ປະທານາທິບໍດີອິນໂດເນເຊຍຮັບວັກຊີນຕ້ານໂຄວິດ-19 ໂດສທຳອິດ ຂອງ Sinovac ຖ່າຍທອດສົດທົ່ວປະເທດ ກ່ອນເລີ່ມສັກໃຫ້ປະຊາຊົນ

- joko - ປະທານາທິບໍດີອິນໂດເນເຊຍຮັບວັກຊີນຕ້ານໂຄວິດ-19 ໂດສທຳອິດ ຂອງ Sinovac ຖ່າຍທອດສົດທົ່ວປະເທດ ກ່ອນເລີ່ມສັກໃຫ້ປະຊາຊົນ
- 174233 - ປະທານາທິບໍດີອິນໂດເນເຊຍຮັບວັກຊີນຕ້ານໂຄວິດ-19 ໂດສທຳອິດ ຂອງ Sinovac ຖ່າຍທອດສົດທົ່ວປະເທດ ກ່ອນເລີ່ມສັກໃຫ້ປະຊາຊົນ

ປະທານາທິບໍດີ ​ໂຈ​ໂກ ວິ​ໂດ​ໂດ ຂອງ​ອິນ​ໂດ​ເນ​ເຊຍ ​ເຂົ້າຮັບ​ການ​ສັກ​ວັກ​ຊີ​ນ CoronaVac ​ເຂັມ​ທຳ​ອິດ​ທີ່ພັດທະນາ​ໂດຍ Sinovac Biotech ຂອງ​ຈີນ ພ້ອມ​ຖ່າຍ​ທອດ​ສົດ​ຜ່ານ​ໂທລະພາບ​ທົ່ວ​ປະ​ເທດ. ຂະນະ​ທີ່​ຂໍ້​ມູນ​ປະສິດທິພາບ​ຂອງ​ວັກ​ຊີ​ນສັນຊາດ​ຈີນ​ດັ່ງກ່າວ​ຍັງ​​ບໍ່​ແນ່ນອນ ​ໂດຍ​ຫລ້າ​ສຸດ​ຜົນ​ການ​ທົດ​ລອງ​ທາງ​ຄລີ​ນິກຢູ່​ບຣາຊິ​ລພົບ​ປະສິດທິພາບ​ປ້ອງ​ກັນ​ເຊື້ອ​ໄວຣັສພຽງ 50,4%.

ທ່ານ ​ໂຈ​ໂກ ວິ​ໂດ​ໂດ ຖື​ເປັນ​ຊາວ​ອິນ​ໂດ​ເນ​ເຊຍ​ຄົນ​ທຳ​ອິດ​ຂອງ​ປະ​ເທດ​ທີ່​ຮັບ​ການ​ສັກ​ວັກ​ຊີ​ນ ຫລັງ​ວັນ​ທີ 11 ມັງກອນ ລັດຖະບານ​ໄດ້​ອະນຸມັດ​ການ​ນຳ​ໃຊ້​ວັກ​ຊີ​ນ CoronaVac ​ເປັນ​ກໍລະນີ​ສຸກ​ເສີນ, ​ເຖິງ​ວ່າ​ຜົນ​ການ​ທົດ​ລອງ​ຢູ່​ອິນ​ໂດ​ເນ​ເຊຍ​ພົບ​ວ່າ: ວັກ​ຊີ​ນຈີນ​ໄດ້ຜົນ​ໃນ​ການ​ຕ້ານ​ເຊື້ອ​ໂຄ​ວິດ-19 ພຽງ 65,3% ​ເທົ່າ​ນັ້ນ.

ການ​ສັກ​ວັກ​ຊີ​ນຖ່າຍ​ທອດ​ສົດ​ຜ່ານ​ໂທລະພາບ​ຂອງ​ຜູ້ນຳ​ອິນ​ໂດ​ເນ​ເຊຍ​ຖື​ເປັນ​ສັນຍານ​ເລີ່​ມຕົ້ນການ​ແຈກ​ຢາຍ​ວັກ​ຊີ​ນ​ໃຫ້​ປະຊາຊົນ ​ໂດຍ​ຄາດ​ການ​ວ່າຈະ​ສາມາດ​ສັກ​ວັກ​ຊີ​ນ​ໃຫ້​ເຈົ້າໜ້າ​ທີ່​ດ້ານ​ສາທາລະນະ​ສຸກ 560.000 ຄົນ​ໄດ້​ພາຍ​ໃນ​ເດືອນ​ນີ້ ​ແລະ ອີກ 9 ​ແສນ​ຄົນ​ໃນ​ເດືອນ​ກຸມພາ. ຂະນະ​ທີ່​ເຈົ້າໜ້າ​ທີ່​ລັດ​ທີ່ຢູ່​ໃນ​ກຸ່ມ​ສ່ຽງ​ຕິດ​ເຊື້ອຈະ​ໄດ້​ຮັບ​ການ​ສັກ​ວັກ​ຊີ​ນ​ເປັນ​ລຳດັບ​ຕໍ່​ໄປ.

ປັດຈຸບັນ ອິນ​ໂດ​ເນ​ເຊຍ​ມີ​ຜູ້​ຕິດ​ເຊື້ອ​ໂຄ​ວິດ-19 ຫລາຍ​ກວ່າ 840.000 ຄົນ ​ແລະ ມີ​ຜູ້​ເສຍ​ຊີວິດ​ສະ​ສົມ​ແລ້ວ 24.500 ຄົນ ຖື​ເປັນ​ປະ​ເທດ​ທີ່​ມີ​ຜູ້​ຕິດ​ເຊື້ອ ​ແລະ ​ເສຍ​ຊີວິດ​ຫລາຍ​ທີ່​ສຸດ​ໃນ​ອາຊີ​ຕາ​ເວັນ​ອອກສຽງ​ໃຕ້.

