5 ນິໄສຂອງຄົນທີ່ມີຄວາມໝັ້ນຄົງທາງອາລົມ

5 ນິໄສຂອງຄົນທີ່ມີຄວາມໝັ້ນຄົງທາງອາລົມ - 092311 2020 - 5 ນິໄສຂອງຄົນທີ່ມີຄວາມໝັ້ນຄົງທາງອາລົມ
5 ນິໄສຂອງຄົນທີ່ມີຄວາມໝັ້ນຄົງທາງອາລົມ - Untitled design - 5 ນິໄສຂອງຄົນທີ່ມີຄວາມໝັ້ນຄົງທາງອາລົມ

ທ່ານຢາກມີຫຍັງຫລາຍກ່ວາກັນ “ຄວາມໝັ້ນຄົງທາງການເງິນ” ຫລື “ຄວາມໝັ້ນຄົງທາງອາລົມ” ? ທ່ານອາດບໍ່ເຄີຍສັງເກດ ແຕ່ວ່າການມີຄວາມເຂັ້ມແຂງທາງດ້ານອາລົມ ແລະ ຕອບສະໜອງໃຊ້ປະໂຫຍດຈາກອາລົມຢ່າງຖືກວິທີນັ້ນ ມີຄຸນຄ່າຍິ່ງກ່ວາການມີບັນຊີເງິນຝາກຫລາຍ. ຫາກທ່ານຍັງບໍ່ປັກໃຈເຊື່ອ ລອງມາສຶກສາ 5 ລັກສະນະນິໄສຂອງບັນດາຄົນທີ່ມີຄວາມໝັ້ນຄົງທາງອາລົມທີ່ອາດຈະເຮັດໃຫ້ທ່ານຕ້ອງປ່ຽນຄວາມຄິດວ່າ ອັນໃດກັນແທ້ແມ່ນຄວາມໝາຍຂອງການມີຊີວິດທີ່ດີ.

5 ນິໄສຂອງຄົນທີ່ມີຄວາມໝັ້ນຄົງທາງອາລົມ - 082311 2020 300x157 - 5 ນິໄສຂອງຄົນທີ່ມີຄວາມໝັ້ນຄົງທາງອາລົມ

