ລູກສອນໄຟ ສປປ ເກົາຫລີ: ອາເມລິກາ ຈະປົກປ້ອງຕົນເອງໄດ້ ຫລື ບໍ່ ?

- advert banner 728 90 728x90 - ລູກສອນໄຟ ສປປ ເກົາຫລີ:  ອາເມລິກາ ຈະປົກປ້ອງຕົນເອງໄດ້ ຫລື ບໍ່ ?
- 96818791 4324d177 17ec 49d5 b905 90ced50fee1c - ລູກສອນໄຟ ສປປ ເກົາຫລີ:  ອາເມລິກາ ຈະປົກປ້ອງຕົນເອງໄດ້ ຫລື ບໍ່ ?
ສະຖານນີໂທລະພາບທາງການຂອງ ສປປ ເກົາຫລີ ເຜີຍແຜ່ພາບທີ່ອ້າງວ່າເປັນການປ່ອຍລູກສອນໄຟຂ້າມທະວີບ (ICBM)

ບໍ່​ວ່າ​ໄລຍະ​ທີ່​ແນ່ນອນ ​ແລະ ຂີດ​ຄວາມ​ສາມາດ​ຂອງ​ການ​ທົດ​ລອງ​ລູກ​ສອນ​ໄຟ​ເທື່ອ​ຫລ້າ​ສຸດ​ຂອງ ສປປ ​ເກົາຫລີ ຈະ​ເປັນ​ແນວ​ໃດ, ​ແຕ່​ບໍ່​ຕ້ອງ​ສົງ​ໄສ​ວ່າ ສປປ ​ເກົາຫລີ ​ໄດ້​ຫຍັບ​ເຂົ້າ​ໃກ້​ເປົ້າໝາຍ​ໃນ​ການ​ມີ​ລູກ​ສອນ​ໄຟ​ຕິດ​ຫົວ​ຮົບ​ນິວ​ເຄຼຍທີ່​ສາມາດ​ໂຈມ​ຕີ​ອາ​ເມ​ລິ​ກາ​ໄດ້​ແລ້ວ.

- new3 - ລູກສອນໄຟ ສປປ ເກົາຫລີ:  ອາເມລິກາ ຈະປົກປ້ອງຕົນເອງໄດ້ ຫລື ບໍ່ ?

ຜົນສຳ​​ເລັດ​ຫລ້າ​ສຸດ​ໃນ​ການ​ທົດ​ລອງ​ລູກ​ສອນ​ໄຟ​ຂອງ ສປປ ​ເກົາຫລີ ນັ້ນ​ເປັນ​ສິ່ງ​ກັງວົນ​ຫລາຍ​ສຳລັບ​ອາ​ເມ​ລິ​ກາ ​ເພາະ​ຊີ້​ວ່າ ສປປ ​ເກົາຫລີ ອາດ​ພັດທະນາ​ເຕັກ​ໂນ​ໂລ​ຊີ​ຕ່າງໆ​ເຊັ່ນ: ສ້າງ​ຫົວ​ຮົບ​ນິວ​ເຄຼຍທີ່​ນ້ອຍ​ພໍ​ຈະ​ຕິດຕັ້ງລູກ​ສອນ​ໄຟ​ໄລຍະ​ໄກ​ຂ້າມ​ທະວີບ ຫລື ພັດທະນາ​ຫົວ​ຮົບ​ນິວ​ເຄຼຍ​ໃຫ້​ທົນ​ທານ​ແຮງ​ຕ້ານ​ມະຫາສານ, ຂະນະ​ທີ່​ລູກ​ສອນ​ໄຟຕົກ​ກັບ​ເຂົ້າມາ​ໃນ​ບັນຍາກາດ​ໂລກ​ເພື່ອ​ໂຈມ​ຕີ​ເປົ້າໝາຍ​ໄດ້​ໃນ​ຕໍ່ໜ້າ ​ເຊິ່ງອາດ​ຍັງ​ຢູ່​ໃນ​ສະ​ໄໝ​ວາລະ​ການ​ດຳລົງ​ຕຳ​ແໜ່​ງຂອງ​ປະທານາທິບໍດີ ​ໂດ​ນັນ ທຣຳ ກໍ​ເປັນ​ໄດ້.

 

+ ອາເມລິກາ-ສ.ເກົາຫລີ ຊ້ອມຍິງລູກສອນໄຟ ຮັບມືຈະຫລວດຈາກ ສປປ ເກົາຫລີ

+ ສປປ ເກົາຫລີ ອ້າງປະສົບຜົນສຳເລັດ ການທົດລອງຍິງລູກສອນໄຟ

+ ສປປ ເກົາຫລີ ຍິງລູກສອນໄຟ ລົງທະເລຍີ່ປຸ່ນອີກ

 

- lattana 1 - ລູກສອນໄຟ ສປປ ເກົາຫລີ:  ອາເມລິກາ ຈະປົກປ້ອງຕົນເອງໄດ້ ຫລື ບໍ່ ?

