ກະຊວງສຶກສາມີແຜນຫັນການສຶກສາໄປຮຽນແບບອອນລາຍ

ກະຊວງສຶກສາມີແຜນຫັນການສຶກສາໄປຮຽນແບບອອນລາຍ - Cropped 1587490527DSXMZO5823514018042020000002 097572 - ກະຊວງສຶກສາມີແຜນຫັນການສຶກສາໄປຮຽນແບບອອນລາຍ
ກະຊວງສຶກສາມີແຜນຫັນການສຶກສາໄປຮຽນແບບອອນລາຍ - Untitled design - ກະຊວງສຶກສາມີແຜນຫັນການສຶກສາໄປຮຽນແບບອອນລາຍ

ໃນໂອກາດທີ່ເຂົ້າຮ່ວມກອງປະຊຸມລັດຖະຖະບານ ຊຸດທີ VIII ທ້າຍສະໄໝ ໃນທ້າຍອາທິດທີ່ຜ່ານມານີ້, ທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ໄດ້ໃຫ້ສຳພາດຕໍ່ສື່ມວນຊົນວ່າ: ໃນໄລຍະທີ່ມີການລະບາດຂອງພະຍາດໂຄວິດ-19 ຂະແໜງການສຶກສາ ໄດ້ມີຜົນກະທົບຫລາຍ ໂດຍສະເພາະຕໍ່ການຮຽນ-ການສອນ ເຊິ່ງໃນຊ່ວງມີພະຍາດລະບາດໜັກນັ້ນ ກໍໄດ້ປິດໂຮງຮຽນຫລາຍແຫ່ງເປັນເວລາ 2-3 ອາທິດ, ຂະນະດຽວກັນ ກໍໄດ້ດຳເນີນການຮຽນ-ການສອນຜ່ານທາງລະບົບອອນລາຍ ແລະ ເຖິງວ່າພວກເຮົາຍັງບໍ່ທັນມີພື້ນຖານໂຄງລ່າງ ແລະ ການກະກຽມໃນດ້ານນີ້ ແຕ່ພວກເຮົາກໍໄດ້ພະຍາຍາມໃຊ້ວັອດແອັບໃນບ່ອນທີ່ໃຊ້ລະບົບດັ່ງກ່າວ ແລະ ມີສັນຍານອິນເຕີເນັດໄດ້ ໂດຍໃຫ້ຄູສາມາດສົ່ງວຽກບ້ານໃຫ້ນັກຮຽນເຮັດ ແລະ ນັກຮຽນກໍສາມາດສົ່ງວຽກບ້ານໃຫ້ຄູໄດ້. ສຳລັບນັກຮຽນທີ່ຢູ່ໃນຂັ້ນປະຖົມລົງມາ ແມ່ນໄດ້ສົ່ງວຽກບ້ານຜ່ານວັອດແອບພໍ່ແມ່ຂອງນັກຮຽນ. ສ່ວນບ່ອນທີ່ນັກຮຽນບໍ່ມີສັນຍານອິນເຕີເນັດ ຫລື ໄວຟາຍ ແມ່ນຄູໄດ້ເອົາວຽກບ້ານໄປສົ່ງໄວ້ໃນໂຮງຮຽນໃຫ້ນັກຮຽນໄປຮັບເອົາຕາມກຳນົດເວລາໄດ້ນັດໄວ້ເພື່ອໃຫ້ຄູເອົາໄປກວດແກ້ ໂດຍສະເພາະແມ່ນເຂດຫ່າງໄກສອກຫລີກ, ບ່ອນທີ່ມີໂທລະໂຄ່ງກໍໄດ້ໃຊ້ໂທລະໂຄ່ງ ແລະ ໃຊ້ທຸກວິທີທາງທີ່ພວກເຮົາມີ ເພື່ອໃຫ້ຄູກັບນັກຮຽນໄດ້ຕິດຕໍ່ສື່ສານຫາກັນ. ຖືໄດ້ວ່າເປັນການຮຽນ-ການສອນແບບໃໝ່ ອາດຈະບໍ່ຄົບຖ້ວນເທົ່າໃດ ແຕ່ກໍສາມາດດຳເນີນການຮຽນ-ການສອນໄດ້ຈຳນວນໜຶ່ງ.

ກະຊວງສຶກສາມີແຜນຫັນການສຶກສາໄປຮຽນແບບອອນລາຍ - c28077dab877fe10374f2df03f2ddf6a 300x250 - ກະຊວງສຶກສາມີແຜນຫັນການສຶກສາໄປຮຽນແບບອອນລາຍ

ລັດຖະມົນຕີ ກ່າວວ່າ: ໃນໄລຍະນີ້ ເພື່ອເຮັດແນວໃດໃຫ້ການດຳເນີນການຮຽນ-ການສອນແບບອອນລາຍສາມາດດຳເນີນໄປເຕັມຮູບແບບຫລາຍຂຶ້ນນັ້ນ ທາງກະຊວງສຶກສາພວກເຮົາກໍໄດ້ຫັນວິກິດໃຫ້ເປັນໂອກາດ ໂດຍໄດ້ເປີດໂທລະພາບຊ່ອງສຶກສາທິການ ແລະ ກິລາຜ່ານຈານດາວທຽມ ເພື່ອໃຫ້ຄູ ແລະ ນັກຮຽນຊັ້ນຕ່າງໆໄດ້ຮຽນເປັນປົກກະຕິ.

