ສຳ​ເລັດ​ກອງ​ປະຊຸມ​ໃຫຍ່​ຂອງ​ພັກ​ແລ້​ວພາລະກິດ​ຍັງ​ສືບ​ຕໍ່

- aHR0cHM6Ly9zLmlzYW5vb2suY29tL2xhLzAvdWQvNS8yNzE0MC8yNzE0MC5qcGc - ສຳ​ເລັດ​ກອງ​ປະຊຸມ​ໃຫຍ່​ຂອງ​ພັກ​ແລ້​ວພາລະກິດ​ຍັງ​ສືບ​ຕໍ່
- Untitled design - ສຳ​ເລັດ​ກອງ​ປະຊຸມ​ໃຫຍ່​ຂອງ​ພັກ​ແລ້​ວພາລະກິດ​ຍັງ​ສືບ​ຕໍ່

ໂດຍ: ທິດ​ກໍ່າ

ກອງ​ປະຊຸມ​ໃຫຍ່​ຜູ້​ແທນທົ່ວ​ປະ​ເທດ ຄັ້ງທີ XI ຂອງ​ພັກ​ປະຊາຊົນ​ປະຕິວັດ​ລາວ ​ໄດ້​ສຳ​ເລັດ​ເສັດສິ້ນລົງ​ດ້ວຍ​ບັນຍາກາດ​ອັນ​ຄຶກຂຶມ ທັງ​ມີ​ຄວາມ​ໝາຍ​ທາງ​ດ້ານ​ປະຫວັດສາດ​ການ​ເມືອງ​ຂອງ​ພັກ ກໍ​ຄື​ຂອງ​ຊາດ ​ແລະ ກໍ​ຖື​ວ່າ​ໄດ້​ຮັບ​ຜົນສຳ​ເລັດ​ຢ່າງ​ໃຫຍ່​ຫລວງ. ຜ່ານ​ກອງ​ປະຊຸມ​ໃຫຍ່​ຄັ້ງນີ້ ​ໄດ້​ສະ​ແດງ​ໃຫ້​ເຫັນ​ເຖິງ​ບາດກ້າວ​ຂະຫຍາຍຕົວ​ແຫ່ງ​ການ​ຊີ້​ນຳ-ນຳພາ​ຂອງ​ພັກ​ໃນ​ຕະຫລອດ​ຂະ​ບວນວິວັດ ນັບ​ແຕ່​ມື້ພັກ​ເຮົາ​ໄດ້​ກຳ​ເນີ​ດ​ເກີດຂຶ້ນ ​ແລະ ຂະຫຍາຍຕົວ​ມາ ນັບ​ແຕ່​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງທີ I ຫາ​ຄັ້ງທີ XI ຂອງ​ພັກ​ເປັນ​ກ້າວໆ​ມາ​ແຕ່ລະ​ໄລຍະ. ສະ​ເພາະ​ຄັ້ງທີ XI ​ເຊິ່ງ​ເປັນ​ກອງ​ປະຊຸມ​ຄັ້ງຫລ້າ​ສຸດ ພວກ​ເຮົາ​ຍິ່ງ​ໄດ້​ເຫັນ​ການ​ເຕີບ​ໃຫຍ່​ຂະຫຍາຍຕົວ, ຄວາມ​ເຂັ້ມ​ແຂງ ​ແລະ ໜັກ​ແໜ້ນ​ແຫ່ງ​ການ​ນຳພາ​ຂອງ​ພັກ. ສະນັ້ນ ພາຍຫລັງ​ສຳ​ເລັດ​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງທີ XI ຂອງ​ພັກ​ແລ້ວ ​ໃນ​ຂັ້ນຕໍ່​ໄປ​ກໍ​ມີ​ແຕ່​ພ້ອມ​ກັນ​ຫັນ​ໜ້າ​ເຂົ້າສູ່​ຂະ​ບວນການ​ຕົວ​ຈິງ​ໃນ​ການ​ປະຕິບັດ​ມະຕິ​ຄັ້ງທີ XI ຂອງ​ພັກ​ໃຫ້​ປາກົດ​ຜົນ​ເປັນ​ຈິງ​ຕາມ​ເປົ້າໝາຍ​ທີ່​ໄດ້​ວາງ​ເອົາ​ໄວ້.