  1. ພວກເຂົາຄິດບວກຢູ່ສະເໝີ : ການຈະຮັ່ງມີ ຫລື ອຸດົມສົມບູນໃນດ້ານໃດກໍຕາມ ສຸຂະພາບກາຍ ແລະ ຈິດທີ່ດີແມ່ນສິ່ງສຳຄັນເປັນອັນດັບທຳອິດສະເໝີ ສະນັ້ນ ທ່ານເອງກໍຄວນຈະດູແລສຸຂະພາບຈິດຂອງຕົນເອງໃຫ້ດີເຊັ່ນກັນ ນັ້ນໝາຍຄວາມວ່າ ທ່ານຕ້ອງປ້ອນແຕ່ສິ່ງດີໆໃຫ້ກັບຕົນເອງ, ຈົດຈໍ່ຢູ່ກັບຄວາມຄິດບວກທີ່ຈະຊ່ວຍໃຫ້ເກີດຄວາມຈະເລີນກ້າວໜ້າ ບໍ່ແມ່ນຄວາມຄິດລົບ ຫລື ຄວາມວິຕົກກັງວົນທີ່ມີແຕ່ຈະບັ່ນທອນຈິດໃຈ ທັງຍັງໄປຂັດຂວາງຄວາມຈະເລີນກ້າວໜ້ານຳອີກ. ມີຄົນເຄີຍກ່າວໄວ້ວ່າ : “ຫົວໃຈທີ່ເຕັມໄປດ້ວຍຄວາມສຸກ ແມ່ນຢາປິ່ນປົວທີ່ດີເລີດ” ແລ້ວທ່ານມີຈິດໃຈພາກສ່ວນໃດທີ່ເຈັບປ່ວຍ ແລະ ຕ້ອງການໆປິ່ນປົວແດ່ຫລືບໍ່ ?
  2. ພວກເຂົາແມ່ນນັກລົງທຶນທາງອາລົມ : ທ່ານກຳລັງແນມຫາວິທີປູກຕົ້ນໄມ້ເງິນຕົ້ນໄມ້ຄຳຢູ່ຫລືບໍ່ ? ເສຍດາຍທີ່ການລົງທຶນທາງລັດແບບນັ້ນບໍ່ມີທາງເປັນຄວາມຈິງ, ແຕ່ຄົນທີ່ມີຄວາມໝັ້ນຄົງທາງອາລົມນັ້ນຮູ້ດີວ່າ ການລົງທຶນກັບຂໍ້ດີທີ່ຕົນມີຢູ່ໃຫ້ເກີດປະໂຫຍດ ໂດຍການຕັ້ງໃຈຊ່ວຍເຫລືອ ແລະ ປູກຝັງໃຫ້ຜູ້ອື່ນມີຄວາມໝັ້ນຄົງທາງອາລົມນຳນັ້ນ ແມ່ນການໄດ້ເຫັນຜົນຂອງມັນກຳລັງປົ່ງດອກອອກໝາກ ເຮັດໃຫ້ທ່ານເອງເຕີບໃຫຍ່ໄປນຳຄືກັນ ຍິ່ງໄປກ່ວານັ້ນ ທ່ານຈະພົບວ່າມີຄົນທີ່ໄດ້ຮັບປະໂຫຍດຈາກການລົງທຶນທາງອາລົມຈາກທ່ານ ມີຫລວງຫລາຍຍິ່ງຂຶ້ນກ່ວາທີ່ທ່ານຄິດໄວ້ກໍໍມີ.
  3. ພວກເຂົາແມ່ນຄົນທີ່ພ້ອມຈະສ່ຽງ : ຜູ້ຄົນທີ່ປະສົບຄວາມສຳເລັດໃນອາຊີບ ແລະ ຄວາມສຳພັນນັ້ນ ບໍ່ໄດ້ເປັນຍ້ອນພວກເຂົາເລືອກຄວາມປອດໄພໄວ້ກ່ອນແນ່ນອນ, ແຕ່ພວກເຂົາຮູ້ດີວ່າແນວໃດກໍຕ້ອງ “ສ່ຽງ” ເພາະການຈະເປັນຄົນອຸດົມສົມບູນທາງອາລົມນັ້ນ ກໍຕ້ອງມີສ່ຽງກັນແດ່ຄືກັນ ໂດຍການລົງທຶນຊ່ວຍເຫລືອຜູ້ອື່ນທາງດ້ານອາລົມໂດຍທີ່ພວກເຂົາກໍຮູ້ດີວ່າ ມັນນຳມາເຊິ່ງຄວາມສ່ຽງທີ່ສຸຂະພາບຈິດຂອງຕົນອາດຈະຖືກກະທົບໄປນຳ, ແຕ່ຫົວໃຈສຳຄັນກໍຄື ທ່ານຕ້ອງບໍ່ໃຫ້ໃຈຫລາຍເກີນກ່ວາທີ່ຕົນຈະຮັບໄດ້ ແລະ ຄຳນຶງໄວ້ສະເໝີວ່າທ່ານອາດບໍ່ໄດ້ຫຍັງກັບຄືນມາ, ແຕ່ຢ່າຟ້າວຢ້ານ ເພາະປະໂຫຍດທີ່ຈະໄດ້ຈາກການຍອມສ່ຽງຈັກໜ້ອຍນັ້ນ ມັນກຸ້ມຄ່າຫລາຍ ເຊັ່ນ : ການມີຄູ່ຄ້າທາງທຸລະກິດເຮັດໃຫ້ກິດຈະການກ້າວໜ້າ ຫລື ມີມິດຕະພາບໃໝ່ໆທີ່ເຂົ້າມາອຸດໝູນກັນ ແລະ ກັນ ແມ່ນແຕ່ຄູ່ຊີວິດທີ່ອາດຕົກລົງໂດຍການແຕ່ງງານຢ່າງມີຄວາມສຸກ ແລ້ວມື້ນີ້ທ່ານຈະລອງສ່ຽງກັບການລົງທຶນທາງອາລົມແນວໃດດີ ?
  4. ພວກເຂົາຮູ້ສຶກປອດໄພ : ການປຸ້ນທະນາຄານມັນບໍ່ໄດ້ງ່າຍຄືທີ່ເຮົາເຫັນໃນຮູບເງົາ ຖ້າການລັກເງິນຂອງຄົນອື່ນມັນງ່າຍຂະໜາດນັ້ນ ຄົງບໍ່ມີໃຜໄປຝາກເງິນກັບທະນາຄານແຕ່ທຳອິດແນ່ນອນ ແລະ ສຳລັບຄວາມໝັ້ນຄົງທາງອາລົມນັ້ນກໍບໍ່ຕ່າງກັນເລີຍ ທ່ານຄວນແບ່ງໃຈໃຫ້ແຕ່ຄົນທີ່ທ່ານເຕັມໃຈຈະໃຫ້ກໍພໍ ເຖິງວ່າທ່ານອາດຈະລົງທຶນທາງອາລົມກັບໃຜຫລາຍຄົນ, ແຕ່ຄວນມີພຽງບໍ່ເທົ່າໃດຄົນທີ່ເຊື່ອໃຈເທົ່ານັ້ນທີ່ໄດ້ເຂົ້າໄປສຳຜັດສ່ວນເລິກຂອງທ່ານ ບໍ່ໄດ້ໝາຍຄວາມວ່າທ່ານຕ້ອງປິດກັ້ນຕົນເອງຈາກຄົນອື່ນ ພຽງແຕ່ທ່ານອາດຕ້ອງຮູ້ວ່າຄວນປ່ອຍໃຫ້ໃຜມີຜົນຕໍ່ອາລົມຄວາມຮູ້ສຶກຕົນເອງຢ່າງແທ້ຈິງ ແລະ ໃຜທີ່ຄວນຖືກໄລ່ໜີ.

