ສັນລະ​ເສີນ​ສູນ​ກາງ​ພັກ​ສະ​ໄໝ​ທີ XI ດ້ວຍ​ຄວາມ​ຈົງ​ຮັກ​ພັກດີ

- 136772948 1536648683205573 51024393653681552 o - ສັນລະ​ເສີນ​ສູນ​ກາງ​ພັກ​ສະ​ໄໝ​ທີ XI ດ້ວຍ​ຄວາມ​ຈົງ​ຮັກ​ພັກດີ
- Untitled design - ສັນລະ​ເສີນ​ສູນ​ກາງ​ພັກ​ສະ​ໄໝ​ທີ XI ດ້ວຍ​ຄວາມ​ຈົງ​ຮັກ​ພັກດີ

ໂດຍ:​ ທິດ​ກໍ່າ

ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງທີ XI ຂອງ​ພັກ​ປະຊາຊົນປະຕິວັດ​ລາວ ຫາ​ກໍ​ປິດ​ລົງ​ໃນ​ວັນ​ທີ 15 ມັງກອນ 2021 ຜ່ານ​ມາ ​ເຊິ່ງມາ​ຮອດ​ປັດຈຸບັນ​ຕໍ່​ຄວາມ​ໝາຍ ​ແລະ ອາຍ​ອຸ່ນ​ຈາກ​ກອງ​ປະຊຸມ​ດັ່ງກ່າວ​ກໍ​ຍັງ​ສະຖິດ​ຢູ່​ໃນ​ຄວາມ​ຊົງ​ຈຳ​ຂອງ​ບັນດາ​ສະຫາຍ​ສະມາຊິກ​ພັກ, ພະນັກງານ, ທະຫານ, ຕຳຫລວດ ​ແລະ ປະຊາຊົນ​ບັນດາ​ເຜົ່າ​ໃນ​ທົ່ວ​ປະ​ເທດ. ຖື​ໄດ້​ວ່າ​ກອງ​ປະຊຸມ​ໃຫຍ່​ຄັ້ງນີ້​ໄດ້​ມີ​ຜົນສຳ​ເລັດ​ຢ່າງ​ໃຫຍ່​ຫລວງ, ສະຫງ່າ​ງາມ ​ແລະ ສົມ​ກັບ​ຄວາມ​ມຸ້ງ​ມາດ​ປາດ​ຖະໜາ​ຂອງ​ພັກ, ຂອງ​ຊາດ ​ແລະ ຂອງ​ປະຊາຊົນ​ບັນດ​າ​ເຜົ່າ​ໃນ​ທົ່ວ​ປະ​ເທດ​ຊາດ​ຂອງ​ພວກ​ເຮົາ. ຕໍ່​ຜົນສຳ​ເລັດ​ຢ່າງ​ໃຫຍ່​ຫລວງ​ນັ້ນ ມັນ​ກໍ​ສະ​ແດງ​ອອກ​ຢ່າງ​ຈະ​ແຈ້ງ​ຄື: ​ໄດ້​ຄັດ​ເລືອກ​ຈັດ​ສັນ​ບຸກຄະລາ​ກອນ​ການ​ນຳ​ຂັ້ນສູງ​ສຸດ​ຂອງ​ພັກ​ໄດ້​ປະສົບ​ຜົນສຳ​ເລັດ​ຕາມ​ຈຸດປະສົງ ​ແລະ ​ເປົ້າໝາຍ​ທີ່​ວາງ​ອອກ​ຄື: ​ໄດ້​ປ່ອນ​ບັດ​ຄັດ​ເລືອກ​​ເອົາ​ກຳມະການ​ສົມບູນ​ສູນ​ກາງ​ພັກ​ໄດ້ 71 ສະຫາຍ ຈາ​ກຜູ້​ສະໝັກ​ທັງ​ໝົດ 79 ສະຫາຍ, ​ໄດ້​ປ່ອນ​ບັດ​ຄັດ​ເລືອກ​ເອົາ​ກຳມະການ​ສຳຮອງ​ສູນ​ກາງ​ພັກ 10 ສະຫາຍ ຈາກ​ຜູ້​ສະໝັກ​ທັງ​ໝົດ 15 ສະຫາຍ. ພິ​ເສດ​ໃນ​ຕອນ​ເຊົ້າຂອງ​ວັນ​ທີ 15 ມັງກອນ 2021 ຜ່ານ​ມາ, ກອງ​ປະຊຸມ​ຄັ້ງປະຖົມ​ມະລຶກ​ຂອງ​ຄະນະ​ບໍລິຫານ​ງານ​ສູນ​ກາງ​ພັກ​ ສະ​ໄໝ​ທີ XI ​ໄດ້​ເລືອກ​ຕັ້ງ​ເອົາ​ກົມ​ການ​ເມືອງ​ສູນ​ກາງ​ພັກ ​ແລະ ຄະນະ​ເລຂາທິການ​ສູນ​ກາງ​ພັກ, ​ເລືອກ​ຕັ້ງ​ເອົາ​ເລຂາທິການ​ໃຫຍ່​ສູນ​ກາງ​ພັກ ​ໂດຍ​ມີ​ກົມ​ການ​ເມືອງ 13 ສະຫາຍ, ຍິງ 2 ສະຫາຍ. ຜ່ານ​ການ​ຄັດ​ເລືອກ​ຢ່າງ​ເປັນ​ເອກະສັນ​ໃນ​ກອງ​ປະຊຸມ​ຄັ້ງປະຖົມ​ມະລຶກ ສະຫາຍ ທອງ​ລຸນ ສີ​ສຸ​ລິດ ​ໄດ້​ຖືກ​ເລືອກ​ຕັ້ງ​ເປັນ​ເລຂາທິການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນ​ປະຕິວັດ​ລາວ. ກອງ​ປະຊຸມຍັງ​ໄດ້​ເປັນ​ເອກະສັນ​ເລືອກ​ເອົາ ສະຫາຍ ບຸນ​ທອງ ຈິດ​ມະນີ ​ເປັນ​ຜູ້​ປະຈຳການ​ຄະນະ​ເລຂາທິການ​ສູນ​ກາງ​ພັກ ​ແລະ ທ່ານ ຄຳ​ພັນ ພົມ​ມະ​ທັດ ​ເປັນ​ປະທານ​ຄະນະ​ກວດກາ​ສູນ​ກາງ​ພັກ.