​ເຖິງ​ວ່າ​ອາ​ເມ​ລິ​ກາ​ຈະ​ລົງທຶນ​ມະຫາສານ​ເພື່ອ​ສ້າງ​ລະບົບ​ດາວ​ທຽມ​ກວດ​ຈັບ​ລູກ​ສອນ​ໄຟ ລວມທັງ​ຕິດຕັ້ງລະບົບ​ປ້ອງ​ກັນ​ລູກ​ສອນ​ໄຟ​ໃນ ​ແລະ ນອກ​ປະ​ເທດ​ຫລາຍ​ແຫ່ງ, ​ແຕ່​ຜູ້​ຊ່ຽວຊານ​ຍັງ​ເຊື່ອ​ວ່າ: ລະບົບ​ເຫລົ່າ​ນີ້​ບໍ່​ພ້ອມ​ຕໍ່​ການ​ປ້ອງ​ກັນ​ດິນ​ແດນ​ຂອງ​ອາ​ເມ​ລິ​ກາ ​ແລະ ພັນທະ​ມິດ​ໄວ້​ຢ່າງ​ເຕັມ​ສ່ວນ ​ເຊິ່ງລັດຖະບານ​ຂອງ​ປະທານາທິບໍດີ ທຣຳ ພວມ​ເລັ່ງປັບປຸງ​ລະບົບ​ນີ້ ​ໂດຍ​ມີ​ການ​ກຽມ​ຈະ​ຫລວດ​ຕໍ່ຕ້ານລູກ​ສອນ​ໄຟ​ຮຸ້ນ​ໃໝ່​ທີ​່ທັນ​ສະ​ໄໝ​ຂຶ້ນ​ເອົາ​ໄວ້​ປ່ຽນ​ແທນ​ແລ້ວ, ​ແຕ່​ຄາດ​ວ່າ​ຍັງ​ມີ​ຈຳນວນ​ໜ້ອຍ​ກວ່າ​ທີ່​ຈະ​ຮັບ​ມື​ກັບ​ໄພ​ຄຸກ​ຄາມ​ໄດ້, ຖ້າ ສປປ ​ເກົາຫລີ ​ເປີດ​ສາກ​ໂຈມ​ຕີ​ອາ​ເມ​ລິ​ກາ ຫລື ປະ​ເທດ​ພັນທະ​ມິດ​ດ້ວຍ​ລູກ​ສອນ​ໄຟ.

- 96818792 c65f761b 9fd3 4494 967d bc1dbad21678 - ລູກສອນໄຟ ສປປ ເກົາຫລີ:  ອາເມລິກາ ຈະປົກປ້ອງຕົນເອງໄດ້ ຫລື ບໍ່ ?
ລະບົບປ້ອງກັນລູກສອນໄຟຂອງອິດສະລາແອນພິສູດແລ້ວວ່າສາມາດປ້ອງກັນຈະຫລວດທີ່ຖືກຍິງເຂົ້າໃສ່ຢ່າງໄດ້ຜົນ

ລະບົບ​ປ້ອງ​ກັນ​ລູກ​ສອນ​ໄຟ​ຂອງ​ອາ​ເມ​ລິ​ການັ້ນຍັງ​ຫ່າງ​ໄກ​ຈາກ​ຄວາມ​ຝັນ​ໃນ​ໂຄງການ “ສະຕຣາວອດ​ສ” ຂອງ​ອະດີດ​ປະທານາທິບໍດີ ​ໂຣນັນ ​ເຣ​ແກນ ຫລາຍ ລວມທັງ​ການ​ສ້າງ​ເກາະ​ປ້ອງ​ກັນ​ລູກ​ສອນ​ໄຟ​ທີ່​ແຂງ​ແຮງ ​ແລະ ຄວບ​ຄຸມ​ຮ້ອຍ​ເປີ​ເຊັນອາດ​ເປັນ​ໄປ​ໄດ້​ຍາກ ​ເນື່ອງ​ຈາກ​ມີຄ່າ​ໃຊ້​ຈ່າຍ​ສູງ​ເກີນ​ໄປ ​ແລະ ອາ​ເມ​ລິ​ກາ​ຍັງ​ບໍ່​ມີ​ເຕັກ​ໂນ​ໂລ​ຊີ​ລະດັບ​ສູງ​ພໍ​ຈະ​ເຮັດ​ແບບ​ນັ້ນ​ໄດ້.

