ການເຂົ້າເຖິງການຮັກສາສຸຂະພາບຂອງແມ່ຍິງ ແລະ ໄວໜຸ່ມ ໄລຍະວິກິດ ໂຄວິດ-19 ຈະໄດ້ຮັບການແກ້ໄຂ

- 008 - ການເຂົ້າເຖິງການຮັກສາສຸຂະພາບຂອງແມ່ຍິງ ແລະ ໄວໜຸ່ມ ໄລຍະວິກິດ ໂຄວິດ-19 ຈະໄດ້ຮັບການແກ້ໄຂ
- Untitled design - ການເຂົ້າເຖິງການຮັກສາສຸຂະພາບຂອງແມ່ຍິງ ແລະ ໄວໜຸ່ມ ໄລຍະວິກິດ ໂຄວິດ-19 ຈະໄດ້ຮັບການແກ້ໄຂ

ເນື່ອງຈາກການລະບາດຂອງພະຍາດໂຄວິດ-19 ໄດ້ສົ່ງຜົນກະທົບຕໍ່ທຸກປະເທດໃນໂລກ, ລະ ບົບການຮັກສາສຸຂະພາບ ທີ່ບໍ່ໄດ້ຖືກອອກແບບມາ ເພື່ອຈັດການກັບສິ່ງທ້າທາຍດ້ານສຸຂະພາບຂະ   ໜາດໃຫຍ່ ທີ່ບໍ່ສາມາດຄາດຄະເນໄດ້, ອັນໄດ້ເຮັດໃຫ້ການເຂົ້າເຖິງ ການຮັກສາສຸຂະພາບຫລຸດລົງ, ໂດຍສະເພາະແມ່ນແມ່ຍິງ ແລະ ໄວໜຸ່ມ. ໃນນັ້ນຢູ່ລາວເຮົາ ຫາກທຽບໃສ່ໄຕມາດທຳອິດຂອງ ປີ 2019 ການເກີດລູກຢູ່ສຸກສາລາ ໄດ້ຫລຸດລົງ ຈາກ 27.911 ຄົນ ມາເປັນ 25.457 ຄົນ ໃນສາມເດືອນທຳອິດຂອງ ປີ 2020 ເນື່ອງຈາກພະນັກງານສາທາລະນະສຸກ ໄດ້ຖືກຈັດສັນໃໝ່ ແລະ ໄດ້ຮັບມອບ  ໝາຍໃຫ້ຊ່ວຍ ໃນການກວດຜູ້ອົບພະຍົບ ທີ່ກັບຄືນປະເທດເປັນຈຳນວນຫລວງຫລາຍ ຍ້ອນແນວນັ້ນຈຳນວນກິດຈະ ກຳໂຄສະນາເຜີຍແຜ່ສູ່ຊຸມຊົນຈຶ່ງຫລຸດລົງ.

UNFPA ໄດ້ສະໜັບສະໜູນ ກະຊວງສາທາລະນະສຸກ ໃນການອອກແບບການບໍລິການທາງດ້ານສຸຂະພາບທາງເພດ, ສຸຂະພາບຈະເລີນພັນ, ແມ່, ເດັກເກີດໃໝ່, ເດັກນ້ອຍ ແລະ ເຍົາວະຊົນໄວໜຸ່ມ ເພື່ອຫລຸດຜ່ອນການຢຸດຊະງັກ ຈຶ່ງໄດ້ສະເໜີ 3 ວິທີແກ້ໄຂດັ່ງນີ້: ເສີມສ້າງຄວາມປອດໄພຂອງສະຖານທີ່ ສາທາລະນະສຸກທີ່ມີຢູ່ແລ້ວ, ການປ່ຽນພາລະບົດບາດ ແລະ ຮູບແບບການບໍລິການແບບອື່ນ; ສະໜອງການບໍລິການຜ່ານໂທລະສັບມືຖື; ການໃຫ້ບໍລິການທາງໂທລະສັບ (tele-health) ໃນການຝຶກອົບຮົມ ແລະ ການສະໜອງການບໍລິການ.

