ຊົມເຊີຍກອງປະຊຸມໃຫຍ່ ພັກປະຊາຊົນປະຕິວັດລາວ ຄັ້ງທີ XI ຢ່າງສຸດໃຈ

ຊົມເຊີຍກອງປະຊຸມໃຫຍ່ ພັກປະຊາຊົນປະຕິວັດລາວ ຄັ້ງທີ XI ຢ່າງສຸດໃຈ - 135811660 3464922310296302 9172713487437331473 o - ຊົມເຊີຍກອງປະຊຸມໃຫຍ່ ພັກປະຊາຊົນປະຕິວັດລາວ ຄັ້ງທີ XI ຢ່າງສຸດໃຈ
ຊົມເຊີຍກອງປະຊຸມໃຫຍ່ ພັກປະຊາຊົນປະຕິວັດລາວ ຄັ້ງທີ XI ຢ່າງສຸດໃຈ - Untitled design - ຊົມເຊີຍກອງປະຊຸມໃຫຍ່ ພັກປະຊາຊົນປະຕິວັດລາວ ຄັ້ງທີ XI ຢ່າງສຸດໃຈ

ໂດຍ: ລູກເມືອງພວນ

ກອງປະຊຸມໃຫຍ່ຂອງພັກ 5 ປີໃດມີເທື່ອໜຶ່ງ, ຄັ້ງນີ້ເປັນຄັ້ງທີ່  XI ນັບແຕ່ຄັ້ງທີ I ໃນວັນທີ 22/03 – 06/04/1955 ເປັນຕົ້ນມາ. ກອງປະຊຸມໃຫຍ່ຂອງພັກ້ປັນເຫດການການເມືອງທີ່ຍິ່ງໃຫຍ່ ແລະ ສຳຄັນທີ່ສຸດໃນການເຄື່ອນໄຫວຊີວິດການເມືອງຂອງພັກ ແລະ ຂອງປະຊາຊົນລາວທັງຊາດ. ຖ້າເວົ້າວ່າ 5 ປີໃດຈະມີກອງປະຊຸມໃຫຍ່ຂອງພັກເກີດຂຶ້ນໜຶ່ງຄັ້ງ, ອາດມີຫຼາຍຄົນສົນໃຈ ແລະ ຈະຕັ້ງບັນຫາວ່າ: ຖ້າເປັນເຊັ່ນນັ້ນຕາມປົກກະຕິ ກໍຈະກາຍ 11 ຄັ້ງແລ້ວ. ການຕັ້ງບັນຫາດັ່ງກ່າວແມ່ນຖືກຕ້ອງ, ແຕ່ໃຫ້ເຂົ້າໃຈວ່າ ກອງປະຊຸມຖືກວັກເວັ້ນເປັນເວລາ 17 ແຕ່ປີ 1955 ເປັນຕົ້ນມາ ປີບໍ່ໄດ້ປະຊຸມ ອັນເນື່ອງມາຈາກຄວາມຫຍຸ້ງຍາກສັບສົນຂອງສະຖານະການ ການປະຕິວັດຊາດປະຊາທິປະໄຕໃນເວລານັ້ນ ຈົນມາເຖິງປີ 1972 ຈຶ່ງຈັດຕັ້ງກອງປະຊຸໃຫຍ່ຄັ້ງທີ II ຂຶ້ນໄດ້ ແລະ ແຕ່ປີ 1972 ເປັນຕົ້ນມາກໍຖືກວັກເວັ້ນໄປອີກເປັນເາລາ 10 ປີ ຈົນເຖິງປີ 1982 ຈຶ່ງສາມາດຈັດຕັ້ງກອງປະຊຸມໃຫຍ່ຂອງພັກຄັ້ງທີ III ຂຶ້ນໄດ້ ແລະ ນັບແຕ່ກອງປະຊຸມຄັ້ງທີ III ເປັນຕົ້ນມາ ຈຶ່ງສາມາດດຳເນີນເປັນປົກກະຕິ 5 ປີໃດໜຶ່ງໄດ້ ຈົນເຖິງປັດຈຸບັນ.

ກອງປະຊຸມໃຫຍ່ແຕ່ລະຄັ້ງ ພັກໄດ້ວາງແນວທາງການເມືອງ, ວາງແຜນການພັດທະນາເສດຖະກິດ-ສັງຄົມຂອງປະເທດຊາດ ໄລຍະ 5 ປີ ແລະ ປ່ອນບັດເລືອກຕັ້ງຄະນະພັກຊຸດໃໝ່ຂຶ້ນເພື່ອຊີ້ນຳນຳພາປະເທດຊາດ.

