ລາວ ແລະ ສ.ເກົາຫລີ ຫາລືການຂະຫຍາຍໂອກາດທຸລະກິດຜ່ານອີນເຕີເນັດ

- advert banner 728 90 728x90 - ລາວ ແລະ ສ.ເກົາຫລີ ຫາລືການຂະຫຍາຍໂອກາດທຸລະກິດຜ່ານອີນເຕີເນັດ

ໃນວັນທີ 5 ກໍລະກົດນີ້, ກະຊວງແຜນການ ແລະ ການລົງທຶນຮ່ວມກັບສະພາການຄ້າ ແລະ ອຸດສາຫະກຳແຫ່ງຊາດ ແລະ ສູນອາຊຽນ-ເກົາຫລີ, ໄດ້ ຈັດກອງປະຊຸມສ້າງຂີດຄວາມສາມາດກ່ຽວກັບໂອກາດຂະຫຍາຍທຸລະກິດໃນຮູບແບບ E-commerce ຫລື ການດຳເນີນທຸລະກິດຜ່ານອີນເຕີເນັດ,ໂດຍການເປັນປະທານຂອງທ່ານ ຄຳລຽນ ພົນເສນາ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ຄີມ ຢຸງ ຊູນ (KIM YOUNG-SUN) ເລຂາທິການໃຫຍ່ສູນອາຊຽນ-ເກົາຫລີ ແລະ ທ່ານ ຢຸນ ຄັງ ຮອນ YUN KANG-HYEON ເອກອັກຄະລັດຖະທູດແຫ່ງ ສ.ເກົາຫລີ ປະຈຳລາວ, ພ້ອມດ້ວຍນັກທຸລະກິດລາວ ແລະ ສ.ເກົາຫລີ ເຂົ້າຮ່ວມຈໍານວນຫລາຍ ເພື່ອຫາລືການຮ່ວມມືໃນຍຸກໂລກາພິວັດ, ດ້ວຍການສ້າງໂອກາດ ແລະ ຂະຫຍາຍທຸລະກິດໃນຮູບແບບການຄ້າຜ່ານສື່ເອເລັກໂຕຣນິກ.

ທ່ານຮອງລັດຖະມົນຕີກະຊວງແຜນການ ແລະ ການລົງທຶນ ກ່າວວ່າ: ການຂະຫຍາຍທຸລະກິດໃນຮູບແບບດັ່ງກ່າວແມ່ນຊ່ອງທາງໜຶ່ງທີ່ລັດຖະບານໄດ້ສົ່ງເສີມ ແລະ ເຫັນວ່າມີໂອກາດທີ່ຈະຂະຫຍາຍທຸລະກິດໄດ້ໄວ, ເນື່ອງຈາກປັດຈຸບັນວິສາຫະກິດຢູ່ໃນລາວຫລາຍກວ່າ 90% ແມ່ນຂະໜາດກາງ ແລະ ນ້ອຍ ແລະ ເມື່ອມີການຄ້າຂາຍແບບ E-commerce ເກີດຂຶ້ນຈະເຮັດໃຫ້ມີການແຂ່ງຂັນຫລາຍຂຶ້ນຈາກການເປີດເສລີການຄ້າ ແລະ ການບໍລິການ, ເຊິ່ງຈະເຮັດໃຫ້ວິສາຫະກິດເຫລົ່ານັ້ນມີການພັດທະນາ ແລະ ສາມາດແຂ່ງຂັນກັບບັນດາປະເທດໃນພາກພື້ນ ແລະ ສາກົນໄດ້ດີຂຶ້ນ. ແນວໃດກໍດີ ການເຮັດທຸລະກິດ ໃນຮູບແບບ E-commerce ຍັງຖືເປັນບັນຫາໃໝ່ ແລະ ມີຄວາມທ້າທ້າຍຫລາຍສຳລັບຜູ້ປະກອບການລາວເຮົາ, ຍ້ອນວ່າສ່ວນໃຫຍ່ຍັງບໍ່ທັນຄວາມເຂົ້າໃຈລະບົບການຊື້-ຂາຍອອນລາຍຢ່າງເລິກເຊິ່ງ, ນອກຈາກນີ້ການເຂົ້າເຖິງລະບົບອິນເຕີເນັດກໍແມ່ນຍັງບໍ່ທົ່ວເຖິງ ແລະ ຮູ້ທັກສະຄວາມຮູ້ທາງດ້ານພາສາອັງກິດຂອງປະຊາຊົນກໍຍັງຈໍາກັດ.

ປັດຈຸບັນການຊື້-ຂາຍຜ່ານທາງສື່ອອນລາຍເປັນຕົ້ນ: ເຟສບຸກ (Facebook), ລາຍ (Line) ແລະ ອີນສະຕາແກລມ (Instagram) ກໍາລັງໄດ້ຮັບຄວາມນິຍົມຢ່າງແຜ່ຫລາຍ, ໂດຍສະເພາະໃນກຸ່ມໄວໜຸ່ມ, ເຊິ່ງການຊື້-ຂາຍລັກສະນະນີ້ ຍັງບໍ່ແມ່ນລະບົບ E-commerce ແລະ ອັນສໍາຄັນແມ່ນມີຄວາມສ່ຽງຖືກລອກລວງ ແລະ ໄດ້ສີນຄ້າບໍ່ມີຄຸນນະພາບ.

- 1 1 - ລາວ ແລະ ສ.ເກົາຫລີ ຫາລືການຂະຫຍາຍໂອກາດທຸລະກິດຜ່ານອີນເຕີເນັດ
- Tiger Head 728x90 - ລາວ ແລະ ສ.ເກົາຫລີ ຫາລືການຂະຫຍາຍໂອກາດທຸລະກິດຜ່ານອີນເຕີເນັດ

ປັດຈຸບັນການລົງທຶນຂອງ ສ.ເກົາຫລີ ຢູ່ ສປປ ລາວ ມີຫລາຍກວ່າ 250 ໂຄງການ, ລວມມີມູນຄ່າລົງທຶນຫລາຍກວ່າ 800 ລ້ານໂດລາສະຫະລັດ ແລະ ຈັດຢູ່ອັນດັບທີ 4 ຂອງການລົງທຶນຕ່າງປະເທດຢູ່ລາວ, ຂະນະທີ່ມູນຄ່າການຄ້າລະຫວ່າງລາວ ແລະ ສ.ເກົາຫລີ ບັນລຸມູນຄ່າຫລາຍກວ່າ 200 ລ້ານໂດລາສະຫະລັດ. ໃນນັ້ນ ສປປ ລາວສົ່ງອອກບັນລຸ 22 ລ້ານກວ່າໂດລາສະຫະລັດ, ປະກອບມີກາເຟ, ແຮ່ທາດ ແລະ ອື່ນໆ. ສ່ວນການນໍາເຂົ້າຈາກ ສ.ເກົາຫລີ ສ່ວນໃຫຍ່ແມ່ນເຄື່ອງເອເລັກໂຕຣນິກ, ລົດ, ເຄື່ອງອາໄຫລ່, ວັດສະດຸກໍ່ສ້າງ ແລະ ອື່ນໆ.

error: Content is protected !!