ສະຫວັນນະເຂດເປີດນຳໃຊ້ລະບົບສະໜັບສະໜູນການວາງແຜນ ແລະຕັດສິນບັນຫາ (DSS)

- IMG 2489 scaled - ສະຫວັນນະເຂດເປີດນຳໃຊ້ລະບົບສະໜັບສະໜູນການວາງແຜນ ແລະຕັດສິນບັນຫາ (DSS)
- Untitled design - ສະຫວັນນະເຂດເປີດນຳໃຊ້ລະບົບສະໜັບສະໜູນການວາງແຜນ ແລະຕັດສິນບັນຫາ (DSS)

ການຝຶກອົບຮົມ ແລະ ເປີດນຳໃຊ້ລະບົບສະໜັບສະໜູນການວາງແຜນ ແລະຕັດສິນບັນຫາ (DSS) ເພື່ອກຳນົດບັນດາບູລິມະສິດດ້ານການພັດທະນາ ໄດ້ຈັດຂຶ້ນໃນວັນທີ 19-22 ມັງກອນນີ້, ທີ່ພະແນກແຜນການ ແລະການລົງທຶນແຂວງສະຫວັນນະເຂດ ໂດຍການສະຫນັບສະຫນູນຂອງ ອົງການສະຫະປະຊາຊາດ ເພື່ອການພັດທະນາ ແລະ ໂຄງການຄຸ້ມຄອງທີ່ດິນ ແລະປ່າໄມ້ແບບຍືນຍົງ ຢູ່ໃນລະບົບປ່າໂຄກ ແຂວງສະຫວັນນະເຂດ (SAFE) ໂດຍອີງໃສ່ຂໍ້ມູນທາງດ້ານພູມສາດໃນລະບົບ web-based ຊຶ່ງລະບົບດັ່ງກ່າວ ໄດ້ຮັບການພັດທະນາຂຶ້ນ ແລະໄດ້ນຳສະເໜີໃຫ້ຂະແໜງການຕ່າງໆ ຢູ່ແຂວງສະຫວັນນະເຂດໃນເດືອນກັນຍາ 2020ຜ່ານມາ, ເພື່ອເປັນເຄື່ອງມືທີ່ຈະຊ່ວຍໃຫ້ຜູ້ຊົມໃຊ້ຂອງລັດຖະບານ ສາມາດວິເຄາະບັນຫາການຄຸ້ມຄອງທີ່ດິນ ແລະປ່າໄມ້ແບບຍືນຍົງ ເມື່ອຕັດສິນໃຈກ່ຽວກັບການລົງທຶນ ແລະກິດຈະກຳພັດທະນາຕ່າງພາຍໃນ ແຂວງສະຫວັນນະເຂດ.

- IMG 2500 300x200 - ສະຫວັນນະເຂດເປີດນຳໃຊ້ລະບົບສະໜັບສະໜູນການວາງແຜນ ແລະຕັດສິນບັນຫາ (DSS)

ທ່ານ ນາງ ແຄດເທິຣິນ ເຟືອງ (Catherine Phuong), ຮອງຜູ້ຕາງໜ້າຂອງອົງການສະຫະປະຊາຊາດ ເພື່ອການພັດທະນາ (UNDP) ປະຈຳ ລາວ ໄດ້ເນັ້ນເຖິງຄວາມສຳຄັນຂອງ ລະບົບການຊ່ວຍເຫລືອການຕັດສິນໃຈ (DSS) ໃນການສະໜັບສະໜູນ ຄວາມພະຍາຍາມຂອງລັດຖະບານຂັ້ນແຂວງໃນການຄຸ້ມຄອງຊັບພະຍາກອນທຳມະຊາດ. ເຊິ່ງລະບົບການຊ່ວຍເຫລືອການຕັດສິນໃຈ ນີ້ສະແດງເຖິງບາດກ້າວທີ່ ສຳຄັນຂອງ ແຂວງສະຫວັນນະເຂດທີ່ນຳໃຊ້ເຕັກໂນໂລຢີທີ່ມີນະວັດຕະກຳເພື່ອຈັດຕັ້ງປະຕິບັດການຄຸ້ມຄອງທີ່ດິນແລະປ່າໄມ້ແບບຍືນຍົງພາຍໃນແຂວງ, ມັນຍັງແມ່ນຕົວແບບຖານຂໍ້ມູນໃຫ້ແຂວງອື່ນໆຕື່ມອີກ.

- IMG 2489 300x200 - ສະຫວັນນະເຂດເປີດນຳໃຊ້ລະບົບສະໜັບສະໜູນການວາງແຜນ ແລະຕັດສິນບັນຫາ (DSS)

- Wave100S AD to Website 2020 0 - ສະຫວັນນະເຂດເປີດນຳໃຊ້ລະບົບສະໜັບສະໜູນການວາງແຜນ ແລະຕັດສິນບັນຫາ (DSS)

ກອງປະຊຸມຄັ້ງນີ້ ແມ່ນເພື່ອເຊື້ອເຊີນເອົາບັນດາຜູ້ທີ່ມີສິດຕັດສິນບັນຫາ ແລະພະນັກງານວິຊາການຜູ້ເຮັດວຽກງານຕົວຈິງຈາກພາກສ່ວນທີ່ກ່ຽວຂ້ອງຂັ້ນແຂວງ ແລະເມືອງ ເຂົ້າຮ່ວມ ເພື່ອນຳເອົາຄຳຄິດເຫັນຂອງເຂົາເຈົ້າ ໄປປັບປຸງ ແລະພັດທະນາໃຫ້ລະບົບດັ່ງກ່າວສຳເລັດສົມບູນ, ພ້ອມນີ້ກໍ່ຈະໄດ້ມີການນຳສະເໜີລະບົບ DSS ສາທິດການເຮັດວຽກຂອງລະບົບ ແລະ ຝຶກອົບຮົມການນຳໃຊ້ ເຄື່ອງມືວິເຄາະຂໍ້ມູນດ້ານແຜນທີ່ແລະ ການນຳໃຊ້ໂປຣແກຣມຂອງມັນ.

 

- WhatsApp Image 2020 05 27 at 5 - ສະຫວັນນະເຂດເປີດນຳໃຊ້ລະບົບສະໜັບສະໜູນການວາງແຜນ ແລະຕັດສິນບັນຫາ (DSS)
- WhatsApp Image 2020 05 27 at 5 - ສະຫວັນນະເຂດເປີດນຳໃຊ້ລະບົບສະໜັບສະໜູນການວາງແຜນ ແລະຕັດສິນບັນຫາ (DSS)
error: Alert: ເນື້ອຫາຂ່າວມີລິຂະສິດ !!