ສປປ ລາວ ຈະກາຍເປັນປະເທດ ທີ່ມີລາຍຮັບປານກາງສູງ

ສປປ ລາວ ຈະກາຍເປັນປະເທດ ທີ່ມີລາຍຮັບປານກາງສູງ - thongloun - ສປປ ລາວ ຈະກາຍເປັນປະເທດ ທີ່ມີລາຍຮັບປານກາງສູງ
ສປປ ລາວ ຈະກາຍເປັນປະເທດ ທີ່ມີລາຍຮັບປານກາງສູງ - Untitled design - ສປປ ລາວ ຈະກາຍເປັນປະເທດ ທີ່ມີລາຍຮັບປານກາງສູງ

ສະຫາຍ ທອງລຸນ ສີລຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ໄດ້ລາຍງານແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX (2021-2025) ໃນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວທີ່ຫາກໍສຳເລັດລົງໃນວັນທີ 15 ມັງກອນນີ້ວ່າ: ການເຕີບໂຕຂອງເສດຖະກິດປະເທດເຮົາຈະມີຄວາມຍືນຍົງໜ້ອຍຫລາຍຊໍ່າໃດ ແມ່ນຂຶ້ນກັບການປ່ຽນແປງດ້ານໂຄງສ້າງເສດຖະກິດ ທີ່ຕິດພັນກັບຄວາມຫລາກຫລາຍຂອງແຫລ່ງການຜະລິດ ແລະ ການຄ້າ ແລະ ຄວາມເປັນເຈົ້າການໃນການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ຢ່າງຕັ້ງໜ້າ ແລະ ມີປະສິດທິຜົນ. ຍຸດທະສາດການເຕີບໂຕສີຂຽວແຫ່ງຊາດຮອດປີ 2030 ເປັນເຄື່ອງມືຕົ້ນຕໍ ເພື່ອຮັບປະກັນເປົ້າໝາຍການພັດທະນາເສດຖະກິດ-ສັງຄົມ ໄລຍະຍາວ, ໂດຍສະເພາະການຫລຸດພົ້ນ ອອກຈາກສະຖານະພາບປະເທດດ້ອຍພັດທະນາ, ເປັນປະເທດກໍາລັງພັດທະນາ ທີ່ມີລາຍຮັບປານກາງສູງ ແລະ ການບັນລຸເປົ້າໝາຍການພັດທະນາແບບຍືນຍົງ (SDGs) ໃນປີ 2030 ຕາມທິດສີຂຽວ ແລະ ຍືນຍົງ,ເພື່ອປະກອບສ່ວນເຂົ້າ ໃນການຊຸກຍູ້ການຂະຫຍາຍຕົວຂອງເສດຖະ ກິດ, ປັບປຸງຊີວິດການເປັນຢູ່ຂອງປະຊາຊົນໃນຕົວເມືອງ ແລະ ຊົນນະບົດໃຫ້ດີຂຶ້ນ, ສ້າງວຽກເຮັດງານທໍາ ແລະ ກິດຈະກໍາສ້າງລາຍໄດ້ໃຫ້ແກ່ປະຊາຊົນ; ການຍົກສູງປະສິດທິພາບ, ປະສິດທິຜົນ ແລະ ຄວາມຍືນຍົງຂອງ ການນໍາໃຊ້ຊັບພະຍາກອນທໍາມະຊາດທີ່ມີຢູ່ຢ່າງຈໍາກັດຂອງປະເທດ ໃຫ້ເກີດຜົນປະໂຫຍດສູງສຸດ ໂດຍສະເພາະແມ່ນ ຊັບພະຍາກອນປ່າໄມ້, ທີ່ດິນ, ບໍ່ແຮ່, ຊັບພະຍາກອນນໍ້າ, ແຫລ່ງນໍ້າ, ຊີວະນາໆພັນ ແລະ ອື່ນໆ.

ສະຫາຍ ທອງລຸນ ສີລຸລິດ ຍັງໃຫ້ຮູ້ຕື່ມວ່າ: ການຫລຸດຜ່ອນຄວາມສ່ຽງ ແລະ ຄວາມບອບບາງເສດຖະກິດຂອງປະເທດ ຕໍ່ໄພພິບັດທາງທໍາມະຊາດ ແລະ ການເໜັງຕີງຂອງສະພາບເສດຖະກິດໂລກ ທີ່ຈະນັບມື້ນັບຮຸນແຮງຂຶ້ນ ແລະ ຄາດຄະເນລ່ວງໜ້າໄດ້ຍາກ; ການຫລຸດຜ່ອນ ຫລື ຈໍາກັດການເພີ່ມຂຶ້ນຂອງການສ້າງມົນລະພິດ, ຄວາມເປິະເປື້ອນ, ສິ່ງເສດເຫລືອ ແລະ ການປ່ອຍອາດພິດເຮືອນແກ້ວ ທີ່ເປັນສາເຫດຕົ້ນຕໍຂອງການປ່ຽນແປງສະພາບດິນຟ້າອາກາດ, ໄພພິບັດທໍາມະຊາດ ແລະ ພະຍາດຫລາຍຊະນິດ ແມ່ນຍຸດທະສາດການເຕີບໂຕສີຂຽວແຫ່ງຊາດ ສປປ ລາວ.

ສປປ ລາວ ຈະກາຍເປັນປະເທດ ທີ່ມີລາຍຮັບປານກາງສູງ - Wave100S AD to Website 2020 0 - ສປປ ລາວ ຈະກາຍເປັນປະເທດ ທີ່ມີລາຍຮັບປານກາງສູງ
ສປປ ລາວ ຈະກາຍເປັນປະເທດ ທີ່ມີລາຍຮັບປານກາງສູງ - WhatsApp Image 2020 05 27 at 5 - ສປປ ລາວ ຈະກາຍເປັນປະເທດ ທີ່ມີລາຍຮັບປານກາງສູງ
ສປປ ລາວ ຈະກາຍເປັນປະເທດ ທີ່ມີລາຍຮັບປານກາງສູງ - WhatsApp Image 2020 05 27 at 5 - ສປປ ລາວ ຈະກາຍເປັນປະເທດ ທີ່ມີລາຍຮັບປານກາງສູງ
error: Alert: ເນື້ອຫາຂ່າວມີລິຂະສິດ !!