ສັດລ້ຽງ (ທີ່ຂາດການເອົາໃຈໃສ່ເບິ່ງແຍງຈາກຜູ້ລ້ຽງ) ພາໃຫ້ສ່ຽງອຸປະຕິເຫດ

ສັດລ້ຽງ (ທີ່ຂາດການເອົາໃຈໃສ່ເບິ່ງແຍງຈາກຜູ້ລ້ຽງ) ພາໃຫ້ສ່ຽງອຸປະຕິເຫດ - 139228998 3575261585933002 6878345325463999875 o - ສັດລ້ຽງ (ທີ່ຂາດການເອົາໃຈໃສ່ເບິ່ງແຍງຈາກຜູ້ລ້ຽງ) ພາໃຫ້ສ່ຽງອຸປະຕິເຫດ
ສັດລ້ຽງ (ທີ່ຂາດການເອົາໃຈໃສ່ເບິ່ງແຍງຈາກຜູ້ລ້ຽງ) ພາໃຫ້ສ່ຽງອຸປະຕິເຫດ - Untitled design - ສັດລ້ຽງ (ທີ່ຂາດການເອົາໃຈໃສ່ເບິ່ງແຍງຈາກຜູ້ລ້ຽງ) ພາໃຫ້ສ່ຽງອຸປະຕິເຫດ

ໂດຍ: ມຶກບໍ່ແຫ້ງ

ບັນດາເສັ້ນທາງຂອງປະເທດເຮົານັ້ນ ອາດເປັນເລື່ອງທຳມະດາ ທີ່ຫຼາຍເທື່ອເຫັນສັດລ້ຽງ ຍ່າງຕາມທາງ ແຕ່ນັ້ນ ແມ່ນຄວາມສ່ຽງຕໍ່ການເກີດອຸປະຕິເຫດຫຼາຍທີ່ສຸດ.

ລົດຕຳໝາ, ລົດຕຳງົວ, ແບ້, ຄວາຍ ແລະ ອື່ນໆ ແມ່ນມັກເກີດຂຶ້ນເລື້ອຍໆຕາມເສັ້ນທາງສາຍຕ່າງໆ ໃນຂອບເຂດ ທົ່ວປະເທດ ເຊິ່ງພວກເຮົາເຈົ້າຂ້ອຍເຫັນກັນມາແຕ່ນ້ອຍ ຈົນມີຄວາມຊິນເຄີຍແລ້ວ ຕໍ່ການສັນຈອນ ທີ່ຕ້ອງໄດ້ ລະມັດລະວັງສັດລ້ຽງຢູ່ຕະຫຼອດເວລາ.

ຖ້າວ່ານັບ ອັດຕາການເກີດອຸປະຕິເຫດ ເທີງທ້ອງຖະໜົນ ທີ່ເກີດຈາກການສັດລ້ຽງນັ້ນ ຜູ້ຂຽນກໍຄິດວ່າ ບໍ່ແມ່ນໜ້ອຍຄືກັນ, ອອກ ໄປທາງເຂດຊົນນະບົດ ກໍຈະມີແຕ່ ສັດລ້ຽງປະເພດ ສັດນ້ອຍ ຈົນຮອດສັດໃຫຍ່ ເຊັ່ນ ເປັດ ໄກ່, ໝາ, ແບ້ ຈົນຮອດ ງົວ ຫຼື ຄວາຍ ແລະ ຢູ່ໃນຕົວເມືອງ  ຈະເຫັນ ປະເພດ ໝາ ແລະ ແມວ ຫຼາຍທີ່ສຸດ ເຊິ່ງ ພວກເຮົາ ຈະເຫັນ ແມວທີ່ຖືກຢຽບ ຈົນເປັນແຜ່ນຕິດຫົນທາງ ກໍມີຫຼາຍ ເຊິ່ງເຖິງວ່າ ບັນດາ ລົດໃຫຍ່ ອາດບໍ່ຄ່ອຍມີຜົນກະທົບ ພໍເທົ່າໃດ ແຕ່ຖ້າເປັນລົດຈັກ ກໍສາມາດເຮັດໃຫ້ລົດລົ້ມໄດ້ງ່າຍ.

ບັນຫາ ສັດລ້ຽງ ທີ່ພາສ່ຽງອັນຕະລາຍ ກາຍເປັນສິ່ງທີ່ສົນໃຈຂອງ ປະຊາຊົນຫຼາຍຂຶ້ນ  ໃນການນຳໃຊ້ທາງດ່ວນ ເສັ້ນທຳອິດຂອງປະເທດ ແຕ່ນະຄອນຫຼວງວຽງຈັນ ຫາ ວັງວຽງ ທີ່ຫາກໍເປີດນຳໃຊ້ ເມື່ອເດືອນທັນວາ 2020 ທີ່ຜ່ານມາ. ພວກເຮົາກໍຮູ້ກັນດີວ່າ ໜຶ່ງໃນມາດຕະຖານສາກົນ ຂອງທາງດ່ວນນັ້ນ ກໍແມ່ນບໍ່ມີສິ່ງກີດຂວາງ ຄືດັ່ງ ສັດລ້ຽງ ເພາະ  “ຄ່ອຍໄປຄ່ອຍມາ” ອາດບໍ່ສົມກັບນິຍາມຊື່ທາງດັ່ງກ່າວ.