- Wave100S AD to Website 2020 0 - ການເຂົ້າເຖິງການຮັກສາສຸຂະພາບຂອງແມ່ຍິງ ແລະ ໄວໜຸ່ມ ໄລຍະວິກິດ ໂຄວິດ-19 ຈະໄດ້ຮັບການແກ້ໄຂ

ປັດຈຸບັນ, ການໃຫ້ບໍລິການທາງໂທລະສັບ ໄດ້ຮັບການຕອບຮັບຢ່າງກວ້າງຂວາງ ຈາກຜູ້ໃຫ້ບໍ ລິການ ແລະ ລູກຄ້າ. ຄຳແນະນຳ ໄດ້ຖືກປັບໃຫ້ເຂົ້າກັບສະຖານະການໂຄວິດ-19 ລວມທັງການໃຫ້ບໍລິການທາງໂທລະສັບ ສຳລັບການຝາກທ້ອງ, ການດູແລຫລັງເກີດ ແລະ ການດູແລເດັກນ້ອຍທີ່ເຈັບປ່ວຍ, ເຊິ່ງໄດ້ເລີ່ມນຳໃຊ້ບໍລິການດັ່ງກ່າວ ຕັ້ງແຕ່ເດືອນຕຸລາ ປີ 2020ເປັນຕົ້ນມາ. ປັດຈຸບັນ ມີແມ່ຍິງ 79 ຄົນ ທີ່ໄດ້ຮັບຜົນປະໂຫຍດ ຈາກການໃຫ້ບໍລິການທາງໂທລະສັບ ໂດຍແຮງຈູງໃຈນີ້ ມີຜົນສະທ້ອນທີ່ເກີດໝາກຜົນແລ້ວ ໃນຊ່ວງເລີ່ມຕົ້ນຂອງການດຳເນີນການ ແລະ ຈະຊ່ວຍໃຫ້ ສາມາດຕິດຕໍ່ພົວພັນກັບແມ່, ເດັກນ້ອຍ ແລະ ໄວໜຸ່ມໄດ້ ໃນເວລາທີ່ການພົບປະກັນແບບໜ້າຕໍ່ໜ້າ ເປັນສິ່ງທີ່ທ້າທາຍຈາກວິກິດການໂຄວິດ-19 ຫລື ການບໍ່ສາມາດເຂົ້າເຖິງສຸກສາລາໄດ້. ນອກຈາກນີ້, ການບໍລິການ ທາງໂທລະສັບ ຍັງມີປະໂຫຍດຫລາຍ ສຳລັບຄົນເຈັບທີ່ໄດ້ຮັບການຊ່ວຍເຫລືອໂດຍກະທັນຫັນ ແລະ ການພັດທະນາທັກສະທີ່ກ່ຽວຂ້ອງ ເພື່ອໃຫ້ການບໍລິການທີ່ມີຄຸນນະພາບຫລາຍຂຶ້ນ; ພ້ອມດຽວກັນນັ້ນ ກໍເພື່ອຫລຸດຜ່ອນອັດຕາການຕາຍຂອງແມ່ ແລະ ເດັກເກີດໃໝ່ ພ້ອມທັງສາມາດເຂົ້າເຖິງແມ່ຍິງ ທີ່ອາໄສໃນສະພາບພູມສັນຖານ ທີ່ກະແຈກກະຈາຍກັນໄປ ຫລື ຜູ້ທີ່ຢູ່ເຂດຫ່າງໄກສອກຫລີກໄດ້ນຳອີກ.

- WhatsApp Image 2020 05 27 at 5 - ການເຂົ້າເຖິງການຮັກສາສຸຂະພາບຂອງແມ່ຍິງ ແລະ ໄວໜຸ່ມ ໄລຍະວິກິດ ໂຄວິດ-19 ຈະໄດ້ຮັບການແກ້ໄຂ
- WhatsApp Image 2020 05 27 at 5 - ການເຂົ້າເຖິງການຮັກສາສຸຂະພາບຂອງແມ່ຍິງ ແລະ ໄວໜຸ່ມ ໄລຍະວິກິດ ໂຄວິດ-19 ຈະໄດ້ຮັບການແກ້ໄຂ
error: Alert: ເນື້ອຫາຂ່າວມີລິຂະສິດ !!