ເລຂາທິການໃຫຍ່ ເນັ້ນໃຫ້ກໍາແໜ້ນ 5 ວຽກງານ ຮີບດ່ວນໃນການພັດທະນາປະເທດຊາດ

ເລຂາທິການໃຫຍ່ ເນັ້ນໃຫ້ກໍາແໜ້ນ 5 ວຽກງານ ຮີບດ່ວນໃນການພັດທະນາປະເທດຊາດ - 137351037 1536772053193236 5556672620259144064 o - ເລຂາທິການໃຫຍ່ ເນັ້ນໃຫ້ກໍາແໜ້ນ 5 ວຽກງານ ຮີບດ່ວນໃນການພັດທະນາປະເທດຊາດ
ເລຂາທິການໃຫຍ່ ເນັ້ນໃຫ້ກໍາແໜ້ນ 5 ວຽກງານ ຮີບດ່ວນໃນການພັດທະນາປະເທດຊາດ - Untitled design - ເລຂາທິການໃຫຍ່ ເນັ້ນໃຫ້ກໍາແໜ້ນ 5 ວຽກງານ ຮີບດ່ວນໃນການພັດທະນາປະເທດຊາດ

ໃນກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ ທີ່ໄຂຂຶ້ນໃນເຊົ້າວັນທີ 13 ມັງກອນນີ້, ສະຫາຍ ບຸນຍັງ ວໍລະຈິດ ໄດ້ເນັ້ນວ່າ: ພວກເຮົາຕ້ອງກໍາແໜ້ນ 5 ວຽກງານອັນຮີບດ່ວນເພື່ອແນໃສ່ຮັບປະກັນການພັດທະນາປະເທດຊາດໃນຊຸມປີຕໍ່ໜ້າຄື: ຕ້ອງຖືເອົາການແກ້ໄຂຄວາມທຸກຍາກຂອງປະຊາຊົນເປັນໜ້າທີ່ຈຸດສຸມ ບົນພື້ນຖານການປຸກສະຕິຕື່ນຕົວເພິ່ງຕົນເອງ, ເປັນເຈົ້າຕົນເອງ ແລະ ບືນຕົວຂຶ້ນສ້າງຄວາມເຂັ້ມແຂງດ້ວຍຕົນເອງ, ເດັດດ່ຽວຕີຖອຍແນວຄິດເອື່ອຍອີງຕໍ່ການຊ່ວຍເຫລືອ ແລະ ຄວາມບໍ່ເປັນເຈົ້າການບືນຕົວກ້າວຂຶ້ນດ້ວຍເຫື່ອແຮງ, ສະຕິປັນຍາຂອງຕົນທີ່ຍັງມີຢູ່ບໍ່ໜ້ອຍໃນຖັນແຖວສະມາ ຊິກພັກ-ພະນັກງານ ແລະ ປະຊາຊົນເຮົາ. ພ້ອມເອົາໃຈໃສ່ແກ້ໄຂຈຸດອ່ອນ ແລະ ຂໍ້ຄົງຄ້າງໃນການພັດທະນາເສດຖະກິດ-ສັງຄົມທີ່ມີລັກສະນະຊໍ້າເຮື້ອໃນຜ່ານມາ ໂດຍເລີ່ມແຕ່ບັນຫາຈິນຕະນາການດ້ານທິດສະດີ, ລະດັບຄວາມສາມາດໃນການຮັບຮູ້ສະພາບການພາຍໃນ ແລະ ສາກົນ ຈົນເຖິງການຕັດສິນໃຈແກ້ບັນຫາດ້ານໂຄງສ້າງເສດຖະກິດ, ການປັບປຸງກົນໄກຄຸ້ມຄອງລັດໃນແຕ່ລະດ້ານ, ແກ້ບັນຫາຫຍໍ້ທໍ້ໃນພັກ ແລະໃນສັງຄົມໃຫ້ມີປະສິດທິຜົນສູງຂຶ້ນ.

