ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ

ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ - 136096096 2709853775991833 3773371135675603872 o - ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ
ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ - Untitled design - ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ

ແຂວງຫົວພັນ ເປີດງານນິທັດສະການດອກຄາຍປ່າ ແລະ ຊາກຸຣະຫົວພັນ ໃນຕອນເຊົ້າວັນທີ 11 ມັງກອນ 2021 ຢູ່ທີ່ສວນມິດຕະພາບຫົວພັນ-ແທັງຮວາ ໂດຍມີທ່ານ ເພິດ ມາປັນຍາ ຮອງເລຂາພັກແຂວງ, ທ່ານ ພຸດພັນ ແກ້ວວົງໄຊ ຮອງເຈົ້າແຂວງ, ມີບັນດາການນໍາແຂວງ, ການນຳເມືອງ, ຫົວໜ້າພະແນກການ, ກອງບັນການທະຫານ, ກອງບັນການຕຳຫລວດ, ພະນັກງານ-ລັດຖະກອນ ພ້ອມດ້ວຍພໍ່ແມ່ປະຊາຊົນບ້ານອ້ອມຂ້າງເທສະບານເມືອງຊໍາເໜືອ ເຂົ້າຮ່ວມ.

ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ - 136472512 2768239120111409 8476167831590000807 o 300x200 - ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ

ໂອກາດນີ້, ທ່ານ ນາງ ໝັ້ນ ເພັງຄະຕິຍະ ຫົວໜ້າພະແນກຖະແຫລງວັດທະນະທຳ ແລະ ທ່ອງທ່ຽວ(ຖວທ) ໄດ້ໃຫ້ຮູ້ວ່າ: ແຂວງຫົວພັນ ເປັນແຂວງທີ່ມີທີ່ຕັ້ງພູມສັນຖານຖືເປັນແຂວງພູດອຍທີ່ມີອາກາດໜາວເຢັນ, ມີຄວາມອຸດົມສົມບູນທາງດ້ານທຳມະຊາດ, ມີພູຜາປ່າໄມ້ຂຽວສົດງົດງາມຕະຫລອດປີ ແລະ ຄວາມສວຍງາມຂອງທຳມະຊາດນັ້ນ ປະກອບມີດອກໄມ້ໃຫ້ດອກຕາມລະດູການຫລາຍຊະນິດເຊັ່ນ: ດອກບານ, ດອກປີບ, ດອກແຄ, ດອກຝາງແດງ, ດອກລ້ານ ແລະ ດອກໄມ້ຊະນິດຕ່າງໆ ເດັ່ນກວ່າໝູ່ແມ່ນດອກຄາຍປ່າ ທີ່ມີຄວາມເປັນເອກະລັກ ແລະ ງົດງາມພິເສດເປັນສີບົວຈ່າງ ແລະ ສີບົວເຂັ້ມມີລັກສະນະຄ້າຍຄືດອກຊາກຸຣະ ດອກໄມ້ປະຈຳຊາດຂອງປະເທດຍີ່ປຸ່ນ. ສະນັ້ນ, ໃນປີ 2008 ທ່ານ ພັນຄຳ ວິພາວັນ ອະດີດເຈົ້າແຂວງຫົວພັນ ໄດ້ມີແຜນເລືອກດອກຄາຍປ່າ ຫລື ເອີ້ນວ່າ: “ດອກພັນພະນາ” ເອົາມາປູກເປັນຕົ້ນໄມ້ປະດັບໃນເທສະບານຕົວເມືອງຊໍາເໜືອ ຈຳນວນ 400 ຕົ້ນ, ຕໍ່ມາໃນປີ 2010 ກໍໄດ້ມີການປູກເພີ່ມຕາມເສັ້ນທາງເລກທີ 6 ພູເລົ້າ-ເທສະບານຕົວເມືອງຊໍາເໜືອ-ວຽງໄຊ, ທາງໄປສະໜາມບິນໜອງຄ້າງ ແລະ ບ່ອນອື່ນໆ ເຊິ່ງພົບເຫັນດອກຄາຍປ່າບານຫລາຍກວ່າໝູ່ແມ່ນຢູ່ເມືອງຊໍາເໜືອ ແລະ ເມືອງຫົວເມືອງ, ໃນປີ 2015 ສະມາຄົມຄົນພິການອາຊີ ປະເທດຍີ່ປຸ່ນ ເປັນອົງການທີ່ບໍ່ສັງກັດລັດຖະບານຕາງໜ້າໃຫ້ລັດຖະບານຍີ່ປຸ່ນ ໄດ້ມາສ້າງສວນດອກຊາກຸຣະມິດຕະພາບ ລາວ-ຍີ່ປຸ່ນ ຢູ່ທີ່ເມືອງວຽງໄຊຕື່ມອີກ. ມາຮອດລະດູໜາວປີນີ້, ຕົ້ນຊາກຸຣະ ແລະ ດອກຄາຍປ່າຈຳນວນໜຶ່ງກໍໄດ້ອອກດອກເບັ່ງບານສວຍງາມເປັນທີ່ປະທັບໃຈ ແລະ ດຶງດູດແຂກຄົນໃຫ້ເຂົ້າມາຢ້ຽມຢາມ ແລະ ທ່ຽວຊົມແຂວງຫົວພັນ ດ້ວຍບັນຍາກາດຟົດຟື້ນ.

ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ - Wave100S AD to Website 2020 0 - ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ

ພ້ອມກັນນີ້, ທ່ານ ຫົວໜ້າພະແນກ ຖວທ ຍັງຮຽກຮ້ອງມາຍັງທຸກພາກສ່ວນທົ່ວແຂວງຫົວພັນ ໃຫ້ພ້ອມກັນເປັນເຈົ້າການປົກປັກຮັກສາ ແລະ ປູກຕົ້ນດອກຄາຍປ່າ ເພີ່ມຂຶ້ນ ເພື່ອໃຫ້ແຂວງຫົວພັນ ກາຍເປັນແຂວງທີ່ມີຄວາມງົດງາມດ້ານທຳມະຊາດ ກາຍເປັນຕົ້ນດອກໄມ້ເອກະລັກປະຈຳແຂວງຫົວພັນ.

ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ - WhatsApp Image 2020 05 27 at 5 - ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ
ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ - WhatsApp Image 2020 05 27 at 5 - ແຂວງຫົວພັນ ເປີດນິທັດສະການດອກຄາຍປ່າ ແລະ ຊາກຸຣະ
error: Alert: ເນື້ອຫາຂ່າວມີລິຂະສິດ !!