ຝຶກເປັນຄົນປະຢັດໄດ້ແລ້ວ 9 ສິ່ງນີ້ກຳລັງຈະເກີດຂຶ້ນ

ຝຶກເປັນຄົນປະຢັດໄດ້ແລ້ວ 9 ສິ່ງນີ້ກຳລັງຈະເກີດຂຶ້ນ - 042912 2020 - ຝຶກເປັນຄົນປະຢັດໄດ້ແລ້ວ 9 ສິ່ງນີ້ກຳລັງຈະເກີດຂຶ້ນ
ຝຶກເປັນຄົນປະຢັດໄດ້ແລ້ວ 9 ສິ່ງນີ້ກຳລັງຈະເກີດຂຶ້ນ - Untitled design - ຝຶກເປັນຄົນປະຢັດໄດ້ແລ້ວ 9 ສິ່ງນີ້ກຳລັງຈະເກີດຂຶ້ນ

ເຮົາທຸກຄົນຄວນຈະໃຊ້ຊີວິດ – ໃຊ້ຈ່າຍເງິນກັນແນວໃດ​, ຕ້ອງປັບໂຕ ຫລື ຕ້ອງພົບພໍ້ກັບຫຍັງແດ່ ມາເບິ່ງກັນວ່າຕໍ່ຈາກນີ້ໄປຈະມີຫຍັງປ່ຽນແປງ.