ສະຫາຍເລຂາທິການໃຫຍ່ຢໍ້າວ່າ: ຍຸດທະສາດການພັດທະນາປະເທດເຮົາໃນອະນາຄົດ ຕ້ອງຕັ້ງຢູ່ບົນພື້ນຖານການນໍາໃຊ້ຜົນສໍາເລັດດ້ານວິທະຍາສາດ, ນະວັດຕະກໍາຢ່າງກວ້າງຂວາງ ຕິດພັນກັບການພັດທະນາຊັບພະຍາກອນມະນຸດທີ່ມີຄຸນນະພາບສູງ ໂດຍສະເພາະໃນຂົງເຂດວິສະວະກໍາ. ດ້ວຍເຫດນັ້ນ, ມີຄວາມຈໍາເປັນຢ່າງຍິ່ງທີ່ຕ້ອງຫັນປ່ຽນຢ່າງແຂງແຮງຈາກສະພາວະທີ່ເປັນຢູ່ໃນປັດຈຸບັນ, ເອົາໃຈໃສ່ປັບປຸງບັນດາແຜນນະໂຍບາຍອັນເປັນພື້ນຖານກ່ຽວກັບການພັດທະນາຢ່າງເປັນລະບົບ, ຖືການຄົ້ນຄວ້າ, ເຜີຍແຜ່ ແລະ ນໍາໃຊ້ຜົນສໍາເລັດດ້ານວິທະຍາສາດ-ເຕັກໂນໂລຊີ ແລະ ນະວັດຕະກໍາອັນເໝາະສົມເປັນມາດຕະຖານ ແລະ ເງື່ອນໄຂທີ່ຂາດບໍ່ໄດ້ໃນການກໍານົດແຜນຍຸດທະສາດພັດທະນາໃນຊຸມປີຕໍ່ໜ້າ, ເຮັດໃຫ້ປັດໄຈແຫ່ງສະຕິປັນຍາທີ່ປະກອບດ້ວຍຄວາມຮູ້ພື້ນຖານ, ຫົວຄິດປະດິດສ້າງ, ຄວາມຊໍານິຊໍານານງານ ແລະ ການອຸທິດຕົນເພື່ອສັງຄົມ ແລະ ປະເທດຊາດລາວເຮົາ.

ຕ້ອງຍົກລະດັບຄວາມເປັນເຈົ້າການເຂົ້າຮ່ວມການຕໍ່ສູ້ ເພື່ອສັນຕິພາບ, ຄວາມໝັ້ນຄົງ; ການຮັບມືກັບໂຣກລະບາດ, ການປ່ຽນແປງດິນຟ້າອາກາດ ແລະ ການແກ້ໄຂບັນຫາອາດຊະຍາກໍາຂ້າມຊາດ ຄຽງຄູ່ກັບການຮັບປະກັນເອກະລາດ, ອໍານາດອະທິປະໄຕ, ລະບອບການເມືອງຂອງປະເທດຊາດ; ຕ້ອງຮັບປະກັນການສົມທົບ ລະຫວ່າງການເພີ່ມທະວີຮັດແໜ້ນມິດຕະພາບ ແລະ ການຮ່ວມມືກັບບັນດາປະເທດເພື່ອນມິດຍຸດທະສາດກັບການສືບຕໍ່ປະຕິບັດທິດການເຊື່ອມຈອດ ແລະ ເຊື່ອມໂຍງສາກົນ, ສ້າງເງື່ອນໄຂຍາດແຍ່ງດຶງດູດກໍາລັງແຮງດ້ານທຶນຮອນ, ເຕັກໂນໂລຊີ, ນະວັດຕະກໍາ ເພື່ອຂຸດຄົ້ນ ແລະ ເສີມຂະຫຍາຍຄວາມອາດສາມາດບົ່ມຊ້ອນ ແລະ ກໍາລັງແຮງຂອງຊາດ ແລະ ຕ້ອງເປັນເຈົ້າການຕື່ມອີກໃນການຍົກລະດັບຄວາມພ້ອມ ເພື່ອຮັບມືແກ້ໄຂຄວາມຫຍຸ້ງຍາກ ແລະ ຜ່ານຜ່າສິ່ງທ້າທາຍຕໍ່ສະພາບການແຜ່ລະບາດຂອງພະຍາດໂຄວິດ-19 ອັນໄດ້ເຮັດໃຫ້ເກີດມີການປ່ຽນແປງຄັ້ງໃຫຍ່ຫລວງ ແລະ ເລິກເຊິ່ງ ທາງດ້ານເສດຖະກິດ ແລະ ສັງຄົມ ທັງໃນລະດັບໂລກ ແລະ ລະດັບປະເທດ.