ທ່ານ ນາງ ແສງເດືອນ ຫລ້າຈັນທະບູນ ໃຫ້ຮູ້ຕື່ມວ່າ: ປັດຈຸບັນນີ້, ພວກເຮົາກຳລັງອັບໂຫລດປຶ້ມແບບຮຽນເຂົ້າໃນເວັບໄຊ ຫລື ຕາມຊ່ອງທາງສື່ຕ່າງໆ (platform) ເພື່ອໃຫ້ໄປທົ່ວເຖິງນັກຮຽນ ທັງຊ່ວຍປະຢັດໃນການຊື້ປຶ້ມຕຳລາຮຽນ ແລະ ນັກຮຽນກໍຈະສາມາດເບິ່ງຢ້ອນຫລັງໄດ້. ສະນັ້ນ ບ່ອນໃດທີ່ມີສັນຍານໄວຟາຍ ແລະ ອິນເຕີເນັດແມ່ນສາມາດເຂົ້າເຖິງໄດ້ ສ່ວນບ່ອນທີ່ຍັງບໍ່ມີ ເຂົາເຈົ້າກໍຈະຮຽນຜ່ານທາງໂທລະພາບ. ແຕ່ເຖິງວ່າວິທີນີ້ຈະບໍ່ໄດ້ຮັບຜົນຕອບຮັບຢ່າງເຕັມເມັດເຕັມໜ່ວຍກໍຕາມ, ແຕ່ກໍເປັນຄວາມພະຍາຍາມໃຫ້ນັກຮຽນ ແລະ ຄູອາຈານລຶ້ງເຄີຍກັບການຮຽນ-ການສອນແບບນີ້ໃຫ້ໄດ້ ໂດຍສະເພາະໃນເຂດຫ່າງໄກສອກຫລີກ ເຊິ່ງມັນເປັນການເພີ່ມຄວາມຮູ້ອັນໃໝ່ໃຫ້ຄູ ແລະ ນັກຮຽກອີກດ້ວຍ.

ກະຊວງສຶກສາມີແຜນຫັນການສຶກສາໄປຮຽນແບບອອນລາຍ - Wave100S AD to Website 2020 0 - ກະຊວງສຶກສາມີແຜນຫັນການສຶກສາໄປຮຽນແບບອອນລາຍ

ທ່ານລັດຖະມົນຕີ ເວົ້າວ່າ: ການຈັດຕັ້ງປະຕິບັດຍຸດທະສາດດັ່ງກ່າວກໍຍັງພົບກັບຄວາມຫຍຸ້ງຍາກ ແລະ ສິ່ງທ້າທາຍຫລາຍ ເນື່ອງຈາກລະບົບໄວຟາຍບໍ່ທັນທົ່ວເຖິງ, ອຸປະກອນບໍ່ພຽງພໍ, ນັກຮຽນຍັງທຸກຍາກຂາດເຂີນ ແລະ ສັນຍານໂທລະພາບບາງບ່ອນກໍຍັງບໍ່ທັນໄດ້ໄປເຖິງ. ສະນັ້ນ ຈິ່ງຮຽກຮ້ອງໃຫ້ພໍ່ແມ່ຜູ້ປົກຄອງ, ອຳນາດການປົກຄອງ ແລະ ສັງຄົມເຂົ້າມາມີສ່ວນຮ່ວມເພື່ອຊ່ວຍເຮັດໃຫ້ລະບົບການຮຽນນີ້ໄດ້ດຳເນີນໄປດ້ວຍຄວາມສະດວກສະບາຍ ແລະ ໃນໄລຍະຜ່ານມາກະຊວງພວກເຮົາກໍໄດ້ຕອບສະໜອງງົບຈຳນວນໜຶ່ງແລ້ວປະມານ 15-20% ຂອງງົບປະມານທີ່ມີ ແຕ່ກໍຍັງບໍ່ພຽງພໍ. ປັດຈຸບັນນີ້, ກໍໄດ້ປະສານສົມທົບກັບກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໃຫ້ເອົາໂທລະພາບສຶກສາເຂົ້າເປັນໂທລະພາບແຫ່ງຊາດ ເພື່ອບໍ່ໃຫ້ເຂົາເຈົ້າຕ້ອງໄປຊື້ຈານດາວທຽມ ຫລື ບ໋ອກໃໝ່ ເພື່ອເຂົ້າເບິ່ງຊ່ອງໂທລະພາບສຶກສາດັ່ງຜ່ານມາ ເພາະວິທີນີ້ອາດຈະເຮັດໃຫ້ນັກຮຽນ ແລະ ຄູໄດ້ເຂົ້າເຖິງການຮຽນ-ການສອນໃນຊ່ວງທີ່ມີພະຍາດລະບາດ ແລະ ຈະເປັນໂອກາດທີ່ດີໃຫ້ແກ່ເດັກນ້ອຍເຮົາໄດ້ນຳໃຊ້ການຮຽນອອນລາຍກ້າວສູ່ທັນສະໄໝຂຶ້ນ.

ກະຊວງສຶກສາມີແຜນຫັນການສຶກສາໄປຮຽນແບບອອນລາຍ - WhatsApp Image 2020 05 27 at 5 - ກະຊວງສຶກສາມີແຜນຫັນການສຶກສາໄປຮຽນແບບອອນລາຍ
ກະຊວງສຶກສາມີແຜນຫັນການສຶກສາໄປຮຽນແບບອອນລາຍ - WhatsApp Image 2020 05 27 at 5 - ກະຊວງສຶກສາມີແຜນຫັນການສຶກສາໄປຮຽນແບບອອນລາຍ
error: Alert: ເນື້ອຫາຂ່າວມີລິຂະສິດ !!