວງ​ສະຫວັນ​ນະ​ເຂດ, ​ແຕ່​ພາຍ​ໃຕ້​ຄວາມ​ເປັນ​ຫ່ວງ​ເປັນ​ໄຍຮ່ວມ​ໃຈ​ຂອງ​ການ​ນຳ​ພັກ-ລັດ, ອຳນາດ​ການ​ປົກຄອງ​ທ້ອງ​ຖິ່ນ​ຄວາມ​ສາມັກຄີ​ອັນ​ເປັນ​ປຶກ​ແຜ່ນ​ຂອງ​ປະຊາຊົນ​ຄົນ​ລາວ​ເຮົາ​ໂດຍ​ລວມ, ​ເວົ້າສະ​ເພາະ​ແມ່ນ​ພີ່ນ້ອງ​ຊາວ​ແຂວງ​ສະຫວັນ​ນະ​ເຂດ​ໄດ້​ພ້ອມ​ໃຈ​ກັນ​ຊ່ວຍ​ເຫລືອ​ຢຽວ​ຢາ​ຕາມ​ສັດທາ​ຕໍ່​ຜູ້​ທີ່​ຖືກ​ຜົນ​ກະທົບ​ຢ່າງ​ເລັ່ງດ່ວນ ​ແລະ ທັນ​ເວລາ​ເປັນ​ຢ່າ​ງດີ.

ນອກຈາກ​ຜົນ​ກະທົບ​ຈາກ​ໄພ​ທຳ​ມະ​ຊາດ​ແລ້ວ ກໍ​ແມ່ນ​ເລື່ອງ​ໂຣຄາ​ພະຍາດ, ສິ່ງ​ທີ່​ໜ້າ​ຢ້ານ​ກົວ ​ແລະ ວິຕົກ​ກັງວົນ​ທີ່​ສຸດ​ກໍ​ແມ່ນ​ການ​ແຜ່​ລະບາດ​ຂອງ​ເຊື້ອພະຍາດ​ສາຍ​ພັນ​ໃໝ່​​ໂຄ​ວິດ-19 ​ເຊິ່ງມາ​ຮອດ​ເດືອນ​ທັນວາ 2020 ​ໄດ້​ມີ​ຜູ້​ຕິດ​ເຊື້ອ​ເຖິງ 41 ຄົນ, ປັດຈຸບັນ ສາມາດ​ປິ່ນປົວ​ໃຫ້ຫາ​ຍດີ​ໄປ​ແລ້ວ 40 ຄົນ ​ແລະ ກໍ​ຍັງ​​ໂຊກ​ດີ​ບໍ່​ທັນ​ມີ​ຜູ້​ໃດ​ເສຍ​ຊີວິດ​ຍ້ອນ. ​ໄປ​ຄຽງ​ຄູ່​ກັບ​ພະຍາດ​ໂຄ​ວິດ-19 ມາ​ຂົ່ມຂູ່​ແລ້ວ ພັດ​ຍັງ​ມີ​ການລະບາດ​ຂອງ​ພະຍາດ​ໄຂ້ຍຸງ​ລາຍ ​ເຊິ່ງມີ​ຜູ້​ຕິດ​ເຊື້ອ​ເຖິງ 1.000 ກວ່າ​ຄົນ ​ແລະ ມີ​ຜູ້​ເສຍ​ຊີວິດ​ໄປ​ຈຳນວນ​ໜຶ່ງ.

