ບົດຮຽນການພັດທະນາລັດວິສາຫະກິດຮຸ້ນສ່ວນຂອງຢູນີເທວ

ບົດຮຽນການພັດທະນາລັດວິສາຫະກິດຮຸ້ນສ່ວນຂອງຢູນີເທວ - 137569622 1537412156462559 238665683186426442 o - ບົດຮຽນການພັດທະນາລັດວິສາຫະກິດຮຸ້ນສ່ວນຂອງຢູນີເທວ
ບົດຮຽນການພັດທະນາລັດວິສາຫະກິດຮຸ້ນສ່ວນຂອງຢູນີເທວ - Untitled design - ບົດຮຽນການພັດທະນາລັດວິສາຫະກິດຮຸ້ນສ່ວນຂອງຢູນີເທວ

ໃນວາລະດຳເນີນກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິວັດລາວ ວັນທີ 13 ມັງກອນນີ້ ທີ່ນະຄອນຫລວງວຽງຈັນ, ທ່ານ ພັນເອກ ບີ ມົວໄຟດາເຢຍຈ່າ ຮອງຜູ້ອໍານວຍການໃຫຍ່ບໍລິສັດສະຕາໂທລະຄົມ (ຢູນີເທວ) ໄດ້ປະກອບຄຳເຫັນຕໍ່ກອງປະຊຸມກ່ຽວກັບ “ບົດຮຽນການພັດທະນາ ລັດວິສາຫະກິດຮຸ້ນສ່ວນທີ່ສາມາດແຂ່ງຂັນໃນຕະຫລາດໂທລະຄົມ” ໂດຍທ່ານໃຫ້ຮູ້ວ່າ: ຕະຫລອດໄລຍະເວລາ 11 ປີແຫ່ງການພັດທະນາ, ຢູນີເທວໄດ້ປະສົບຜົນສໍາເລັດ ກາຍເປັນເຄືອຂ່າຍໂທລະຄົມທີ່ນໍາໜ້າໃນຕະຫລາດຂອງລາວ, ມີຜູ້ຊົມໃຊ້ຫລາຍກວ່າ 3,3 ລ້ານເລກໝາຍມືຖື ແລະ ອິນເຕີເນັດຄວາມໄວສູງ 54.000 ເລກໝາຍ ແລະ ສ້າງວຽກເຮັດງານທໍາໃຫ້ປະຊາຊົນລາວໄດ້ 27.000 ກວ່າຄົນໃນທົ່ວປະເທດ.

