3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ

3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ - 102511 2020 - 3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ
3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ - Untitled design - 3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ

ຫລາຍເທື່ອທີ່ເຮົາມັກໃຫ້ຄວາມສຳຄັນກັບຂໍ້ບົກພ່ອງ ຫລື ຄວາມລົ້ມເຫລວໃນຊີວິດຫລາຍຈົນເກີນໄປ, ແຕ່ຢ່າລືມວ່າຄວາມສຳເລັດໃນຊີວິດກໍເປັນສິ່ງທີ່ຄວນໃຫ້ຄວາມສຳຄັນບໍ່ໜ້ອຍກ່ວາກັນເລີຍ. ດັ່ງນັ້ນ, ເຮົາຈຶ່ງຄວນຈະໃຫ້ຄວາມສຳຄັນທັງສອງຢ່າງຄຽງຄູ່ກັນໄປ ພ້ອມກັບປັບລະບົບວິທີຄິດໃຫ້ເປັນໄປໃນດ້ານບວກຢູ່ສະເໝີ, ປັບເລື່ອງລົບໆໃຫ້ກາຍເປັນບວກ, ປັບຈາກການບັ່ນທອນຕົນເອງໃຫ້ເປັນການສົ່ງເສີມ ແລະ ຊຸກຍູ້ຕົນເອງໃຫ້ກ້າວໄປຂ້າງໜ້າແທນ ໂດຍທຸກຢ່າງເຮົາສາມາດເລີ່ມຕົ້ນໄດ້ງ່າຍໆດ້ວຍ 3 ຂັ້ນຕອນຕໍ່ໄປນີ້ :

3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ - 092511 2020 300x200 - 3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ

