ຜູ້ຕິດເຊື້ອໂຄວິດຢູ່ຈີນຍັງເພີ່ມຂຶ້ນຕໍ່ເນື່ອງ ເຖິງວ່າລັອກດາວ 3 ເມືອງໃນເຫີເປີຍ

- 311bb7cc f883 4313 bdc0 11f83b164d78 - ຜູ້ຕິດເຊື້ອໂຄວິດຢູ່ຈີນຍັງເພີ່ມຂຶ້ນຕໍ່ເນື່ອງ ເຖິງວ່າລັອກດາວ 3 ເມືອງໃນເຫີເປີຍ
- 174233 - ຜູ້ຕິດເຊື້ອໂຄວິດຢູ່ຈີນຍັງເພີ່ມຂຶ້ນຕໍ່ເນື່ອງ ເຖິງວ່າລັອກດາວ 3 ເມືອງໃນເຫີເປີຍ

​ເຖິງ​ວ່າ​ທາງ​ການ​ຈີນ​ລັອກດາວ​ຢ່າງ​ໜ້ອຍ 3 ​ເມືອງ​ໃນ​ມົນທົນ​ເຫີ​ເປີຍ ທີ່​ກຳລັງ​ເປັນ​ສູນ​ກາງ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19, ​ແຕ່​ສະຖິຕິ​ຜູ້​ຕິດ​ເຊື້ອ​ແຕ່​ລະ​ວັນ​ກັບ​ມາ​ຢູ່​ລະດັບ​ຫລາຍ​ກວ່າ 100 ຄົນ​ອີກ​ເທື່ອ​ໜຶ່ງ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ ​ໃນ​ວັນ​ທີ 13 ມັງກອນວ່າ: ຄະນະ​ກຳມາ​ທິການ​ສາທາລະນະ​ສຸກ​ແຫ່ງ​ຊາດ​ຂອງ​ຈີນ ລາຍ​ງານ​ສະຖິຕິ​ຂອງ​ພະຍາດ​ໂຄ​ວິດ-19 ຢືນຢັນ​ຜູ້​ຕິດ​ເຊື້ອສະ​ສົມ​ຢ່າງ​ໜ້ອຍ 87.706 ຄົນ ​ເພີ່ມ​ຂຶ້ນ 115 ຄົນ ທຳລາຍ​ສະຖິຕິ 103 ຄົນ ທີ່​ມີ​ການ​ຢືນຢັນ​ໃນ​ວັນ​ທີ 11 ມັງກອນ​ຜ່ານ​ມາ ​ແລະ ຍັງ​ເປັນ​ສະຖິຕິ​ແຕ່​ລະ​ວັນ​ສູງ​ສຸດ​ໃນ​ຮອບ​ດົນ​ກວ່າ 5 ​ເດືອນ ນັບ​ແຕ່​ການ​ພົບ​ຜູ້​ຕິດ​ເຊື້ອ 127 ຄົນ ​​ເມື່ອ​ວັນ​ທີ 30 ກໍລະກົດ​ປີຜ່ານມາ. ຂະນະ​ທີ່​ສະຖິຕິ​ສະ​ສົມ​ຂອງ​ຜູ້​​ເສຍ​ຊີວິດ​ຍັງ​ມີ​ຢ່າງ​ໜ້ອຍ 4.634 ຄົນ.

ສຳລັບ​ຜົນ​ການ​ແບ່ງ​ກຸ່ມ​ຜູ້​ຕິດ​ເຊື້ອ​ໃໝ່​ພົບ​ວ່າ: ​ເປັນ​ຜູ້​ທີ່​ເດີນທາງ​ມາ​ຈາກ​ຕ່າງປະ​ເທດ 8 ຄົນ ​ແລະ ຕິດ​ເຊື້ອຈາກ​ພາຍ​ໃນ​ປະ​ເທດ 107 ຄົນ ຍັງ​ພົບ​ຫລາຍ​ທີ່​ສຸດ​ຢູ່​ມົນທົນ​ເຫີ​ເປີ​ຍ 90 ຄົນ, ຮອງ​ລົງ​ມາ​ຄື 16 ຄົນ ຢູ່​ມົນ​ທົນ​ເຮ​ຍຫລົງ​ຈຽງ ​ແລະ ອີກ​ໜຶ່ງ​ຄົນ​ຢູ່​ມົນທົນ​ສ່າ​ນຊີ.

- Wave100S AD to Website 2020 0 - ຜູ້ຕິດເຊື້ອໂຄວິດຢູ່ຈີນຍັງເພີ່ມຂຶ້ນຕໍ່ເນື່ອງ ເຖິງວ່າລັອກດາວ 3 ເມືອງໃນເຫີເປີຍ

ທັງ​ນີ້, ​ເຈົ້າໜ້າ​ທີ່​ສາທາລະນະ​ສຸກ​ຍັງ​ເດີນ​ໜ້າ​ກວດ​ຄັດ​ກອງ​ພະຍາດ​ໃນ​ມົນທົນ​ເຫີ​ເປີ​ຍ ​ເຊິ່ງຕັ້ງຢູ່​ອ້ອມ​ຮອບ​ນະຄອນຫລວງ​ປັກ​ກິ່ງ, ຈຳກັດ​ການ​ເຄື່ອນ​ໄຫວ​ຂອງ​ປະຊາຊົນ​ສ່ວນ​ຫລາຍ ​ແລະ ຂະຫຍາ​ຍຂອບ​ເຂດ​ການ​ລັອກດາວ​ເປັນ​ຢ່າງ​ໜ້ອຍ 3 ​ເມືອງ​ຄື: ​ເມືອງ​ສື​ເຈຍ​ລວງ ​ເຊິ່ງ​ເປັນ​ເມືອງ​ເອກ​ຂອງ​ມົນທົນ​ເຫີ​ເປີ​ຍ, ​ເມືອງ​ຊິງ​ໄທ່ ​ແລະ ​ເມືອງ​ຫລາງ​ຟາງ.

- WhatsApp Image 2020 05 27 at 5 - ຜູ້ຕິດເຊື້ອໂຄວິດຢູ່ຈີນຍັງເພີ່ມຂຶ້ນຕໍ່ເນື່ອງ ເຖິງວ່າລັອກດາວ 3 ເມືອງໃນເຫີເປີຍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!