ທ່ານ ຮອງອຳນວຍການໃຫຍ່ ໃຫ້ຮູ້ຕື່ມວ່າ: ຈາກການຈັດຕັ້ງປະຕິບັດວຽກງານຕົວຈິງໃນໄລຍະຜ່ານມາ, ສາມາດຖອດໄດ້ບົດຮຽນໄດ້ຄື: ຫນຶ່ງ “ເຮັດໜ້າທີ່ຮັບໃຊ້ສັງຄົມກ່ອນ, ຜົນງານຈິ່ງຕາມມາທີ່ຫລັງ” ເຊິ່ງໜຶ່ງໃນວິໄສທັດພື້ນຖານຂອງບໍລິສັດ ສະຕາໂທລະຄົມ ແມ່ນວຽກງານເຕັກນິກຕ້ອງມາກ່ອນ, ການຕະຫລາດມາຕາມຫລັງ, ຂະຫຍາຍລະບົບໂຄງລ່າງພື້ນຖານໃຫ້ກວ້າງຂວາງ, ຄວບຄຸມພື້ນທີ່ໃນທົ່ວປະເທດກ່ອນ ແລ້ວຈຶ່ງເຄື່ອນໄຫວວຽກງານການຕະຫລາດ ແລະ ຂະຫຍາຍລູກຄ້າ ເຮັດໃຫ້ຜູ້ຊົມໃຊ້ບໍລິການຂອງຢູນີເທວໄດ້ຮັບການບໍລິການທີ່ດີທີ່ສຸດ; ບົດຮຽນທີ 2 “ຫັນປ່ຽນສູ່ຍຸກດີຈີຕອນໃຫ້ໄວທີ່ສຸດ ເພື່ອເປັນກໍາລັງແຮງຂອງການແຂ່ງຂັນ” ໃນຍຸກສະໄໝປັດຈຸບັນ ການຫັນປ່ຽນສູ່ຍຸກອຸດສາຫະກໍາ 4.0 ຢູ່ໃນໂລກແມ່ນໄວທີ່ສຸດ. ຕໍ່ບັນຫາດັ່ງກ່າວ, ຢູນີເທວ ກໍໄດ້ມີການວາງແຜນການຫັນປ່ຽນສູ່ຍຸກດີຈີຕອນແບບຮອບດ້ານໃນທຸກຂົງເຂດວຽກງານຂອງບໍລິສັດ ເພື່ອໃຫ້ສາມາດເຂົ້າແຂ່ງຂັນໃນຕະຫລາດຍຸກດີຈີຕອນ; ບົດຮຽນທີ 3 “ຕ້ອງບຸກທະລຸນໍາໜ້າທຸກການປ່ຽນແປງໃໝ່” ໃນໄລຍະທີ່ບໍລິການດ້ານໂທລະຄົມກໍາລັງຂະຫຍາຍຕົວແຮງ, ຢູນີເທວ ໄດ້ເບິ່ງເຫັນເຖິງການປ່ຽນແປງທີ່ຈະກ້າວໄປເຖິງໄລຍະອີ່ມໂຕຂອງການບໍລິການດ້ານໂທລະຄົມ ຫລັງຈາກທີ່ມີຜູ້ຊົມໃຊ້ບໍລິການມືຖືຄວບຄຸມ 100%, ເມື່ອນັ້ນການຂະຫຍາຍຕົວຈະຊ້າລົງ ເຮັດໃຫ້ການລົງທຶນບໍ່ໄດ້ຮັບປະສິດທິຜົນ. ສະນັ້ນ, ຢູນີເທວ ໄດ້ຮີບຮ້ອນປັບປຸງຕົນເອງ, ຂະຫຍາຍດ້ານການບໍລິການອື່ນໆ ເປັນຕົ້ນບໍລິການກະເປົາເງິນເອເລັກໂຕຣນິກ (ຢູມັນນີ) ໂດຍການເຮັດທຸລະກໍາທາງດ້ານການເງິນຜ່ານມືຖື, ບັນດາບໍລິການເສີມດ້ວຍລະບົບດີຈີຕອນ ແລະ ອື່ນໆ. ສຳລັບ ບົດຮຽນທີ 4 ແມ່ນ “ໝູນໃຊ້ທ່າແຮງຜູ້ຮ່ວມທຸລະກິດຈາກຕ່າງປະເທດ” ເຊິ່ງການເລືອກບໍລິສັດ ຫວຽດເທວໂຄລໂບ (Viettel Global) ຂອງຫວຽດນາມເປັນຄູ່ຮ່ວມທຸລະກິດຂອງບໍລິສັດ ສະຕາໂທລະຄົມ ເປັນການຕັດສິນໃຈທີ່ຖືກຕ້ອງທີ່ສຸດ ຍ້ອນວ່າກຸ່ມບໍລິສັດ ຫວຽດເທວ ເປັນກຸ່ມບໍລິສັດໂທລະຄົມທີ່ໃຫຍ່ທີ່ສຸດຂອງຫວຽດນາມ ແລະ ເປັນບໍລິສັດທີ່ນໍາໜ້າໃນຂົງເຂດໂທລະຄົມ ແລະ ສະໜອງບໍລິການເຕັກໂນໂລຊີທີ່ທັນສະໄໝ. ການທີ່ມີຄູ່ຮວມທຸລະກິດທີ່ມີປະສົບການສູງ ແລະ ມີມູນເຊື້ອສາຍພົວພັນແບບພິເສດກັບປະເທດລາວ ໄດ້ຊ່ວຍໃຫ້ບໍລິສັດສະຕາໂທລະຄົມໄດ້ຮັບປະສົບການທີ່ມີຄຸນຄ່າອັນໃຫຍ່ຫລວງ ລວມທັງຄວາມຮູ້, ວິທີການເຮັດວຽກໃນຍຸກສະໄໝຍຸກອຸດສາຫະກໍາ 4.0 ແລະ ຫັນເປັນດີຈີຕອນ ເຊິ່ງບົດຮຽນອັນລໍ້າຄ່າດັ່ງກ່າວ ໄດ້ຖືກນໍາເອົາມາໝູນໃຊ້ເຂົ້າໃນວຽກງານຕົວຈິງພາຍໃນບໍລິສັດ ສະຕາໂທລະຄົມໃນປະເທດລາວເຮົາໄດ້ເປັນຢ່າງດີ.

ບົດຮຽນການພັດທະນາລັດວິສາຫະກິດຮຸ້ນສ່ວນຂອງຢູນີເທວ - Wave100S AD to Website 2020 0 - ບົດຮຽນການພັດທະນາລັດວິສາຫະກິດຮຸ້ນສ່ວນຂອງຢູນີເທວ
ບົດຮຽນການພັດທະນາລັດວິສາຫະກິດຮຸ້ນສ່ວນຂອງຢູນີເທວ - WhatsApp Image 2020 05 27 at 5 - ບົດຮຽນການພັດທະນາລັດວິສາຫະກິດຮຸ້ນສ່ວນຂອງຢູນີເທວ
ບົດຮຽນການພັດທະນາລັດວິສາຫະກິດຮຸ້ນສ່ວນຂອງຢູນີເທວ - WhatsApp Image 2020 05 27 at 5 - ບົດຮຽນການພັດທະນາລັດວິສາຫະກິດຮຸ້ນສ່ວນຂອງຢູນີເທວ
error: Alert: ເນື້ອຫາຂ່າວມີລິຂະສິດ !!