ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ

ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ - 083012 2020 - ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ
ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ - Untitled design - ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ

ໜຶ່ງໃນບັນຫາທີ່ແມ່ລູກອ່ອນຕ້ອງພະເຊີນກໍຄື ນຳ້ໜັກໂຕຫລຸດລົງຊ້າ ດັ່ງນັ້ນ ເພື່ອເອີ້ນຮູບຮ່າງງາມໆກັບຄືນມາ ເຮົາຈຶ່ງຂໍແນະນຳວິທີຫລຸດນຳ້ໜັກຫລັງເກີດລູກ ເພື່ອໃຫ້ແມ່ກຽມພ້ອມຕ້ອນຮັບຮູບຮ່າງງາມກັບມາອີກຄັ້ງ ດັ່ງນີ້ :

ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ - 073012 2020 300x180 - ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ

  1. ເອົາລູກກິນນົມຢ່າງສະໝໍ່າສະເໝີ : ການເອົາລູກກິນນົມມີຄວາມສຳຄັນແນວໃດກັບການຫລຸດນຳ້ໜັກຂອງແມ່ລູກອ່ອນ ຂໍບອກເລີຍວ່າທັງສອງຢ່າງນີ້ມີຄວາມກ່ຽວຂ້ອງກັນ ເພາະການທີ່ແມ່ເອົາລູກກິນນົມຢ່າງສະໝໍ່າສະເໝີ ຈະເປັນການຫລຸດໄຂມັນໃນຮ່າງກາຍຂອງແມ່ໄດ້ຫລາຍ ເຊິ່ງກໍມີຜົນການວິໄຈອອກມາຢັ້ງຢືນກັນແລ້ວວ່າ ການທີ່ແມ່ໝັ່ນເອົາລູກກິນນົມນັ້ນມີໂອກາດທີ່ນຳ້ໜັກໂຕຂອງແມ່ຈະຫລຸດລົງໄດ້ໄວກ່ວາການທີ່ແມ່ບໍ່ຄ່ອຍເອົາລູກກິນນົມຢ່າງສະໝໍ່າສະເໝີ ຫລື ລ້ຽງລູກດ້ວຍນົມຝຸ່ນ.
  2. ຄວບຄຸມການກິນອາຫານ ເນັ້ນກິນຜັກ ແລະ ໝາກໄມ້ຫລາຍຂຶ້ນ : ແນ່ນອນວ່າການຫລຸດນຳ້ໜັກໃຫ້ໄດ້ຄຸນນະພາບຈຳເປັນທີ່ຈະຕ້ອງອາໄສການຄວບຄຸມການກິນອາຫານຮ່ວມນຳ ແຕ່ການຄວບຄຸມອາຫານກໍຕ້ອງເນັ້ນກິນໃຫ້ຄົບ 5 ໝວດ ເຊິ່ງອາດຈະຕ້ອງເນັ້ນໃນເລື່ອງຂອງຜັກ ແລະ ໝາກໄມ້ຫລາຍຂຶ້ນ ເນື່ອງຈາກການຫລຸດນຳ້ໜັກຫລັງເກີດນັ້ນອາດຈະຕ້ອງຫລຸດປະລິມານການກິນອາຫານປະເພດແປ້ງ, ໄຂມັນ ແລະ ນຳ້ຕານລົງຈາກເມື່ອກ່ອນ.
  3. ດື່ມນຳ້ບໍລິສຸດໃຫ້ພຽງພໍ : ສຳລັບແມ່ລູກອ່ອນທີ່ຢາກຫລຸດນຳ້ໜັກເພື່ອເອີ້ນຮູບຮ່າງງາມສົມສ່ວນກັບຄືນມານັ້ນ ຄວນໃຫ້ຄວາມສຳຄັນໃນເລື່ອງຂອງການດື່ມນຳ້ໃຫ້ໄດ້ຢ່າງໜ້ອຍມື້ລະ 8 ຈອກ ເນື່ອງຈາກນຳ້ຈະຊ່ວຍໃຫ້ລະບົບການເຜົາຜານພາຍໃນຮ່າງກາຍເຮັດວຽກໄດ້ຢ່າງເຕັມທີ່ ທັງຍັງຊ່ວຍຫລຸດການກິນຈຸກກິນຈິກນຳອີກ.
  4. ນອນຫລັບພັກຜ່ອນໃຫ້ເຕັມອີ່ມ : ການນອນຫລັບພັກຜ່ອນໃຫ້ເຕັມທີ່ຖືເປັນສິ່ງຈຳເປັນຢ່າງຍິ່ງສຳລັບແມ່ລູກອ່ອນ ເນື່ອງຈາກການນອນຫລັບນັ້ນມີສ່ວນຊ່ວຍໃຫ້ຮ່າງກາຍຟື້ນຟູໄວ ແລະ ຍັງຊ່ວຍໃຫ້ລະບົບເຜົາຜານເຮັດວຽກໄດ້ດີຂຶ້ນ ໃນໄລຍະຫລັງເກີດຖືເປັນໄລຍະທີ່ແມ່ຍັງພໍໄດ້ນອນຫລັບຢ່າງເຕັມທີ່ ເພາະລູກຍັງຄົງໃຊ້ເວລາໄປກັບການນອນຫລັບຍາວໆນັ້ນເອງ.
  5. ໝັ່ນອອກກຳລັງກາຍ 2 – 3 ເທື່ອຕໍ່ອາທິດ : ໃນເລື່ອງຂອງການອອກກຳລັງກາຍສຳລັບແມ່ລູກອ່ອນນັ້ນຄວນເລືອກອອກກຳລັງກາຍດ້ວຍວິທີທີ່ເບົາໆ ໂດຍສະເພາະໃນໄລຍະ 1 – 2 ເດືອນທຳອິດຫລັງເກີດ ເພາະໄລຍະນີ້ບາດແຜຂອງແມ່ຍັງບໍ່ເຊົາດີ ເຊິ່ງຮ່າງກາຍຂອງແມ່ຈະເລີ່ມປັບສະພາບ ລວມທັງບາດແຜດີຂຶ້ນໃນໄລຍະ 3 – 4 ເດືອນຫລັງເກີດ ແມ່ຈຶ່ງຄວນອອກກຳລັງກາຍຈາກເບົາໄປໜັກຕາມຄວາມເໝາະສົມຕໍ່ໄປ.

ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ - 093012 2020 300x200 - ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ

ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ - Wave100S AD to Website 2020 0 - ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ

ເຮັດກິດຈະກຳເພື່ອໃຫ້ຮ່າງກາຍເຄື່ອນໄຫວ : ການຫາກິດຈະກຳຕ່າງໆເຮັດຫລັງເກີດຈະຊ່ວຍຫລຸດໄລຍະເວລາຂອງການນັ່ງໆນອນໆ ຫລື ນອນຫລິ້ນຫລາຍຈົນເກີນໄປຂອງແມ່ລູກອ່ອນໄດ້ ເຊິ່ງກິດຈະກຳທີ່ຊ່ວຍໃຫ້ແມ່ລູກອ່ອນສາມາດເຄື່ອນໄຫວຮ່າງກາຍໄດ້ນັ້ນ ມີທັງການຍ່າງຫລິ້ນ, ເຮັດຄວາມສະອາດເຮືອນ, ຫລິ້ນກັບລູກ ເປັນຕົ້ນ ເຊິ່ງກິດຈະກຳທຸກຢ່າງລ້ວນຊ່ວຍເຜົາຜານໄຂມັນສ່ວນເກີນ

ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ - WhatsApp Image 2020 05 27 at 5 - ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ
ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ - WhatsApp Image 2020 05 27 at 5 - ຕ້ອນຮັບຮູບຮ່າງງາມຫລັງເກີດດ້ວຍ 6 ວິທີຫລຸດນຳ້ໜັກສຳລັບແມ່ລູກອ່ອນ
error: Alert: ເນື້ອຫາຂ່າວມີລິຂະສິດ !!