ຫລາຍພາກສ່ວນປະກອບສ່ວນກອງປະຊຸມໃຫຍ່ຄັ້ງທີ XI ຂອງພັກ ລວມມູນຄ່າ 14,53 ຕື້ກີບ

- WhatsApp Image 2021 01 21 at 3 - ຫລາຍພາກສ່ວນປະກອບສ່ວນກອງປະຊຸມໃຫຍ່ຄັ້ງທີ XI ຂອງພັກ ລວມມູນຄ່າ 14,53 ຕື້ກີບ
- Untitled design - ຫລາຍພາກສ່ວນປະກອບສ່ວນກອງປະຊຸມໃຫຍ່ຄັ້ງທີ XI ຂອງພັກ ລວມມູນຄ່າ 14,53 ຕື້ກີບ

ໃນໂອກາດດຳເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກປະຊາຊົນປະຕິວັດລາວ ແລະ ເປັນການປະກອບສ່ວນອັນສຳຄັນເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ໃຫ້ບັນລຸຄາດໝາຍ ຊຶ່ງມີຫລາຍພາກສ່ວນທັງພາກລັດ ແລະ ພາກເອກະຊົນໄດ້ຊຸກຍູ້ວັດຖຸ ແລະ ປັດ​ໄຈຕ່າງໆ ລວມມູນຄ່າທັງໝົດ 14,53 ຕື້ກີບ, ໃນນັ້ນ ເປັນເງິນສົດ 14,28 ຕື້ກີບ.

ທ່ານ ບຸນໂຈມ ອຸບົນປະເສີດ ເລຂາຄະນະບໍລິຫານງານພັກກະຊວງການເງິນ, ທັງເປັນຫົວໜ້າອານຸກໍາມະການງົບປະມານຮັບໃຊ້ກອງປະຊຸມໃຫຍ່ຜູ້ແທນທົ່ວປະເທດຄັ້ງນີ້ ໃຫ້ຮູ້ວ່າ: ພຽງລະຫວ່າງວັນທີ 7-15 ມັງກອນຜ່ານມານີ້ ພາກສ່ວນຕ່າງໆໄດ້ໃຫ້ຄວາມສໍາຄັນຊຸກຍູ້ກອງປະຊຸມໃຫຍ່ດັ່ງກ່າວ ແລະ ທັງເປັນການປະກອບສ່ວນເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ໃຫ້ບັນລຸລະດັບຄາດໝາຍວາງໄວ້ເຊັ່ນ: ເຂດເສດຖະກິດພິເສດສາມຫຼ່ຽມຄໍາ ແລະ  ກຸ່ມບໍລິສັດ ດອກງິ້ວຄໍາ ຈໍາກັດ ປະກອບສ່ວນເປັນເງິນສົດ 1,3 ຕື້ກີບ, ບໍລິສັດ ເອັສທີ ກຣຸບ ແລະ ທະນາຄານ ເອັສທີ 1,2 ຕື້ກີບ, ບໍລິສັດ ລາວໂທລະຄົມມະນາຄົມ ມະຫາຊົນ 1,1 ຕື້ກີບ, ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າຈໍາກັດຜູ້ດຽວ 1 ຕື້ກີບ, ບໍລິສັດຈະເລີນເຊກອງ ພະລັງງານ ຈໍາກັດ 1 ຕື້ກີບ, ກຸ່ມບໍລິສັດ ພົງຊັບທະວີ ຈໍາກັດຜູ້ດຽວ 1 ຕື້ກີບ, ບໍລິສັດ ຫຼວງພະບາງພາວເວີ ຈໍາກັດ 1 ຕື້ກີບ, ກຸ່ມບໍລິສັດ ຄໍາໄພຊະນະ ຈໍາກັດຜູ້ດຽວ 1 ຕື້ກີບ, ກຸ່ມບໍລິສັດ ພົງສະຫວັນ 1 ຕື້ກີບ, ທະນາຄານ ຮ່ວມພັດທະນາ (JDB) 800 ລ້ານກີບ, ບໍລິສັດ ເບຍລາວ ຈໍາກັດ 596 ລ້ານກີບ(ເປັນເງິນສົດ 500 ລ້ານກີບ, ວັດຖຸ 96 ລ້ານກີບ), ບໍລິສັດ ພະລັງງານໄຟຟ້າຄວາມຮ້ອນເຊກອງ ຈໍາກັດ ”XTPPL” ບໍລິສັດໃນເຄືອຂອງກຸ່ມບໍລິສັດ ພອນສັກ ຈໍາກັດ 500 ລ້ານກີບ, ທະນາຄານ ແຫ່ງ ສປປ ລາວ 500 ລ້ານກີບ, ທະນາຄານການຄ້າຕ່າງປະເທດລາວ  500 ລ້ານກີບ, ບໍລິສັດ ລັດວິສາຫະກິດນໍ້າມັນເຊື້ອໄຟລາວ 500 ລ້ານກີບ, ບໍລິສັດ ລັດວິສາຫະກິດຫວຍພັດທະນາ 300 ລ້ານກີບ, ບໍລິສັດ ວັງຕັດຂຸດຄົ້ນບໍ່ແຮ່ 300 ລ້ານກີບ, ອົງຄະນະພັກນະຄອນຫຼວງວຽງຈັນ 150 ລ້ານກີບ, ກຸ່ມບໍລິສັດ ດາວເຮືອງມອບເປັນວັດຖຸມູນຄ່າ 120 ລ້ານກີບ, ທ່ານ ໄຊສົງຄາມ ວໍລະຈິດ ປະທານບໍລິສັດ ເອັສວີກຣຸບ ຈໍາກັດ 100 ລ້ານກີບ, ບໍລິສັດ ພັດທະນາສວນວັດທະນະທໍາລ້ານຊ້າງ 100 ລ້ານກີບ, ບໍລິສັດ ເພັດສະໝອນ ກໍ່ສ້າງ ເຄຫາສະຖານ ຂົວທາງ ຊົນລະປະທານ ຈໍາກັດຜູ້ດຽວ 100 ລ້ານກີບ, ກຸ່ມບໍລິສັດ ດີເອັມ ຈໍາກັດຜູ້ດຽວ 50 ລ້ານກີບ, ອົງຄະນະພັກແຂວງຈໍາປາສັກ 50 ລ້ານກີບ, ອົງຄະນະພັກແຂວງສາລະວັນ 30 ລ້ານກີບ, ອົງຄະນະພັກແຂວງອຸດົມໄຊ 30 ລ້ານກີບ, ອົງຄະນະພັກແຂວງສະຫວັນນະເຂດ 30 ລ້ານກີບ, ອົງຄະນະພັກແຂວງຊຽງຂວາງ 20 ລ້ານກີບ, ອົງຄະນະພັກແຂວງຫົວພັນ 20 ລ້ານກີບ, ອົງຄະນະພັກແຂວງເຊກອງ 20 ລ້ານກີບ, ອົງຄະນະພັກແຂວງໄຊຍະບູລີ 20 ລ້ານກີບ, ອົງຄະນະພັກແຂວງບໍ່ແກ້ວ 20 ລ້ານກີບ, ອົງຄະນະພັກແຂວງຫຼວງນໍ້າທາ 20 ລ້ານກີບ, ອົງຄະນະພັກແຂວງຜົ້ງສາລີ 20 ລ້ານກີບ.

