5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້

5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້ - 032311 2020 - 5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້
5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້ - Untitled design - 5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້

ມີຫລາຍຄົນໃນໂລກທີ່ບໍ່ໄດ້ເກັ່ງມາແຕ່ເກີດ, ແຕ່ພວກເຂົາກໍສາມາດກ້າວຂຶ້ນມາປະສົບຄວາມສຳເລັດ ແລະ ຖ່າຍທອດສິ່ງດີໆໃຫ້ກັບຄົນອື່ນໄດ້. ພວກເຂົາຮຽນຮູ້ວ່າຈະພັດທະນາສິ່ງທີ່ພວກເຂົາມີຢູ່ ເພື່ອເຮັດໃຫ້ຕົນເອງສະຫລາດຂຶ້ນໄດ້ ແລະ ທ່ານກໍສາມາດເຮັດໄດ້ຄືກັນ. ໄປເບິ່ງກັນເລີຍວ່າເຮັດແນວໃດແດ່ :

5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້ - 022311 2020 300x250 - 5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້

5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້ - Wave100S AD to Website 2020 0 - 5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້
  1. ອ່ານໜັງສືຫລາຍໆ : ທ່ານອາດຈະຮູ້ສຶກທໍ້ເວລາທີ່ເຫັນຄົນອື່ນອ່ານໜັງສືໄດ້ຫລາຍໆ ປຽບດັ່ງວ່າພວກເຂົາດາວໂຫລດຂໍ້ມູນເຫລົ່ານັ້ນລົງສະໝອງໄດ້ໂດຍກົງ, ແຕ່ຢ່າຟ້າວຕົກໃຈໄປ ເພາະມີບໍ່ເທົ່າໃດຄົນທີ່ເຮັດແບບນັ້ນໄດ້ ມັນໜ້າອິດສາແທ້ກໍແມ່ນ ແຕ່ຢ່າລືມວ່າຄົນເກັ່ງໆຫລາຍຄົນກໍບໍ່ໄດ້ອ່ານໄວ ສິ່ງທີ່ເຂົາເຮັດກໍແມ່ນອ່ານໃຫ້ເປັນນິໄສ. ເຮົາຕ້ອງອ່ານໜັງສືເປັນປະຈຳ ຖ້າເຮົາອ່ານໜ້ອຍ ຫລື ບໍ່ໄດ້ເຮັດເປັນກິດຈະວັດ ເຮົາຈະຮູ້ສຶກລືມ ແລະ ກຽດຄ້ານທີ່ຈະອ່ານ. ການອ່ານເປັນປະຈຳຈະຊ່ວຍໃຫ້ທ່ານສາມາດເອົາສິ່ງທີ່ອ່ານມາໃຊ້ໄດ້ງ່າຍຂຶ້ນ. ຄົນທີ່ເກັ່ງໆນັ້ນອ່ານໜັງສືເປັນຊີວິດຈິດໃຈ ຈົນເກືອບຈະກາຍເປັນການຝຶກຝົນ ແລະ ແນ່ນອນວ່າການຝຶກຝົນກໍເຮັດໃຫ້ເຮົາພັດທະນາໄປເລື້ອຍໆ ຈົນເກັ່ງຂຶ້ນນັ້ນເອງ.
  2. ຄົນທີ່ສະຫລາດຍ່ອມໃຊ້ເວລາຢູ່ກັບຄົນທີ່ສະຫລາດ : ຄົນເຮົາມັກຈະໃຊ້ເວລາກັບຄົນທີ່ຄ້າຍໆກັນ ຖ້າທ່ານຢາກຈະສະຫລາດຂຶ້ນ ທ່ານກໍຕ້ອງໃຊ້ເວລາຮ່ວມກັບຄົນທີ່ສະຫລາດກ່ວາທ່ານ ດັ່ງຄຳເວົ້າທີ່ວ່າ “ຖ້າທ່ານເປັນຄົນທີ່ສະຫລາດທີ່ສຸດໃນບ່ອນນັ້ນ ທ່ານກໍຢູ່ຜິດບ່ອນແລ້ວ”. ຖ້າທ່ານຢູ່ກັບຄົນສະຫລາດ ເຂົາຈະຊຸກຍູ້ທ່ານ ແລະ ຖ່າຍທອດຄວາມຮູ້ໃຫ້ກັບທ່ານ ບາງຄັ້ງມັນຈະເຮັດໃຫ້ທ່ານຮູ້ສຶກວ່າຕົນເອງຈະມາເມົາຈົມຢູ່ແບບນີ້ບໍ່ໄດ້ແລ້ວ ແລ້ວທ່ານກໍຈະເລີ່ມພັດທະນາຕົນເອງໄປໃນທາງທີ່ດີຂຶ້ນນຳ.
