ພັກເຮົາໄດ້ມີຜົນສຳເລັດຫລາຍດ້ານໃນການຊີ້ນຳ-ນຳພາການພັດທະນາປະເທດ

- 138372022 2711807105796500 4190214894543542778 o - ພັກເຮົາໄດ້ມີຜົນສຳເລັດຫລາຍດ້ານໃນການຊີ້ນຳ-ນຳພາການພັດທະນາປະເທດ
- 174233 - ພັກເຮົາໄດ້ມີຜົນສຳເລັດຫລາຍດ້ານໃນການຊີ້ນຳ-ນຳພາການພັດທະນາປະເທດ

ມື້ນີ້ (14 ມັງກອນ) ເປັນມື້ທີ 2 ຂອງການດຳເນີນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 11 ຂອງພັກປະຊາຊົນ ປະຕິວັດລາວ, ສະຫາຍ ພັນຄໍາ ວິພາວັນ ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ຮອງປະທານປະເທດ ໄດ້ຍົກໃຫ້ເຫັນຜົນສໍາເລັດໃນການຊີ້ນໍາ-ນໍາພາການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກຕະຫລອດໄລຍະ 5 ປີຜ່ານມາ ແລະ ເຫັນວ່າໄດ້ຮັບຜົນສໍາເລັດພົ້ນເດັ່ນໃນຫລາຍດ້ານ ເຮັດໃຫ້ປະເທດຊາດຂອງພວກເຮົາມີສະຖຽນລະພາບດ້ານການເມືອງໜັກແໜ້ນ, ມີເອກະລາດ, ອໍານາດອະທິປະໄຕ, ປະຊາຊົນເຮົາໄດ້ມີອິດສະຫລະພາບ ແລະ ເປັນເຈົ້າຂອງປະເທດຊາດຢ່າງແທ້ຈິງ. ພາຍໃນຊາດມີຄວາມສາມັກຄີເປັນປຶກແຜ່ນຢ່າງແໜ້ນແກ່ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ, ເສດຖະກິດແຫ່ງຊາດມີການຂະຫຍາຍຕົວຢ່າງເປັນລະບົບ, ເຂດນໍ້າແດນດິນອັນຄົບຖ້ວນຂອງປະເທດຊາດສາມາດຮັກໄວ້ຢ່າງໝັ້ນຄົງ ທັງຮັບປະກັນສະຖຽນລະພາບດ້ານການເມືອງ, ຄວາມເປັນລະບຽບຮຽບຮ້ອຍ ແລະ ຄວາມສະຫງົບປອດໄພຂອງສັງຄົມ.  5 ປີຜ່ານມາ ເຖິງວ່າຜະເຊີນກັບຄວາມຫຍຸ້ງຍາກຫລາຍຢ່າງ ໂດຍສະເພາະການລະບາດຂອງພະຍາດໂຄວິດ-19 ແຕ່ລາວເຮົາຍັງສາມາດຮັກສາໄດ້ການເຕີບໂຕຂອງເສດຖະກິດ ໂດຍສະເລ່ຍ 5,8%,  ລາຍຮັບສະເລ່ຍຕໍ່ຫົວຄົນບັນລຸ 2.664 ໂດລາສະຫະລັດຕໍ່ຄົນຕໍ່ປີ ທຽບໃສ່ປີ 2015 ເພີ່ມຂຶ້ນ 694 ໂດລາສະຫະລັດ, ບັນດາໂຄງການລົງທຶນຂະໜາດໃຫຍ່ໃນຫລາຍຂົງເຂດໄດ້ຮັບການຈັດຕັ້ງປະຕິບັດຢ່າງຕໍ່ເນື່ອງ ເຮັດໃຫ້ຊີວິດການເປັນຢູ່ຂອງປະຊາຊົນບັນດາເຜົ່າ ໂດຍລວມໄດ້ຮັບການປັບປຸງ, ຍົກລະດັບດີຂຶ້ນ ທັງທາງດ້ານວັດຖຸ ແລະ ຈິດໃຈ, ຖານະບົດບາດ ແລະ ຊື່ສຽງຂອງລາວໄດ້ຮັບການເຊີດຊູສູງເດັ່ນຂຶ້ນໃນເວທີພາກພື້ນ ແລະ ສາກົນ.  ນອກຈາກນີ້ ສະຫາຍຍັງໄດ້ຍົກໃຫ້ເຫັນບາງຂໍ້ຄົງຄ້າງ, ສາເຫດທີ່ພາໃຫ້ມີດ້ານດີ-ດ້ານອ່ອນ, ບົດຮຽນທີ່ຖອດຖອນໄດ້ ແລະ ທິດທາງແຜນການໃນຕໍ່ໜ້າທີ່ຄະນະບໍລິຫານງານສູນກາງພັກຊຸດໃໝ່ຕ້ອງສືບຕໍ່ນໍາພາຈັດຕັ້ງປະຕິບັດຕື່ມອີກ.

- Wave100S AD to Website 2020 0 - ພັກເຮົາໄດ້ມີຜົນສຳເລັດຫລາຍດ້ານໃນການຊີ້ນຳ-ນຳພາການພັດທະນາປະເທດ
- WhatsApp Image 2020 05 27 at 5 - ພັກເຮົາໄດ້ມີຜົນສຳເລັດຫລາຍດ້ານໃນການຊີ້ນຳ-ນຳພາການພັດທະນາປະເທດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!