ອາເມລິກາ ກຽມພ້ອມພິທີສາບານຮັບຕຳແໜ່ງຂອງ ໂຈ ໄບເດນ ໃຊ້ທຸງເປັນແສນແທນຊາວອາເມລິກາ ເຂັ້ມງວດຄວາມປອດໄພ

- MxkPW 1611086251 184586 blog hypatia h e56c327afd8d6fa6938515ab1546db94 h 41e850ebe592b541026b3969396769cc 300 - ອາເມລິກາ ກຽມພ້ອມພິທີສາບານຮັບຕຳແໜ່ງຂອງ ໂຈ ໄບເດນ ໃຊ້ທຸງເປັນແສນແທນຊາວອາເມລິກາ ເຂັ້ມງວດຄວາມປອດໄພ
- Untitled design - ອາເມລິກາ ກຽມພ້ອມພິທີສາບານຮັບຕຳແໜ່ງຂອງ ໂຈ ໄບເດນ ໃຊ້ທຸງເປັນແສນແທນຊາວອາເມລິກາ ເຂັ້ມງວດຄວາມປອດໄພ

ວັນ​ທີ 20 ມັງກອນ 2021, ສຳນັກ​ຂ່າວ AFP ​ເຜີຍ​ແຜ່​ພາບ​ບັນຍາກາດ​ໃນ​ນະຄອນຫລວງ​ວໍ​ຊິງ​ຕັນ ດີ.ຊີ ​ເຊິ່ງກຽມຄວາມ​ພ້ອມ​ສູ່​ພິທີ​ສາບ​ານຮັບ​ຕຳ​ແໜ່​ງປະທານາທິບໍດີ​ອາ​ເມ​ລິ​ກາ​ຄົນ​ໃໝ່​ຂອງ​ທ່ານ ​ໂຈ ​ໄບ​ເດນ ​ເຊິ່ງກົງ​ກັບ​ຕອນ​ເດິກ​ຂອງ​ມື້ນີ້​ຕາມ​ເວລາ​ປະ​ເທດ​ລາວ.

​ໂດຍ​ພິທີ​ສາບານ​ຮັບ​ຕຳ​ແໜ່​ງ​ໃນ​ປີ​ນີ້​ມີ​ຄວາມ​ແຕກ​ຕ່າງ​ໄປ​ຈາກ​ທຸກ​ປີ ​ເພາະ​ລັດຖະບານ​ອາ​ເມ​ລິ​ກາ​ຕ້ອງ​ເຂັ້ມງວດ​ມາດ​ຕະການ​ຮັກສາ​ໄລຍະ​ຫ່າງ, ປ້ອງ​ກັນ​ການລະບາດ​ຂອງ​ພະຍາດ​ໂຄ​ວິດ-19 ​ໂດຍ​ເຈົ້າໜ້າ​ທີ່​ນຳ​ເອົາ​ທຸງຊາດ​ອາ​ເມ​ລິ​ກາ ​ແລະ ທຸງ​ປະຈຳ​ລັດ​ຕ່າງໆ ຈຳນວນ 191.500 ຜືນ ປັກ​ຢູ່​ບໍລິ​ເວນ​ທາງ​ໜ້າ​ອາຄານ​ລັດຖະສະພາ ​ເປັນ​ສັນຍາ​ລັກ​ແທນ​ຊາວ​ອາ​ເມ​ລິ​ກາ​ທີ່​ປົກກະຕິ​ຈະ​ເຂົ້າຮ່ວມ​ພິທີ​ໃນ​ຄັ້ງນີ້.

ນອກຈາກ​ນີ້, ທາງ​ການ​ອາ​ເມ​ລິ​ກາ​ຕ້ອງ​ເຂັ້ມງວດ​ຄວາມ​ປອດ​ໄພ​ບໍ່​ໃຫ້​ເກີດ​ເຫດ​ບໍ່​ຄາດ​ຝັນ ​ໂດຍ​ສະ​ເພາະ​ຫລັງ​ເກີດ​ເຫດ​ຜູ້​ສະໜັບສະໜູນ​ປະທານາທິບໍດີ ​ໂດ​ນັລ ທຣຳ ບຸ​ກອາຄານ​ລັດຖະສະພາ​ເມື່ອ​ວັນ​ທີ 6 ມັງກອນ​ຜ່ານ​ມາ. ຂະນະ​ດຽວ​ກັນ ຍັງ​ມີ​ສັນຍານ​ການ​ກໍ່​ຄວາມ​ບໍ່​ສະຫງົບ​ໃນ​ກຸ່ມ​ທີ່​ມີ​ແນວ​ຄິດ​ຈົງ​ຮັກ​ພັກດີ ​ເຊິ່ງທາງ​ການ​ອາ​ເມ​ລິ​ກາ​ໄດ້​ກະກຽມ​ເຈົ້າໜ້າ​ທີ່​ກອງ​ກຳລັງ​ພິທັກ​ຊາດ​ປະມານ 25.000 ຄົນ​ປະຈຳການ​ໃນ​ພິທີ​ໂດຍ​ສະ​ເພາະ.

- Wave100S AD to Website 2020 0 - ອາເມລິກາ ກຽມພ້ອມພິທີສາບານຮັບຕຳແໜ່ງຂອງ ໂຈ ໄບເດນ ໃຊ້ທຸງເປັນແສນແທນຊາວອາເມລິກາ ເຂັ້ມງວດຄວາມປອດໄພ
- WhatsApp Image 2020 05 27 at 5 - ອາເມລິກາ ກຽມພ້ອມພິທີສາບານຮັບຕຳແໜ່ງຂອງ ໂຈ ໄບເດນ ໃຊ້ທຸງເປັນແສນແທນຊາວອາເມລິກາ ເຂັ້ມງວດຄວາມປອດໄພ
error: Alert: ເນື້ອຫາຂ່າວມີລິຂະສິດ !!