ຊົມເຊີຍຜົນສຳເລັດກອງປະຊຸມໃຫຍ່ພັກປະຊາຊົນປະຕິວັດລາວຄັ້ງທີ XI ຢ່າງສຸດໃຈ

ຊົມເຊີຍຜົນສຳເລັດກອງປະຊຸມໃຫຍ່ພັກປະຊາຊົນປະຕິວັດລາວຄັ້ງທີ XI ຢ່າງສຸດໃຈ - Untitled design - ຊົມເຊີຍຜົນສຳເລັດກອງປະຊຸມໃຫຍ່ພັກປະຊາຊົນປະຕິວັດລາວຄັ້ງທີ XI ຢ່າງສຸດໃຈ

ໂດຍ: ເມືອງພວນ

ກອງປະຊຸມໃຫຍ່ພັກປະຊາຊົນປະຕິວັດລາວ ຄັ້ງທີ XI ໄຂຂຶ້ນຢ່າງເປັນທາງການໃນວັນທີ 13 ພາຍໃຕ້ຄຳຂວັນ ” ຍົກສູງຄວາມສາມາດນຳພາຂອງພັກ ເພີ່ມທະວີຄວາມສາມັກຄີທີ່ເປັນປຶກແຜ່ນຂອງປວງຊົນລາວໃນຊາດ ຮັບປະກັນສະຖຽນລະພາບທາງດ້ານການເມືອງຢ່າງໜັກແໜ້ນ ຜັນຂະຫຍາຍແນວທາງປ່ຽນແປງໃໝ່ລົງສູ່ລວງເລິກ ສ້າງການຫັນປ່ຽນການພັດທະນາເສດຖະກິດ-ສັງຄົມ ໄປສູ່ຄຸນນະພາບໃໝ່ຢ່າງແຂງແຮງ, ຍົກລະດັບຄຸນນະພາບຂອງປະຊາຊົນ ໃຫ້ສູງຂຶ້ນ ສືບຕໍ່ນຳເອົາປະເທດຊາດພົ້ນອອກຈາກສະຖານະພາບດ້ອຍພັດທະນາ ແລະ ກ້າວເດີນສູ່ຈຸດໝາຍສັງຄົມນິຍົມ” ແລະ ຈົບລົງວັນທີ 15 ມັງກອນ 2021 ຢູ່ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນດ້ວຍຜົນສຳເລັດທີ່ຈົບງາມ.

ເຂົ້າຮ່ວມກອງປະຊຸມຄັ້ງນີ້ ມີຜູ້ແທນສົມບູນ 768 ສະຫາຍ, ເປັນຕົວແທນໃຫ້ແກ່ສະມາຊິກພັກທັງໝົດທົ່ວປະເທດ 348, 686 ສະຫາຍ  ຍິງ 116 ສະຫາຍ ຕາງໜ້າໃຫ້ສະມາຊິກພັກທົ່ວປະເທດຈຳນວນສະຫາຍ. ນອກຈານີ້ ຍັງມີຕົວແທນຂອງປະຊາຊົນບັນດາເຜົ່າຕ່າງໆ ໃນວົງຄະນະຍາດແຫ່ງຊາດລາວເຂົ້າຮ່ວມທັງໝົດ 43 ຊົນເຜົ່າ, ໃນນັ້ນຊົນເຜົ່າລາ-ໄຕ 644,ຍິງ 105 ສະຫາຍ, ມອນ-ຂະແມ 67 ສະຫາຍ, ຍິງ 6 ສະຫາຍ, ຊົນເຜົ່າມົ້ງ- ອິວມຽນ 32 ສະຫາຍ, ຍິງ 1  ສະຫາຍ, ໜວດຈີນ-ທິເບດ 25 ສະຫາຍ, ຍິງ 4 ແລະ ຕົວແທນຜູ້ຊົງຄຸນວຸດຖິ, ພະນັກງານ ບໍານານ-ອາວຸໂສ, ນັກຮົບແຂ່ງຂັນ, ວິລະຊົນແຫ່ງຊາດເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ຮັບຟັງລາຍງານການເມືອງທັງສອງພາກຂອງເລຂາທິການໃຫຍ່ພັກປະຊາຊົນປະຕິວັດລາວສະໄໝທີ 10 ບຸນຍັງ ວໍລະຈິດ, ຮັບຟັງບົດລາຍງານແຜນພັດທະນາເສດຖະກິດສັງຄົມ ຄັ້ງທີ 9 ຈາກອະດີດນາຍົກລັດຖະມົນຕີ ທອງລຸນ ສີສຸລິດ ແລະ ການຕີລາຄາການນຳພາລວມຂອງພັກປະຊາຊົນປະຕິວັດລາວຕະຫຼອດໄລຍະ 5 ປີທີ່ຜ່ານມາ. ຈາກນັ້ນ ບັນດາຜູ້ແຫນ   ກອງປະຊຸມກໍໄດ້ປະກອບຄຳຄິດຄຳເຫັນໃສ່ຮ່າງລາຍງານການເມືອງ, ແຜນພັດທະນາເສດຖະກິດສັງຄົມຄັ້ງທີ 9 ແລະ ການນຳພາລວມຂອງພັກຢ່າງກົງໄປກົງມາດ້ວຍຄວາມຮັບຜິດຊອບສູງ.

