ລັດຖະມົນຕີ-ເຈົ້າໜ້າທີ່ລັດຖະບານອາເມລິກາ ແຫ່ລາອອກປະທ້ວງ ທຣຳ

ລັດຖະມົນຕີ-ເຈົ້າໜ້າທີ່ລັດຖະບານອາເມລິກາ ແຫ່ລາອອກປະທ້ວງ ທຣຳ - 563000012149901 - ລັດຖະມົນຕີ-ເຈົ້າໜ້າທີ່ລັດຖະບານອາເມລິກາ ແຫ່ລາອອກປະທ້ວງ ທຣຳ
ລັດຖະມົນຕີ-ເຈົ້າໜ້າທີ່ລັດຖະບານອາເມລິກາ ແຫ່ລາອອກປະທ້ວງ ທຣຳ - Untitled design - ລັດຖະມົນຕີ-ເຈົ້າໜ້າທີ່ລັດຖະບານອາເມລິກາ ແຫ່ລາອອກປະທ້ວງ ທຣຳ

ສະຖຽນ​ລະ​ພາບຂອງ​ລັດຖະບານ​ອາ​ເມ​ລິ​ກາ​ຊຸດ​ປັດຈຸບັນ​ສັ່ນ​ຄອນ​ຢ່າງ​ໜັກ ​ໃນ​ຊ່ວງ​ໂຄ້ງ​ສຸດ​ທ້າຍ​ກ່ອນ​ປະທານາທິບໍດີ ​ໂດ​ນັລ ທຣຳ ໝົດ​ວາລະ, ​ເມື່ອ​ລັດຖະມົນຕີ​ຢ່າງ​ໜ້ອຍ 2 ຄົນ ​ແລະ ​ເຈົ້າໜ້າ​ທີ່​ລັດ​ອີກ​ຫລາຍ​ພັນ​ຄົນ ລາ​ອອກ​ເພື່ອ​ປະ​ທ້ວງ​ຜູ້ນຳ​ອາ​ເມ​ລິ​ກາ ຈາກ​ກໍລະນີ​ເຫດ​ຮຸນ​ແຮງ​ຢູ່​ລັດຖະສະພາ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ນາງ ອີ​ເລນ ​ເຊົາ ຍື່ນ​ໜັງສື​ຕໍ່​ປະທານາທິບໍດີ​ ​ໂດນັລ ທຣຳ ​ໃນ​ວັນ​ທີ 7 ມັງກອນ ຂໍ​ລາ​ອອກ​ຈາກ​ຕຳ​ແໜ່​ງລັດຖະມົນຕີ​ກະຊວງ​ຄົມມະນາຄົມ ​ໂດຍ​ນາງ​ໃຫ້​ເຫດຜົນ​ວ່າ: ​ເຫດການ​ຢູ່​ອາຄານ​ລັດຖະສະພາ ​ໃນ​ວັນ​ທີ 6 ມັງກອນ ​ເຮັດ​ໃຫ້​ນາງ​ຮູ້ສຶກ​ບໍ່​ສະບາຍ​ໃຈ​ຫລາຍ ​ແລະ ອາດ​ເມີນ​ເສີຍ​ຕໍ່​ເລື່ອງ​ດັ່ງກ່າວ​ໄດ້ ​ເຊິ່ງການ​ລາ​ອອກ​ຂອງ​ນາງ​ຈະ​ມີ​ຜົນ​ຢ່າງ​ເປັນ​ທາງ​ການ ​ໃນ​ວັນ​ທີ 11 ມັງກອນ​ນີ້.

ຂະນະ​ທີ່​ນາງ ​ເບ​ດຊີ ​ເດ​ວໍ​ສ ຍື່ນ​ໜັງສື​ຂໍ​ລາ​ອອກ​ຈາກ​ຕຳ​ແໜ່​ງລັດຖະມົນຕີ​ກະຊວງ​ສຶກສາ​ທິການ​ຂອງ​ອາ​ເມ​ລິ​ກາ ດ້ວຍ​ເຫດຜົນ​ທີ່​ກົງ​ໄປ​ກົງ​ມາ​ຫລາຍ​ກວ່າ​ນາງ ​ເຊົາ ​ໂດຍ​ນາງ ​ເດ​ວໍ​ສ ກ່າວ​ຫາ​ຜູ້ນຳ​ອາ​ເມ​ລິ​ກາ​ຄົນ​ປັດຈຸບັນ​ປຸກລະດົມ​ໃຫ້​ມວນ​ຊົນ​ກໍ່​ຄວາມ​ຮຸນ​ແຮງ ດ້ວຍ​ການ​ບຸກລຸກ​ເຂົ້າ​ໄປ​ກໍ່​ຄວາມ​ວຸ້ນວາຍ ​ແລະ ທຳລາຍ​ຊັບ​ສິນ​ພາຍ​ໃນ​ອາຄານ​ລັດຖະສະພາ.