​ເນື່ອງ​ຈາກ​ໄພ​ທຳ​ມະ​ຊາດ ​ແລະ ​ເກີດ​ໂຣຄາ​ພະຍາດ​ອັນ​ຮ້າຍ​ແຮງ​ທີ່​ໄດ້​ກ່າວ​ມານັ້ນ ຈຶ່ງ​ເຮັດ​ໃຫ້​ເສດຖະກິດ​ຢູ່​ປະ​ເທດ​ເຮົາ​ມີ​ຜົນ​ກະທົບ​ບໍ່​ໜ້ອຍ ​ໂດຍ​ສະ​ເພາະ​ແມ່​ນຜົນ​ກະທົບ​ຈາກ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19. ຂະ​ແໜງ​ການ​ທີ່​ມີ​ຜົນ​ກະທົບ​ໜັກໜ່ວງ​ກວ່າ​ໝູ່​ກໍ​ແມ່ນ​ຂົງ​ເຂດ​ອຸດສາຫະກຳ​ການທ່ອງທ່ຽວ ບັນດາ​ຮ້ານ​ອາຫານ, ​ໂຮງ​ແຮມ, ຮ້ານ​ກິນ​ດື່ມ ​ແລະ ​ແຫ​ລ່ງທ່ອງ​ທ່ຽວ​ໃນ​ທົ່ວ​ປະ​ເທດ​ຕ່າງ​ກໍ​ປະສົບ​ບັນຫາ​ໄປ​ຕາມໆ​ກັນ ​ເຊິ່ງມາ​ຮອດ​ປັດຈຸບັນ​ການ​ເຂົ້າ-ອອກ​ຄົນ​ພາຍ​ນອກ-ພາຍ​ໃນ​ປະ​ເທດ​ຍັງ​ຢູ່​ໃນ​ຂັ້ນຕອນ​ປະຕິບັດ​ບັນດາ​ມາດ​ຕະການ​ຜ່ອນຜັນ ​ແລະ ຍັງ​ປິດ​ປະ​ເທດ ​ໂດຍ​ບໍ່​ມີ​ກຳນົດ​ທີ່​ແນ່ນອນ.

​ແຕ່​ເຖິງ​ຢ່າງ​ໃດ​ກໍ​ດີ, ພາຍ​ໃຕ້​ການ​ນຳພາ​ບຸກທະລຸ​ໃນ​ພາລະກິດ​ພັດທະນາ ​ແລະ ສ້າງສາ​ປະ​ເທດ​ຊາດຂອງ​ພັກ ​ແລະ ລັດຖະບານ​ໃນ​ໜຶ່ງ​ປີຜ່ານມາ ພວກ​ເຮົາ​ກໍ​ມີ​ຜົນງານ​ໂດດ​ເດັ່ນ ​ແລະ ​ໄດ້​ຮັບ​ໄຊຊະນະ​ໃນ​ຫລາຍ​ດ້ານ ​ເປັນຕົ້ນດ້ານ​ການ​ເມືອງ​ກໍ​ຍັງ​ມີ​ສະຖຽນ​ລະ​ພາບ​ໝັ້ນຄົງ ​ແລະ ໜັກ​ແໜ້ນ ​ເຊິ່ງປີ​ນີ້​ຖື​ເປັນ​ປີ​ທ້າຍ​ສະ​ໄໝ​ແຫ່ງ​ການ​ປະຕິບັດ​ມະຕິ X ຂອງ​ພັກ, ໝາ​ກຜົນ​ທີ່​ໄດ້​ຮັບ​ຢ່າງ​ໜຶ່ງ​ກໍ​ແມ່ນ​ໄດ້​ສຳ​ເລັດ​ກອງ​ປະຊຸມ​ສາມ​ຂັ້ນຂອງ​ພັກ, ກະກຽມ​ເງື່ອນ​ໄຂ​ທຸກ​ສິ່ງ​ທຸກ​ຢ່າງ​ໃຫ້​ແກ່​ກອງ​ປະຊຸມ​ໃຫຍ່​ຂອງ​ພັກ ຄັ້ງທີ XI ທີ່​ຈະ​ມາ​ເຖິງ​ໃນ​ມໍ່ໆ​ນີ້. ດ້ານ​ເສດຖະກິດ ​ເຖິງ​ວ່າ​ມີ​ການ​ຂາດດູນ​ຍ້ອນ​ຫລາຍ​ປັດ​ໄຈ​ ​ແຕ່​ກໍ​ຢູ່​ໃນ​ສະພາບ​ທີ່​ຄ່ອງ​ຕົວ ​ເຊິ່ງ​ໃນ​ເດືອນ​ພະຈິກ​ຜ່ານ​ມາ​ເຫັນ​ວ່າ​ມູນ​ຄ່າ​ການ​ສົ່ງ​ອອກ​ຫລາຍ​ກວ່າ​ການ​ນຳ​ເຂົ້າ​ເຖິງ 2 ລ້ານ​ໂດ​ລາ​ສະຫະລັດ. ສ່ວນວ່າ​ດ້ານ​ສັງຄົມ​ກໍ​ຄ່ອຍໆ​ມີ​ຄວາມ​ສະຫງົບ​ໂດຍ​ພື້ນ​ຖານ​ຂຶ້ນ​ເລື້ອຍໆ, ຊີວິດ​ການ​ເປັນ​ຢູ່​ຂອງ​ປະຊາຊົນ​ກໍ​ນັບ​ມື້ມີ​ຄວາມ​ສະຫງົບ​ອຸ່ນ​ອ່ຽນ ​ເຊິ່ງ​ເບິ່ງ​ໂດຍ​ລວມ​ແມ່ນ​ມີ​ຄວາມ​ເຊື່ອ​ໝັ້ນຕໍ່​ການ​ນຳພາ​ຂອງ​ພັກ ​ແລະ ລັດຖະບານ ​ແລະ ສິ່ງ​ທີ່​ໂດດ​ເດັ່ນ​ອີກ​ຢ່າງ​ໜຶ່ງ​ກໍ​ແມ່ນ​ບັນຫາ​ການ​ປາບ​ປາມ​ປາກົດການ​ຫຍໍ້​ທໍ້​ໃນ​ສັງຄົມ​ໄດ້​ເຮັດ​ຢ່າງ​ຈິ​ງຈັງ, ການ​ສໍ້​ລາດ​ບັງ​ຫລວງ​ໃນ​ຂົງ​ເຂດ​ພະນັກງານ​ລັດ​ໄດ້​ຖືກ​ຕີ​ຖອຍ​ຢ່າງ​ເປັນ​ຮູບ​ປະ​ທຳ​ເທື່ອລະ​ກ້າວ.