ກອງປະຊຸມຄັ້ງທີ XI ນີ້ຂອງພັກຈະໄດ້ໄຂຂຶ້ນຢ່າງເປັນທາງການໃນວັນທີ 13 ເຖິງວັນທີ 15 ມັງກອນ 2021 ຈຶ່ງຈະສຳເລັດລົງ. ກອງປະຊຸມຄັ້ງນີ້ຂອງພັກໄຂຂຶ້ນໃນທ່າມກາງບັນຍາກາດດ້ານການເມືອງ, ເສດຖະກິດ-ສັງຄົມ ແລະ ການລະບາດຂອງພະຍາດໂຄວິດ-19 ໄປທົ່ວໂລກ ມີການປ່ຽນແປງຢ່າງສັບສົນ, ເຮັດໃຫ້ເສດຖະກິດຂອງຫຼາຍປະເທດຕົກຕໍ່າ, ຜູ້ຄົນຕົກວຽກບໍ່ມີວຽກເຮັດງານທຳຫຼາຍລ້ານຄົນ…ໂດຍສະເພາະປະເທດເຮົາເປັນປະເທດດ້ອຍພັດທະນາ ຍິ່ງມີຄວາມຫຍຸ້ງຍາກຂາດເຂີນຫຼາຍສິ່ງຫຼາຍແນວ, ມີຄວາມຫຍຸ້ງຍາກໃນການດຳເນີນການພັດທະນາເສດຖະກິດ-ສັງຄົມຂອງປະເທດຊາດ, ການດຳລົງຊີວິດຂອງປະຊາຊົນພົບຄວາມຫຍຸ້ງຍາກ…

ເຖິງຢ່າງໃດກໍຕາມ, ພາຍໃຕ້ການນຳຂອງພັກ, ໂດຍສະເພາະແມ່ນພາຍໃຕ້ມະຕິ ຫຼື ແນວທາງຂອງກອງປະຊຸມໃຫຍ່ຄັ້ງນີ້ ຈະມີຫຼາຍອັນໃໝ່ທີ່ໜັກແໜ້ນ ແລະ ບຸກທະລູຢ່າງແຂງແຮງສິ່ງທ້າທາຍທົດສອບ ແລະ  ກີດຂວາງການກ້າວເດີນຂອງປະເທດຊາດ, ນຳເອົາປະເທດລາວກ້າວຂຶ້ນສູ່ຄວາມຈະເລີນຮຸ່ງເຮືອງ ປົດປ່ອຍປະເທດຊາດອອກຈາກສະພາວະຄວາມດ້ອຍພັດທະນາ ຕາມຈຸດໝາຍ ໄດ້ຢ່າງມີໄຊ, ເສດຖະກິດມີການຂະຫຍາຍຕົວ ມີລາຍຮັບສູງປານກາງ, ຊີວິດການເປັນຢູ່ຂອງປະຊາຊົນຈະອຸດົມສົມບູນຂຶ້ນກວ່າເກົ່າ. ຄິດວ່າກອງປະຊຸມຄັ້ງນີ້ຈະມີຫຼາຍອັນປ່ຽນແປງໃໝ່ ແລະ ຕັ້ງໜ້າກວ່າເກົ່າ.

ຂະນະນີ້ ປະຊາຊົນລາວທຸກຖ້ວນໜ້າ ກຳລັງອວ່າຍໜ້າສູ່ກອງປະຊຸມໃຫຍ່ດ້ວຍຄວາມຫວັງ, ດ້ວຍຄວາມຈົງຮັກພັກດີ  ແລະ ສ້າງຜົນງານຂໍ່ານັບຮັບຕ້ອນກອງປະຊຸມໃຫຍ່ ໃຫ້ເປັນຂະບວນການຟົດຟື້ນ.

ຊົມເຊີຍກອງປະຊຸມໃຫຍ່ ພັກປະຊາຊົນປະຕິວັດລາວ ຄັ້ງທີ XI ຢ່າງສຸດໃຈ - Wave100S AD to Website 2020 0 - ຊົມເຊີຍກອງປະຊຸມໃຫຍ່ ພັກປະຊາຊົນປະຕິວັດລາວ ຄັ້ງທີ XI ຢ່າງສຸດໃຈ

ອວຍພອນກອງປະຊຸມໃຫຍ່ຂອງພັກຈົ່ງປະສົບຜົນສຳເລັດຢ່າງຈົບງາມ! ຊົມເຊີຍກອງປະຊຸມໃຫຍ່ຢ່າງສຸດໃຈ!

ພັກປະຊາຊົນປະຕິວັດລາວ ຜູ້ຊີ້ນຳນຳພາທຸກໄຊຊະນະຂອງການປະຕິວັດລາວ ຈົ່ງໝັ້ນຍືນ!

 

ຊົມເຊີຍກອງປະຊຸມໃຫຍ່ ພັກປະຊາຊົນປະຕິວັດລາວ ຄັ້ງທີ XI ຢ່າງສຸດໃຈ - WhatsApp Image 2020 05 27 at 5 - ຊົມເຊີຍກອງປະຊຸມໃຫຍ່ ພັກປະຊາຊົນປະຕິວັດລາວ ຄັ້ງທີ XI ຢ່າງສຸດໃຈ
ຊົມເຊີຍກອງປະຊຸມໃຫຍ່ ພັກປະຊາຊົນປະຕິວັດລາວ ຄັ້ງທີ XI ຢ່າງສຸດໃຈ - WhatsApp Image 2020 05 27 at 5 - ຊົມເຊີຍກອງປະຊຸມໃຫຍ່ ພັກປະຊາຊົນປະຕິວັດລາວ ຄັ້ງທີ XI ຢ່າງສຸດໃຈ
error: Alert: ເນື້ອຫາຂ່າວມີລິຂະສິດ !!