ສະຫະລັດອາເມລິກາ ໃຫ້ການສະໜັບສະໜູນໂຄງການເກັບກູ້ລະເບີດແຫ່ງຊາດຫຼາຍກວ່າ 1 ລ້ານໂດລາ

- WhatsApp Image 2021 01 20 at 12 - ສະຫະລັດອາເມລິກາ ໃຫ້ການສະໜັບສະໜູນໂຄງການເກັບກູ້ລະເບີດແຫ່ງຊາດຫຼາຍກວ່າ 1 ລ້ານໂດລາ
- Untitled design - ສະຫະລັດອາເມລິກາ ໃຫ້ການສະໜັບສະໜູນໂຄງການເກັບກູ້ລະເບີດແຫ່ງຊາດຫຼາຍກວ່າ 1 ລ້ານໂດລາ

ພິທີມອບ-ຮັບພາຫະນະໃໝ່ (4×4 vehicles) ຈຳນວນ 16 ຄັນ ແລະ ເຄື່ອງກວດລະເບີດຈຳນວນ 134 ເຄື່ອງ ລວມມູນຄ່າຫຼາຍກວ່າ1 ລ້ານໂດລາ, ລະຫ່ວາງລັດຖະບານລາວ ແລະ ສະຫະລັດອາເມລິກາ ໄດ້ມີຂຶ້ນໃນວັນທີ 19 ມັງກອນນີ້ ທີ່ນະຄອນຫຼວງວຽງຈັນ ເພື່ອສະຫນັບສະຫນູນໂຄງການເກັບກູ້ລະເບີດແຫ່ງຊາດ. ໂດຍການເຂົ້າຮ່ວມຂອງ ທ່ານ ປະເດີມພອນ ສົນທະນີ, ຮອງລັດຖະມົນຕີ ກະຊວງແຮງງານ ແລະ ສະຫັວດດີການສັງຄົມ ແລະ ທ່ານ ດຣ. ປີເຕີ ເຮມ໋ອນ ເອກອັກຄະລັດຖະທູດ ສະຫະລັດ ອາເມລິກາ ປະຈໍາ ສປປ ລາວ. ເພື່ອນຳໃຊ້ເຂົ້າໃນການເກັບກູ້ລະເບີດຢູ່ແຂວງ ຄຳມ່ວນ, ສະຫັວນນະເຂດ, ສາລະວັນ, ອັດຕະປື ແລະ ແຂວງຫົວພັນ.

- WhatsApp Image 2021 01 20 at 12 - ສະຫະລັດອາເມລິກາ ໃຫ້ການສະໜັບສະໜູນໂຄງການເກັບກູ້ລະເບີດແຫ່ງຊາດຫຼາຍກວ່າ 1 ລ້ານໂດລາ

ທ່ານ ເອກອັກຄະລັດຖະທູດ ເຮມ໋ອນ ໄດ້ກ່າວໃນພິທີວ່າ:“ພວກເຮົາມີຄວາມຍິນດີຫຼາຍ ທີ່ທີມງານ (UXO Lao) ຈະມີຄວາມພ້ອມໃນການປະຕິບັດວຽກງານທີ່ສໍາຄັນຂອງຕົນຢູ່ເຂດຫ່າງໄກສອກຫລີກໃຫ້ມີປະສິດທິພາບສູງສຸດ.”

- Wave100S AD to Website 2020 0 - ສະຫະລັດອາເມລິກາ ໃຫ້ການສະໜັບສະໜູນໂຄງການເກັບກູ້ລະເບີດແຫ່ງຊາດຫຼາຍກວ່າ 1 ລ້ານໂດລາ

ປີ 2021 ນີ້ ແມ່ນປີຄົບຮອບ 5 ປີ ຂອງການເປັນຄູ່ຮ່ວມມືແບບກວມລວມລະຫ່ວາງສະຫະລັດອາເມລິກາ ແລະ ສປປ ລາວ ແລະ ການຊ່ວຍເຫຼືອນີ້ແມ່ນສ່ວນໜຶ່ງຂອງການຮ່ວມມືດັ່ງກ່າວ ໃນການເຮັດວຽກເພື່ອບັນລຸເປົ້າໝາຍຂອງການພັດທະນາແບບຍືນຍົງ ທີ່ 18 (SDG 18) ກໍຄືການລົບລ້າງລະເບີດບໍ່ທັນແຕກທີເປັນສິ່ງກີດຂວາງຕໍ່ການພັດທະນາ ພາຍໃນປີ 2030.ຊຶ່ງນັບຕັ້ງແຕ່ປີ 1995 ເປັນຕົ້ນມາສະຫະລັດອາເມລິກາປະກອບສ່ວນຫຼາຍກວ່າ 230 ລ້ານໂດລາ ແລະ ປີນີ້ ສະຫະລັດອາເມລິກາ ໄດ້ສະໜັບສະໜູນຕື່ມອີກເພື່ອເພີ່ມຂີດຄວາມອາດສາມາດໃນການກວດກູ້ພື້ນທີ່ໃຫ້ຫຼາຍຂຶ້ນ ໂດຍຜ່ານ ໂຄງການ UXO Laoແລະ ສາມ ອົງການຈັດຕັ້ງບໍ່ສັງກັດລັດ (NGO) ເຊັ່ນ: ອົງການ HALO Trust, ອົງການແມັກ (MAG) ແລະ ອົງການຊ່ວຍເຫຼືອຂອງປະຊາຊົນນອກແວ (NPA). ການສະໜັບສະໜູນນີ້ໄດ້ຊ່ວຍໃຫ້ ຈຳນວນທີມສຳຫຼວດ  ແລະ ທີມກວດກູ້ ຂອງ UXO Lao ເພີ່ມຂຶ້ນຈາກ 17 ທີມໃນປີ 2014 ມາເປັນ 60 ທີມງານໃນປັດຈຸບັນ ແລະ ລັດຖະບານ ສະຫະລັດອາເມລິກາຈະສືບຕໍ່ເຮັດວຽກກັບ ຄຊກລ (NRA) ແລະ ຄກລ (UXO Lao) ເພື່ອກຳນົດວິທີການອື່ນໆ ໃນການຍົກສູງຄວາມອາດສາມາດຂອງຂະແໜງເກັບກູ້ລະເບີດບໍ່ທັນແຕກ ໃຫ້ສອດຄ່ອງກັບບູລິມະສິດຂອງລັດຖະບານລາວ ເພື່ອສາມາດລົບລ້າງລະເບີດບໍ່ທັນແຕກທີເປັນສິ່ງກີດຂວາງຕໍ່ການພັດທະນາ ຂອງລາວພາຍໃນປີ 2030.

- WhatsApp Image 2020 05 27 at 5 - ສະຫະລັດອາເມລິກາ ໃຫ້ການສະໜັບສະໜູນໂຄງການເກັບກູ້ລະເບີດແຫ່ງຊາດຫຼາຍກວ່າ 1 ລ້ານໂດລາ
- WhatsApp Image 2020 05 27 at 5 - ສະຫະລັດອາເມລິກາ ໃຫ້ການສະໜັບສະໜູນໂຄງການເກັບກູ້ລະເບີດແຫ່ງຊາດຫຼາຍກວ່າ 1 ລ້ານໂດລາ
error: Alert: ເນື້ອຫາຂ່າວມີລິຂະສິດ !!