ຈີນພົບຜູ້ຕິດເຊື້ອໂຄວິດ-19 ເພີ່ມອີກ 109 ຄົນ

ຈີນພົບຜູ້ຕິດເຊື້ອໂຄວິດ-19 ເພີ່ມອີກ 109 ຄົນ - rk china covid 180121 - ຈີນພົບຜູ້ຕິດເຊື້ອໂຄວິດ-19 ເພີ່ມອີກ 109 ຄົນ
ຈີນພົບຜູ້ຕິດເຊື້ອໂຄວິດ-19 ເພີ່ມອີກ 109 ຄົນ - Untitled design - ຈີນພົບຜູ້ຕິດເຊື້ອໂຄວິດ-19 ເພີ່ມອີກ 109 ຄົນ

ຈີນ​ລາຍ​ງານ​ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ​ເພີ່ມ​ອີກຫລາຍ​ກວ່າ 100 ຄົນ ​ເປັນ​ເວລາ 6 ວັນ​ຕິດ​ຕໍ່​ກັນ ​ເຊິ່ງສ່ວນ​ຫລາຍ​ຢູ່​ພື້ນທີ່​ພາກ​ຕາ​ເວັນ​ອອກສຽງ​​ເໜືອ​ຂອງ​ປະ​ເທດ ​ໂດຍ​ໃນ​ວັນ​ທີ 17 ມັງກອນ​ຜ່ານ​ມາ ມີ​ຜູ້​ຕິດ​ເຊື້ອ​ໃໝ່​ລວມ 109 ຄົນ ສົ່ງ​ຜົນ​ໃຫ້​ເກີດ​ຄວາມ​ກັງວົນ​ຕໍ່​ການລະບາດ​ໜັກ​ຮອບ​ໃໝ່ ກ່ອນ​ໜ້າ​ເທສະ​ການ​ພັກ​ຍາວ​ກຸດ​ຈີນ​ທີ່​ຈະ​ມີ​ການ​ເດີນທາງ​ຂ້າມ​ເມືອງ ຫລື ມົນທົນ​ຂອງ​ປະຊາຊົນ​ຫລາຍ​ລ້ານ​ຄົນ.

ຄະນະ​ກຳມະການ​ສຸຂະພາບ​ແຫ່ງ​ຊາດ​ຂອງ​ຈີນ​ລະບຸ​ໃນ​ຖະ​ແຫລ​ງການ​ວັນ​ທີ 18 ມັງກອນ​ວ່າ: ​ໃນ​ກຸ່ມ​ຜູ້​ຕິດ​ເຊື້ອ​ໃໝ່​ທີ່​ຢືນຢັນ​ໃນ​ວັນ​ທີ 17 ມັງກອນ​ ​ເປັນ​ການ​ຕິດ​ເຊື້ອ​ພາຍ​ໃນ​ປະ​ເທດ 93 ຄົນ ​ເຊິ່ງຈຳນວນ​ນີ້​ຢູ່​​ໃນ​ມົນທົນ​ເຫີ​ເປີ​ຍ ​ເຊິ່ງຢູ່​ບໍ່​ໄກ​ຈາກ​ນະຄອນຫລວງ​ປັກ​ກິ່ງ 54 ຄົນ. ຂະນະ​ທີ່​ມົນທົນ​ຈີ໋ຫລິນ ທາງ​ພາກ​ຕາ​ເວັນ​ອອກສຽງ​ເໜືອ ມີ​ຜູ້​ຕິດ​ເຊື້ອ​ໃໝ່ 30 ຄົນ ​ເຊິ່ງ​ເພີ່ມ​ຄວາມ​ສ່ຽງ​ວ່າ​ຈະ​ເກີດ​ສູນ​ກາງ​ການລະບາດ​ໃໝ່​ຂຶ້ນ.

​ເຖິງ​ວ່າ​ຈຳນວນ​ຜູ້​ຕິດ​ເຊື້ອ​ແຕ່​ລະ​ວັນ​ຍັງ​ຕໍ່າ​ກວ່າ​ໄລຍະ​ການລະບາດ​ສູງ​ສຸດ​ເມື່ອ​ຕົ້ນປີຜ່ານມາ, ​ແຕ່​ທາງ​ການ​ຈີນ​ໄດ້​ອອກ​ມາດ​ຕະການ​ຄວບ​ຄຸມ​ທີ່​ເຂັ້ມງວດ​ໃນ​ຫລາຍ​ພື້ນທີ່ ລວມທັງ​ການ​ລັອກດາວ​ປະຊາຊົນ 28 ລ້ານ​ກວ່າ​ຄົນ ​ໃນ​ຫລາຍ​ເຂດ​ເມືອງ ​ເພື່ອ​ສະກັດ​ການ​ແຜ່​ລະບາດ​ຂອງ​ໄວຣັສ.