  3. ຄົນສະຫລາດນັ້ນບໍ່ຢ້ານຄວາມຜິດພາດ : ຈົ່ງຈື່ໄວ້ວ່າ ກ້າວທີ່ພາດແມ່ນໂອກາດທີ່ຈະຮຽນຮູ້ສິ່ງໃໝ່ໆ ແລະ ພັດທະນາຕົນເອງໄປຂ້າງໜ້າ. ການທີ່ເຮົາຈະເກັ່ງຂຶ້ນນັ້ນໝາຍຄວາມວ່າເຮົາຕ້ອງຄິດກ່ຽວກັບຄວາມຜິດພາດໃໝ່ ທ່ານຕ້ອງບໍ່ຢ້ານທີ່ຈະເຮັດຜິດພາດ ເພາະການເຮັດຜິດພາດຈະເຮັດໃຫ້ທ່ານກັບມາທົບທວນຕົນເອງ ແລະ ເຫັນວ່າຕົນເອງຕ້ອງປັບປຸງຈຸດໃດແດ່ເພື່ອທີ່ຈະກ້າວໄປຂ້າງໜ້າ ຄົນສະຫລາດຍ່ອມຮັບຮູ້ເຖິງສິ່ງເຫລົ່ານີ້ເປັນຢ່າງດີ.
  4. ຄົນສະຫລາດນັ້ນໃຫ້ຄຸນຄ່າກັບຄວາມຮູ້ທຸກປະເພດ : ຄົນໂງ່ນັ້ນມັກຈະປະຕິເສດຄວາມຮູ້ທີ່ບໍ່ກ່ຽວຂ້ອງກັບໂຕເຂົາ ເພາະຄິດວ່າຮູ້ໄປກໍບໍ່ໄດ້ຊ່ວຍຫຍັງ, ແຕ່ຄົນສະຫລາດຈະຄິດກົງກັນຂ້າມ ພວກເຂົາສົນໃຈຄວາມຮູ້ທຸກປະເພດ, ສົນໃຈໃນສິ່ງທີ່ເຂົາບໍ່ຮູ້ ແລະ ຢາກທີ່ຈະຮູ້ມັນ ເພາະຄວາມຮູ້ເປັນສິ່ງທີ່ບອກບໍ່ໄດ້ດອກວ່າຄວາມຮູ້ແບບໃດມີຄຸນຄ່າ ຫລື ແບບໃດໄຮ້ຄຸນຄ່າ, ຄົນສະຫລາດຈຶ່ງເປີດຮັບຄວາມຮູ້ທຸກຮູບແບບ ພວກເຂົາຮຽນຮູ້ ແລະ ເຫັນໂອກາດທີ່ຈະຂະຫຍາຍຄວາມຮູ້ນັ້ນໃຫ້ກ້ວາງອອກໄປອີກ.
  5. ພວກເຂົາເຮັດວຽກໜັກ (ຫລາຍ) : ການເຮັດວຽກໜັກແມ່ນປັດໄຈສຳຄັນທີ່ຈະເຮັດໃຫ້ທ່ານສະຫລາດຂຶ້ນ ເພາະການເຮັດວຽກແມ່ນການໄດ້ລົງເລິກເຂົ້າໄປໃນສິ່ງຕ່າງໆໂດຍກົງ ເຖິງວ່າທ່ານຈະມີຄວາມຮູ້ຫລາຍ ແຕ່ຖ້າທ່ານບໍ່ລອງລົງມືເຮັດ ມັນກໍອາດຈະເປັນຄວາມຮູ້ທີ່ບໍ່ເລິກເຊິ່ງ. ຄົນສະຫລາດຈຶ່ງຕັ້ງໃຈກັບການເຮັດວຽກໜັກ ພວກເຂົາບໍ່ປະຕິເສດຂໍ້ນີ້ ເພາະວ່າມັນແມ່ນປັດໄຈສຳຄັນທີ່ເຮັດໃຫ້ພວກເຂົາເກັ່ງຂຶ້ນໃນທຸກໆມື້ນັ້ນເອງ.
5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້ - 012311 2020 300x180 - 5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້
Young man and electrical bulb against dark background
5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້ - WhatsApp Image 2020 05 27 at 5 - 5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້
5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້ - WhatsApp Image 2020 05 27 at 5 - 5 ວິທີທີ່ເຮັດໃຫ້ທ່ານສະຫລາດຂຶ້ນໃນທຸກໆມື້
error: Alert: ເນື້ອຫາຂ່າວມີລິຂະສິດ !!