ປີ​ໃໝ່​ສ້າງ​ຜົນງານ​ໃໝ່​ໃຫ້​ໃຫຍ່​ຫລວງ​ກວ່າ​ເກົ່າ - Wave100S AD to Website 2020 0 - ປີ​ໃໝ່​ສ້າງ​ຜົນງານ​ໃໝ່​ໃຫ້​ໃຫຍ່​ຫລວງ​ກວ່າ​ເກົ່າ

ປີ 2020 ​ເປັນ​ປີ​ໜຶ່ງ​ທີ່​ມີ​ຄວາມ​ໝາຍ​ທາງ​ດ້ານ​ປະຫວັດສາດ ​ເພາະວ່າ​ພວກ​ເຮົາ​ໄດ້​ສະ​ເຫລີ​ມສະຫລອງ​ວັນຊາດ​ທີ 2 ທັນວາ ຄົບຮອບ 45 ປີ ທັງ​ໄດ້​ພ້ອມ​ກັນ​ລະນຶກ​ເຖິງ​ວັນ​ເກີດ​ຄົບຮອບ 100 ປີ ຂອງ​ປະທານ ​ໄກສອນ ພົມວິຫານ ວິລະ​ບູລຸດ ​ແລະ ຜູ້ນຳ​ທີ່​ເຄົາລົບ​ຮັກ​ຂອງ​ປວງ​ຊົນ​ລາວ​ທົ່ວ​ທັງ​ປະ​ເທດ. ສ່ວນ​ບັນຍາກາດ​ແຫ່ງ​ຜົນງານ​ຊິ້ນ​ໃໝ່ໆ​ຄຶກຄັກ​ມາ​ແຮງ​ອີກ​ອັນ​ໜຶ່ງ​ກໍ​ແມ່ນ​ການ​ເປີດ​ສາຍ​ທາງ​ດ່ວນ​ໄລຍະ​ທີ​ໜຶ່ງ ​ແຕ່​ນະຄອນຫລວງ​ວຽງ​ຈັນ​ຫາ​ວັງ​ວຽງ. ນອກຈາກ​ນັ້ນ ​ໂຄງການ​ໃຫຍ່​ອື່ນ​ໆ​ກໍ​ພວມ​ດຳ​ເນີນ​ໄປ​ຢ່າງ​ເລັ່ງດ່ວນ ​ໂດຍ​ສະ​ເພາະ​​ແມ່ນ​ໂຄງການ​ກໍ່ສ້າງ​ເສັ້ນທາງ​ລົດ​ໄຟ​ຄວາມ​ໄວ​ສູງ ລາວ-ຈີນ.