ເລຂາທິການໃຫຍ່ ເນັ້ນໃຫ້ກໍາແໜ້ນ 5 ວຽກງານ ຮີບດ່ວນໃນການພັດທະນາປະເທດຊາດ - Wave100S AD to Website 2020 0 - ເລຂາທິການໃຫຍ່ ເນັ້ນໃຫ້ກໍາແໜ້ນ 5 ວຽກງານ ຮີບດ່ວນໃນການພັດທະນາປະເທດຊາດ

ສະຫາຍເລຂາທິການໃຫຍ່ ກ່າວຕື່ມວ່າ: ທັງໝົດທີ່ກ່າວມານັ້ນ ແມ່ນບັນຫາທີ່ຕັ້ງຂຶ້ນຈາກສະພາວະຄວາມເປັນຈິງຢູ່ພາຍໃນປະເທດ ແລະ ບັນດາປັດໄຈຂອງຍຸກສະໄໝທີ່ມີຜົນກະທົບໂດຍກົງຕໍ່ປະເທດເຮົາ ເຊິ່ງມີຄວາມຈໍາເປັນຕ້ອງສ້າງໃຫ້ມີການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການພັດທະນາເສດຖະກິດ-ສັງຄົມ ກໍຄືໃນການປັບປຸງປົວແປງພາຍໃນພັກ ແລະ ລະບົບການເມືອງປະຊາທິປະໄຕປະຊາ ຊົນ. ຖ້າບໍ່ດັ່ງນັ້ນ ພວກເຮົາຈະບໍ່ສາມາດເສີມຂະຫຍາຍໄດ້ທ່າແຮງບົ່ມຊ້ອນດ້ານຊັບພະຍາກອນທໍາມະຊາດ, ຊັບພະຍາກອນບຸກຄົນ, ທຶນຮອນ ແລະ ສະຕິປັນຍາຂອງທົ່ວສັງຄົມ ກໍຄືກໍາລັງແຮງຂອງຍຸກສະໄໝ.

ເລຂາທິການໃຫຍ່ ເນັ້ນໃຫ້ກໍາແໜ້ນ 5 ວຽກງານ ຮີບດ່ວນໃນການພັດທະນາປະເທດຊາດ - WhatsApp Image 2020 05 27 at 5 - ເລຂາທິການໃຫຍ່ ເນັ້ນໃຫ້ກໍາແໜ້ນ 5 ວຽກງານ ຮີບດ່ວນໃນການພັດທະນາປະເທດຊາດ
ເລຂາທິການໃຫຍ່ ເນັ້ນໃຫ້ກໍາແໜ້ນ 5 ວຽກງານ ຮີບດ່ວນໃນການພັດທະນາປະເທດຊາດ - WhatsApp Image 2020 05 27 at 5 - ເລຂາທິການໃຫຍ່ ເນັ້ນໃຫ້ກໍາແໜ້ນ 5 ວຽກງານ ຮີບດ່ວນໃນການພັດທະນາປະເທດຊາດ
error: Alert: ເນື້ອຫາຂ່າວມີລິຂະສິດ !!