ຫວຽດນາມ-ສະຫະລັດ ໂອ້ລົມກັນ ທາງໂທລະສັບ

ຫວຽດນາມ-ສະຫະລັດ ໂອ້ລົມກັນ ທາງໂທລະສັບ - Untitled1 - ຫວຽດນາມ-ສະຫະລັດ ໂອ້ລົມກັນ ທາງໂທລະສັບ
ຫວຽດນາມ-ສະຫະລັດ ໂອ້ລົມກັນ ທາງໂທລະສັບ - kitchen vibe - ຫວຽດນາມ-ສະຫະລັດ ໂອ້ລົມກັນ ທາງໂທລະສັບ

ລາຍງານຕ່າງປະເທດຈາກ ຮ່າໂນ້ຍ ສສ ຫວຽດນາມ ວັນທີ 8 ມັງກອນນີ້ວ່າ: ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟາມບິງມິງ ໂອ້ລົມທາງໂທລະສັບກັບທ່ານ ລັດຖະມົນຕີການຕ່າງປະເທດຂອງສະຫະລັດ ໄມພອມແພວ.

ການໂອ້ລົມຄັ້ງນີ້, ທ່ານ ຟາມບິງມິງ ແລະ ທ່ານ ໄມພອມແພວ ໄດ້ຕີລາຄາສູງການຮ່ວມມືລະຫວ່າງສອງກະຊວງການຕ່າງປະເທດຂອງສອງປະເທດໃນໄລຍະທີ່ຜ່ານມາ ໄດ້ປະກອບສ່ວນຮັດແໜ້ນການພົວພັນຮ່ວມມືຢ່າງຮອບດ້ານລະຫວ່າງຫວຽດນາມ-ສະຫະລັດ ທັງທາງເລິກ ແລະ ທາງກວ້າງ ໃນທຸກຂົງເຂດ. ສະແດງຄວາມຊົມເຊີມ ທີ່ສອງຝ່າຍໄດ້ຈັດຕັ້ງສະເຫຼີມສະຫຼອງການພົວພັນການທູດສອງປະເທດຄົບຮອບ 25 ປີ ໃນທ່າມກາງການລະບາດຂອງພະຍາດໂຄວິດ-19.

ຫວຽດນາມ-ສະຫະລັດ ໂອ້ລົມກັນ ທາງໂທລະສັບ - Visit Laos Visit SALANA BOUTIQUE HOTEL - ຫວຽດນາມ-ສະຫະລັດ ໂອ້ລົມກັນ ທາງໂທລະສັບ

ກະຊວງການຕ່າງປະເທດຂອງສອງປະເທດເຫັນດີພ້ອມກັນ ເພີ່ມທະວີການຮ່ວມມືກັນບົນພື້ນຖານເຄົາລົບເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນ ແລະ ລະບອບການເມືອງຂອງກັນ ແລະ ກັນ., ປະກອບສ່ວນຢ່າງຕັ້ງໜ້າເຂົ້າໃນວຽກງານຄວາມສະຫງົບ, ສັນຕິພາບ, ການຮ່ວມມື ແລະ ພັດທະນາຂົງເຂດພາກພື້ນ ແລະ ໃນໂລກ.

ນອກຈາກນີ້, ລັດຖະມົນຕີກະຊວງການຕ່າງປະເທດ ຂອງສະຫະລັດ ໄດ້ແຈ້ງໃຫ້ຫວຽດນາມຮູ້ວ່າ ຜູ້ຕາງໜ້າການຄ້າຂອງສະຫະລັດ ກຳລັງດຳເນີນການກວດສອບນະໂຍບາຍດ້ານການເງິນ ແລະ ໄມ້ຂອງຫວຽດນາມຕາມມາດຕາ 301 ໃນກົດໝາຍວ່າດ້ວຍການຄ້າປີ 1974 ຂອງສະຫະລັດ.

ຮອງນາຍົກລັດຖະມົນຕີ ແລະ ລັດຖະມົນຕີກະຊວງການຕ່າງປະເທດ ຫວຽດນາມ ຟາມບິງມິງ ຢືນຢັນວ່າ: ບັນດາກະຊວງ ທະບວງກົມ ແລະ ທຸກຂະແໜງການຂອງຫວຽດນາມ ຈະສືບຕໍ່ເປັນເຈົ້າການໃນການຮ່ວມມືກັບທາງການຂອງສະຫະລັດ, ແກ້ໄຂທຸກບັນຫາທີ່ທັງສອງຝ່າຍມີຄວາມສົນໃຈຮ່ວມກັນ ເພື່ອເສີມຂະຫຍາຍການຮ່ວມມືທາງການຄ້າໃຫ້ມີຄວາມສະຫງົບ ແລະ ເທົ່າທຽມກັນ, ມີຄວາມໝັ້ນທ່ຽງ ແລະ ຕ່າງຝ່າຍຕ່າງມີຜົນປະໂຫຍດ.

 

 

ຫວຽດນາມ-ສະຫະລັດ ໂອ້ລົມກັນ ທາງໂທລະສັບ - 3 - ຫວຽດນາມ-ສະຫະລັດ ໂອ້ລົມກັນ ທາງໂທລະສັບ
ຫວຽດນາມ-ສະຫະລັດ ໂອ້ລົມກັນ ທາງໂທລະສັບ - 5 - ຫວຽດນາມ-ສະຫະລັດ ໂອ້ລົມກັນ ທາງໂທລະສັບ
ຫວຽດນາມ-ສະຫະລັດ ໂອ້ລົມກັນ ທາງໂທລະສັບ - 4 - ຫວຽດນາມ-ສະຫະລັດ ໂອ້ລົມກັນ ທາງໂທລະສັບ