​ເຖິງ​ຢ່າງ​ໃດ​ກໍ​ດີ, ​ໃນ​ປີ​ໃໝ່ 2021 ກໍ​ເປັນ​ປີ​ສຳຄັນ​ອີກ​ປີ​ໜຶ່ງ​ທີ່​ພວກ​ເຮົາ​ຕ້ອງ​ພ້ອມ​ກັນ​ສ້າງ​ຜົນງານ​ອັນ​ໃໝ່ ບໍ່​ວ່າ​ໃນ​ດ້ານ​ການ​ເມືອງ ​ແລະ ​ເສດຖະກິດ-ສັງຄົມ​ຂອງ​ປະ​ເທດ ​ເປັນຕົ້ນກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຂອງ​ພັກ​ກໍ​ຈະ​ໄດ້​ເປີດ​ຂຶ້ນ​ໃນ​ປີ​ນີ້, ຈາກ​ນັ້ນກໍ​ຈະ​ມີ​ການ​ເລືອກ​ຕັ້ງຜູ້​ແທນ​ສະພາ​ແຫ່ງ​ຊາດ, ສະພາ​ປະຊາຊົນ​ຂັ້ນ​ແຂວງ. ວັນ​ທີ 2 ທັນວາ 2021 ກໍ​ຈະ​ໄດ້​ສະ​ເຫລີ​ມສະຫລອງ​ວັນຊາດ ​ໄປ​ພ້ອມ​ກັບການ​ເປີດ​ນຳ​ໃຊ້​ເສັ້ນທາງ​ລົດ​ໄຟ​ຄວາມ​ໄວ​ສູງ ຖ້າ​ຫາກ​ທຸກ​ຢ່າງ​ເປັນ​ໄປ​ຕາມ​ແຜນ. ​ໄປ​ຄຽງ​ຄູ່​ກັນນັ້ນ ກໍ​ຈະ​ມີ​ໂຄງການ​ນ້ອຍ​ໃຫຍ່​ອື່ນໆ​ໃນ​ທົ່ວ​ປະ​ເທດ​ໄດ້​ສຳ​ເລັດ​ລົງ​ຢ່າງ​ໜ້າ​ເພິ່ງ​ພໍ​ໃຈ.

ປີ​ໃໝ່​ສ້າງ​ຜົນງານ​ໃໝ່​ໃຫ້​ໃຫຍ່​ຫລວງ​ກວ່າ​ເກົ່າ - WhatsApp Image 2020 05 27 at 5 - ປີ​ໃໝ່​ສ້າງ​ຜົນງານ​ໃໝ່​ໃຫ້​ໃຫຍ່​ຫລວງ​ກວ່າ​ເກົ່າ
ປີ​ໃໝ່​ສ້າງ​ຜົນງານ​ໃໝ່​ໃຫ້​ໃຫຍ່​ຫລວງ​ກວ່າ​ເກົ່າ - WhatsApp Image 2020 05 27 at 5 - ປີ​ໃໝ່​ສ້າງ​ຜົນງານ​ໃໝ່​ໃຫ້​ໃຫຍ່​ຫລວງ​ກວ່າ​ເກົ່າ
error: Alert: ເນື້ອຫາຂ່າວມີລິຂະສິດ !!