7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້

7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້ - 092011 2020 - 7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້
7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້ - Untitled design - 7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້

ເມື່ອເວົ້າເຖິງປະສິດທິພາບໃນການເຮັດວຽກ ທຸກໆຄົນກໍຢາກທີ່ຈະຕື່ນເຊົ້າຂຶ້ນມາຢ່າງສົດຊື່ນ ແລະ ພ້ອມທີ່ຈະລຸຍວຽກທີ່ຕ້ອງເຮັດໝົດມື້, ແຕ່ວ່າມັນມັກຈະບໍ່ເປັນແບບນັ້ນ ຄົນສ່ວນຫລາຍມັກຈະຕື່ນນອນມາດ້ວຍອາການອິດເມື່ອຍອ່ອນເພຍ ແລ້ວກໍບໍ່ມີແຮງເຮັດວຽກ ເຊິ່ງມັນບໍ່ຄວນເປັນແບບນັ້ນ. ມື້ນີ້ພວກເຮົາຈຶ່ງມີວິທີທີ່ຈະຊ່ວຍໃຫ້ທ່ານຕື່ນນອນມາດ້ວຍພະລັງທີ່ເຕັມລົ້ນ ພ້ອມຮັບມືກັບວຽກຕໍ່ໜ້າໄດ້ຢ່າງມີປະສິດທິພາບມາແນະນຳບັນດາທ່ານ ດັ່ງນີ້ :

7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້ - 082011 2020 - 7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້