ສຳລັບ​ນະຄອນຫລວງ​ປັກ​ກິ່ງ ​ເມືອງ​ຫລວງ ​ເຊິ່ງມີ​ຜູ້​ຕິດ​ເຊື້ອ​ໃໝ່ 2 ຄົນ ຈະ​ເລີ່​ມ​ໃຫ້​ຜູ້​ທີ່​ເດີນທາງ​ຈາກ​ຕ່າງ​ແດນ​ຮັບ​ການກວດ​ສຸຂະພາບ​ເພີ່ມ​ອີກ 7 ວັນ ຫລັງ​ການ​ສັງ​ເກດ​ການ 21 ວັນ.

ຈີນພົບຜູ້ຕິດເຊື້ອໂຄວິດ-19 ເພີ່ມອີກ 109 ຄົນ - Wave100S AD to Website 2020 0 - ຈີນພົບຜູ້ຕິດເຊື້ອໂຄວິດ-19 ເພີ່ມອີກ 109 ຄົນ

ສ່ວນ​ທາງ​ການ​ເມືອງ​ກົງ​ຈູ່ຫລິ່ງ ​ໃນ​ມົນທົນ​ຈີ໋ຫລິນ ​ໄດ້​ສັ່ງ​ປິດ​ຮ້ານ​ຄ້າ​ທີ່​ບໍ່​ຈຳ​ເປັນ​ທັງ​ໝົດ ​ແລະ ຫ້າມ​ຄົນ​ອອກ​ນອກ​ເຮືອນ ຍົກ​ເວັ້ນຜູ້​ທີ່​ມີ​ນັດ​ໄປ​ກວດ​​ໂຄ​ວິດ-19 ​ໃນ​ສະຖານ​ທີ່​ທີ່​ກຳນົດ.

ທັງ​ນີ້ ຈີນ​ມີ​ຜູ້​ຕິດ​ເຊື້ອສະ​ສົມ​ທັງ​ໝົດ 89.336 ຄົນ. ຂະນະ​ທີ່​ຕົວ​ເລກ​ຜູ້​ເສຍ​ຊີວິດ​ສະ​ສົມ​ຍັງ​ຄື​ເກົ່າ 4.635 ຄົນ (ຕົວ​ເລກ​ນີ້​ບໍ່​ນັບ​ລວມ​ເຂດ​ປົກຄອງ​ພິ​ເສດ​ຮົງ​ກົງ ​ແລະ ມາ​ເກົາ).

ສຳນັກ​ຂ່າວ Reuters ລາຍ​ງານ​ວ່າ: ທີ​ມສືບສວນ​ຂອງ​ອົງການ​ອະນາ​ໄມ​ໂລກ (WHO) ​ເຊິ່ງ​ເວລາ​ນີ້​ຢູ່​ຈີນ​ແລ້ວ ​ໄດ້​ເລີ່​ມການ​ສືບສວນ​ເພື່ອ​ຫາ​ຕົ້ນຕໍ​ການລະບາດ​ຂອງ​ໂຄ​ວິດ-19 ​ແລ້ວ ​ໂດຍ​ຕົວ​ແທນ​ຂອງ WHO ​ກ່າວ​ວ່າ: ​ໄດ້​ປະຊຸມ​ຫາລື​ກັບ​ເຈົ້າໜ້າ​ທີ່​ຈີນ​ຜ່ານ​ວິ​ດີ​ໂອ​ຄອນ​ເຟີ​ເຣນ​ໃນ​ຂະນະ​ທີ່​ພວກ​​ເຂົາ​ຍັງ​ຢູ່​ລະຫວ່າງ​ກັກ​ຕົວ.

ຈີນພົບຜູ້ຕິດເຊື້ອໂຄວິດ-19 ເພີ່ມອີກ 109 ຄົນ - WhatsApp Image 2020 05 27 at 5 - ຈີນພົບຜູ້ຕິດເຊື້ອໂຄວິດ-19 ເພີ່ມອີກ 109 ຄົນ
ຈີນພົບຜູ້ຕິດເຊື້ອໂຄວິດ-19 ເພີ່ມອີກ 109 ຄົນ - WhatsApp Image 2020 05 27 at 5 - ຈີນພົບຜູ້ຕິດເຊື້ອໂຄວິດ-19 ເພີ່ມອີກ 109 ຄົນ
error: Alert: ເນື້ອຫາຂ່າວມີລິຂະສິດ !!