​ແນວ​ໃດ​ກໍ​ດີ, ​ເມື່ອ​ວິ​ເຄາະ​ຢ່າງ​ສັດຈະ​ວິພາກ​ແລ້ວ ບຸກຄະລາ​ກອນ​ການ​ນຳພາ​ສູງ​ສຸດ​ຂອງ​ພັກ​ໃນ​ຊຸດ​ໃໝ່ ສະ​ໄໝ​ທີ XI ທີ່​ຈະ​ນຳພາ​ປະ​ເທດ​ຊາດ​ບ້ານ​ເມືອງ​ໃຫ້​ກ້າວ​ສູ່​ຍຸກ​ໃໝ່​ທັນ​ສະ​ໄໝ​ສຸດ​ທີ່​ສອດຄ່ອງ ​ແລະ ​ແທດ​ເໝາະ​ກັບ​ຄວາມ​ຮູ້​ຄວາມ​ສາມາດ ​ແລະ ຄວາມ​ຮຽກຮ້ອງ​ຕ້ອງການ​ຂອງ​ສະພາບ​ການ​ໃໝ່ ​ໂດຍ​ສະ​ເພາະ​ໃນ​ໄລຍະ 5 ປີ​ຕໍ່ໜ້າ (2021-2025) ​ໃນ​ເງື່ອນ​ໄຂ​ທີ່​ປະ​ເທດ​ຊາດ​ຂອງ​ພວກ​ເຮົາ​ພວມ​ເລັ່ງລັດ​ສ້າງສາ​ພັດທະນາ​ໃຫ້​ປະ​ເທດ​ຊາດ​ບ້ານ​ເມືອງ​ມີ​ຄວາມ​ຈະ​ເລີ​ນຮຸ່ງ​ເຮືອງ, ກ້າວ​ໄປ​ໜ້າ ​ແລະ ສາມາ​ດຜະ​ເຊີນ​ກັບ​ສິ່ງ​ທ້າ​ທາຍ​ຫລາຍ​ດ້ານ.

ອີກ​ປະການ​ໜຶ່ງ ສິ່ງ​ທີ່​ສະ​ແດງ​​ໃຫ້​ເຫັນ​ຢ່າງ​ຈະ​ແຈ້ງ​ຂອງ​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງທີ XI ຂອງ​ພັກ​ໃນ​ຄັ້ງນີ້ ກໍ​ແມ່ນ​ການ​ຄັດ​ເລືອກ​ເອົາ​ຜູ້ນຳ, ​ແກນ​ນຳ​ຂອງ​ສູນ​ກາງ​ພັກ​ທີ່​ຈະ​ເຂົ້າມາ​ກຳ​ໂຊກ​ຊະ​ຕາ​ຂອງ​ບ້ານ​ເມືອງ​ທີ່​ພວມ​ຢູ່​ໃນ​ທ່າມກາງ​ການ​ຂະຫຍາຍຕົວ​ຂອງ​ເສດຖະກິດ-ສັງຄົມ ​ແລະ ການ​ຂະຫຍາຍຕົວ​ຂອງ​ພາກພື້ນ, ຂອງ​ໂລກ​ທີ່​ພວມ​ເຊື່ອມ​ໂຍງ​ດ້ວຍ​ທ່ວງທ່າ ​ແລະ ປັດ​ໄຈ​ອັນ​ໃໝ່​ຢ່າງ​ບໍ່​ຢຸດ​ຢັ້ງ.

