ການນໍາເຂົ້າສັດ ແລະ ຜະລິດຕະພັນສັດ ອາດມີຄວາມສ່ຽງຕໍ່ການຕິດເຊື້ອພະຍາດຕ່າງໆ

ການນໍາເຂົ້າສັດ ແລະ ຜະລິດຕະພັນສັດ ອາດມີຄວາມສ່ຽງຕໍ່ການຕິດເຊື້ອພະຍາດຕ່າງໆ - 006 - ການນໍາເຂົ້າສັດ ແລະ ຜະລິດຕະພັນສັດ ອາດມີຄວາມສ່ຽງຕໍ່ການຕິດເຊື້ອພະຍາດຕ່າງໆ
ການນໍາເຂົ້າສັດ ແລະ ຜະລິດຕະພັນສັດ ອາດມີຄວາມສ່ຽງຕໍ່ການຕິດເຊື້ອພະຍາດຕ່າງໆ - Untitled design - ການນໍາເຂົ້າສັດ ແລະ ຜະລິດຕະພັນສັດ ອາດມີຄວາມສ່ຽງຕໍ່ການຕິດເຊື້ອພະຍາດຕ່າງໆ

ກະຊວງກະສິກໍາ ແລະ ປ່າໄມ້ ໄດ້ສົມທົບກັບຊ່ຽວຊານຕ່າງປະເທດ ຮ່ວມກັນສ້າງຮ່າງຄູ່ມື ກ່ຽວກັບການວິເຄາະຄວາມສ່ຽງ ນໍາເຂົ້າສັດ ແລະ ຜະລິດຕະພັນສັດ ຢູ່ຕາມດ່ານຊາຍແດນສາກົນ, ການຈັດປະເພດຄວາມສ່ຽງລາຍການສິນຄ້າປະເພດສັດ ແລະ ຜະລິດຕະພັນສັດ ທີ່ນໍາໃຊ້ເຂົ້າໃນລະບົບຄຸ້ມຄອງ ອັດຕະໂນມັດ ສຳລັບຂໍ້ມູນດ້ານພາສີ (ASYCUDA) ຢ່າງມີການເລືອກເຟັ້ນ ເພື່ອປ້ອງກັນ ແລະ ສະກັດກັ້ນເຊື້ອພະຍາດຈາກຕ່າງປະເທດ ທີ່ອາດຕິດມານໍາສັດ ແລະ ຜະລິດຕະພັນສັດ ແລະ  ເພື່ອໃຫ້ຮ່າງດັ່ງກ່າວ ມີເນື້ອໃນຄົບຖ້ວນ ແລະ ສາມາດຈັດຕັ້ງປະຕິບັດ ໃຫ້ສອດຄ່ອງກັບສະພາບຄວາມເປັນຈິງ ໂດຍບໍ່ສົ່ງຜົນກະທົບຕໍ່ວຽກງານອໍານວຍຄວາມສະດວກ ທາງດ້ານການຄ້າຂອງ ສປປ ລາວ ແລະ ບັນດາປະເທດພາຄີ. ດັ່ງນັ້ນໃນລະຫວ່າງວັນທີ 4-7 ມັງກອນນີ້ ກະຊວງດັ່ງກ່າວຈິ່ງໄດ້ຈັດກອງປະຊຸມທາບທາມຂຶ້ນທີ່ແຂວງວຽງຈັນ