​ໃນ​ວັນ​ທີ 12 ມັງກອນ, ລັດຖະມົນຕີ​ສາທາລະນະ​ສຸກ​ອິນ​ໂດ​ເນ​ເຊຍ​ຊີ້​ແຈງ​ຕໍ່​ສະພາ​ວ່າ: ທາງ​ການຈະ​ເລີ່​ມສັກ​ວັກ​ຊີ​ນ​ໃຫ້​ຜູ້​ອາຍຸ​ສູງ 21,5 ລ້ານ​ຄົນ​ໃນ​ເດືອນ​ເມສາ ​ໂດຍ​ຈະ​ເປັນ​ວັກ​ຊີ​ນຈາກ​ບໍລິສັດ Pfizer-BioNTech ​ແລະ AstraZeneca ຈາກ​ນັ້ນຈຶ່ງ​ແຈກ​ຢາຍ​ວັກ​ຊີ​ນ​ໃຫ້​ປະຊາຊົນ​ໃນ​ຊ່ວງ​ອາຍຸ 18-59 ປີ ​ເປັນ​ລຳດັບ​ຕໍ່​ໄປ.

- Wave100S AD to Website 2020 0 - ປະທານາທິບໍດີອິນໂດເນເຊຍຮັບວັກຊີນຕ້ານໂຄວິດ-19 ໂດສທຳອິດ ຂອງ Sinovac ຖ່າຍທອດສົດທົ່ວປະເທດ ກ່ອນເລີ່ມສັກໃຫ້ປະຊາຊົນ

ອິນ​ໂດ​ເນ​ເຊຍ​ເຈລະຈາ​ຈັດ​ຊື້ວັກ​ຊີ​ນຕ້ານ​ໂຄ​ວິດ-19 ​ໄດ້​ແລ້ວ​ຫລາຍ​ກວ່າ 300 ລ້ານ​ໂດ​ສ ​ໃນ​ຈຳນວນ​ນີ້​ເປັນ​ວັກ​ຊີ​ນຂອງ Sinovac ຈາກ​ຈີນ​ຢ່າງ​ໜ້ອຍ 125,5 ລ້ານ​ໂດ​ສ, ວັກ​ຊີ​ນຂອງ Pfizer-BioNTech ​ແລະ AstraZeneca 50 ລ້ານ​ໂດ​ສ, ວັກ​ຊີ​ນຂອງ​ບໍລິສັດ Covax 54 ລ້ານ​ໂດ​ສ ​ແລະ Novavax 30 ລ້ານ​ໂດ​ສ.

​ເຖິງ​ຢ່າງ​ໃດ​ກໍ​ດີ, ສູນ​ຊີວະ​ການ​ແພດ Butantan ຂອງ​ເຊົາ​ເປົາ​ໂລ ​ເຊິ່ງຈັບ​ມື​ກັບ Sinovac ​ເພື່ອ​ຜະລິດ​ວັກ​ຊີ​ນຕ້ານ​ໂຄ​ວິດ-19 ຢູ່​ບຣາຊິ​ລ ​ໄດ້​ເປີດ​ເຜີຍ​ຜົນ​ການ​ທົດ​ລອງ​ທາງ​ຄລີ​ນິກສຳລັບ​ວັກ​ຊີ​ນ CoronaVac ພົບ​ວ່າ​ມີ​ປະສິດທິພາບ​ພຽງ 50,4% ​ໃນ​ການ​ຕ້ານ​ເຊື້ອ​ໂຄວິດ-19 ​ເຊິ່ງຖື​ວ່າ​ຫລຸດ​ລົງ​ຫລາຍ​ຈາກ​ອາທິດ​ຜ່ານ​ມາ ​ເຊິ່ງທາງ​ສູນ​ລະບຸ​ວ່າ​ມີ​ປະສິດທິພາບ 78%.

ຂໍ້​ດີ​ຂອງ​ວັກ​ຊີ​ນສັນຊາດ​ຈີນ​ຊະນິດ​ນີ້​ຄື​ສາມາດ​ເກັບ​ໃນ​ຕູ້​ເຢັນ​ປົກກະຕິ​ໃນ​ອຸນຫະພູມ 2-8 ອົງສາ ຈຶ່ງ​ສະດວກ​ຕໍ່​ການ​ເກັບ​ຮັກສາ ​ແລະ ຂົນ​ສົ່ງ. ​ເຖິງ​ຢ່າງ​ໃດ​ກໍ​ຕາມ, ຂໍ້​ມູນ​ດ້ານ​ປະສິດທິພາບ​ທີ່​ຕໍ່າ ​ແລະ ຂາດ​ການ​ຮັບຮອງ​ຈາກ​ໜ່ວຍ​ງານ​ເບິ່ງ​ແຍງ​ທີ່​ກ່ຽວຂ້ອງ ​ເຮັດ​ໃຫ້​ຄົນ​ຈຳນວນ​ຫລາຍ​ເກີດ​ຄວາມ​ກັງວົນ​ຕໍ່​ວັກ​ຊີ​ນນີ້.

- WhatsApp Image 2020 05 27 at 5 - ປະທານາທິບໍດີອິນໂດເນເຊຍຮັບວັກຊີນຕ້ານໂຄວິດ-19 ໂດສທຳອິດ ຂອງ Sinovac ຖ່າຍທອດສົດທົ່ວປະເທດ ກ່ອນເລີ່ມສັກໃຫ້ປະຊາຊົນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!