ໄຟໄໝ້ໂຮງງານຜະລິດວັກຊີນໃຫຍ່ທີ່ສຸດໃນໂລກຂອງອິນເດຍ ກຳມະກອນເສຍຊີວິດ 5 ຄົນ

- 141414 - ໄຟໄໝ້ໂຮງງານຜະລິດວັກຊີນໃຫຍ່ທີ່ສຸດໃນໂລກຂອງອິນເດຍ ກຳມະກອນເສຍຊີວິດ 5 ຄົນ
- Untitled design - ໄຟໄໝ້ໂຮງງານຜະລິດວັກຊີນໃຫຍ່ທີ່ສຸດໃນໂລກຂອງອິນເດຍ ກຳມະກອນເສຍຊີວິດ 5 ຄົນ

ວັນ​ທີ 21 ມັງກອນ 2021, ສຳນັກ​ຂ່າວ AI Jazeera ລາຍ​ງານ​ເຫດ​ໄຟ​ໄໝ້​ຢູ່​ສະ​ຖາ​ບັນ Serum Institute of India ​ເຊິ່ງ​ເປັນ​ຜູ້​ຜະລິດ​ວັກ​ຊີ​ນ​ໃຫຍ່​ທີ່​ສຸດ​ຂອງ​ໂລກ, ຫລ້າ​ສຸດ​ສາມາດ​ຄວບ​ຄຸມ​ໄຟ​ໄດ້​ແລ້ວ ​ໂດຍ​ມີ​ກຳມະກອນ​ເສຍ​ຊີວິດ 5 ຄົນ ຢູ່​ຈຸດ​ເກີດ​ເຫດ.

ສະຖານ​ທີ່​ແຫ່ງ​ນີ້​ເປັນ​ແຫ​ລ່ງຜະລິດ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ທີ່​ພັດທະນາ​ຮ່ວມ​ກັນ​ໂດຍ AstraZeneca ​ແລະ ມະຫາວິທະຍາ​ໄລ Oxford ​ເປັນ​ຫລັກ​ລ້ານ​ໂດ​ສ ​ໂດຍ​ມີ​ການ​ຢືນຢັນ​ຈາກ​ທາງ​ການ​ວ່າ​ວັກ​ຊີ​ນ​ໂຄ​ວິດ-19 ທັງ​ໝົດ​ປອດ​ໄພ.

ຫລັງ​ຈາກ​ເປ​ວ​ໄຟ​ເລີ່​ມກໍ່​ຕົວ​ຂຶ້ນ ​ໄດ້​ມີ​ການ​ສົ່ງ​ລົດ​ມອດ​ໄຟ 5 ຄັນ​ເຂົ້າ​ໄປ​ໃນ​ບໍລິ​ເວນ​ໂຮງງານ ກ່ອນ​ໜ່ວຍ​ກູ້​ໄພ​ສາມາດ​ຊ່ວຍ​ເຫລືອ​ກຳມະກອນ​ໄດ້ 6 ຄົນ. ​ເບື້ອງຕົ້ນຄາດ​ວ່າ​ສາ​ເຫດ​ຂອງ​ໄຟ​ໄໝ້​ຄັ້ງນີ້ ​ເກີດ​ຈາກ​ໄຟຟ້າ​ລັດ​ວົງ​ຈອນ, ​ແຕ່​ຕ້ອງ​ມີ​ການ​ສອບ​ສວນ​ເພີ່ມ​ຕໍ່​ໄປ.

- Wave100S AD to Website 2020 0 - ໄຟໄໝ້ໂຮງງານຜະລິດວັກຊີນໃຫຍ່ທີ່ສຸດໃນໂລກຂອງອິນເດຍ ກຳມະກອນເສຍຊີວິດ 5 ຄົນ

ສະ​ຖາ​ບັນ​ດັ່ງກ່າວ​ຖື​ເປັນ​ແຫ​ລ່ງຜະລິດ​ວັກ​ຊີ​ນ​ແຫ່ງ​ສຳຄັນ​ທີ່​ຈະ​ນຳ​ມາ​ໃຊ້​ທົ່ວ​ປະ​ເທດ ​ແລະ ສົ່ງ​ອອກ​ໄປ​ອີກ​ຫລາຍ​ປະ​ເທດ. ຫລ້າ​ສຸດ​ໄດ້​ມີ​ການ​ສົ່ງ​ວັກ​ຊີ​ນຊຸດ​ທຳ​ອິດ​ໄປ​ພູ​ຖານ ​ແລະ ມັລດິບ​ແລ້ວ​ໃນ​ວັນ​ທີ 20 ມັງກອນ​ຜ່ານ​ມາ ​ແລະ ສົ່ງ​ອອກ​ໄປ​ບັງ​ກະລາ​ເທດ 2 ລ້ານ​ໂດ​ສ ​ແລະ ​ເນ​ປານ​ອີກ 1 ລ້ານ​ໂດ​ສ ​ໃນ​ເຊົ້າມື້ນີ້.

- WhatsApp Image 2020 05 27 at 5 - ໄຟໄໝ້ໂຮງງານຜະລິດວັກຊີນໃຫຍ່ທີ່ສຸດໃນໂລກຂອງອິນເດຍ ກຳມະກອນເສຍຊີວິດ 5 ຄົນ
- WhatsApp Image 2020 05 27 at 5 - ໄຟໄໝ້ໂຮງງານຜະລິດວັກຊີນໃຫຍ່ທີ່ສຸດໃນໂລກຂອງອິນເດຍ ກຳມະກອນເສຍຊີວິດ 5 ຄົນ
error: Alert: ເນື້ອຫາຂ່າວມີລິຂະສິດ !!