ໃນກອງປະຊຸມທ່ານຮອງຫົວໜ້າກົມລ້ຽງສັດ ແລະ ການປະມົງ ໄດ້ແຈ້ງໃຫ້ຮູ້ວ່າ: ການນໍາເຂົ້າສິນຄ້າສັດ ແລະ ຜະລິດຕະພັນສັດ ຈາກຕ່າງປະເທດ ແມ່ນມີຄວາມສ່ຽງສູງ ທີ່ສັດ ແລະ ຜະ ລິດຕະພັນສັດດັ່ງກ່າວ ອາດຈະນໍາເຊື້ອພະຍາດຕິດແປດ ທີ່ອັນຕະລາຍປະເພດຕ່າງໆ ເຂົ້າມາແຜ່ເຊື້ອ ໃນປະເທດເຮົາເຊັ່ນ:  ພະຍາດອະຫິວາໝູ, ອະຫິວາໝູອາຟຣິກກາ, ພະຍາດເຍື່ອຫຸ້ມປອດອັກເສບຕິດຕໍ່ໃນງົວ, ພະຍາດອະຫິວາສັດຄ້ຽວເອື້ອງນ້ອຍ, ໄຂ້ຫວັດສັດປີກຊະນິດຮ້າຍແຮງສູງ, ພະຍາດງົວບ້າ, ພະຍາດອະຫິວາມ້າອາຟຣິກາ, ພະຍາດເຫຍື່ອຫຸ້ມປອດອັກເສບຕິດຕໍ່ໃນແບ້ ແລະ ອື່ນໆ. ພະຍາດເຫລົ່ານີ້, ສາມາດແຜ່ເຊື້ອໄປເປັນວົງກ້ວາງໂດຍຜ່ານການຂົນສົ່ງສັດ ຫລື ຜະລິດຕະພັນສັດ ທີ່ມີເຊື້ອພະຍາດ ບໍ່ພຽງແຕ່ຈະເຮັດໃຫ້ສັດລົ້ມຕາຍເປັນຈໍານວນຫລາຍເທົ່ານັ້ນ ແລະ ຍັງເປັນເຫດຜົນໜຶ່ງທີ່ປະເທດປາຍທາງ ສາມາດຫ້າມ ຫລື ຈໍາກັດການນໍາເຂົ້າສັດ ຫລື ຜະລິດຕະພັນສັດຈາກປະເທດເຮົາອີກດ້ວຍ ໃນກໍລະນີທີ່ພະຍາດດັ່ງກ່າວໄດ້ລະບາດ. ດັ່່ງນັ້ນຖ້າກວດກາພົບເຫັນເຊື້ອຍາດ ທີ່ເປັນອັນ ຕະລາຍ ແມ່ນຈະບໍ່ອະນຸຍາດໃຫ້ນໍາເຂົ້າຢ່າງເດັດຂາດ ແລະ ຈະນໍາໃຊ້ມາດຕະການກໍາຈັດໃຫ້ຖືກຕາມຫລັກວິຊາການ.

ການນໍາເຂົ້າສັດ ແລະ ຜະລິດຕະພັນສັດ ອາດມີຄວາມສ່ຽງຕໍ່ການຕິດເຊື້ອພະຍາດຕ່າງໆ - Wave100S AD to Website 2020 0 - ການນໍາເຂົ້າສັດ ແລະ ຜະລິດຕະພັນສັດ ອາດມີຄວາມສ່ຽງຕໍ່ການຕິດເຊື້ອພະຍາດຕ່າງໆ

ພາຍຫລັງປື້ມຄູ່ມືດັ່ງກ່າວຖືກຮັບຮອງແລ້ວ ແມ່ນຈະເລີ່ມທົດລອງຈັດຕັ້ງປະຕິບັດຢູ່ 10 ດ່ານເປົ້າໝາຍ ຂອງ 8 ແຂວງ ຄື: ນະຄອນ ຫລວງວຽງຈັນ, ບໍລິຄໍາໄຊ, ຄໍາມ່ວນ, ສະຫັວນນະເຂດ, ຈໍາປາສັກ, ໄຊຍະບູລີ, ຫລວງນໍ້າທາ ແລະ ແຂວງບໍແກ້ວ ປະກອບ ມີ: ດ່ານຂົວມິດຕະພາບ 1 ວຽງຈັນ-ໜອງຄາຍ, ດ່ານທ່າບັກ ປາກຊັນ-ບຶງການ, ດ່ານຂົວມິດຕະພາບ 3 ຄໍາມ່ວນ-ນະຄອນພະນົມ, ດ່ານນາເພົ້າ-ຈາຫລໍ, ດ່ານຂົວມິດຕະພາບ 2 ສະຫວັນນະເຂດ-ມຸກດາຫານ, ດ່ານແດນສະຫວັນ-ລາວບາວ, ດ່ານວັງເຕົ່າ-ຊ່ອງເມັກ, ດ່ານນໍ້າເຫືອງ, ດ່ານບໍ່ເຕນ ແລະ ດ່ານຂົວມິດຕະພາບ 4 ບໍ່ແກ້ວ-ຊຽງຮາຍ.

ການນໍາເຂົ້າສັດ ແລະ ຜະລິດຕະພັນສັດ ອາດມີຄວາມສ່ຽງຕໍ່ການຕິດເຊື້ອພະຍາດຕ່າງໆ - WhatsApp Image 2020 05 27 at 5 - ການນໍາເຂົ້າສັດ ແລະ ຜະລິດຕະພັນສັດ ອາດມີຄວາມສ່ຽງຕໍ່ການຕິດເຊື້ອພະຍາດຕ່າງໆ
ການນໍາເຂົ້າສັດ ແລະ ຜະລິດຕະພັນສັດ ອາດມີຄວາມສ່ຽງຕໍ່ການຕິດເຊື້ອພະຍາດຕ່າງໆ - WhatsApp Image 2020 05 27 at 5 - ການນໍາເຂົ້າສັດ ແລະ ຜະລິດຕະພັນສັດ ອາດມີຄວາມສ່ຽງຕໍ່ການຕິດເຊື້ອພະຍາດຕ່າງໆ
error: Alert: ເນື້ອຫາຂ່າວມີລິຂະສິດ !!