ແຜ່ນດິນໄຫວ-ນ້ຳຖ້ວມຢູ່ອິນໂດເນເຊຍ ເສຍຊີວິດແລ້ວ 96 ຄົນ ບໍ່ມີບ່ອນຢູ່ອາໄສເກືອບ 7 ໝື່ນຄົນ

ແຜ່ນດິນໄຫວ-ນ້ຳຖ້ວມຢູ່ອິນໂດເນເຊຍ ເສຍຊີວິດແລ້ວ 96 ຄົນ ບໍ່ມີບ່ອນຢູ່ອາໄສເກືອບ 7 ໝື່ນຄົນ - get 2021 01 18T135258 - ແຜ່ນດິນໄຫວ-ນ້ຳຖ້ວມຢູ່ອິນໂດເນເຊຍ ເສຍຊີວິດແລ້ວ 96 ຄົນ ບໍ່ມີບ່ອນຢູ່ອາໄສເກືອບ 7 ໝື່ນຄົນ
ແຜ່ນດິນໄຫວ-ນ້ຳຖ້ວມຢູ່ອິນໂດເນເຊຍ ເສຍຊີວິດແລ້ວ 96 ຄົນ ບໍ່ມີບ່ອນຢູ່ອາໄສເກືອບ 7 ໝື່ນຄົນ - Untitled design - ແຜ່ນດິນໄຫວ-ນ້ຳຖ້ວມຢູ່ອິນໂດເນເຊຍ ເສຍຊີວິດແລ້ວ 96 ຄົນ ບໍ່ມີບ່ອນຢູ່ອາໄສເກືອບ 7 ໝື່ນຄົນ

ວັນ​ທີ 18 ມັງກອນ 2021, ສຳນັກງານ​​ແກ້​ໄຂ​ໄພພິບັດ​ແຫ່ງ​ຊາດ​ຂອງ​ອິນ​ໂດ​ເນ​ເຊຍ ລະບຸ​ວ່າ: ຈຳນວນ​ຜູ້​ເສຍ​ຊີວິດ​ຈາກ​ເຫດ​ແຜ່ນດິນ​ໄຫວ​ຮຸນ​ແຮງ ​ແລະ ​ເຫດ​ນ້ຳຖ້ວມ​ທາງ​ຕອນ​ກາງຂອງ​ອິນ​ໂດ​ເນ​ເຊຍ​ເພີ່ມ​ຂຶ້ນ​ເປັນ 96 ຄົນ ​ແລະ ມີ​ປະຊາຊົນ​ຕ້ອງ​ອົບ​ພະຍົບ​ໄປ​ອ​າ​ໄສ​ຢູ່ບ່ອນ​ພັກ​ຊົ່ວຄາວ​ອີກ​ເກືອບ 70.000 ຄົນ.

ທ່ານ ຣາດິ​ເຕຍ ຈາ​ຕິ ​ໂຄສົກ​ສຳນັກງານ​ແກ້​ໄຂ​ໄພພິບັດ​ແຫ່ງ​ຊາດ​ຂອງ​ອິນ​ໂດ​ເນ​ເຊຍ ລະບຸ​ວ່າ: ມີ​ຜູ້​ເສຍ​ຊີວິດ 81 ຄົນ ຫລັງ​ເກີດ​ເຫດ​ແຜ່ນດິນ​ໄຫວ​ຂະໜາດ 6,2 ຕາມ​ມາດຕາ​ແມ​ກນິຈູດ ​ແລະ ​ເຫດ​ແຜ່ນດິນ​ໄຫວ​ຂະໜາດ​ແມ​ກນິຈູດ 5,9 ທີ່​ເ​ກີ​ດຂຶ້ນຕາມ​ມາ ຢູ່​ແຂວງ​ສຸລາ​ເວ​ສີ​ຕາ​ເວັນ​ຕົກ​ຂອງ​ອິນ​ໂດ​ເນ​ເຊຍ ​ເມື່ອ​ວັນ​ທີ 14 ​ແລະ 15 ມັງກອນ​ຜ່ານ​ມາ. ນອກຈາກ​ນີ້ ຢູ່​ແຂວງ​ກາ​ລິ​ມັນ​ຕັນ​​ໃຕ້​ມີ​ຜູ້​ເສຍ​ຊີວິດ​ແລ້ວ 15 ຄົນ ຫລັງ​ເກີດ​ເຫດ​ອຸ​ທົກ​ກະ​ໄພ​ເມື່ອ​ວັນ​ທີ 14 ມັງກອນ​ຜ່ານ​ມາ ​ເພາະ​ມີ​ຝົນຕົກ​ໜັກ.

​ເຫດ​ແຜ່ນດິນ​ໄຫວ​ເຮັດ​ໃຫ້​ປະຊາຊົນ​ປະມານ 28.000 ຄົນ​ຕ້ອງ​ອົບ​ພະຍົບ​ໄປ​ອາ​ໄສ​ຢູ່​ສູນ​ອົບ​ພະຍົບ 25 ​ແຫ່ງ​ໃນ​ເມືອງ​ມາ​ມູຈູ ​ແລະ ​ເຂດ​ມາ​ເຈນ​ເນ ຂອງ​ແຂວງ​ສຸລາ​ເວ​ສີ​ຕາ​ເວັນ​ຕົກ. ຂະນະ​ທີ່​ເຫດ​ນ້ຳຖ້ວມ​ເຮັດ​ໃຫ້​ປະຊາຊົນ​ອີກ​ເກືອບ 40.000 ຄົນ​ຕ້ອງ​ຍ້າຍ​ໄປ​ອາ​ໄສ​ຢູ່​ສູນ​ຊົ່ວຄາວ​ໃນ​ແຂວງ​ກາ​ລິ​ມັນ​ຕັນ​ໃຕ້.

