ນະໂຍບາຍປະເທດມາກ່ອນເປັນອັນຕະລາຍ ຕໍ່ເປົ້າໝາຍພັດທະນາຂອງສະຫະປະຊາຊາດ

- advert banner 728 90 728x90 - ນະໂຍບາຍປະເທດມາກ່ອນເປັນອັນຕະລາຍ ຕໍ່ເປົ້າໝາຍພັດທະນາຂອງສະຫະປະຊາຊາດ

ນິວຢອກ 6 ກໍລະກົດ: ສະຫະ​ປະຊາ​ຊາດ (UN) ​ເຕືອນ​ວ່າ: ກະ​ແສ​ຊາດ​ນິຍົມ, ກະ​ແສ​ປົກ​ປ້ອງ​ທາງ​ການ​ຄ້າ ​ແລະ ທັດສະນະ​ຄະຕິ​ເລື່ອງ​ປະ​ເທດ​ມາ​ກ່ອນ ​ເປັນ​ອັນຕະລາຍ​ຕໍ່​ເປົ້າໝາຍ​ການ​ພັດທະນາ​ແບບ​ຍືນ​ຍົງ (SDG) ຂອງ UN ທີ່​ສະມາຊິກ 193 ປະ​ເທດ​ເຫັນ​ພ້ອມ​ໃຫ້​ເປັນ​ແບບຢ່າງ​ແກ້​ໄຂ​ບັນຫາ​ສຳຄັນ​ຂອງ​ໂລກ​ໃຫ້​ໄດ້​ພາຍ​ໃນ​ປີ 2020.

- new3 - ນະໂຍບາຍປະເທດມາກ່ອນເປັນອັນຕະລາຍ ຕໍ່ເປົ້າໝາຍພັດທະນາຂອງສະຫະປະຊາຊາດ

​ເຄືອ​ຂ່າຍ​ວິທີ​ການ​ພັດທະນາ​ແບບ​ຍືນ​ຍົງ (SDSN) ຮ່ວມ​ກັບ ​ແບຣ​ເທວສະມານ ຊາ​ທິບ​ທຸງ ມູນ​ນິທິ​ຢູ່​ເຢຍລະ​ມັນ ​ເຜີຍ​ແຜ່​ລາຍ​ງານ​ໃນ​ວັນ​ທີ 6 ກໍລະກົດ​ນີ້​ວ່າ: ກໍລະນີລັດຖະບານ​ຫລາຍ​ປະ​ເທດ​ຫັນ​ມາ​ໃຊ້​ນະ​ໂຍບາຍ​ປະ​ເທດ​ມາ​ກ່ອນ​ເປັນ​ອັນຕະລາຍ​ຕໍ່ SDG ​ເພາະ​ກະ​ແສ​ຊາດ​ນິຍົມ ​ແລະ ກະ​ແສ​ປົກ​ປ້ອງ​ທາງ​ການ​ຄ້າ ນອກຈາກ​ຈະ​ຂັດຂວາງ​ການ​ບັນລຸ SDG ​ແລ້ວ, ປະ​ເທດ​ອຸດສາຫະກຳ​ຍັງ​ບໍ່​ເປັນ​ແບບຢ່າງ​ທີ່​ດີ, ປະ​ເທດ​ຮັ່ງມີ​ແລ້ວ​ຍັງ​ຫ່າງ​ໄກ​ຈາກ​ການ​ບັນລຸ​ເປົ້າໝາ​ຍນີ້, ການ​ກະທຳ​ຂອງ​ແຕ່ລະ​ປະ​ເທດ​ມີ​ຜົນ​ກະທົບ​ສຳຄັນ​ໄປ​ເຖິງ​ການ​ວັດ​ແທກ​ຄວາມ​ກ້າວໜ້າ​ຂອງ​ປະ​ເທດ​ອື່ນ. ດັ່ງນັ້ນ ກຸ່ມ​ປະ​ເທດ​ເສດຖະກິດ​ຂະໜາດ​ໃຫຍ່ (G20) ທີ່​ຈະ​ເປີດ​ກອງ​ປະຊຸມ​ສຸດ​ຍອດ​ຢູ່​ເຢຍລະ​ມັນ ​ໃນ​ວັນ​ທີ 7 ກໍລະກົດ​ນີ້ ຈະ​ຕ້ອງ​ເລັ່ງ​ເຮັດ​ໃຫ້ການ​ພັດທະນາ​​ແບບ​ຍືນ​ຍົງ​ເປັນ​ເລື່ອງ​ທີ່​ເກີດ​ຂຶ້ນ​ແທ້ ທັງ​ໃນ ​ແລະ ນອກ​ກຸ່ມ. ຂະນະ​ດຽວ​ກັນ ທຸກ​ປະ​ເທດ​ຈະ​ຕ້ອງ​ເຮັດ​ໃຫ້ SDG ​ເປັນ​ສ່ວນ​ໜຶ່ງ​ໃນ​ຍຸດ​ທະ​ສາດ​ການ​ພັດທະນາ​ປະ​ເທດ ​ແລະ ຮັບຜິດຊອບ​ຜົນ​ການ​ກະທຳ​ຂອງ​ຕົນ​ເອງ​ທີ່​ມີ​ຕໍ່​ປະຊາ​ຄົມ​ໂລກ.

