ສ.ເກົາຫລີ ໜາວທີ່ສຸດໃນຮອບ 57 ປີ ແມ່ນ້ຳຮັນກາຍເປັນນ້ຳກ້ອນ
January 12, 2021 - 5:16 PM
ສຳນັກຂ່າວຕ່າງປະເທດ ລາຍງານຄວາມໜາວເຢັນຢູ່ນະຄອນຫລວງເຊອຸນ ຂອງ ສ.ເກົາຫລີ ໃນອຸນຫະພູມຕິດລົບ 20 ອົງສາ ໜາວທີ່ສຸດໃນຮອບ 57 ປີ ຈົນແມ່ນ້ຳຮັນກາຍເປັນນ້ຳກ້ອນ ສົ່ງຜົນກະທົບໃຫ້ຕອນນີ້ນ້ຳປະປາຢູ່ ສ.ເກົາຫລີ ໃຊ້ບໍ່ໄດ້ ເພາະເປັນນ້ຳກ້ອນໄປໝົດແລ້ວ.
ຂະນະທີ່ຜູ້ໃຊ້ທະວິດເຕີຫລາຍບັນຊີມີການໂພດຮູບວ່າ: ພຽງແຕ່ຕີໄຂ່ລົງກະທະກໍຫົດກາຍເປັນນ້ຳກ້ອນແລ້ວ ຫລື ບາງຄົນລອງສາດນ້ຳໄປໃນອາກາດ ນ້ຳກໍຈັບຕົວເປັນນ້ຳກ້ອນທັນທີ.
ຂະນະທີ່ ສຳນັກຂ່າວຕ່າງປະເທດ ລາຍງານຫລ້າສຸດວ່າ: ສຳນັກງານອຸຕຸນິຍົມວິທະຍາ ສ.ເກົາຫລີ ຄາດການວ່າອຸນຫະພູມທົ່ວປະເທດ ສ.ເກົາຫລີ ຈະເພີ່ມຂຶ້ນ 2-4 ອົງສາ, ແຕ່ອາກາດຍັງໜາວເຢັນຕິດລົບ 10 ອົງສາຕໍ່ໄປ.