3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ - Wave100S AD to Website 2020 0 - 3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ
  1. ສັງເກດພັດທະນາການຂອງຕົນເອງ : ທ່ານສັງເກດຫລືບໍ່ວ່າຕົນເອງເຮັດຫຍັງຕື່ມເຂົ້າມາແດ່ຈາກກິດຈະວັດປະຈຳວັນເກົ່າໆໃນເດືອນກ່ອນ, 6 ເດືອນກ່ອນ ຫລື ອາດຈະ 1 ປີກ່ອນ ? ການເຮັດສິ່ງໃດສິ່ງໜຶ່ງໃຫ້ດີພຽງເທື່ອໜຶ່ງ ຫລື ສອງເທື່ອບໍ່ແມ່ນເລື່ອງຍາກ ເພາະຄົນເຮົາຈະເຜີກັບໄປໃຊ້ຊີວິດ ແລະ ເຮັດພຶດຕິກຳເກົ່າໆສະເໝີ. ດັ່ງນັ້ນ, ຈົ່ງຕັ້ງເປົ້າໝາຍໃໝ່ໆ ແລະ ກວດສອບຕົນເອງຢູ່ສະເໝີວ່າເຮົາມີພັດທະນາການປ່ຽນໄປແນວໃດແດ່ຫລັງຈາກເລີ່ມຕົ້ນປ່ຽນແປງຕົນເອງ ດີຂຶ້ນບໍ່ ຫລື ຢູ່ກັບບ່ອນ ເພື່ອສ້າງພະລັງໃຈ ແລະ ຄວາມພູມໃຈໃຫ້ທ່ານກ່າວຕໍ່ໄປໃນທຸກໆມື້.
  2. ນຶກເຖິງຜົນຕອບແທນດີໆໄວ້ : ບໍ່ວ່າທ່ານຈະເຮັດຫຍັງ ຈົ່ງວາດພາບຄວາມສຳເລັດ ແລະ ປະໂຫຍດຈາກສິ່ງທີ່ທ່ານກຳລັງເຮັດໄວ້ໃນໃຈສະເໝີ. ມີເລື່ອງເລົ່າເລື່ອງໜຶ່ງໃນໄລຍະສົງຄາມໂລກຄັ້ງທີ 2 ຮົ່ມຊູຊີບຖືກຜະລິດຂຶ້ນເປັນຈຳນວນຫລາຍ ແລະ ໃນຄວາມຄິດຂອງຄົນງານຜະລິດຮົ່ມຊູຊີບເຫລົ່ານັ້ນ ນີ້ຖືເປັນວຽກທີ່ສຸດຈະໜ້າເບື່ອ ພວກເຂົາຕ້ອງກົ້ມໜ້າກົ້ມຕາເຮັດວຽກຢູ່ໜ້າເຄື່ອງຈັກເປັນ 10 ຊົ່ວໂມງຕໍ່ມື້, ຫຍິບຜ້າທີ່ບໍ່ມີສີສັນຈຳນວນຫລວງຫລາຍນັບບໍ່ຖ້ວນເພື່ອໃຫ້ໄດ້ຜ້າຜືນໃຫຍ່ສຳລັບຮົ່ມຊູຊີບ,​ ແຕ່ບັນດາຄົນງານທັງຫລາຍຈະຖືກເຕືອນໃຫ້ລະນຶກຢູ່ສະເໝີວ່າ ທຸກສີມືຈາກແຮງງານຂອງພວກເຂົາລ້ວນແຕ່ເປັນສ່ວນໜຶ່ງໃນການຊ່ວຍຊີວິດຜູ້ຄົນ ເຊິ່ງໜຶ່ງໃນນັ້ນອາດເປັນຜົວ, ອ້າຍ ຫລື ລູກຊາຍຂອງພວກເຂົາກໍເປັນໄດ້. ດັ່ງນັ້ນ, ເຖິງວ່າວຽກຈະໜັກ ແລະ ຈະໃຊ້ເວລາດົນປານໃດ ພວກເຂົາກໍຮູ້ດີວ່າວຽກທີ່ຕົນເຮັດລ້ວນເປັນປະໂຫຍດຕໍ່ຜູ້ອື່ນຢ່າງຫລວງຫລາຍ. ຄືກັນກັບວຽກຂອງທ່ານ ທຸກການກະທຳທີ່ທ່ານເຮັດ ຍ່ອມສົ່ງຜົນໃຫ້ເກີດຜົນປະໂຫຍດ ບໍ່ທາງໃດກໍທາງໜຶ່ງ ເຊັ່ນວ່າ : ມັນອາດຊ່ວຍຍົກລະດັບຊີວິດຂອງທ່ານ ແລະ ຜູ້ຄົນຫລວງຫລາຍໄດ້ໃນອະນາຄົດ ນີ້ຈຶ່ງຖືເປັນຄະຕິປະຈຳໃຈທີ່ເຮັດໃຫ້ເຮົາເບິ່ງຜ່ານຄວາມໜ້າເບື່ອຂອງວຽກໄປໄດ້.
  3. ຈັດວາງກິດຈະວັດປະຈຳວັນຢ່າງມີພັດທະນາການ : ພະຍາຍາມຈັດການກິດຈະວັດປະຈຳວັນທີ່ຈະສົ່ງເສີມທ່ານໄປໃນທາງທີ່ດີຂຶ້ນ ແລະ ຫລຸດສິ່ງທີ່ຈະບັ່ນທອນຕົນເອງ ເພື່ອໃຫ້ທ່ານເຮັດຫຍັງຕ່າງໆໄດ້ມີປະສິດທິພາບຫລາຍຂຶ້ນ ແທນທີ່ຈະເມົາແຕ່ນຶກເຖິງກິດຈະວັດເກົ່າໆທີ່ຕ້ອງເຮັດ ລອງທ້າທາຍຕົນເອງໂດຍເພີ່ມກິດຈະວັດໃໝ່ໆ ສ້າງວິໄນໃໝ່ໆ ທີ່ສົ່ງຜົນດີຕໍ່ໂຕເຮົາເຂົ້າມາແທນ ບໍ່ວ່າຈະດ້ານສຸຂະພາບ, ວຽກງານ ຫລື ຊີວິດປະຈຳວັນກໍຕາມ ເພາະຍິ່ງທ່ານສາມາດຄວບຄຸມ ແລະ ບັງຄັບຕົນເອງໄດ້ຫລາຍເທົ່າໃດ ທ່ານກໍຈະຍິ່ງໄດ້ຮັບສິ່ງດີໆເຂົ້າມາໃນຊີວິດຫລາຍເທົ່ານັ້ນ.
3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ - WhatsApp Image 2020 05 27 at 5 - 3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ
3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ - WhatsApp Image 2020 05 27 at 5 - 3 ຂັ້ນຕອນງ່າຍໆທີ່ຈະຊ່ວຍພັດທະນາໂຕທ່ານໄປຂ້າງໜ້າ
error: Alert: ເນື້ອຫາຂ່າວມີລິຂະສິດ !!