ອາເມລິກາຂູ່ຕອບໂຕ້ທາງການທະຫານ ສປປ ເກົາຫລີ ຖ້າຈຳເປັນ

- advert banner 728 90 728x90 - ອາເມລິກາຂູ່ຕອບໂຕ້ທາງການທະຫານ ສປປ ເກົາຫລີ ຖ້າຈຳເປັນ

- 96810538 0a706c5d 25d7 4e8f a0f6 d1c800eb3b7f - ອາເມລິກາຂູ່ຕອບໂຕ້ທາງການທະຫານ ສປປ ເກົາຫລີ ຖ້າຈຳເປັນ

- new3 - ອາເມລິກາຂູ່ຕອບໂຕ້ທາງການທະຫານ ສປປ ເກົາຫລີ ຖ້າຈຳເປັນ

ອາ​ເມ​ລິ​ກາປະກາດ​ຈະ​ໃຊ້​ແນວທາງ​ການ​ທະຫານ​ທັງ​ໝົດ​ເພື່ອ​ປົກ​ປ້ອງ​ປະ​ເທດ ​ແລະ ພັນທະ​ມິດ​ຈາກ​ລູກ​ສອນ​ໄຟ​ຂ້າມ​ທະວີບ​ຂອງ ສປປ ​ເກົາຫລີ ຖ້າ​ມີ​ຄວາມ​ຈຳ​ເປັນ. ​ເຖິງ​ຢ່າງ​ໃດ​ກໍ​ຕາມ, ອາ​ເມ​ລິ​ກາ​ເບິ່ງ​ວ່າການ​ໃຊ້​ວິທີ​ການ​ກົດ​ດັນ​ທາງ​ການ​ຄ້າ​ຕໍ່ ສປປ ​ເກົາຫລີ ​ເປັນ​ທາງ​ເລືອກ​ທີ່​ດີກ​ວ່າ.

- lattana 1 - ອາເມລິກາຂູ່ຕອບໂຕ້ທາງການທະຫານ ສປປ ເກົາຫລີ ຖ້າຈຳເປັນ

ທ່ານ​ນາງ ນິກກີ ​ແຮ​ລີ ​ເອກ​ອັກຄະ​ລັດຖະທູດ​ອາ​ເມ​ລິ​ກາ ​ເຊິ່ງ​ໃຊ້​ຄຳ​ເວົ້າທີ່​ແຂງ​ແກ່ນ​ໃນ​ກອງ​ປະຊຸມ​ສຸກ​ເສີນ​ຂອງ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ ພາຍຫລັງ ສປປ ​ເກົາຫລີ ປະສົບ​ຜົນສຳ​ເລັດ​ໃນ​ການ​ທົດ​ລອງ​ຍິງ​ລູກ​ສອນ​ໄຟ​ຂ້າມ​ທະວີບ​ເມື່ອ​ມໍ່ໆ​ນີ້ ຖະ​ແຫລ​ງວ່າ: ​ໂລກ​ມີ​ອັນຕະລາຍ​ຫລາຍ​ຂຶ້ນ ​ແລະ ຈີນ​ເປັນ​ຜູ້​ມີ​ບົດບາດ​ສຳຄັນ​ໃນ​ການ​ສົ່ງ​ເສີມ​ສັນຕິພາບ. ທັງ​ນີ້​ຈີນ​ເປັນ​ປະ​ເທດ​ທີ່​ມີ​ອິດ​ທິພົນທາງ​ການ​ຄ້າ​ກັບ ສປປ ​ເກົາຫລີ ​ເຖິງ 90% ​ເຊິ່ງ​ເອກ​ອັກຄະ​ລັດຖະທູດ​ອາ​ເມ​ລິ​ກາ​ເຕືອນ​ວ່າ: ຈີນ​ສ່ຽງ​ຈະ​ໄດ້​ຮັບ​ຜົນ​ກະທົບ​ທາງ​ການ​ຄ້າ​ກັບ​ອາ​ເມ​ລິ​ກາ, ຖ້າ​ຍັງ​ເຮັດ​ທຸລະ​ກິດ​ກັບ ສປປ ​ເກົາຫລີ ​ເຊິ່ງຖື​ວ່າ​ຂັດ​ຕໍ່​ມະຕິ​ສະຫະ​ປະຊາ​ຊາດ​ທີ່​ມີ​ມາດ​ຕະການ​ຂວ້ຳບາດ ສປປ ​ເກົາຫລີ. ທ່ານ​ນາງ ​ແຮ​ລີ ກ່າວ​ວ່າ: ອາ​ເມ​ລິ​ກາ​ບໍ່​ໄດ້​ເປັນ​ຜູ້​ສ້າງ​ຄວາມ​ຂັດ​ແຍ່ງ ​ແລະ ຍັງ​ຕ້ອງການ​ຫລີກ​ເວັ້ນນຳ​ອີກ, ​ແຕ່​ການ​ຍິງ​ລູກ​ສອນ​ໄຟ​ຂ້າມ​ທະວີບ​ເປັນ​ສິ່ງ​ທີ່​ສະ​ແດງ​ການ​ຄຸກ​ຄາມ​ທາງ​ທະຫານ ​ເຊິ່ງອາ​ເມ​ລິ​ກາ​ໄດ້​ກຽມ​ພິຈາລະນາ​ທາງ​ເລືອກ​ໃນ​ການ​ໃຊ້​ກຳລັງ​ທະຫານ​ເພື່ອ​ປົກ​ປ້ອງ​ປະ​ເທດ ​ແລະ ພັນທະ​ມິດ​ຖ້າ​ມີ​ຄວາມ​ຈຳ​ເປັນ. ​ເຖິງ​ຢ່າງ​ໃດ​ກໍ​ຕາມ ​ເອກ​ອັກຄະ​ລັດຖະທູດ​ອາ​ເມ​ລິ​ກາ ກ່າວ​ວ່າ: ລັດຖະບານ​ປະທານ​າທິບໍດີ ​ໂດ​ນັນ ທຣຳ ບໍ່​ຕ້ອງການ​ຈະ​ເລືອກ​ໃຊ້​ວິທີ​ທາງ​ທະຫານ ​ແລະ ຕ້ອງການ​ໃຊ້​ມາດ​ຕະການ​ທາງ​ການ​ຄ້າ​ກົດ​ດັນ​ຫລາຍ​ກວ່າ.

error: Content is protected !!