ທ່ານ ຈາ​ຕິ ກ່າວ​ວ່າ: ຈຳນວນ​ເຮືອນ​ທີ່​ໄດ້​ຮັບ​ຄວາມ​ເສຍ​ຫາຍ​ຈາກ​ເຫດ​ແຜ່ນດິນ​ໄຫວ​ເພີ່ມ​ຂຶ້ນ​ເປັນ 1.150 ຫລັງ​ໃນ​ເຂດ​ມາ​ເຈ​ເນ ​ແລະ ມີ​ຕຶກ​ໂຮງຮຽນ​ທີ່​ໄດ້​ຮັບ​ຄວາມ​ເສຍ​ຫາຍ​ອີກ 5 ​ແຫ່ງ ​ໂດຍ​ປັດຈຸບັນ​ເຈົ້າໜ້າ​ທີ່​ກຳລັງ​ປະ​ເມີນ​ຄວາມ​ສ່ຽງ​ຈາກ​ເຫດ​ແຜ່ນດິນ​ໄຫວ​ໃນ​ພື້ນທີ່​ໄດ້​ຮັບ​ຜົນ​ກະທົບ.

ແຜ່ນດິນໄຫວ-ນ້ຳຖ້ວມຢູ່ອິນໂດເນເຊຍ ເສຍຊີວິດແລ້ວ 96 ຄົນ ບໍ່ມີບ່ອນຢູ່ອາໄສເກືອບ 7 ໝື່ນຄົນ - Wave100S AD to Website 2020 0 - ແຜ່ນດິນໄຫວ-ນ້ຳຖ້ວມຢູ່ອິນໂດເນເຊຍ ເສຍຊີວິດແລ້ວ 96 ຄົນ ບໍ່ມີບ່ອນຢູ່ອາໄສເກືອບ 7 ໝື່ນຄົນ

ທ່ານ ​ໂດ​ນິ ​ໂມ​ນາ​ໂດ ຫົວໜ້າ​ສຳນັກງານ​​ແກ້​ໄຂ​ໄພພິບັດ​ແຫ່ງ​ຊາດ​ຂອງອິນ​ໂດ​ເນ​ເຊຍ ລະບຸ​ວ່າ: ​ເຈົ້າໜ້າ​ທີ່​ໄດ້​ດຳ​ເນີນ​ການ​ກວດ​ຫາ​ພະຍາດ​ຕິດ​ເຊື້ອ​ໄວຣັສ​​ໂຄ​ວິດ-19 ກັບ​ຜູ້​ອົບ​ພະຍົບ​ເພື່ອ​ສະກັດ​ກັ້ນການ​ແຜ່​ລະບາດ ​ແລະ ຢູ່​ບ່ອນ​ອາ​ໄສ​ຊົ່ວຄາວ​ສຳລັບ​ຜູ້​ບໍ່​ມີ​ເຮືອນ​ຢູ່​ຈະ​ຖືກ​ຈັດ​​ໃຫ້​ແຍກ​ອອກ​ຈາ​ກັນ.

ຂະນະ​ດຽວ​ກັນ ຢູ່​ແຂວງ​ກາ​ລິ​ມັນ​ຕັນ​ໃຕ້ ​ເຫດ​ນ້ຳຖ້ວມ​ເຮັດ​ໃຫ້​ເຮືອນ​ຈົມ​ນ້ຳ​ເກືອບ 25.000 ຫລັງ ​ໂດຍ​ເຈົ້າໜ້າ​ທີ່​ໄດ້​ປະກາດ​ສະຖານະ​ການ​ສຸກ​ເສີນ​ແຕ່​ວັນ​ທີ 14 ມັງກອນ ​ແລະ ດຳ​ເນີນ​ການ​ປະ​ເມີນ​ຄວາມ​ສ່ຽງ​ໃນ​ພື້ນທີ່​ໄດ້​ຮັບ​ຜົນ​ກະທົບ​ແລ້ວ.

ແຜ່ນດິນໄຫວ-ນ້ຳຖ້ວມຢູ່ອິນໂດເນເຊຍ ເສຍຊີວິດແລ້ວ 96 ຄົນ ບໍ່ມີບ່ອນຢູ່ອາໄສເກືອບ 7 ໝື່ນຄົນ - WhatsApp Image 2020 05 27 at 5 - ແຜ່ນດິນໄຫວ-ນ້ຳຖ້ວມຢູ່ອິນໂດເນເຊຍ ເສຍຊີວິດແລ້ວ 96 ຄົນ ບໍ່ມີບ່ອນຢູ່ອາໄສເກືອບ 7 ໝື່ນຄົນ
ແຜ່ນດິນໄຫວ-ນ້ຳຖ້ວມຢູ່ອິນໂດເນເຊຍ ເສຍຊີວິດແລ້ວ 96 ຄົນ ບໍ່ມີບ່ອນຢູ່ອາໄສເກືອບ 7 ໝື່ນຄົນ - WhatsApp Image 2020 05 27 at 5 - ແຜ່ນດິນໄຫວ-ນ້ຳຖ້ວມຢູ່ອິນໂດເນເຊຍ ເສຍຊີວິດແລ້ວ 96 ຄົນ ບໍ່ມີບ່ອນຢູ່ອາໄສເກືອບ 7 ໝື່ນຄົນ
error: Alert: ເນື້ອຫາຂ່າວມີລິຂະສິດ !!