7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້ - Wave100S AD to Website 2020 0 - 7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້
  1. ນອນຫລັບໃຫ້ພໍ : ຄົນທົ່ວໄປມັກຈະຖືເບົາຄວາມສຳຄັນຂອງການນອນຫລັບຢ່າງພຽງພໍ ເຖິງມັນຈະເປັນຄວາມຈິງທີ່ວ່າແຕ່ລະຄົນຕ້ອງການເວລາໃນການຫລັບທີ່ຕ່າງກັນໄປ. ດັ່ງນັ້ນ ທ່ານຕ້ອງຮູ້ວ່າຕົນເອງຕ້ອງການເວລານອນຫລັບເທົ່າໃດ ຖ້າທ່ານຫລັບໜ້ອຍເກີນໄປ ທ່ານກໍຈະຕື່ນມາດ້ວຍອາການອ່ອນເພຍ ບໍ່ຕ່າງຫຍັງຈາກຜີດິບທີ່ເຊື່ອງຊ້າ. ດັ່ງນັ້ນ, ທ່ານຕ້ອງນອນຫລັບໃຫ້ພຽງພໍ ເຊິ່ງຄົນສ່ວນຫລາຍຈະມີເວລານອນຫລັບສະເລ່ຍປະມານ 6 – 7 ຊົ່ວໂມງ ຖ້າທ່ານຄົ້ນພົບວ່າຕົນເອງຕື່ນນອນມາແລ້ວຍັງຄົງເມື່ອຍຢູ່ ນັ້ນໝາຍຄວາມວ່າທ່ານຫລັບບໍ່ພໍ ແລະ ເຖິງເວລາທີ່ຈະຕ້ອງປ່ຽນແປງມັນແລ້ວ.
  2. ຕື່ນເຊົ້າ : ທ່ານເຄີຍສົງໄສບໍ່ວ່າເປັນຫຍັງຄົນສ່ວນຫລາຍຈຶ່ງເຮັດວຽກໄດ້ມີປະສິດທິພາບຫລາຍໆໃນຕອນເຊົ້າໆ ນັ້ນເປັນຍ້ອນວ່າຕອນເຊົ້າແມ່ນເວລາທີ່ດີສຸດໃນການເຮັດວຽກ ເພາະມັນມີສິ່ງລໍ້ຕາລໍ້ໃຈໜ້ອຍກ່ວາ ເຮັດໃຫ້ທ່ານສາມາດຈົດຈໍ່ກັບວຽກໄດ້ດີຂຶ້ນ. ນອກຈາກນີ້ ການຕື່ນມາເຮັດວຽກຕອນເຊົ້າຍັງຊ່ວຍເສີມສ້າງວິໄນໃນຕົນເອງໄດ້ນຳ. ການເຮັດວຽກຕອນເຊົ້າຊ່ວຍໃຫ້ທ່ານຫ້າວຫັນ ເມື່ອໄປຮອດຕອນບ່າຍ ທ່ານກໍຈະເລີ່ມງ່ວງນອນ ໂດຍສະເພາະຫລັງຈາກກິນເຂົ້າສວາຍແລ້ວ ອຸນຫະພູມທີ່ເພີ່ມຂຶ້ນກໍເຮັດໃຫ້ທ່ານບໍ່ສະບາຍໂຕ ແລະ ທ່ານກໍເລີ່ມທີ່ຈະໝົດພະລັງທີ່ຈະເຮັດສິ່ງຕ່າງໆແລ້ວ. ດັ່ງນັ້ນ ຈົ່ງເຮັດວຽກໃຫ້ແລ້ວພາຍໃນຕອນເຊົ້າຈະດີທີ່ສຸດ.
  3. ວາງແຜນໄວ້ລ່ວງໜ້າ 1 ມື້ : ການວາງແຜນຊີວິດໃນແຕ່ລະມື້ນັ້ນຄວນເຮັດໃນຕອນກາງຄືນ ດີກ່ວາການມານັ່ງວາງແຜນຕອນຕື່ນນອນ ເພາະວ່າທ່ານຈະໄດ້ບໍ່ຕ້ອງເສຍເວລາມານັ່ງຄິດວ່າທ່ານຈະເຮັດຫຍັງຫລັງຈາກທີ່ທ່ານຕື່ນນອນ. ຄົນສ່ວນຫລາຍບໍ່ຄ່ອຍວາງແຜນ ແລະ ດຳລົງຊີວິດໃນແຕ່ລະມື້ໄປຢ່າງບໍ່ເປັນລະບົບ ຖ້າທ່ານບໍ່ມີແຜນຂອງຕົນເອງ ກໍຈະກາຍເປັນວ່າທ່ານກໍຈະຕ້ອງເຮັດຕາມແຜນຂອງຄົນອື່ນໄປໂດຍອັດຕະໂນມັດ.
  4. ກິນສິ່ງທີ່ມີປະໂຫຍດຕໍ່ສຸຂະພາບ : ເຮົາທຸກຄົນຮູ້ດີວ່າເຂົ້າເຊົ້ານັ້ນສຳຄັນປານໃດ ຢ່າລືມກິນເຂົ້າເຊົ້າເດັດຂາດ ບໍ່ວ່າທ່ານຈະຄາວຽກຫລາຍປານໃດກໍຕາມ, ແຕ່ຖ້າເລືອກໄດ້ກໍຂໍໃຫ້ກິນອາຫານທີ່ມີປະໂຫຍດ.
  5. ດື່ມນຳ້ຫລັງຈາກຕື່ນນອນ : ທ່ານຮູ້ຫລືບໍ່ວ່າການດື່ມນຳ້ 500 ມິນລີລິດຫລັງຈາກຕື່ນນອນນັ້ນເປັນຜົນດີຕໍ່ສຸຂະພາບ ແລະ ການເຮັດວຽກຂອງທ່ານຫລາຍ ເພາະມັນຈະຊ່ວຍໃຫ້ອະໄວຍະວະຕ່າງໆຂອງທ່ານໄດ້ຮັບນຳ້ທີ່ພຽງພໍ ທັງຍັງລ້າງພິດໃນຮ່າງກາຍ. ນອກຈາກນີ້ ຜົນການວິໄຈຍັງບອກວ່າການດື່ມນຳ້ຫລັງຕື່ນນອນຈະຊ່ວຍເຜົາຜານໄຂມັນໄດ້ນຳ.
  6. ອອກກຳລັງກາຍ ຍືດເສັ້ນຍືດເອັນ : ສິ່ງສຳຄັນທີ່ທ່ານຄວນເຮັດໃນຕອນເຊົ້າອີກຢ່າງໜຶ່ງກໍແມ່ນການອອກກຳລັງກາຍ ຫລື ບໍ່ກໍຍືດເສັ້ນຍືດເອັນແບບງ່າຍໆ. ການອອກກຳລັງກາຍຈະຊ່ວຍໃຫ້ທ່ານຫລັ່ງສານເອັນໂດຣຟິນທີ່ເຮັດໃຫ້ທ່ານຮູ້ສືກມີຄວາມສຸກ ແລະ ນັ້ນສົ່ງຜົນໃຫ້ທ່ານສາມາດລຸຍວຽກໄດ້ໝົດມື້ຢ່າງມີປະສິດທິພາບ.
  7. ເຊືອບຫລັບໃນຕອນບ່າຍ : ວິທີນີ້ອາດຈະຟັງເບິ່ງຂັດໆກັບຫົວຂໍ້ເລື່ອງ, ແຕ່ການເຊືອບຫລັບເປັນໄລຍະເວລາສັ້ນໆໃນຕອນບ່າຍນັ້ນຈະເຮັດໃຫ້ທ່ານສົດຊື່ນຫລາຍຂຶ້ນ ເວລາທີ່ເໝາະສົມກໍຄື 15 – 30 ນາທີ ບໍ່ຄວນດົນເກີນກ່ວານີ້ ເພາະຖ້າທ່ານຫລັບ 1 ຊົ່ວໂມງ ມັນຈະເຂົ້າສູ່ໄລຍະເວລາການຫລັບເລີກ ທີ່ເຮັດໃຫ້ທ່ານເມື່ອຍກ່ວາເກົ່າເມື່ອຕື່ນຂຶ້ນມາ. ດັ່ງນັ້ນ ຢ່າລືມຕັ້ງໂມງປຸກໄວ້ນຳ.

7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້ - 012011 2020 300x300 - 7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້

7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້ - WhatsApp Image 2020 05 27 at 5 - 7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້
7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້ - WhatsApp Image 2020 05 27 at 5 - 7 ວິທີທີ່ເຮັດໃຫ້ທ່ານເຮັດວຽກໄດ້ຫລາຍຂຶ້ນໃນແຕ່ລະມື້
error: Alert: ເນື້ອຫາຂ່າວມີລິຂະສິດ !!