- lattana 1 - ນະໂຍບາຍປະເທດມາກ່ອນເປັນອັນຕະລາຍ ຕໍ່ເປົ້າໝາຍພັດທະນາຂອງສະຫະປະຊາຊາດ

ລາຍ​ງານ​ສະບັບ​ນີ້​ຈ​ັດ​ໃຫ້​ຊູ​ແອດ, ດານ​ມາກ, ​ແຟງ​ລັງ, ນອກ​ແວ ​ແລະ ​ເຊັກ​ເປັນ 5 ອັນ​ດັບ​ສູງ​ສຸດ​ໃນ 157 ປະ​ເທດ​ທີ່​ພະຍາຍາມ​ບັນລຸ SDG ​ເຊິ່ງມີ​ທັງ​ໝົດ 17 ​ເປົ້າໝາຍ​ຕົ້ນຕໍ ​ແລະ 169 ​ເປົ້າໝາຍ​ສຳຮອງ​ເຊັ່ນ: ຢຸດ​ຢັ້ງການ​ຕັດ​ໄມ້​ທຳລາຍ​ປ່າ, ຍົກ​ມາດຕະຖານ​ການ​ຄອງ​ຊີບ, ຫລຸດ​ອັດຕາ​ການ​ຕາຍ​ຂອງ​ເດັກ, ສົ່ງ​ເສີມ​ສັນຕິພາບ​ໂລກ. ປະ​ເທດ​ທີ່​ຕິດ​ອັນ​ດັບ​ຕໍ່າ​ສຸດ​ໄດ້​ແກ່​ອາ​ຟຣິກາ​ກາງ, ຊາດ ​ແລະ ກົງ​ໂກ. ຂະນະ​ທີ່​ສະຫະລັດ​ອາ​ເມ​ລິ​ກາ​ຢູ່​ອັນ​ດັບ​ທີ 42, ຣັດ​ເຊຍ​ອັນ​ດັບ​ທີ 62, ຈີນ​ອັນ​ດັບ​ທີ 71, ສ່ວນ​ປະ​ເທດ​ໃນ​ອາ​ຊຽນນັ້ນ ມາ​ເລ​ເຊຍ​ອັນ​ດັບ​ທີ 54, ​ໄທ​ອັນ​ດັບ​ທີ 55, ສິງກະ​ໂປ​ອັນ​ດັບ​ທີ 61, ຫວຽດນາມ​ອັນ​ດັບ​ທີ 68, ຟີ​ລິບ​ປິ​ນອັນ​ດັບ​ທີ 93, ອິນ​ໂດ​ເນ​ເຊຍ​ອັນ​ດັບ​ທີ 100, ສປປ ລາວ ອັນ​ດັບ​ທີ 107, ມຽນມາ​ອັນ​ດັບ​ທີ 110, ກຳປູ​ເຈຍ​ອັນ​ດັບ​ທີ 114, ສ່ວນ​ບຣູ​ໄນ​ບໍ່​ລວມຢູ່​ໃນ​ການຈັດ​ອັນ​ດັບ ​ເນື່ອງ​ຈາກ​ຂໍ້​ມູນ​ບໍ່​ພຽງພໍ.

error: Content is protected !!