- Wave100S AD to Website 2020 0 - ສັນລະ​ເສີນ​ສູນ​ກາງ​ພັກ​ສະ​ໄໝ​ທີ XI ດ້ວຍ​ຄວາມ​ຈົງ​ຮັກ​ພັກດີ

​ເຖິງ​ຢ່າງ​ໃດ​ກໍ​ດີ, ​ໃນ​ປັດຈຸບັນ ກໍ​ຄື​ອະນາຄົດ​ຂ້າງ​ໜ້າ ປະຊາຊົນ​ລາວ​ບັນດາ​ເຜົ່າ​ຂໍ​ຝາກ​ຄວາມ​ຫວັງ ​ແລະ ຄວາມ​ໄວ້​ວາງ​ໃຈ​ກັບ​ຜູ້ນຳ​ທີ່​ມີ​ຄວາມ​ຈົງ​ຮັກ​ພັກດີ​ຕໍ່​ຊາດ ​ແລະ ປະຊາຊົນ, ຖື​ປະຊາຊົນ​ເປັນ​ກົກ​ໃຫ້​ສົມ​ກັບ​ວ່າ ພັກ​ປະຊາຊົນ​ປະຕິວັດ​ລາວ ຜູ້​ມີ​ກຽດ​ສະຫງ່າ, ​ເປັນ​ພັກ​ຂອງ​ຊົນ​ຊັ້ນກຳມະກອນ​ຢ່າງ​ແທ້​ຈິງ. ​ໃນ​ປະຫວັດສາດ​ຜ່ານ​ມາ ພັກ​ເຮົາ​ໄດ້​ຜ່ານ​ພາຍຸ​ລົມ​ແດງ​ຈາກ​ສົງຄາມ​ປະຕິວັດ ຈົນ​ສາມາດ​ປົດ​ປ່ອຍ​ໄດ້​ໃນ​ທົ່ວ​ປະ​ເທດ ສ້າງຕັ້ງລະບອບ​ໃໝ່ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ຢ່າງ​ສະຫງ່າ​ຜ່າ​ເຜີຍ.

ພໍ​ຕົກ​ມາ​ໃນ​ສະພາບ​ການ​ປັດຈຸບັນ, ສິ່ງ​ທີ່​ທຸກ​ຄົນ​ຢາກ​ໃຫ້​ພັກ​ເຮົາ​ເຮັດ​ຫລ້ອນ​ພາລະກິດ​ຂອງ​ຕົນ​ນັ້ນ ​ແມ່ນ​ການ​ປາບ​ການ​ສໍ້​ລາດ​ບັງ​ຫລວງ​ໃນ​ຖັນ​ແຖວ​ພະນັກງານ​ລັດ, ປາບ​ຢາ​ເສບ​ຕິດ​ທີ່​ພວມ​ເປັນ​ໄພ​ຮ້າຍ​ຕໍ່​ສັງຄົມ​ລາວ. ນອກຈາກ​ນັ້ນ, ກໍ​ແມ່ນ​ປາກົດການ​ຫຍໍ້​ທໍ້​ອື່ນ​ໆ​ທີ່​ພາ​ໃຫ້​ຄົນ​ລາວ​ຕາຍ​ແຕ່​ລະມື້​ ​ເປັນຕົ້ນອຸປະຕິ​ເຫດ​ຕາມ​ທ້ອງ​ຖະໜົນ, ການ​ຄ້າ​ມະນຸດ ​ໂດຍ​ບໍ່​ເກງ​ກົວ​ຕໍ່​ກົດໝາຍ​ບ້ານ​ເມືອງ, ຂໍ​ໃຫ້​ພາລະກິດ​ການ​ນຳພາ​ຂອງ​ຄະນະ​ບໍລິຫານ​ງານ​ພັກ​ປະຊາຊົນ​ປະຕິວັດລາວ ສະ​ໄໝ​ທີ XI ຈົ່ງ​ປະສົບ​ຜົນສຳ​ເລັດ​ຢ່າງ​ໃຫຍ່​ຫລວງ ​ແລະ ຂໍ​ຍ້ອງຍໍ​ຊົມ​ເຊີຍ​ສັນລະ​ເສີນ​ເປັນ​ຢ່າງ​ຍິ່ງ​ຕໍ່​ຄະນະ​ບໍລິຫານ​ງານ​ສູນ​ກາງ​ພັກ ສະ​ໄໝ​ທີ XI ດ້ວຍ​ຄວາມ​ຈົງ​ຮັກ​ພັກດີ​ຕະຫລອດ​ໄປ.

 

- WhatsApp Image 2020 05 27 at 5 - ສັນລະ​ເສີນ​ສູນ​ກາງ​ພັກ​ສະ​ໄໝ​ທີ XI ດ້ວຍ​ຄວາມ​ຈົງ​ຮັກ​ພັກດີ
- WhatsApp Image 2020 05 27 at 5 - ສັນລະ​ເສີນ​ສູນ​ກາງ​ພັກ​ສະ​ໄໝ​ທີ XI ດ້ວຍ​ຄວາມ​ຈົງ​ຮັກ​ພັກດີ
error: Alert: ເນື້ອຫາຂ່າວມີລິຂະສິດ !!