ອິນໂດເນເຊຍ ເລີ່ມສັກວັກຊີນ ເປັນວົງກວ້າງ

ລາຍງານຂ່າວຈາກຕ່າງປະເທດວັນທີ 14 ມັງກອນນິີ້ ໃຫ້ຮູ້ວ່າ ເຈົ້າໜ້າທີ່ລັດຖະບານຫຼາຍຄົນ ໃນນັ້ນມີທັງ ປະທານາທິບໍດີ Joko Widodo ນຳອີກ ໄດ້ສັກວັກຊີນຕ້ານໂຄວິດ -19 ຊີໂນແວັກ(Sinovac) ທີ່ຜະລິດຈາກຈີນ, ພາຍຫຼັງລັດຖະບານ ອິນໂດເນເຊຍອະນຸມັດ ແລະ ໄດ້ສັກວັກຊີນດັ່ງກ່າວ ໃຫ້ກັບປະຊາຊົນຫຼາຍລ້ານຄົນ.

ທ່ານ Widodo ກ່າວວ່າ: “ພວກເຮົາສັກວັກຊີນກໍເພື່ອສະກັດກັ້ນການແຜ່ລະບາດຂອງພະຍາດໂຄວິດ-19 ເພື່ອນຳເອົາຄວາມປອດໄພມາສູ່ປະຊາຊົນ ອິນໂດເນເຊຍ ແລະ ທັງຈະເຮັດໃຫ້ພື້ນຖານເສດຖະກິດຂອງ ອິນໂດເນເຊຍຟື້ນຕົວກັບຄືນມາ”.

ລັດຖະມັນຕີ ກະຊວງສາທາລະນະສຸກ ອິນໂດເນເຊຍ Budi Gunadi Sadikin ໃຫ້ຮູ້ວ່າ ລັດຖະບານຈະສັກວັກຊີນໃຫ້ 2/3 ຂອງຈຳນວນພົນລະເມືອງ, ໝາຍຄວາມວ່າ ປະມານ 180 ຄົນ ຊຶ່ງຕ້ອງການວັກຊີນປະມານ 427 ລ້ານໂດສ. ທ່ານ Sadikin ກ່າວຢໍ້າວ່າ: ວັກຊີນເປັນເຄື່ອງມື ປ້ອງກັນຕົນເອງ ແລະ ສຳຄັນກວ່ານັ້ນ ມັນເປັນການປ້ອງກັນຄອບຄົວ, ຄົນອ້ອມຂ້າງ, ຊາວອິນໂດເນເຊຍ ແລະ ມວນມະນຸດຊາດ.