​ແຕ່​ວ່າ​ແນວ​ໃດ​ກໍ​ຕາມ, ພາຍຫລັງ​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງທີ XI ຂອງ​ພັກ​ໄດ້​ສຳ​ເລັດ​ເສັດ​ສິ້ນ​ໄປ​ແລ້ວ ພາລະກິດ​ວຽກ​ງານ​ອັນ​ໃຫຍ່​ຫລວງ​ຂອງ​ພັກ, ຂອງ​ຊາ​ດພວກ​ເຮົາ​ແມ່ນ​ຕ້ອງ​ໄດ້​ສືບ​ຕໍ່​ການ​ເລືອກ​ຕັ້ງສະມາຊິກ​ສະພາ​ແຫ່ງ​ຊາດ ຊຸດ​ທີ IX ​ແລະ ສະມາຊິກ​ສະພາ​ແຂວງ ຊຸດ​ທີ II (ສສຊ-IX ​ແລະ ສສຂ-II) ທີ່​ຈະ​ໄດ້​ຈັດ​ຂຶ້ນ​ໃນ​ວັນ​ທີ 21 ກຸມພາ 2021. ສະ​ເພາະ​ການ​ປ່ອນ​ບັດ​ເລືອກ​ຕັ້ງ​ເອົາ​ສະມາຊິກ​ສະພາ​ແຫ່ງ​ຊາດ ຊຸດ​ທີ IX ​ແມ່ນ​ມີ​ຜູ້​ສະໝັກ​ທັງ​ໝົດ 224 ທ່ານ ​ແຕ່​ເລືອກ​ເອົາ​ພຽງ 164 ທ່ານ, ສ່ວນ​ສະພາ​ຂັ້ນ​ແຂວງ ຊຸດ​ທີ II ​ແມ່ນ​ມີ​ຜູ້​ສະໝັກ​ທັງ​ໝົດ 789 ທ່ານ ​ເລືອກ​ເອົາ​ພຽງ 492 ທ່ານ.

ຫລັງ​ຈາກ​ປ່ອນ​ບັດ​ເລືອກ​ຕັ້ງ​ໄດ້​ຜູ້​ແທນ​ສະພາ​ແຕ່ລະ​ຂັ້ນຢ່າງ​ສົມບູນ​ໂປ່​ງ​ໃສ​ແລ້ວ ກໍ​ຈະ​ໄດ້​ເປີດ​ກອງ​ປະຊຸມ​ສະພາ​ແຫ່ງ​ຊາດ ສະ​ໄໝ​ທີ I ຊຸດ​ທີ IX ຂຶ້ນຢ່າງ​ເປັນ​ທາງ​ການ. ​ໃນ​ກອງ​ປະຊຸມ​ດັ່ງກ່າວ ຈະ​ໄດ້​ພິຈາລະນາ​ຮັບຮອງ​ເອົາ​ບັນດາ​ກົງຈັກ ​ແລະ ບຸກຄະລາ​ກອນ​ໃນ​ຄະນະ​ສະພາ​ແຫ່ງ​ຊາດ, ​ແຕ່ງຕັ້ງປະທານ​ປະ​ເທດ, ​ແຕ່ງຕັ້ງນາຍົກລັດຖະມົນຕີ ​ແລະ ບັນດາ​ກົງຈັກ​ໃນ​ລັດຖະບານ, ອົງການ​ໄອ​ຍະ​ການ​ສູງ​ສຸດ, ປະທານ​ສະພາ​ປະຊາຊົນ​ສູງ​ສຸດ ​ແລະ ອົງການ​ກວດ​ສອບ​ແຫ່ງ​ລັດ ​ເຊິ່ງຈະ​ໄດ້​ເປີດ​ຂຶ້ນ​ໃນ​ວັນ​ທີ 22 ມີນາ 2021.

- Wave100S AD to Website 2020 0 - ສຳ​ເລັດ​ກອງ​ປະຊຸມ​ໃຫຍ່​ຂອງ​ພັກ​ແລ້​ວພາລະກິດ​ຍັງ​ສືບ​ຕໍ່