ສ່ວນ​ທ່ານ ມິດ ​ແມ​ກຄອນ​ເນລ ຜູ້ນຳ​ພັກຣີພັບ​ລິ​ກັນ​ໃນ​ວຸດ​ທິສະພາ​ອາ​ເມ​ລິ​ກາ ປະນາມ​ເຫດ​ຮຸນ​ແຮງ​ຢູ່​ລັດຖະສະພາ ​ແລະ ຕຳ​ໜິວຸດ​ທິສະມາຊິກ​ສັງກັດ​ພັກຣີພັບ​ລິ​ກັນ​ກຸ່ມ​ໜຶ່ງ ​ເຊິ່ງພະຍາຍາມ​ຂັດຂວາງ​ຂະ​ບວນການ​ລົງມະຕິ​ຂອງ​ສະພາ​ຄອງ​ເກຣດ ​ໃນ​ກອງ​ປະຊຸມ​ຂ້າມ​ຄືນ​ຈົນ​ຮອດ​ຮຸ່ງ​ເຊົ້າຂອງ​ວັນ​ທີ 7 ມັງກອນ ​ເພື່ອ​ຮັບຮອງ​ທ່ານ ​ໂຈ ​ໄບ​ເດນ ​ໃຫ້​ກຽມ​ດຳລົງ​ຕຳ​ແໜ່​ງປະທານາທິບໍດີ​ຄົນ​ໃໝ່.

ລັດຖະມົນຕີ-ເຈົ້າໜ້າທີ່ລັດຖະບານອາເມລິກາ ແຫ່ລາອອກປະທ້ວງ ທຣຳ - Wave100S AD to Website 2020 0 - ລັດຖະມົນຕີ-ເຈົ້າໜ້າທີ່ລັດຖະບານອາເມລິກາ ແຫ່ລາອອກປະທ້ວງ ທຣຳ

ນອກຈາກ​ນີ້, ສື່​ທ້ອງ​ຖິ່ນ​ຂອງ​ອາ​ເມ​ລິ​ກາ​ຫລາຍ​ແຫ່ງ​ລາຍ​ງານ​ວ່າ: ​ເຈົ້າໜ້າ​ທີ່​ລະດັບ​ປະຕິບັດ​ການ 4.000 ຄົນ ສັງກັດ​ໜ່ວຍ​ງານ​ຫລາຍ​ແຫ່ງ, ​ແຕ່​ສ່ວນ​ຫລາຍ​ຄື​ກະຊວງ​ການ​ຕ່າງປະ​ເທດ ຍື່ນ​ໃບ​ລາ​ອອກ​ຈາກ​ຕຳ​ແໜ່​ງ ​ເຖິງ​ວ່າ​ເປັນ​ຈຳນວນ​ໜ້ອຍ ​ເມື່ອ​ທຽບ​ໃສ່​ຈຳນວນ​ເຈົ້າໜ້າ​ທີ່​ລັດ​ທົ່ວ​ປະ​ເທດ ​ເຊິ່ງມີ​ຫລາຍ​ກວ່າ 2 ລ້ານ​ຄົນ, ​ແຕ່​ການ​ເຄື່ອນ​ໄຫວ​ທີ່​ເກີດ​ຂຶ້ນຖື​ເປັນ​ສິ່ງ​ທີ່​ກັງວົນ​ບໍ່​ໜ້ອຍ ວ່າ​ຈະ​ສົ່ງ​ຜົນ​ກະທົບ​ຕໍ່​ຄວາມ​ລາບ​ລື່ນ​ໃນ​ການ​ຂັບ​ເຄື່ອນ​ນະ​ໂຍບ​າຍຂອງ​ລັດຖະບານ​ວໍ​ຊິງ​ຕັນ.

ຕໍ່​ມາ​ແກນ​ນຳ​ຂອງ​ສອງ​ພັກ​ການ​ເມືອງ​ໃຫຍ່​ໃນ​ອາ​ເມ​ລິ​ກາ ລວມທັງ​ທ່ານ ລິນ​ຊີ ​ເກຣ​ແຮມ ວຸດ​ທິສະມາຊິກ​ລັດ​ນອດ​ແຄ​ໂຣ​ໄລ​ນາ ຂອງ​ພັກຣີພັບ​ລິ​ກັນ ​ແລະ ທ່ານ ​ໂຈ ​ແມນ​ຊິນ ວຸດ​ທິສະມາຊິກ​ລັດ​ເວສ​ເວີ​ຈິ​ເນຍ ສັງກັດ​ພັກ​ເດ​ໂມ​ແຄຣດ ອອກ​ມາ​ຮຽກຮ້ອງ​ໃຫ້​ລັດຖະມົນຕີ ​ແລະ ​ເຈົ້າໜ້າ​ທີ່​ລະດັບ​ສູງ​ໃນ​ທຳນຽບຂາວ ຕະຫລອດ​ຈົນ​ເຈົ້າໜ້າ​ທີ່​ລັດ​ສັງກັດ​ໜ່ວຍ​ງານ​ທຸກ​ແຫ່ງ ປະຕິບັດ​ງານ​ຕໍ່​ໄປ​ເພື່ອ​ປະ​ເທດ​ຊາດ.

ລັດຖະມົນຕີ-ເຈົ້າໜ້າທີ່ລັດຖະບານອາເມລິກາ ແຫ່ລາອອກປະທ້ວງ ທຣຳ - WhatsApp Image 2020 05 27 at 5 - ລັດຖະມົນຕີ-ເຈົ້າໜ້າທີ່ລັດຖະບານອາເມລິກາ ແຫ່ລາອອກປະທ້ວງ ທຣຳ
ລັດຖະມົນຕີ-ເຈົ້າໜ້າທີ່ລັດຖະບານອາເມລິກາ ແຫ່ລາອອກປະທ້ວງ ທຣຳ - WhatsApp Image 2020 05 27 at 5 - ລັດຖະມົນຕີ-ເຈົ້າໜ້າທີ່ລັດຖະບານອາເມລິກາ ແຫ່ລາອອກປະທ້ວງ ທຣຳ
error: Alert: ເນື້ອຫາຂ່າວມີລິຂະສິດ !!