ແຕ່ໃນຄວາມເປັນຈິງແລ້ວ ເຫັນວ່າ ມີຫຼາຍກໍລະນີ ທີ່ເກີດອຸຕິເຫດ ລົດຕຳສັດລ້ຽງ ເທິງທາງດ່ວນດັ່ງກ່າວ, ບາງຜ່ອງກໍຕຳແບ້, ບາງຜ່ອງກໍຕຳງົວ ແລະ ບາງຜ່ອງກໍໄດ້ຜ່ອນຄວາມໄວລົດຍ້ອນມີ ຝຸງງົວ-ຄວາຍ ຂວາງໜ້າ ແລະ ທີ່ຕົກໃຈກວ່ານັ້ນ ກໍຄື ນັບແຕ່ການເປີດນຳໃຊ້ທາງດ່ວນ ປະມານ ໜຶ່ງເດືອນ ກໍມີອຸປະຕິເຫດ ເກີດຂຶ້ນຮອດ 36 ຄັ້ງ ນັ້ນກໍໝາຍວ່າ ແຕ່ລະມື້ຕ້ອງມີ ອຸປະຕິເຫດ 1 ຄັ້ງຂຶ້ນໄປ ທີ່ສ່ວນຫຼາຍ ກ່ຽວກັບ ສັດລ້ຽງ ແລະພວກເຮົາ ຈະເຫຼືອຄວາມປອດໄພຈາກທາງດ່ວນຫຼາຍປານໃດ?

ເພາະສະນັ້ນ, ຄວນເຮັດວິທີໃດແດ່ທີ່ຈະສາມາດ ເຮັດໃຫ້ ສັດລ້ຽງ ແມ່ນສັດທີ່ໄດ້ຮັບການລ້ຽງດູແທ້ໆ ແຕ່ບໍ່ແມ່ນສັດ ທີ່ຖືກປ່ອຍຊະຊາຍ ຄອຍສ້າງຄວາມອັດຕະລາຍຕໍ່ສັງຄົມ.

ສັດລ້ຽງ (ທີ່ຂາດການເອົາໃຈໃສ່ເບິ່ງແຍງຈາກຜູ້ລ້ຽງ) ພາໃຫ້ສ່ຽງອຸປະຕິເຫດ - Wave100S AD to Website 2020 0 - ສັດລ້ຽງ (ທີ່ຂາດການເອົາໃຈໃສ່ເບິ່ງແຍງຈາກຜູ້ລ້ຽງ) ພາໃຫ້ສ່ຽງອຸປະຕິເຫດ

ພວກເຮົາກໍຮູ້ດີວ່າ ຢູ່ບັນດາປະເທດທີ່ມີການຈັດລະບຽບໄດ້ດີກວ່າພວກເຮົາ ເຊັ່ນບາງປະເທດເພື່ອນບ້ານ ໜ້ອຍໜັກ ຈະພົບພໍ້ບັນຫາ ສັດລ້ຽງ ຈອງທາງດ່ວນ ເນື່ອງຈາກວ່າ ການຈັດສັນ ບ່ອນລ້ຽງສັດ ມີຄວາມເປັນລະບຽບຮຽບຮ້ອຍ ຄຽງຄູ່ກັນກັບ ການບັງຄັບໃຊ້ລະບຽບ ກົດໝາຍທີ່ເຄັ່ງຄັດ ຈຶ່ງສາມາດຮັບປະກັນຄວາມປອດໄພໄດ້.

ຜ່ານມາ ທາງການພວກເຮົາ ເພິ່ນກໍໄດ້ມີລະບຽບການໃນການ ຄຸ້ມຄອງສັດລ້ຽງ ໂດຍໄດ້ ຫ້າມສັດລ້ຽງ ຂອງພໍ່ແມ່ປະຊາຊົນ ປ່ອຍຊະຊາຍ ຕາມທາງຫຼວງ ແລະ ຕາມເສັ້ນທາງຕ່າງໆ ທີ່ເປັນການກີດຂວາງ ການສັນຈອນ ແຕ່ນັ້ນ ອາດບໍ່ໄດ້ຮັບຜົນທັງໝົດ, ສັດລ້ຽງຂອງ ພໍ່ແມ່ປະຊາຊົນ ຫຼາຍຂົງເຂດຍັງປ່ອຍຊະຊາຍ ເຊິ່ງຈຳເປັນຕ້ອງ ໄດ້ຮັບການບັງຄັບໃຊ້ ລະບຽບກົດໝາຍທີ່ກ່ຽວຂ້ອງຢ່າງເຄັ່ງຄັດຕື່ມ.

ຍິ່ງກ້າວເຂົ້າສູ່ ການສ້າງເສັ້ນທາງ ເຊື່ອມຕໍ່ກັບບັນດາປະເທດອ້ອມຂ້າງ ເພື່ອເສີມຂະຫຍາຍການຂົນສົ່ງທີ່ມີປະສິດທິພາບ ແລະ ປອດໄພ, ຍູ້ດັນການພັດທະນາເສດຖະກິດ-ສັງຄົມນັ້ນ ພວກເຮົາກໍຍິ່ງຄວນເພີ່ມຄວາມເຄັ່ງຄັດ ໃນການຈຳກັດສັດລ້ຽງເທິງທ້ອງຖະໜົນຕື່ມອີກ.

 

 

ສັດລ້ຽງ (ທີ່ຂາດການເອົາໃຈໃສ່ເບິ່ງແຍງຈາກຜູ້ລ້ຽງ) ພາໃຫ້ສ່ຽງອຸປະຕິເຫດ - WhatsApp Image 2020 05 27 at 5 - ສັດລ້ຽງ (ທີ່ຂາດການເອົາໃຈໃສ່ເບິ່ງແຍງຈາກຜູ້ລ້ຽງ) ພາໃຫ້ສ່ຽງອຸປະຕິເຫດ
error: Alert: ເນື້ອຫາຂ່າວມີລິຂະສິດ !!