- Wave100S AD to Website 2020 0 - ຫລາຍພາກສ່ວນປະກອບສ່ວນກອງປະຊຸມໃຫຍ່ຄັ້ງທີ XI ຂອງພັກ ລວມມູນຄ່າ 14,53 ຕື້ກີບ

ພ້ອມນີ້, ທ່ານ ບຸນໂຈມ ອຸບົນປະເສີດ ກໍໄດ້ຊີ້ແຈງຕື່ມຕໍ່ການນໍາໃຊ້ງົບປະມານຂອງລັດເຂົ້າໃນການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຢູ່ໃນຂອບເຂດທົ່ວປະເທດ ດ້ວຍການປະຢັດມັດທະຍັດ ແລະ ຂໍສະແດງຄວາມຂອບໃຈຮູ້ບຸນຄຸນມາຍັງພາກສ່ວນຕ່າງໆທີ່ໄດ້ໃຫ້ການປະກອບສ່ວນຊຸກຍູ້ອັນສຳຄັນໃນຄັ້ງນີ້.

- WhatsApp Image 2020 05 27 at 5 - ຫລາຍພາກສ່ວນປະກອບສ່ວນກອງປະຊຸມໃຫຍ່ຄັ້ງທີ XI ຂອງພັກ ລວມມູນຄ່າ 14,53 ຕື້ກີບ
- WhatsApp Image 2020 05 27 at 5 - ຫລາຍພາກສ່ວນປະກອບສ່ວນກອງປະຊຸມໃຫຍ່ຄັ້ງທີ XI ຂອງພັກ ລວມມູນຄ່າ 14,53 ຕື້ກີບ
error: Alert: ເນື້ອຫາຂ່າວມີລິຂະສິດ !!