5 ນິໄສຂອງຄົນທີ່ມີຄວາມໝັ້ນຄົງທາງອາລົມ - 072311 2020 300x198 - 5 ນິໄສຂອງຄົນທີ່ມີຄວາມໝັ້ນຄົງທາງອາລົມ

5 ນິໄສຂອງຄົນທີ່ມີຄວາມໝັ້ນຄົງທາງອາລົມ - Wave100S AD to Website 2020 0 - 5 ນິໄສຂອງຄົນທີ່ມີຄວາມໝັ້ນຄົງທາງອາລົມ

5. ພວກເຂົາແມ່ນຜູ້ໃຫ້ : ການໃຫ້ ແລະ ການລົງທຶນນັ້ນບໍ່ຄືກັນ ເວລາທີ່ທ່ານລົງທຶນ ເຊັ່ນ : ການສ້າງມິດຕະພາບ ແນ່ນອນວ່າທ່ານຫວັງຈະໄດ້ຮັບຜົນຕອບແທນ, ແຕ່ໃນເວລາທີ່ທ່ານໃຫ້ຫຍັງກັບໃຜທ່ານບໍ່ຄວນຫວັງຫຍັງຕອບແທນໄປຫລາຍກ່ວາຄວາມຮູ້ສຶກດີຈາກການໃຫ້ ຄືກັບສຳນວນທີ່ວ່າ “ເປັນຜູ້ໃຫ້ຍ່ອມສຸກໃຈກ່ວາຜູ້ຮັບ” ການໃຫ້ຄວາມຮັກ, ຄວາມເມດຕາ ຫລື ຄວາມອົດທົນກັບໃຜຈັກຄົນໂດຍບໍ່ຫວັງສິ່ງໃດຕອບແທນນັ້ນຍ່ອມດີຕໍ່ໃຈຂອງຜູ້ໃຫ້ ແລະ ຍັງເພີ່ມພູມຄວາມໝັ້ນຄົງທາງອາລົມຂອງທ່ານຂຶ້ນຕື່ມອີກ ເຖິງທ່ານຈະຮູ້ສຶກວ່າບໍ່ໄດ້ໃຫ້ຫຍັງຫລວງຫລາຍ, ແຕ່ຖ້າເຮັດດ້ວຍເຫດຜົນທີ່ຖືກຕ້ອງແລ້ວ ທ່ານຈະໄດ້ຮັບຫຍັງກັບມາຫລວງຫລາຍກ່ວາທີ່ໃຫ້ໄປກໍມີ.

5 ນິໄສຂອງຄົນທີ່ມີຄວາມໝັ້ນຄົງທາງອາລົມ - WhatsApp Image 2020 05 27 at 5 - 5 ນິໄສຂອງຄົນທີ່ມີຄວາມໝັ້ນຄົງທາງອາລົມ
5 ນິໄສຂອງຄົນທີ່ມີຄວາມໝັ້ນຄົງທາງອາລົມ - WhatsApp Image 2020 05 27 at 5 - 5 ນິໄສຂອງຄົນທີ່ມີຄວາມໝັ້ນຄົງທາງອາລົມ
error: Alert: ເນື້ອຫາຂ່າວມີລິຂະສິດ !!