  1. ຄຳວ່າ ອິດສະຫລະພາບທາງການເງິນຈະຍື້ເຖິງໄດ້ຍາກຂຶ້ນ : ປັດຈຸບັນນີ້ໃຜໆກໍມັກຈະເວົ້າເຖິງເລື່ອງອິດສະຫລະພາບທາງການເງິນກັນຫລາຍຂຶ້ນ ການທີ່ມີລາຍຮັບເຂົ້າມາຫລາຍກ່ວາລາຍຈ່າຍ ໂດຍທີ່ເຮົາບໍ່ຕ້ອງເຮັດວຽກ ເປັນການສ້າງອິດສະຫລະພາບທາງການເງິນໃຫ້ຕົນເອງ ເຊິ່ງຄົນໃນສະໄໝກ່ອນຈະນິຍົມຝາກເງິນເພື່ອເອົາດອກເບ້ຍ, ແຕ່ຖ້າເບິ່ງໃນຍຸກປັດຈຸບັນຄົງເຮັດແບບນັ້ນບໍ່ໄດ້ແລ້ວ ແລະ ຍິ່ງລົງທຶນຜິດບ່ອນ ກາຍເປັນວ່າເຮົາຈະຕ້ອງເຮັດວຽກໄປຕະຫລອດຊີວິດ.
  2. ຄວາມຫລຸດໂຕນກັນຈະຫລາຍຂຶ້ນ : ຫາກເງິນຝາກບໍ່ມີດອກເບ້ຍ ກໍຈະເປັນປັດໄຈໜຶ່ງທີ່ເຮັດໃຫ້ເກີດຄວາມຫລຸດໂຕນກັນໃນສັງຄົມຫລາຍຂຶ້ນໄດ້, ຄົນຮັ່ງມີທີ່ມີຢູ່ບໍ່ເທົ່າໃດເປີເຊັນກໍຈະຍິ່ງຮັ່ງມີຂຶ້ນ ໃນຂະນະທີ່ຄົນທຸກຍາກ ຄົນຫາເຊົ້າກິນຄໍ່າ ບໍ່ມີເງິນເຫລືອທ້ອນ ກໍຕ້ອງເຮັດວຽກໜັກແບບນີ້ໄປຕະຫລອດຊີວິດ.
  3. ເງິນຈະຫາຍາກຂຶ້ນ : ລອງສັງເກດເບິ່ງທຸກມື້ນີ້ຄົນເລີ່ມໃຊ້ຈ່າຍກັນໜ້ອຍລົງປານໃດ ນີ້ຍັງບໍ່ລວມກັບວິກິດໂຄວິດ-19 ທີ່ເກີດຂຶ້ນຈົນສົ່ງຜົນກະທົບໃນວົງກ້ວາງ ແລະ ຫາກໃນອະນາຄົດທີ່ທະນາຄານທົ່ວໂລກຈະໃຫ້ດອກເບ້ຍເງິນຝາກ 0% ເທົ່າກັບຄົນທີ່ຝາກເງິນໃນທະນາຄານຈະບໍ່ໄດ້ດອກເບ້ຍເລີຍ.
  4. ເງິນຈະຢູ່ເໜືອຄົນຫລາຍຍິ່ງຂຶ້ນ : ເມື່ອເງິນຫາຍາກຫລາຍຂຶ້ນ ກໍຍິ່ງມີຄ່າຫລາຍຂຶ້ນ ແລະ ຄົນກໍຈະພະຍາຍາມເຮັດທຸກຢ່າງເພື່ອໃຫ້ໄດ້ມັນມາໂດຍບໍ່ສົນວ່າໃຜຈະລຳບາກ ຫລື ເດືອດຮ້ອນ.
  5. ຄອບຄົວມີບັນຫາຫລາຍຂຶ້ນ : ສະໄໝກ່ອນຜູ້ຊາຍຈະເປັນຄົນອອກໄປເຮັດວຽກຫາເງິນເພື່ອມາລ້ຽງຄອບຄົວ, ແມ່ຍິງຈະຢູ່ເຮືອນເບິ່ງແຍງວຽກເຮືອນ ແລະ ລ້ຽງລູກ ເຮັດໃຫ້ມີເວລາຢູ່ກັບລູກໄດ້ຕະຫລອດ, ແຕ່ເມື່ອມາຮອດຍຸກນີ້ ທັງພໍ່ ແລະ ແມ່ກໍອອກໄປເຮັດວຽກນອກເຮືອນ ແລະ ຍິ່ງເປັນຍຸກທີ່ເງິນຫາຍາກ ຍິ່ງຕ້ອງເຮັດວຽກຫລາຍຂຶ້ນຕື່ມ ເພາະຫາເງິນມາກໍບໍ່ພຽງພໍກັບຄ່າໃຊ້ຈ່າຍ.
  6. ຜູ້ເຖົ້າຕ້ອງກັບມາເຮັດວຽກ : ປົກກະຕິຄົນໄວນີ້ກໍມັກຈະວາງແຜນກ່ອນໄວກະສຽນເພື່ອໃຫ້ມີເງິນກ້ອນ-ເງິນທ້ອນໄວ້ໃຊ້ຫລັງກະສຽນໄດ້ຫລາຍພຽງພໍທີ່ຈະສາມາດຝາກທະນາຄານ ແລະ ຫວັງເອົາດອກເບ້ຍມາໄວ້ໃຊ້, ແຕ່ຫາກເງິນຝາກບໍ່ມີດອກເບ້ຍກໍຈະເຮັດໃຫ້ເງິນກ້ອນຄ່ອຍໆຖືກໃຊ້ໄປຈົນໝົດ ແລ້ວກໍກາຍເປັນວ່າ ຜູ້ເຖົ້າຕ້ອງກັບມາເຮັດວຽກ ເພື່ອຫາເງິນລ້ຽງຕົນເອງອີກຄັ້ງ.
  7. ສໍ້ລາດບັງຫລວງ ແລະ ການສໍ້ໂກງຈະຫລາຍຂຶ້ນ : ແນ່ນອນວ່າຍິ່ງເງິນຫາຍາກ ຄົນສວຍໂອກາດກໍຈະມີຫລາຍຂຶ້ນ, ການຂາດເງິນຈະເຮັດໃຫ້ຄົນຂາດສະຕິ ຂາດຈິດສຳນຶກໄດ້ງ່າຍກ່ວາເກົ່າ ຈົນຍອມເຮັດທຸກຢ່າງເພື່ອເງິນ.
  8. ຫລັງຈາກຍຸກດອກເບ້ຍ 0% ທຸກຢ່າງຈະເສື່ອມໂຊມລົງຕື່ມອີກ : ນັ້ນເປັນຍ້ອນວ່າເງິນຈະລົ້ນລະບົບ, ແຕ່ບໍ່ແມ່ນເງິນມີຫລາຍສຳລັບທຸກຄົນ. ເມື່ອເງິນລົ້ນລະບົບຈະລົ້ນໄປຢູ່ໃນມືຄົນຮັ່ງມື ເຊິ່ງຄົນຮັ່ງມີຈຳນວນໜ້ອຍໆເມື່ອປຽບທຽບກັບຄົນທຸກຍາກ ຈຶ່ງເກີດການໃຊ້ຈ່າຍທີ່ໜ້ອຍລົງໄປນຳ ແລະ ເມື່ອໃຊ້ຈ່າຍໜ້ອຍກໍຈະສົ່ງຜົນກະທົບແບບໂດມິໂນ່ ຫລື ພໍ່ຄ້າແມ່ຄ້າບໍ່ມີຄົນຊື້ ສິ່ງຂອງກໍຈະຂາຍບໍ່ໄດ້, ຕະຫລາດ – ຫ້າງສັບພະສິນຄ້າບໍ່ມີຄົນຍ່າງເລາະ ຄົນສ່ວນຫລາຍບໍ່ມີເງິນທີ່ຈະເອົາໄປໃຊ້ຈ່າຍໃຫ້ເງິນໝູນວຽນເສດຖະກິດ ແລະ ເມື່ອເສດຖະກິດບໍ່ດີ ທັງບໍລິສັດ ແລະ ໂຮງງານກໍຕ້ອງປິດໂຕລົງ.
  9. ຄ່າຄອງຊີບຈະສູງຂຶ້ນຕື່ມ : ສິ່ງຂອງທຸກຢ່າງຈະແພງຂຶ້ນ, ແຕ່ເງິນຄຳຊຳ້ພັດຫາຍາກກ່ວາເກົ່າ ຖ້າມື້ນີ້ບໍ່ລະວັງ ວັນຂ້າງໜ້າຕ້ອງເສຍໃຈພາຍຫລັງແນ່ນອນ.
ຝຶກເປັນຄົນປະຢັດໄດ້ແລ້ວ 9 ສິ່ງນີ້ກຳລັງຈະເກີດຂຶ້ນ - Wave100S AD to Website 2020 0 - ຝຶກເປັນຄົນປະຢັດໄດ້ແລ້ວ 9 ສິ່ງນີ້ກຳລັງຈະເກີດຂຶ້ນ
ຝຶກເປັນຄົນປະຢັດໄດ້ແລ້ວ 9 ສິ່ງນີ້ກຳລັງຈະເກີດຂຶ້ນ - WhatsApp Image 2020 05 27 at 5 - ຝຶກເປັນຄົນປະຢັດໄດ້ແລ້ວ 9 ສິ່ງນີ້ກຳລັງຈະເກີດຂຶ້ນ
ຝຶກເປັນຄົນປະຢັດໄດ້ແລ້ວ 9 ສິ່ງນີ້ກຳລັງຈະເກີດຂຶ້ນ - WhatsApp Image 2020 05 27 at 5 - ຝຶກເປັນຄົນປະຢັດໄດ້ແລ້ວ 9 ສິ່ງນີ້ກຳລັງຈະເກີດຂຶ້ນ
error: Alert: ເນື້ອຫາຂ່າວມີລິຂະສິດ !!