ນີ້​ຄື​ພາລະກິດ​ອັນ​ໃຫຍ່​ຫລວງ​ທາງ​ດ້ານ​ການ​ເມືອງ​ຂອງ​ພັກ, ຂອງ​ລັດ, ຂອງ​ຊາດ ​ແລະ ປະຊາຊົນ​ບັນດາ​ເຜົ່າ​ເຮົາ​ທີ່ຈະ​ຕ້ອງ​ໄດ້​ພ້ອມ​ກັນ​ບຸກທະ​ລຸຢູ່​ອ້ອມ​ຂ້າງ​ພັກ ​ແລະ ລັດຖະບານ​ເຮົາ​ໃນ​ຄັ້ງນີ້​ໃຫ້​ສຳ​ເລັດ​ໄປ​ໂດຍ​ດີ ​ແລະ ​ໄດ້​ຮັບ​ໝາກຜົນ​ຕາມ​ຄວາມ​ມຸ້ງ​ມາດ​ປາດ​ຖະໜາ. ພາຍຫລັງ​ທີ່​ພາລະກິດ​ທຸກ​ສິ່ງ​ທຸກ​ຢ່າງ​ໄດ້​ເປັນ​ໄປ​ຕາມ​ແຜນການ ​ແລະ ​ເປົ້າໝາຍ​ແລ້ວ ໜ້າ​ວຽກ​ຂອງ​ທຸກ​ຄົນ, ທຸກ​ອົງການ ​ແລະ ໜ່ວຍ​ງານ​ຂະ​ແໜງ​ການ​ຕ່າງໆ ກໍ​ເລີ່​ມຫັນ​ໜ້າ​ເຂົ້າສູ່​ພາລະກິດ​ຂອງ​ຕົນ​ຕາມ​ໜ້າ​ທີ່, ພາລະ​ບົດບາດ​ທີ່​ພັກ ​ແລະ ລັດຖະບານ​ໄດ້​ມອບ​ໝາຍ​ໃຫ້. ​ໃນ​ພາລະກິດ​ອັນ​ຍິ່ງ​ໃຫຍ່​ທີ່​ຂວາງ​ໜ້າ​ພວກ​ເຮົາ​ນັ້ນ​ແມ່ນ​ການ​ປະຕິບັດ​ມະຕິ​ຄັ້ງທີ XI ຂອງ​ພັກ ​ແລະ ​ແຜນ​ພັດທະນາ​ເສດຖະກິດ-ສັງຄົມ ຄັ້ງທີ IX ຂອງ​ລັດຖະບານ​ວາງ​ອອກ. ​ໃນ​ການ​ບຸກທະລຸ​ເພື່ອ​ກ້າວ​ສູ່​ຄວາມ​ຈະ​ເລີ​ນຮຸ່ງ​ເຮືອງ​ຂອງ​ປະ​ເທດ​ຊາດ​ບ້ານ​ເມືອງ ກໍ​ຄື​ການ​ປະຕິບັດ​ບັນດາ​ເປົ້າໝາຍ​ຍຸດ​ທະ​ສາດ​ຕ່າງໆ ພວກ​ເຮົາ​ຍັງ​ຈະ​ຕ້ອງ​ໄດ້​ຜ່ານ​ຜ່າ​ສິ່ງ​ກີດຂວາງ ​ແລະ ກົດ​ໜ່ວງ​ຫລາຍ​ປະການ ​ໂດຍ​ສະ​ເພາະ​ແມ່ນ​ໂຣຄາ​ພະຍາດ, ​ໂຣກລະບາດ, ​ໄພ​ທຳ​ມະ​ຊາດ ​ແລະ ບັນດາ​ປາກົດການ​ຫຍໍ້​ທໍ້​ອື່ນໆ​ທີ່​ຈະ​ມາ​ທຳລາຍ​ເສດຖະກິດ-ສັງຄົມ​ຂອງ​ປະ​ເທດ​.

​ເຖິງ​ຢ່າງ​ໃດ​ກໍ​ດີ, ພາຍ​ໃຕ້​ການ​ຊີ້​ນຳ-ນຳພາ​ອັນ​ມີ​ກຽດ​ສະຫງ່າ​ຂອງ​ພັກ ​ແລະ​ ລັດຖະບານ ​ໂດຍ​ສະ​ເພາະ​ແມ່ນ​ຄະນະ​ບໍລິຫານ​ງານ​ສູນ​ກາງ​ພັກ ຊຸ​ດທີ XI ​ແລະ ລັດຖະບານ ຊຸດ​ທີ IX ພວກ​ເຮົາ​ຄາດ​ຫວັງ​ເປັນ​ຢ່າງ​ຍິ່ງ​ວ່າ ພາລະກິດ​ທຸກ​ສິ່ງ​ຢ່າງ​ຈະ​ເດີນ​ແມ່ນ​ແລ່ນ​ສະດວກ ​ແລະ ກ້າວ​ໄປ​ຢ່າງ​ບໍ່​ຢຸດ​ຢັ້ງ. ພາລະກິດ​ອັນ​ສຳຄັນ​ທີ່​ສຸດ​ກໍ​ແມ່ນ​ສາມາດ​ນຳພາ​ປະ​ເທດ​ຊາດ​ບ້ານ​ເມືອງ​ຫລຸດ​ພົ້ນອອກ​ຈາກ​ຄວາມທຸກ​ຍາກ ​ແລະ ດ້ອຍ​ພັດທະນາ ສົມ​ກັບ​ພວກ​ເຮົາ​ໄດ້​ຄາດ​ຫວັງ ​ແລະ ຄອງ​ຄອຍ​ມາ​ຫລາຍ​ປີ​ແລ້ວ.

- WhatsApp Image 2020 05 27 at 5 - ສຳ​ເລັດ​ກອງ​ປະຊຸມ​ໃຫຍ່​ຂອງ​ພັກ​ແລ້​ວພາລະກິດ​ຍັງ​ສືບ​ຕໍ່
- WhatsApp Image 2020 05 27 at 5 - ສຳ​ເລັດ​ກອງ​ປະຊຸມ​ໃຫຍ່​ຂອງ​ພັກ​ແລ້​ວພາລະກິດ​ຍັງ​ສືບ​ຕໍ່
error: Alert: ເນື້ອຫາຂ່າວມີລິຂະສິດ !!