ກອງປະຊຸມໄດ້ເລືອກຕັ້ງຄະນະບໍລິຫານງານສູນກາງພັກປະກອບດ້ວຍ 71 ສະຫາຍ, ຍິງ 12 ສະຫາຍ, ເລືອກເອົາກຳມະການສຳຮອງສູນກາງພັກ 10 ສະຫາຍ, ຍິງ 2 ສະຫາຍ, ສຳເລັດການເລືອກຕັ້ງເອົາປະທານ, ຮອງປະທານກວດກາພັກ, ສຳເລັດການເລືອກຕັ້ງເອົາກົມການເມືອງສູນກາງພັກປະກອບດ້ວຍ 13 ສະຫາຍ, ຍິງ 2 ສະຫາຍ,  ເລືອກເອົາຄະນະເລຂາທິການສູນກາງພັກ 9 ສະຫາຍ. ກອງປະຊຸມຄັ້ງປະຖົມມະລຶກ ໄດ້ເລືອກເອົາສະຫາຍທອງລຸນ ສີສຸລິດ ເປັນເລຂາທິການໃຫຍ່ ພັກປະຊາຊົນປະຕິວັດລາວຄັ້ງທີ XI  ຢ່າງເປັນເອກະສັນ.

ຊົມເຊີຍຜົນສຳເລັດກອງປະຊຸມໃຫຍ່ພັກປະຊາຊົນປະຕິວັດລາວຄັ້ງທີ XI ຢ່າງສຸດໃຈ - Wave100S AD to Website 2020 0 - ຊົມເຊີຍຜົນສຳເລັດກອງປະຊຸມໃຫຍ່ພັກປະຊາຊົນປະຕິວັດລາວຄັ້ງທີ XI ຢ່າງສຸດໃຈ

ກອງປະຊຸມຄັ້ງນີ້ ຖືໄດ້ວ່າເປັນບາດລ້ຽວປະຫວັດສາດໃນການຫັນໜຸ່ມພະນັກງານການນຳຕະຫຼອດໄລຍະຫຼາຍທົດສະວັດທີ່ຜ່ານມາ. ຜູ້ທີ່ມີອາຍຸ 60 ຂຶ້ນໄປມີ 36 ຄົນ, ອາຍຸແຕ່ 46-59 ປີ 35 ຄົນ, ອາຍຸຕໍ່າສຸດ 46 ປີ ແລະ ອາຍຸສູງສຸດ 75 ປີ, ອາຍຸສະເລ່ຍ 59 ປີ.

ຜົນສຳເລັດຂອງກອງປະຊຸມຄັ້ງນີ້ ແມ່ນຜົນສຳເລັດແຫ່ງສະຕິປັນຍາ ແລະ ຄວາມສາມັກຄີເປັນຈິດໜຶ່ງໃຈດຽວຂອງປະຊາຊົນລາວທັງຊາດ, ໂດຍສະເພາະແມ່ນຂອງຄະນະພັກ, ອຳນາດການປົກຄອງແຕ່ລະຂັ້ນ ທີ່ໄດ້ສຸມຈິດສຸມໃຈ ແລະ ອວ່າຍໜ້າມາຫາກອງປະຊຸມໃຫຍ່ຄັ້ງນີ້ດ້ວຍພຶດຕິກຳຕົວຈິງ ແລະ ດ້ວຍຄວາມຮັບຜິດຊອບສູງ.

ພັກປະຊາຊົນປະຕິວັດລາວ ຜູ້ຈັດຕັ້ງນຳພາທຸກໄຊຊະນະຂອງການປະຕິວັດລາວ ຈົ່ງໝັ້ນຄົງຕະຫຼອດໄປ. ຫວັງຢ່າງຍິ່ງວ່າ ຄະນະພັກສູນກາງຊຸດນີ້ຈະໃສ່ໃຈປະຊາຊົນ ນຳພາປະເທດຊາດພົ້ນອອກຈາກຄວາມທຸກຍາກດ້ອຍພັດທະນາໄດ້ຢ່າງແນ່ນອນ ແລະ ນຳພາປະເທດຊາດກ້າວຂຶ້ນສັງຄົມນິຍົມດ້ວຍບາດກ້າວອັນໜັກແໜ້ນ.

ຊົມເຊີຍຜົນສຳເລັດກອງປະຊຸມໃຫຍ່ພັກປະຊາຊົນປະຕິວັດລາວຄັ້ງທີ XI ຢ່າງສຸດໃຈ - WhatsApp Image 2020 05 27 at 5 - ຊົມເຊີຍຜົນສຳເລັດກອງປະຊຸມໃຫຍ່ພັກປະຊາຊົນປະຕິວັດລາວຄັ້ງທີ XI ຢ່າງສຸດໃຈ
ຊົມເຊີຍຜົນສຳເລັດກອງປະຊຸມໃຫຍ່ພັກປະຊາຊົນປະຕິວັດລາວຄັ້ງທີ XI ຢ່າງສຸດໃຈ - WhatsApp Image 2020 05 27 at 5 - ຊົມເຊີຍຜົນສຳເລັດກອງປະຊຸມໃຫຍ່ພັກປະຊາຊົນປະຕິວັດລາວຄັ້ງທີ XI ຢ່າງສຸດໃຈ
error: Alert: ເນື້ອຫາຂ່າວມີລິຂະສິດ !!