ນະຄອນຫລວງກຳນົດລາຄາປາກະຊັງ

- advert banner 728 90 728x90 - ນະຄອນຫລວງກຳນົດລາຄາປາກະຊັງ

- Fish 300x200 - ນະຄອນຫລວງກຳນົດລາຄາປາກະຊັງ   ເພື່ອແນໃສ່ຊຸກຍູ້ສົ່ງເສີມຜູ້ດຳເນີນທຸລະກິດການຜະລິດ, ຜູ້ຊື້, ຜູ້ຂາຍ ແລະ ເປັນການປົກປ້ອງສິດ ແລະ ຜົນປະໂຫຍດຂອງຜູ້ບໍລິໂພກໃຫ້ມີຄວາມຍຸຕິທຳບົນພື້ນຖານກົນໄກຕະຫລາດ, ທັງເປັນການຫລີກລ້ຽງການເອົາປຽບກັນລະຫວ່າງຜູ້ຊື້-ຜູ້ຂາຍ, ທັງຮັບປະກັນໃຫ້ລາຄາສີນຄ້າມີຄວາມສະຫງົບ, ດັ່ງນັ້ນເມື່ອມໍ່ໆມານີ້ພະແນກອຸດສາຫະກຳ ແລະ ການຄ້ານະຄອນຫລວງວຽງຈັນໄດ້ອອກແຈ້ງການສະບັບເລກທີ 0592/ອຄ.ນວ.ຄພນ ລົງວັນທີ 3 ມີນາ 2017 ເຖິງຫົວໜ້າຫ້ອງການອຸດສາຫະກຳ ແລະ ການຄ້າ 9 ຕົວເມືອງ, ຫົວໜ່ວຍທຸລະກິດຈັດສັນຕະຫລາດ, ຜູ້ປະກອບການລ້ຽງປາກະຊັງ, ຜູ້ເກັບຊີື້ ແລະ ຜູ້ຈຳໜ່າຍປາກະຊັງຢູ່ນອກ ແລະ ໃນຕະຫລາດ, ລວມເຖິງຜູ້ບໍລິໂພກຊາບວ່າ: ພະແນກອຸດສາຫະກຳ ແລະ ການຄ້ານະຄອນຫລວງວຽງຈັນໄດ້ກຳນົດລາຄາຂາຍຍົກ-ຂາຍຍ່ອຍປາກະຊັງດັ່ງນີ້: (1) ລາຄາປາໜ້າກະຊັງລາຄາຊື້-ຂາຍສູງສຸດບໍ່ໃຫ້ເກີນ 16.000 ກີບຕໍ່ກິໂລ. (2) ລາຄາຂາຍຍົກຂອງຜູ້ປະກອບການຂົນສົ່ງປາສູງສຸດບໍ່ໃຫ້ເກີນ 17.500 ກີບຕໍ່ກິໂລ, ລາຄານີ້ສົ່ງຮອດຜູ້ຂາຍຢູ່ຕາມທ້ອງຕະຫລາດ. (3) ສຳລັບຜູ້ຂາຍຢູ່ຕະທ້ອງຕະຫລາດໃຫ້ຜູ້ບໍລິໂພກສູງສຸດບໍ່ໃຫ້ເກີນ 20.000 ກີບຕໍ່ກິໂລ, ດັ່ງນັ້ນຈຶ່ງອອກແຈ້ງການສະບັບນີ້ເພື່ອໃຫ້ທຸກພາກສ່ວນ ກໍຄືຊາວຄ້າ-ຂາຍຊາບ ແລະ ພ້ອມກັນຈັດຕັ້ງປະຕິບັດຢ່າງເຂັ້ມງວດຈົນກວ່າຈະມີແຈ້ງການສະບັບໃໝ່ອອກມາ.

- new3 - ນະຄອນຫລວງກຳນົດລາຄາປາກະຊັງ
error: Content is protected !!