ສ່ວນ​ລະບົບ​ປ້ອງ​ກັນ​ລູກ​ສອນ​ໄຟ​ຂອງ​ອາ​ເມ​ລິ​ກາ​ທີ່​ມີ​ຢູ່​ນັ້ນ, ຜູ້​ຊ່ຽວຊານ​ຫລາຍ​ທ່ານ​ເບິ່ງ​ວ່າ​ຍັງ​ບໍ່​ມີ​ປະສິດທິພາບ​ພຽງພໍ ​ເນື່ອງ​ຈາກ​ການ​ທົດ​ລອງ​ໃຊ້​ຜ່ານ​ມາ​ຍັງ​ບໍ່​ໄດ້ຜົນ​ແນ່ນອນ ​ແລະ ​ເຖິງ​ວ່າການ​ທົດ​ລອງ​ໂດຍ​ລະອຽດ​ໃນ​ສະຖານະ​ການ​ຈຳລອງ​ທີ່​ຍາກ​ລຳບາກ ກໍ​ຍັງ​ຖື​ວ່າ​ຫ່າງ​ໄກ​ຈາກ​ເງື່ອນ​ໄຂ​ຕ່າງໆ​ຂອງ​ການ​ໃຊ້​ໃນ​ສະຖານະ​ການ​ຈິງ​.

- 96818793 df69dc46 8eec 4652 a807 48237e96f404 - ລູກສອນໄຟ ສປປ ເກົາຫລີ:  ອາເມລິກາ ຈະປົກປ້ອງຕົນເອງໄດ້ ຫລື ບໍ່ ?
ລູກສອນໄຟຈາກພາກພື້ນສູ່ອາກາດຕິດຕັ້ງໄວ້ທາງນອກກະຊວງປ້ອງກັນປະເທດຍີ່ປຸ່ນ

​ເມື່ອ​ມໍ່ໆ​ມາ​ນີ້, ອາ​ເມ​ລິ​ກາ​ລົງທຶນ​ສະໜັບສະໜູນ​ໃຫ້​ອິດສະ​ລາ​ແອນ​ຫັນ​ມາ​ພັດທະນາ​ລະບົບ​ປ້ອງ​ກັນ​ລູກ​ສອນ​ໄຟ​ແບບ​ໃໝ່​ທີ່​ມີ​ປະສິດທິພາບ​ສູງ ​ເຊິ່ງການ​ທົດ​ລອງ​ລະບົບ​​ເບື້ອງຕົ້ນຊີ້​ວ່າ: ປະສົບ​ຜົນສຳ​ເລັດ​ເປັນ​ຢ່າງ​ດີ. ​ເຖິງ​ຢ່າງ​ໃດ​ກໍ​ຕາມ, ຖ້າ​ຕ້ອງ​ພົບ​ກັບ​ການ​ລະດົມ​ໂຈມ​ຕີ​ຢ່າງ​ເຕັມ​ຮູບ​ແບບ ອາດ​ຍັງ​ບໍ່​ແນ່ນອນ​ວ່າ​ລະບົບ​ປ້ອງ​ກັນ​ລູກ​ສອນ​ໄຟ​ທີ່​ພັດທະນາ​ໃໝ່​ນີ້​ຈະ​ຮັບ​​ໄຫວ.

- 96818794 eecc3d39 d48e 4120 8ea6 ae7d19bccb92 - ລູກສອນໄຟ ສປປ ເກົາຫລີ:  ອາເມລິກາ ຈະປົກປ້ອງຕົນເອງໄດ້ ຫລື ບໍ່ ?
ລະບົບຕໍ່ຕ້ານລູກສອນໄຟ Thaad ຈະສະກັດລູກສອນໄຟທີ່ເບິ່ງວ່າເປັນໄພຄຸກຄາມຕໍ່ ສ.ເກົາຫລີ

​ເຖິງ​ວ່າ​ປະທານາທິບໍດີ ທຣຳ ຈະ​ຕັດສິນ​ໃຈ​ແນວ​ໃດ​ກ່ຽວ​ກັບ ສປປ ​ເກົາຫລີ, ​ແຕ່​ປັດຈຸບັນ​ນີ້​ເວລາ​ກຳລັງ​ຈະ​ໝົດ​ແລ້ວ ທາງ​ເລືອກ​ໜຶ່ງ​ທີ່​ທ່ານ​ອາດ​ຈະ​ຕ້ອງ​ເລັ່ງປະຕິບັດ ຄື​ເພີ່ມ​ຂີດ​ຄວາມ​ສາມາດ​ໃນ​ການ​ປ້ອງ​ກັນ​ຕົວ​ເອງ​ຂອງ​ອາ​ເມ​ລິ​ກາ ຄື​ທີ່​ທ່ານ​ໄດ້​ສົ່ງ​ລະບົບ​ຕໍ່ຕ້ານ​ລູກ​ສອນ​ໄຟ​ຂອງ​ອາ​ເມ​ລິ​ກາ​ໄປ​ຊ່ວຍ​ປົກ​ປ້ອງ ສ.​ເກົາຫລີ ຈາກ​ການ​ຖືກ​ໂຈມ​ຕີ​ດ້ວຍ​ລູກ​ສອນ​ໄຟ.

error: Content is protected !!